މަގު ކޮނުމުގެ ފީ ބޮޑުކުރި އުސޫލު ބާތިލްކުރުމުގެ މައްސަލަ ހައި ކޯޓުން ބަލައެއް ނުގަތް

ސްޓެލްކޯގެ އެމްޑީ ޝަރީފް: މަގު ކޮނުމުގެ އަގު ބޮޑުކުރި މައްސަލަ ހައި ކޯޓުން ބަލައިނުގަތުމަށް ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

07 ފެބުރުއަރީ 2023 - 14:32

5 comments

މާލޭގެ މަގު ކޮނުމުގެ ފީ ބޮޑުކޮށް މާލޭ ސިޓީ ކައުންސިލުން ހެދި އުސޫލު ބާތިލްކުރަން ސްޓެލްކޯ އިން ހައި ކޯޓަށް ހުށަހެޅި ދުސްތޫރީ މައްސަލަ ބަލައިނުގަތުމަށް އެ ކޯޓުން މިއަދު ނިންމައިފި އެވެ.

މާލޭގެ މަގުތަކުގެ މަސައްކަތް ކުރުމާ ބެހޭ އުސޫލާއި މަގު ކޮނުމާބެހޭ އުސޫލެއް އެކުލަވާލައި، އެ މަސައްކަތުގެ ފީތައް ބޮޑުކުރަން ސިޓީ ކައުންސިލުން ނިންމި މައްސަލާގައި އެ ދެ އުސޫލު ބާތިލް ކުރަން ސްޓެލްކޯ އިން ހައި ކޯޓަށް ހުށަހެޅީ އެއީ ގާނޫނާ ހިލާފު އުސޫލުތަކެއް ކަމަށް ބުނެ އެވެ.

ނަމަވެސް ހައި ކޯޓުގެ ރަޖިސްޓްރާ ނިންމެވި ނިންމުމުގައި ވަނީ ގާނޫނަކުން ބާރު ލިބިގެންވާ ހަދާފައިވާ ގަވާއިދެއް ނުވަތަ އުސޫލެއް ގާނޫނާ ހިލާފުވާ ކަމަށް ބުނެ ހުށަހަޅާ މައްސަލަތަކުގައި އެކަމުގެ ސަބަބުތައް ތަފުސީލުކޮށް ބަޔާން ކުރަން ޖެހޭއިރު، ސްޓެލްކޯ އިން އެ މައްސަލާގައި އެ ސަބަބުތައް ތަފްސީލުކޮށް ބުނެދީފައި ނުވާ ކަމަށެވެ.

އެހެންވެ، އެ މައްސަލަ ބަލައިނުގަތުމަށް ނިންމީ ކަމަށް ރަޖިސްޓްރާގެ ނިންމުމުގައިވެ އެވެ.

އާ އުސޫލުގެ ދަށުން މަގު ކޮނުމުގެ ފީ 154 ޕަސެންޓް ބޮޑު ކޮށްފައި ވިޔަސް، ސިޓީ ކައުންސިލުން ބުނާގޮތުން އާންމު ހިދުމަތްތަކަށް މަގު ކޮންނައިރު ފީ ނުނަގާނެ އެވެ.

ސިޓީ ކައުންސިލްގެ ދަށުގައި ހުރި ތަންތަނުގެ ކަރަންޓް ބިލް ނުދައްކާތީ އެ ތަންތަނުން ކަރަންޓް ކަނޑާލުމުން ސްޓެލްކޯ އާއި ސިޓީ ކައުންސިލާ ދެމެދު ވަނީ މައްސަލަތަކެއް ފެންމަތިވެފަ އެވެ. ސިޓީ ކައުންސިލުން ބުނާގޮތުން ސްޓެލްކޯގެ އިމާރާތްތަކަށް ދައްކަންޖެހޭ ކުލި ވެސް ނުދައްކަ އެވެ. އެކަމަކު ސްޓެލްކޯއިން އެކަން ދޮގު ކުރެ އެވެ. އަދި ސްޓެލްކޯގެ ޓްރާންސްފޯމަރު ބަހައްޓަން ސިޓީ ކައުންސިލުން ބިން ދޫ ނުކުރާ ކަމަށް ވެސް ސްޓެލްކޯ އިން ބުނެފައިވެ އެވެ. އެކަމަކު ސިޓީ ކައުންސިލުން ބުނަނީ ލިޔުމުން ނޫނަސް އެ ހުއްދަ ސްޓެލްކޯ އަށް ވާނީ ދީފައި ކަމަށެވެ.

ކަރަންޓު ހައި ކޯޓް ސްޓެލްކޯ މާލެ ސިޓީ ކައުންސިލް މަގު ހެދުން ލޯކަލް ކައުންސިލްތައް އަހުމަދު ޝަރީފް (ސްޓެލްކޯގެ ކުރީގެ އެމްޑީ)

5 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދުބޭބެ

08 February 2023

ވޯޓުކަރުދާސްއެންދާލުންކުޑަކަމެއްތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރުމޯލުރާޖާ

07 February 2023

ކަމެއްވީމަ ރައީސްޔާމީން ސަރުކާރުގަ މުއިއްޒުގެ ބެއްލެވުމުގެދަށުން އޭރުގެސިޓީކައުންސިލްގެ ބާރުކަނޑުވާލާ އެއީހަމައެކަނި އުފަންދުވަހުގެ ސެޓްފިކެޓްދޫކުރާތަނަކަށް ހެއްދެވީ. މިހާރުގެސަރުކާރަށް ހަމަހިންގަންނޭނގެނީއޭބުނަންޖެހެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

07 February 2023

ބަލަ ތިޔަތާ ލީގަލް ހެޑަކަށް ހުރީ ކުރީގެ ސިވިލްކޯޓުގެ ޤާޒީ ހަލީމްބާއީ އޭނަގެ ކަންތައް އެއްމެ ރަނގަޅަށް އިންގޭނީ ހަވީރު ނޫހުގައި މައްސަކަތް ކުރި ކުދިންނަ މަޝްހޫރު މަޖުބޫރު ހުކުމް ކުރި މީހާ ދެން މިވަރުން ފުދޭނެކަމަށް މިބަލަނީ..