02 ފެބުރުއަރީ 2023 - 10:39
9 comments
ކ. ތުލުސްދޫ ކައިރިން މޫދަށް އެރި އުޅުނު ޓޫރިސްޓެއްގެ ގައިގައި އެ ސަރަހައްދުން ދުއްވާފައި ދިޔަ ޑިނގީއަކުން ޖެހި އެ މީހާ މަރުވި މައްސަލާގައި ޑިންގީގެ ކައްޕި ހައްޔަރުކޮށްފި އެވެ.
ފުލުހުން ބުނީ މިދިޔަ އަންގާރަ ދުވަހު އެ މައްސަލައާ ގުޅިގެން ހައްޔަރުކުރީ ޑިންގީ ދުއްވަން އިން އުމުރުން 45 އަހަރުގެ މީހާ ކަމަށެވެ. އޭނާގެ ބަންދާ މެދު ގޮތެއް ނިންމަން ކޯޓަށް ހާޒިރު ކުރުމުން 10 ދުވަހަށް ގޭ ބަންދު ކުރުމަށް ކޯޓުން އަމުރުކޮށްފައިވާ ކަމަށް ފުލުހުން ބުންޏެވެ.
ޑިންގީ ދުއްވި މީހާއަކީ ކަނޑުއުޅަނދު ދުއްވުމުގެ ލައިސަންސް އޮތް މީހެއް ނޫން ކަމަށް ވެސް ފުލުހުން ބުންޏެވެ.
އެ ހާދިސާގައި މަރުވެފައި ވަނީ އަނބިމީހާއާ އެކު، ރާއްޖެ އަށް ޗުއްޓީ އަށް އައިސް އުޅުނު ސްޕެއިންގެ މީހެކެވެ. އޭނާ މަރުވީ ކުޑަވިލިނގިލި ކައިރިން ކަނޑުއޮޅި އަށް މޫދަށް އެރި އުޅެނިކޮށް އޭނާގެ ގައިގެ މަތިން ޑިންގީ ދުއްވާފައި ދިއުމުންނެވެ.
މި އެކްސިޑެންޓްގައި އެ މީހާގެ އެއް އަތް ބުރިވެ، ކަރާއި ބަނޑު ކަފައިގެން ގޮސްފައި ވާއިރު ގޮހޮރު ވެސް އޮތީ ނުކުމެފަ އެވެ. އެ މީހާގެ ފައި ވެސް އޮތީ ވަރަށް ބޮަޑަށް ކަފައިގެން ގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަލިކުރު
02 February 2023
ގެސްޓުން އުޅެނީ ހިތުހުރި ގޮތަކަށް އާންމުން ދިރިއުޅޭ ތަންތަނުގަ އައުރަ ނިވާނުކޮށް ޖަނގިޔާ ގަނޑުގަ. މިއީ އަސްލު ރީތި ގޮތެއްބާއޭ ހިތަށް އަރާ.
ބުރިޖު
02 February 2023
ބުރިޖު މަތިން ރޫސް ރޫސް ލައިފަ ދުއްވާ އަދުގެ ޒުވާނުން ހައްޔަރުކުރަން ނުކެރެނީ ދެއްތޮ.؟ މި ބޭބޭފުޅުންނާ ހެދިވެސް ވަރަށް ގިނަ ބައެއްގެ ފުރާނަ ގެއްލިއްޖެޔޭ!
ޕޮލޭ
02 February 2023
ގެސްޓުން ގެނެސް ހިތުހުރި ތާކައް ދޫކޮއްފަ ވާނުވާ ބަލައެއްނުލާ މައްސަލަ އަކީ އެމީހުންގެ ހަވާލުގަ ތިބި މީހުން
އަސް
02 February 2023
އާންމު ނިކަމެތި ރައްްޔިތެއްނު؟ ހޭ އަރުވާލާތި!! ދައުލަތުގެ ތިޖޫރީ ކާލި މީހުން ކޮބާހޭ.. އެ ތިޖޫރީގައި ހުރި ލާރިން ތިކަހަލަ ކިތައް ހާދިސާ ހިނގިޔަ ނުދީ މަސައްކަތަކެއް ކުރެވުނީސް
ބަސް
02 February 2023
ތިޖޫރީގަ ލާރި ނެތިގެންތަ އޭނަ ލައިސެންސް ނެތި ޑިންގީ ދުއްވީ!؟ ތިޖޫރީގަ ލާރި ނެތިގެންތަ ޓޫރިސްޓެއްގެ ގައިމަތިން ޑިންގީ ދުއްވީ!؟
ޢަންދު
02 February 2023
ދުއްވީ ލައިސަންސް ނެތި… ފަރުވާ ކުޑަކޮށްލުމުގެ ސަބަބުން މީހެއްގެ ފުރާނަ ދިޔައީ… އަދަބަކަށް 10 ދުވަހުގެ ގޭ ބަންދެއް؟ ސިޔާސީ ނުފޫޒެއް ވާނެ ތިކަމުގައި
ހިތަދޫ 2
02 February 2023
ލައިސަންސް އޮވެ ތަކި ކީއްކުރަނީ؟ މާކަރެއް ނެތި ފީނަން ފައިބާ ލޯންޗް ކުރިމައްޗަށް ތިލަވެވުނީ އެމީހާވެސް އެވަރު ހޭލުންތެރިކަން ނެތި އަދި އެތަނުގަ ތިބި ގައިޑުންގެ އެނގުމާ ހިލާފަށް! ވަގުތުން ދުއްވަން ހުރިމާހާ ތި ކުއްވެރިކޮއްލަނީ ކޮން ހަމައަކުން؟
ސައުތު
02 February 2023
ކަލޯ ކޮމެންޓް ކުރާއިރު ވާނުވާ ބަލާލުން ރަނގަޅު. މި އުޅެނީ އަދި އަދަބު ކަނޑައަޅާގެނެއް ނޫން. މި އުޅެނީ ތަހުގީގު މަރުހަލާގަ. އަދަބު ކަނޑައަޅަނީ ފަނޑިޔާރު
މާކުންބޭ
02 February 2023
ތިހާދިސާ އަކީ ހަމަ ޔަޤީނުންވެސް ހަރުދަނާގިޮތެއްގައި ކަންކަމާމެދު ޕޮލިސީ ހެދި ރަގަޅަށް ހިގާކަމެއް ނަމަ އެވޮއިޑްކުރެވެންޖެހޭ ހާދިސާތައް، މިއީ އިމްޕެކްޓް ބޮޑު ރިސްކް ބޮޑު ހާދިސާއެއް. ރާއްޖޭގެ ޓޫރިޒަމްގެ ރެޕިއުޓޭޝަނަށްވެސް ގެއްލުން ލިބޭނެ ނުރައްކާތެރި އަމަލެއް. ޓޫރިޒަމް މިނިސްޓްރީ އިން ގާތުން ބަލަންޖެހޭ ހާދިސާއެއް.