ސީޕީ މުހައްމަދު ހަމީދު: ކުޑަކުއްޖަކު ރޭޕްކުރި މީހަކު 40 އަހަރަށް ޖަލަށްލާން ހުކުމްކޮށްފައި ވަނީ އިއްޔެ-- ފޮޓޯ: ނިޝާން އަލީ/ މިހާރު
19 ޖެނުއަރީ 2023 - 23:30
28 comments
ލ. އަތޮޅުގައި ކުޑަކުއްޖަކު ރޭޕްކުރި މީހެއްގެ މައްޗަށް ކުށް ސާބިތުކުރެވުނީ އެ އަތޮޅު ގަމު، ސީނިއާ ސާޖެންޓް ހުސެއިން އާދިލް އިސްވެ ހުރެ ހިންގި ފެންވަރު ރަނގަޅު ތަހުގީގުގެ ސަބަބުން ކަމަށް ވިދާޅުވެ ޕޮލިސް ކޮމިޝަނަރު މުހައްމަދު ހަމީދު ތައުރީފު ކުރައްވައިފި އެވެ.
ލ. ކަލައިދޫ މާކަރީލައިޓް މުހައްމަދު ޝަޒްލީފް މައްޗަށް 40 އަހަރުގެ ޖަލު ހުކުމް އައީ ޖެނުއަރީ 2018 ގައި އެ ރަށު ވަލުތެރެއަށް އުމުރުން 17 އަހަރުގެ އަންހެން ކުއްޖަކު ގެންގޮސް އެ ކުއްޖާ ރޭޕްކޮށް އަދި އެ މަންޒަރު ވީޑިއޯ ރެކޯޑްކުރި މައްސަލައިގަ އެވެ.
ޝަފްލީޒްގެ މައްޗަށް އިއްޔެ ކުށް ސާބިތުވީ އޭނާގެ މައްޗަށް ކުރި ދެ ދައުވާ ވެސް ސާބިތުވުމުންނެވެ. އެއީ ރޭޕްގެ ދައުވާ އާއި ކުޑަކުއްޖަކު މެދުވެރިކޮށްގެން އޮރިޔާން ކާޑު އުފެއްދުމުގެ ދައުވާ އެވެ.
ކޮންމެ ދައުވާއެއްގައި ވެސް ކޯޓުން ކަނޑައެޅީ 20 އަހަރަށް ޖަލަށްލުމަށެވެ. އެކަމަކު ޝަޒްލީފް ބަންދުގައި ދެ އަހަރާއި 1 މަސް ހޭދަކޮށްފައިވާތީ ހުކުމުގެ މުއްދަތުގެ އެ ބައި އުނިކުރަން ޖެހޭނެ އެވެ.
ސީޕީ ކުރެއްވި ޓްވީޓެއްގައި ވިދާޅުވީ ކުށް ސާބިތުވެ ކުރި ހުކުމަކީ ހުސެއިން އާދިލް އިސްވެ ހިންގި ރަނގަޅު ތަހުގީގުގެ ނަތީޖާ ކަމަށެވެ.
I just congratulated Senior Sergeant Hassan Adil from Laamu Gan Police for his excellent investigative work that gave 40 years imprisonment for child sexual offender Mohamed Shazleef of L. Kalaidhoo. This demonstrates the strong police response to violence against women & girls.
— Mohamed Hameed (@M_Hameedh) January 19, 2023
އޭނާ ވިދާޅުވީ މި މައްސަލައިން، ކުޑަކުދިންނާއި އަންހެނުންނަށް ރައްކާތެރިކަން ކަށަވަރުކޮށްދޭން ފުލުހުން ކުރާ މުހިންމު މަސައްކަތް އަންގައިދޭ ކަމަށެވެ. އެފަދަ ކުށްތައް ކުރާ މީހުން އިންސާފުގެ ކުރިމައްޗަށް ގެންނަން ކުރެވެން ހުރި ހުރިހާ ކަމެއް ކުރާނެ ކަމަށް ވެސް ސީޕީ ވިދާޅުވި އެވެ.
ކުޑަކުދިންނާ ގުޅުން ހުންނަ މިފަދަ މައްސަލަތައް ތަހުގީގު ކުރަނީ ފުލުހުންގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމެންޓާއި ހާދިސާ ހިނގި އަތޮޅުގެ ފުލުހުން ގުޅިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެންޑި
21 January 2023
ތިއޮ ކަހަލެ މޮޅު ޕޮލިހަކު ލައްވަ ރޮޔަލް ސަފާރީ ރޭޕު މައްސަޔަ ބަލާބަޔަ. ރޭޕިސްޓު އެހުރީ ދޫވެފަ މަގުމަތީ ކަލޯ
އިސްމާލި
20 January 2023
ނޫން. ނޫން. މައްސަލަ ކާމިޔާބުވީ ތަހުގީގު މޮޅުވެގެނެއް ނޫން. ޢ ކުއް ކުރި މީހާއަކީ ސިޔާސީ ގޮތުން އޮއްޓަރު ހުރި މީހަަކަށް ނުވުން. އަދި ސިޔާސީ މީހަކާއި ގުޅުމެއް ނެތުން.
