ނަޝީދުގެ ޖަލްސާ ކުރުކޮށްލީ ނުރައްކަލެއް އޮވެގެން ނޫން: ޕޮލިސް

ނަޝީދު މިރޭގެ ޖަލްސާއަށް ވަޑައިގަންނަވަނީ: ޖަލްސާ ކުރުކޮށްލުމަށްފަހު އެމަނިކުފާނު ވަޑައިގަތީ ސަލާމަތީ ސަބަބެއް އޮވެގެން ނޫން ކަމަށް ފުލުހުން ބުނޭ --- މިހާރު ފޮޓޯ/ފަޔާޒް މޫސާ

މުއިއްޒު އިބްރާހިމް، މިހާރު

26 ޖެނުއަރީ 2023 - 23:35

19 comments

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ޕްރައިމަރީގެ ކެމްޕެއިން ނިންމަން މިރޭ މާލޭގައި ބޭއްވި ޖަލްސާ ކުރުކޮށްލުމަށްފަހު އެމަނިކުފާނު އެ ސަރަހައްދުން ވަޑައިގަތީ ސަލާމަތީ ނުރައްކަލެއް އޮވެގެން ނޫން ކަމަށް ފުލުހުން ބުނެފި އެވެ.

އަންނަ ހޮނިހިރު ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ނަޝީދުގެ ކެމްޕެއިން ނިންމަން މިރޭ ބޭއްވި ޖަލްސާގައި އެމަނިކުފާނުގެ ވާހަކަފުޅަށްފަހު ޖަލްސާ ނިންމާލައިި، ވަގުތުން އެ ސަރަހައްދު ދޫކުރައްވައި އެމަނިކުފާނު ވަނީ ވަޑައިގެންފަ އެވެ.

ގިނަ އަދަދެއްގެ ސަޕޯޓަރުން ތިއްބާ ކުއްލި ގޮތަކަށް ނަޝީދު އެ ސަރަހައްދުން ސެކިއުރިޓީންނާ އެކު ވަޑައިގަތުމުން ސަލާމަތީ ގޮތުން ޖަލްސާ ކުރުކޮށްލީ ކަމަށް ބައެއް މީޑިއާތަކުން ރިޕޯޓްކުރި އެވެ. އެކަމާ ގުޅިގެން ފުލުހުން ބުނީ އެފަދަ ސަބަބެއް ނެތްކަން އެމްއެންޑީއެފްގެ ފަރާތުން ކަށަވަރުކޮށްދިން ކަމަށެވެ.

ފުލުހުން ބުނިގޮތުގައި ނަޝީދުގެ ފުރާނައަށް ނުރައްކަލެއް ކުރިމަތިކުރަން އުޅޭކަމުގެ މައުލޫމާތެއް ފުލުހުންނަށް އަދި އެމްއެންޑީއެފްއަށް ވެސް ލިބިފައެއް ނުވެ އެވެ. އަދި މީޑިއާތަކުން އެކަން ރިޕޯޓްކުރީ ފުލުހުންގެ ބަހެއް ނުހޯދާ ކަމަށް ފުލުހުން ބުންޏެވެ.

ނަޝީދުގެ ކެމްޕޭން ޖަލްސާ ކުއްލިގޮތަކަށް ނިންމާލި ސަބަބާ މެދު ސުވާލު އުފައްދަމުންދިޔަސް އެމަނިކުފާނުގެ ކެމްޕޭން ޓީމުން ވެސް ބުނީ މިރެއަށް ޖަލްސާ ރާވާފައި އޮތީ އެގޮތަށް ކަމަށެވެ. އެއީ ކުރުކޮށް، ތަފާތު މެސެޖްތަކަކުން ނިންމާލުން ކަމަށެވެ. ކެމްޕޭންގެ އެންމެ ފަހު ހަރަކާތަކީ މާދަމާ ހަވީރު އޮންނަ ހިނގާލުން ކަމަށް ވެސް އެ ޓީމުން ބުންޏެވެ.

ނަޝީދަށް އަމާޒުކޮށް 2021 ވަނަ އަހަރު ދިން ޓެރަރިސްޓް ހަމަލާއަށްފަހު އެމަނިކުފާނުގެ ސެކިއުރިޓީ ވަނީ ވަރަށް ވަރުގަދަކޮށްފަ އެވެ. އެގޮތުން މިރޭގެ ޖަލްސާގައި ވެސް ގިނަ އަދަދެއްގެ ސެކިއުރިޓީން އެމަނިކުފާނާ އެކު ހަރަކާތްތެރިވި އެވެ. އަދި ޖަލްސާއަށް ސަޕޯޓަރުން ވެއްދީ ވެސް ސެކިއުރިޓީން ޗެކް ކުރުމަށްފަހު އެވެ.

