ސްޓެލްކޯ އިން އިއްޔެ ބޭއްވި މީޑިއާ ބްރީފިންގައި އެމްޑީ ޝަރީފް ވާހަކަ ދައްކަވަނީ: މަގު ކޮނުމުގެ ފީ ބޮޑުކޮށް، ސިޓީ ކައުންސިލުން ހެދި އުސޫލު ބާތިލްކުރަން ސްޓެލްކޯއިން ވަނީ ހައި ކޯޓަށް ހުށަހަޅާފައި.--- ފޮޓޯ: ފަޔާޒް މޫސާ| މިހާރު
02 ފެބުރުއަރީ 2023 - 16:13
18 comments
މާލޭގެ މަގު ކޮނުމުގެ މަސައްކަތުގެ ފީ ބޮޑުކޮށް، މާލޭ ސިޓީ ކައުންސިލުން ހެދި އުސޫލު ބާތިލްކުރަން ސްޓެލްކޯ އިން ހައި ކޯޓަށް މިއަދު މައްސަލަ ހުށަހަޅައިފި އެވެ.
މާލޭގެ މަގުތައް ކޮނުމަށް ސިޓީ ކައުންސިލުން ނަގަމުން އައި ފީ 154 ޕަސެންޓް ބޮޑުކުރުމުން އެކަމާ މެދު ސްޓެލްކޯ އިން ވަނީ ކަންބޮޑުވުން ފާޅުކޮށްފަ އެވެ. ނަމަވެސް ސިޓީ ކައުންސިލުން ބުނާގޮތުން އާ އުސޫލުގެ ދަށުން އަސާސީ ހިދުމަތްތަކަށް މަގު ކޮންނަ ނަމަ ފީއެއް ނުނަގާނެ އެވެ.
ސްޓެލްކޯ އިން ބުނީ އެ އުސޫލަކީ ހިދުމަތްތަކުގެ އަގު ބޮޑުކުރުމަށްޓަކައި ގާނޫނާ ހިލާފަށް ހަދާފައިވާ އުސޫލެއް ކަމަށް ވާތީ އެ އުސޫލު ބާތިލްކުރަން ހައި ކޯޓަށް މިއަދު ދުސްތޫރީ މައްސަލައެއް ހުށަހަޅާފައިވާ ކަމަށެވެ. އެކަމަކު އެ މައްސަލަ ހައި ކޯޓުން އަދި ބަލައެއް ނުގަނެ އެވެ.
ސްޓެލްކޯ އާއި ސިޓީ ކައުންސިލާ ދެމެދު ވަނީ މައްސަލަތަކެއް ކުރިމަތިވެފަ އެވެ. ސިޓީ ކައުންސިލްގެ ދަށުގައި ހުރި ބައެއް ތަންތަނުން ބިލް ނުދައްކާތީ ސްޓެލްކޯ އިން ވަނީ އެ ތަންތަނުން ކަރަންޓް ކަނޑާލައިފަ އެވެ.
އެކަމާ ގުޅިގެން ސިޓީ ކައުންސިލުން ބުނެފައިވަނީ ސްޓެލްކޯގެ އިމާރާތްތަކުގެ ކުލީގެ ގޮތުގައި އެތައް މިލިއަން ރުފިޔާއެއް ސިޓީ ކައުންސިލަށް ލިބެންޖެހޭ ކަމަށެވެ. އެކަމަކު ސްޓެލްކޯ އިން ބުނެފައިވަނީ އެ ކުންފުނިން ދައްކަން ޖެހޭ ހުރިހާ ފައިސާއެއް މިހާރު ދައްކާފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުނައްވަރު އަހްމަދު
04 February 2023
ވޯޓުން ވައްކަން ކުރި މީހަކު މިކަހަލަ ވާހަކަ ދެއްކީމަ އަންނަނީ ހިނި
އިހްސާނާ
04 February 2023
ބައްލަވާ ޝަރީފޫ، މުއިއްޒު އެޔޮތީ ބުނެފަ އަސާސީ ކަންކަމަށް ފީ ބޮޑު ނުކުރާ ވާހަކަ. އޮޅުވާލަން ނޫޅޭ
އައްބާސް
04 February 2023
ކުރިންވެސް ބޭރު މަގު ފެންހޮޅި ރަނގަޅު ކުރަން ސިޓީ ކައުންސިލުން ހުއްދަ ނުދިނީއޭ ކިޔާފަ ދޮގު ހެދީ ތި ޝަރީފް. މިހާރުވެސް އޭގެ ގޭމެއް ތިޖައްސަނީ
ޒާހިދު ރަމީޒް
04 February 2023
ޝަރީފް އާ އެކީ އުޅުނު މީހެއްގެ ހައިސިއްޔަތުން މިބުނަނީ ތިއީ ސިޔާސީ ބޭނުމަށް ކޮންމެ ފަދަ ދޮގެއްވެސް ހަދާފާނެ މީހެއް.
ޖާވިދު
04 February 2023
ފުރަތަމަ މާލެ ސިޓީ ކައުންސިލަށް ދައްކަން ޖެހޭ ލާރި ދައްކަބަލަ އީސީ ޝަރީފޫ
ޢާސިގް
03 February 2023
ސިޓީ ކައުންސިލުން އެޔޮތީ ބުނެފަ އަސާސީ ހިދުމަތައް އަގު ބޮޑު ނުކުރާ ވާހަކަ. ދެން ކޮން ސަކަރާތެއް ޖަހަން ތިއުޅެނީ ޝަރީފް؟
ޢާބިދު ސައިދު
03 February 2023
ސްޓެލްކޯ މުޅިން ސިޔާސީކޮށްލައިފި މިއުޅޭ ޝަރީފް. ކުރީގެ އެމްޑީ ވެސް މާ ރަނގަޅު.
ޒުނެއިރު
03 February 2023
އެއްވެސް ވަރަކަށް ހިންގޭ ބަޔެއް ނަމަ ރަނގަޅު އެހެން މީހުން ގޮވައިގެން ކޯޓަށް ދާން. ލަދު
ގުރައިޝާ
03 February 2023
ކުންފުނި ހިންގޭތޯ އުޅެބަލަ ފުރަތަމަ. ބަގުރޫޓް ވަމުން ދަނީ
ޙާތިމް
02 February 2023
ޢީސީ ޝަރީފޫ ހާދަ ޖައްސާލައިގެން ތި އުޅެނީ ސިޓީ ކައުންސިލާ