ރާއްޖެ އައި ޓޫރިސްޓުންތަކެއް އެއާޕޯޓުގެ އެރައިވަލް ހޯލުން ނުކުންނަނީ: ގިނަ އަދަދެއްގެ ޑޮލަރުތަކަކާއެކު ފުރަން އުޅެނިކޮށް ހިފެހެއްޓި ބިދޭސީ މީހާ ކޯޓުން ވަނީ ދޫކޮށްލާފައި. ފޮޓޯ: ނިޝާން އަލީ /މިހާރު
17 ޖެނުއަރީ 2017 - 12:09
7 comments
ގިނަ އަދަދެއްގެ ޑޮލަރުތަކަކާއެކު ރާއްޖެ އިން ބޭރަށް ފުރަން އުޅެނިކޮށް ހައްޔަރުކުރި ބިދޭސީ މީހާ ކްރިމިނަލް ކޯޓުން ދޫކޮށްލައިފި އެވެ.
ފުލުހުންގެ މީޑިއާ އޮފިޝަލަކު މިއަދު ވިދާޅުވީ ވެލާނާ އިންޓަނޭޝަނަލް އެއާޕޯޓުން ހައްޔަރު ކުރި ބަނގްލަދޭޝްގެ އެ މީހާ ދޫކޮށްލިޔަސް މައްސަލަ ތަހުގީގު ކުރަމުން އަންނަ ކަމަށެވެ.
އެނގިފައިވާ ގޮތުގައި އެ މީހާ ދޫކޮށްލީ ބަންދުގެ މުއްދަތާ މެދު ގޮތެއް ނިންމުމަށް ކޯޓަށް ހާޒިރު ކުރުމުން، އެ މީހާ ބަންދުގައި ބަހައްޓަން ނުފެންނަ ކަމަށް ކޯޓުން ނިންމުމުންނެވެ.
ބިދޭސީ މީހާ ހައްޔަރުކުރީ 86،255 ޑޮލަރު (1.3 މިލިއަން ރުފިޔާ) އާއި 2،400 ޔޫރޯ (38،000 ރުފިޔާ) އާއި 2،400 ދިވެހި ރުފިޔާއާ އެކު ފުރަން އުޅެނިކޮށެވެ. އެކަމަކު އޭނާ ފުރަން އުޅުނީ ކޮން ގައުމަކަށް ކަމެއް ސާފެއް ނުވެ އެވެ. އަދި އަތުލައިގަތް މި ފައިސާތަކަށް ހެދީ ކިހިނެއް ކަމެއް ފުލުހުން ނުބުނެ އެވެ.
މަރުކަޒީ ބޭންކު އެމްއެމްއޭގެ ގަވާއިދު ބުނާ ގޮތުން 30،000 ޑޮލަރު ނުވަތަ އެ އަށް ވުރެ ގިނަ އަދަދެއްގެ ބޭރު ފައިސާ ރާއްޖެ އެތެރެ ކުރާ ނަމަ ނުވަތަ ރާއްޖެ އިން ބޭރަށް ގެންދާ ނަމަ މޯލްޑިވްސް ކަސްޓަމްސް ސާވިސް އަށް އެކަން ރިޕޯޓް ކުރަން ޖެހެ އެވެ.
މީގެ ކުރިން ވެސް ގިނަ އަދަދެއްގެ ޑޮލަރާ އެކު ފުރަން އުޅެނިކޮށް ބަނގްލަދޭޝްްގެ މީހަކު ހައްޔަރުކުރި ކަމަށް އެނގިފައިވެ އެވެ. އެކަމަކު އޭނާ މިހާރު ވަނީ ދޫކޮށްލައިފަ އެވެ.
މަނީ ލޯންޑްރިންގެ ގާނޫނު ބުނާ ގޮތުން އެފަދަ ފައިސާއާ ބެހޭ ގޮތުން ސުވާލު ކުރެވޭ ހިނދު، އެއީ ކިހިނެއް ކޮން ގޮތަކަށް ލިބުނު އެއްޗެއް ކަން ސާބިތުކޮށް ދިނުމަކީ އެ ފައިސާ ގެންގުޅުނު ފަރާތުގެ ޒިންމާއެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢައްޑޫ ކުއްދާ
17 January 2017
ޓިކެޓްގަ ނެތްބާ އޭނާ ދާ ތަނެއް ގައުމެއްގެ ނަމެއް. ޢަހުން ޓިކެޓެއް ނުދެކޭތާ ވަަށް ދުވަސް ވެއްޖެ ކުރީގަ ދޫކުރާ ޓިކެޓްގަ ލިޔެފަ އޮވޭ .