އިންނަ
20 January 2023
ސަފާރީރޭޕު މައްސަޔަ ކޮބަ އެމްސީ؟
ފަންސުރު
20 January 2023
ދޫނިރާއްޖޭގާ އުންސުރު ހަމަނުވާ މައްސަލަތަކުގެ އެންމެ މަތި ދަރަޖަގެ މައްސަލެއް އެއީ ކެކެކެ
ކަމަކުނުދޭސް
20 January 2023
ކަލޭމެނަށް ކުރެވޭނެ އިތުބާރެއް ނެތް. ޑްރްގް، މާރާމާރީ، ގޭންގްތައް ނުހުއްޓުވުނު. ދުވާލަކު ޓާސްކް ފޯހެއް ސްޓްރެޓަޖީއެއް ހުޅުވުމުގެ ރަސްމިއްޔާތު އެކަނި ބޭއްވެނީ
ހެޔޮ ކަމުނުދިޔަސް
21 January 2023
ދަންނަވަންތޯ ވާހަކައެއް! އެއްވެސް ކަމެއް އެއްވެސް ބަޔަކަށް ނުހުއްޓުވޭނެ. ދުނިޔެ އޮތްހާ ހިނދަކު ކުށްކުރާ މީހުން ކުށްކުރާނެ، ނަމަވެސް އެކަންކަން މަދުކުރުމަށް މަސައްކަތް ކުރެވިދާނެ. ހުއްޓުވޭނެ ފޯމިއުލާއެއް ނުނެރެވޭނެ. އަނެއްކަމަކީ، ދިވެހިރާއްޖޭގަ އަދުލުގެ ނިޒާމް އޮތް ގޮތް. ފުލުހުން ބޭނުންވިޔަސް ކުށްކުރާ މީހުން އެމީހުން ބޭނުންހާ ދުވަހަކަށްވެސް ނުހިފެހެއްޓޭނެ، އެކަމަށް ތިބޭފުޅާވެސް އެއްބަހެއް ނުވާނެ. ހަމަގެރޭ
ސަމޭދާ
20 January 2023
އޮޅިއްޖެ މިހާރު، ޚަބަރަކީ ފުލުހަކު މޮޅުތަހުގީގެއްކުރުންބާ؟ ނޫނީ ސީޕީ އޭނަ ކުރިތަހުގީގު މޮޅޭބުނުންބާ؟ ފަހުގެ ސަބަބުނަމަ ސީޕީއަކީ ހާދަ ގޯސް މީހެކެވެ. އޭގެ މާނައަކީ ސީޕީ އަކީ ފުލުހުންކުރާ ރަގަޅުކަންތައް އެޕްރިޝިއޭޓްނުކުރާމީހެކޭ ބުނުމެވެ. ޢެޕްރިޝިއޭޓްކުރުން ޚަބަރަކަށް ވާނީ އެހެންވީމައެވެ.
LaamuonlineDOTcom
20 January 2023
ޖެނުއަރީ 2018 ގައި ހިނގިކަމެއް، މިހާރުމީ 2023 ޖެނުއަރީ ހެހެ، ތިއީ އިންސާފުލިބުމެއްނޫން، ގިނަފަހަރު މިގޮތައް ލަސްކުރަނީ ކޯޓުމަރުހަލާގަ، ފުލުހުންނެއްނޫން!! ލިޔުމުގައި ބުނެފައިވަނީ މިކަންކުރި ފަރާތް ބަންދުގައި ދެ އަހަރާއި 1 މަސް ހޭދަކޮށްފައިވާކަމަށް މާނައަކީ ގާތްގަނޑަކަށް 3 އަހަރު މިޢަމަލު ހިންގިފަރާތް ހުރީ މިނިވަންކަމާއެކު މުޖުތަމަޢުގަ ދޫވެފައޭ!! މީތޯ އިންސާފަކީ؟
ރަށު ޖަރީމަ
20 January 2023
ނަރުސް މަރާލި ލަމުހާ އަ ރޯޔަލު ރޭޕިސްޓުގެ މައްޗައް ކުއް ސާބިތުވާނެ އެއް ގޮތްވެސް ނޮންނާނެ ތަމެންނޭ
ނޭފަރުމޯޑު
20 January 2023
ފާދިއްޕޮޅު ރަށެއްގެ ރޮޔަލު އައުލާދެެއްގެ ބައެކޮ މައްސަލައޮތީ ޕާކިން ޒޯނުގޭ ކަލޯ
ރުހާމު
20 January 2023
ތިއެ ހުސް ސޯލިހު އާއިލާމީހުން
ބަބުރުކޮއި
20 January 2023
ބަޔަކު އަތް ނުބާނާ ނަމަ ހުރިހާ ތަހުގީގެއްވެސް ދަަނީ ރަނގަޅަށް ކަމަށް ބުނެވޭނީ. އަތްނުބާނާ މަދު އެއްޗެއް މި ހުންނަނީ.
ތުނޑުހަސަނު
20 January 2023
ވަރަށް ރަނގަޅު ވާހަކައެއް.
ދިއްދޫމީހާ
20 January 2023
ސަފާރީ ރޯޔަލް ރޭޕް ކޭސް ކޮންތާކުތޯވީ؟ ހުސެއިން އާދިލް ގެންނަން ވީނުންތޯ ރޯޔަލް ރޭޕް ކޭސް ތަހްޤީގްކުރަން
ޒުރާރު
20 January 2023
ރޭޕިސްޓުގެ ހައްގު ބޮޑުކަމުން ތިއާކަން ވާކައްނެތް ކަލޯ
ވަކީލު
21 January 2023
އަހުރެން ޕުރޮބޯނޮކޮށް ތިއާ މައްސަލަ ތަހުޤީޤު ކޮށްދިފާނަން
ޔޯގީ ޕަކެޓު
20 January 2023
ލ އަތޮޅު މައްސަލަ ބެލިލެއް ރަނގަޅު ކަމުން ތައުރިފު ކޫލައިރު ހުލުމާލޭ ފެރީ ރޭޕްކޭހަށް ހައްޕު ކިޔައިގެން