ރައީސް މުހައްމަދު ނަޝީދު ފުލުހުން ޓެރަރިޒަމް އެމްއެންޑީއެފް

19 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިމްޕަތީ ސްޓަންޓް

28 January 2023

ސިޔާސީ މީހުންގެ ސިމްޕަތީ ސްޓަންޓް ޢައް ރިއެއްކްޓު ނުކުރަން އަހަރެމެން ދަސްކުރަން ވެއްޖެ. ޙިތާހިތުގެ ގުލުމޭކިޔައުގެން ކުރާހުރިހާ ކަންކަމަކީ ހެޔޮނޮޔަތުން ކުރާކަންކަން ނޫންކަންކަން ކަމައް އިގޭވަރައް އެބަ ތަސައްރަފު ފުދެންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންބަޅިރައްޔިތު

27 January 2023

ހިލޭ ކޮފީ ބޮވޭގޮތަށް މަޖިލީހުން ފާސްކޮށްލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުޓަންޓެއްތޭ

27 January 2023

އެއީ ވޯޓު އިތުރުކުރަން ޖެހި ސިމްޕަތީ ސްޓަންޓެއް. ފޭކު މެސެޖުވެސް ބެލެވެނީ އޭގެ ބޮޅެއް ކަމަށް. މީގެ ހެއްވާކަމަކީ ފޯނު ގެއްލުނު ވާހަކައާއި މެސެޖުވެސް މިއައީ އެއްމަސްދަރެއް މެދުވެރިވެގެންކަމަށް ވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

27 January 2023

ދެން ކީއްވެބާ؟ ފެބްފުއަރީ 7 އެއް އަންނަކަން ކުރިއަށް އެނގުނުބާ؟ މިދިޔަ ރޯދަމަހު ނަޝީދު އާއި 100 ފޫޓް ގެ ރޭޑިއަސް އަކުން އެދިން ޙަމަލާވެސް ކުރިއަކަށް ނޭނގުނެއް ނޫންތޯ! ބައެއް ވަޒީރުންނާއި އެކު ހަތިޔާރު އެޅި ސިފައިން ޙަރަކާތްތެރިވާން ޖެހުނު ވެރިކަމެއް މިނޫނީ އަދި ނާދޭ! ވަޒީރުންގޭ ދޮރުމަތީވެސް ހަތިޔާރު އެޅި އެތަކެއް ސިފައިންނާއި ފުލުހުން ތިބެން ޖެހޭނީ ހަމަ ގައިމުވެސް މިހާރުގެ މުޖުތަމަޢަކީ އަމާންތަނަކަށް ވާތީ އެއް ނޫން! މުޅި މިޤައުމުގަ ބިރުވެރިކަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

27 January 2023

މިގައުމުގެ ވެރިން އިސްލާހުވާނީ އާއްމު ރައްޔިތުން އިސްލާހުވެގެން. ދައުރެއް ނިމިގެންދާއިރު ވައުދުވި އެއްކަމެއްވެސް ނުވެ މިހުރީ. ކުޑަކުޑަ މިސާލެއް. ހުޅުމާލެ ފޭސް 2 ހިއްކާފަ އޮތް ބިމަކުން 4 އަހަރުތެރޭ ގޯތި ކަނޑާ ނުދެވުމަކީ ފެއިލިއަރއެއް، 4 އަހަރުން ޚިޔާނާތެއް ނުބެލުނު، ސްކޫލެއް ނޭޅުނު، ފްލެޓެއް ނޭޅުނު، މަގެއް ނުހެދުނު، މިވަރުވީމާ ދިވެހިން ސަނާ ކިޔަން ނުކުތީމާ ވެރިންނަށްވެސް އޮޅޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

27 January 2023

އެމްއެމްޕީއާރުސީން ގެއްލުނު ބިލިޔަންތަކުން އެންމެ ރުފިޔާއެއްގެ މިންވަރުވެސް ދައުލަތުގެ ބަޖެޓަށް އަނބުރާ ނުވެއްދުނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައުދީ

27 January 2023

ހެސްކިޔާފަ ޕީޕީއެމް މީހުންގެ މެދުގަ ހުރުމަކީ ނަޝީދަށް ކުޑަ ނުރައްކަލެއް ނޫން. ކުއްލިއަކަށް ނަމަވެސް ނަޝީދަށް އެކަން ވިސްނިވަޑައިގަތްކަން ނަސީބު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮއްސެނީ

27 January 2023

ސުޓަނިން ސުޓަންޓު މޭން ކިޔާ ފިލްމެއް ކުޅެން ރައީސު ނަސީދު ރަނގަޅުވާނެ ޝަހާރުކުމެން ސަމްމާނުމެން ރިތިކުމެން ނުވާނެ ހުވަދަކަށް ވެސް ފިލްމީދުނީޔެ އޭރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ.ކަނަމަދުބޯކިބާ

27 January 2023

ދޮންކަލޯ ކޮންމެވެސް އެއްބަހަކުން ރީތިކޮށް ލިޔަން ކިޔަން ދަސްކޮށްބަލަ.. ދިވެހިބަހުން ލިޔަން ކިޔަން ދަސްކުރިޔަސް ރަގަޅުވާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު.....

27 January 2023

ފުރަތަމަ ފޮނުވަންފެށި މެސެޖުއިން ފެށިގެން އެގެންފެށި ތިޑުރާމާތިގޮތަށް ކުޅޭނެކަން، އަދި ތިކަހަލަ އެތަށް ބިރުވެރި ޑުރާމާތަކެއް ފެންނާނެހެން ހީވަނީ، ނުހޮވޭނެކަން ކަށަވަރުވީމަ ދެން ޑުރާމާ ފެއްޓީ...