އަބޫމައުބުދު
17 January 2017
ކުރީފަހަރު ހައްޔަރުކުރި މީހާ ދޫކޮށްލީ ކޯޓުން އަމުރުހޯދައިގެންތޯ؟ އެހާބައިވަރު ފައިސާއާއި އެކު ފުލުހުން މީހާނަގާފައި އެމީހާ ދޫކޮށްމިލަނީ ކީއްވެބާ؟ އަދި ދޫކޮށްލާފަހުން ފައިސާއަށްވަނީ ކިހިނެއްބާ؟ ނޫސްވެރިން ނިކަން ހައްޔަރު ކުރާ ބީދޭސީންނާއި ވާހަކަ ދައްކާލަބަލަ/
ޢަބްދުﷲނާފިޒު
17 January 2017
ސްރީލަންކާއިން ތައިލެންޑަށް ފުރަން އުޅުނު ދިވެހި ވިޔަފާރިވެރިއެއްގެ އަތުން 25 ހާސް ޑޮލަރު ފެނިގެން އެތަނުގެ ކަސްޓަމްސް އިން އަތުލި އެމީހާ ދޫކޮށްލި ކޯޓަކަށް ނުގެންދެ، ނަމަވެސް އެ 25ހާސް ޑޮލަރު އެހިސާބުން ނިމުނީ. ތަފާތު އެކި ފަހަރު މަތިން އެފައިސާ ހޯދަން، ކ.މާފުށްޓަށްނިސްބައްވާ އެމީހާ ވަރަށް މަސައްކަތް ކުރި، އެކަމަކު އެފައިސާ ލިބޭގޮތެއް ނުވި، ރާއްޖޭން ފުރަން އުޅުނު މީހާއަތުން ހޯދި ފައިސާއަށް ހަދާނެ ގޮތެއްވެސް ހަމަ ނޭގެ، ދެއްތޮ.
ބަންގާޅީ
17 January 2017
ބަންގާޅީއެއްވީމާ ހިފަހައްޓާ ހަންނަގާނެ! ކޮބާ ޑޮލަރު ބަސްތާތައް ބޭރުކުރާ ރިސޯޓް އޯނަރުން!؟ މޯޑިސް.
ސައްޕު
17 January 2017
އެގޭ ހެއްޔެވެ؟ މިހާރު ބަންގާޅީން އެބައުޅޭ އާދައިގެ ކުނިކޮތަޅެއް 50 ރުފިޔާ އަށް އުކައިދޭ އެތައް ބަޔަކު! މީ އަދި މަސްމަހުން ގޭގޭން ކުނި އުކައިދޭ ގްރޫޕެއް ނޫން! މީގެ މީހަކު ދުވާލަކު އެވްރެޖްކޮށް 50 ކުނިކޮތަޅު އުކާނަމަ މަހަކު 75000 ރުފިޔާލިބޭނެ! ތިން އަހަރު ތެރޭގައި 2،700،000 މިލިއަން ރުފިޔާ ލިބޭނެ! މީގެ މާނައަކީ އޭގެ މީހަކު 17.50 ރުފިޔާއަށް ޑޮލަރެއް ގަތަސް، އެއްލައްކަ ފަންސާސް ހަތަރުހާސް ދުއިސައްތަ އަށްޑިހަ ފަސް ޑޮލަރު ލިބޭނޭ! އަދި ކޮބާ އަހަރުމެން ދިވެހިން ކަންނެތްކަންމަތީ ތިއްބާ ތިޔަ ބަންގާޅީން އެހެން ދިމަ ދިމާލުން ދަމައިގެން ޑޮލަރަށް ހަދައިގެން ގެންދާ ފައިސާތައް!
ކައްޓި
17 January 2017
ކުނި ކޮތަޅެއް ނޫން ފަންސާސްރުފިޔާ އަށް އުކައިދޭނީކީ ކުނި ގޯންޏެއް. ޢަހަރެމެން އުކަީ މަހަކު ސަތޭކަ ރުފިޔާ އަށް އެ ހެޔޮ ދުވާލަކު 2ކޮތަޅުއޮތަސް ހަމ ބަންގާޅީން.
ފައިސާ
17 January 2017
ފައިސާ ގެންގުޅުނު މީހެއްނު؟ ނޯ ޕްރޮބްލޮމް