މުސްތަފާ ވިދާޅުވަނީ ރައީސް ގަޔަށް ކުޅު ޖަހަން ޓްވީޓު ކުރީ އޭނާ ނޫން ކަމަށް

މާޗު 6، 2019: ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ކޮމިޓީ މަޖިލީހުގެ ބައްދަލުވުމެއްގައި. --- ފޮޓޯ: މިހާރު

ނަޖާހް މަސްއޫދު، މިހާރު

07 ފެބުރުއަރީ 2023 - 14:37

29 comments

ރައީސް އިބްރާހިމް މުހައްމަދު ސޯލިހުގެ މޫނަށް ކުޅު ޖަހާ މީހަކަށް ފައިސާ ހުށަހަޅައި ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާގެ އެކައުންޓުން ކުރި ޓްވީޓަކީ އޭނާ ކުރެއްވި ޓްވީޓެއް ނޫން ކަމަށް މުސްތަފާ މިއަދު ވިދާޅުވެއްޖެ އެވެ.

މުސްތަފާގެ ނަމުގައިވާ ޓްވީޓާ އެކައުންޓުން މިދިޔަ އާދީއްތަ ދުވަހުގެ ރޭ ކުރި ޓްވީޓެއްގައި، ރައީސް ސޯލިހުގެ މޫނަށް ކުޅު ޖަހާ މީހަކަށް 50،000ރ. ވަނީ ހުށަހަޅައިފަ އެވެ. އަދި އެ މައްސަލަ ފުލުހުން ބަލަމުންދާއިރު، އެކަމާ ގުޅިގެން ރޭ އޭނާ ފުލުހުންގެ އިދާރާ އަށް ހާޒިރު ކުރި އެވެ.

މުސްތަފާ މިއަދު "މިހާރު" ވިދާޅުވީ، އޭނާ ފުލުހަށް ހާޒިރުކޮށް، އެކައުންޓުން ކުރި ޓްވީޓަކީ އޭނާ ކުރެއްވި ޓްވީޓެއްތޯ ފުލުހުން ސުވާލު ކުރި ކަމަށެވެ. މުސްތަފާ ފުލުހަށް ވެސް ވިދާޅުވީ، އެއީ އޭނާ ކުރެއްވި ޓްވީޓެއް ނޫން ކަމަށެވެ.

މުސްތަފާ ވިދާޅުވި ގޮތުގައި ގޭތެރޭގައި އޭނާގެ ފޯނު އޮންނަނީ ހުޅުވާލައިފަ އެވެ. އަދި އެ ފޯނުން ދެތިން މީހަކު ޓްވީޓު ކުރާ ކަމަށް ވިދާޅުވި އެވެ.

"އަޅުގަނޑު ބުނިން އަޅުގަނޑު ގެންގުޅޭ ފޯނަކީ ހުޅުވާލާފައި އޮންނަ އެއްޗެކޭ. ގޭތެރޭގައި އުޅެއޭ ދެތިން މީހުން،" މުސްތަފާ ވިދާޅުވި އެވެ.

.@ibusolih ge Moonah Kulhu jehi meehakah 50,000/ rufiyaa ge inaameh dheynan!!!
— Mohamed Musthafa (@Thimarafushi) February 5, 2023

ރައީސްގެ މޫނަށް ކުޅު ޖަހަން ފައިސާ ހުށަހަޅައި ކުރި ޓްވީޓު

ރައީސްގެ މޫނަށް ކުޅުޖަހަން ގޮވާލައި އެހެން މީހަކު ޓްވީޓު ކުރި ނަމަ އެކަމަށް މާފަށް އެދިވަޑައިނުގަތީ ކީއްވެތޯ އާއި މާފަށް އެދިވަޑައިގަންނަވާނަންތޯ އެހުމުން މުސްތޮފާ ވިދާޅުވީ، އިބްރާހިމް މުހަންމަދު ސޯލިހަކީ ދޮގުވެރި، މަކަރުވެރި، ހިޔާނާތްތެރިއެއް ކަމަށާއި ކުޅު ޖަހަން ގޮވާލައި ޓްވީޓު ކުރި މީހަކު އެކަން ކުރީ ރަނގަޅަށް ކަމަށެވެ.

"އެ ކުރި މީހަކު ކުރީ ރަނގަޅަށް، އަޅުގަނޑު ނުކުރިޔަސް،" މުސްތަފާ ވިދާޅުވި އެވެ.

މުސްތަފާގެ ބޯޓަކަށް ސަރުކާރުން ދޭން ޖެހޭ ކަމަށް ބުނާ ފައިސާތަކެއް ސަރުކާރުން ދީފައި ނުވާ ކަމަށް ވިދާޅުވެ، އޭނާ ގެންދަވަނީ ޓްވިޓާގައި ރައީސަށް ވަރަށް ބޮޑަށް ފާޑުވިދާޅުވަމުންނެވެ.

Mi ulhenee Thimarafushi Dhaairaage gondi nulibi geneh noon @ibusolih haram ah Magey boat kaalaagen,adhi ibusolih dheynjehey 500,000/ dollar ves nudheegen.Boat ge Hukum ga vaa 1.278 million dollar aa eku total 1,778 million dollar nidheegen.. pic.twitter.com/qcxMMoSjPt
— Mohamed Musthafa (@Thimarafushi) February 5, 2023

ރައީސް ސޯލިހަށް ފާޑުވިދާޅުވެ މުސްތަފާ ކުރެއްވި ޓްވީޓެއް

އެންމެ ފަހުން ބޭއްވި އެމްޑީޕީގެ ޕްރައިމަރީގައި މުސްތަފާ ހުންނެވީ އެ ޕާޓީގެ ރައީސް މުހައްމަދު ނަޝީދު ފަޅީގަ އެވެ. ނަޝީދުގެ ކެމްޕެއިންގެ ބައެއް ހަރަކާތްތަކުގެ ކުރީ ސަފުގައި އުޅުއްވައި އަދި ސޯޝަލް މީޑިއާގައި ވަރަށް ހަރަކާތްތެރިކޮށް ނަޝީދަށް ކެމްޕެއިން ކުރެއްވި އެވެ.

މުސްތަފާގެ އެކައުންޓުން ކުރި ޓްވީޓުގެ މައްސަލަ އެމްޑީޕީއިން ވަނީ ކުށްވެރިކޮށްފަ އެވެ. އެމްޑީޕީގެ އެމްޑީޕީގެ ތަރުޖަމާން، އަނަސް އަބްދުލްސައްތާރު ވިދާޅުވީ އެއީ ވަރަށް ދަށު ދަރަޖައިގެ ނާތަހުޒީބު އަމަލެއް ކަމަށެވެ.

ފުލުހުން މެމްބަރު މުހައްމަދު މުސްތަފާ ރައީސް އިބްރާހިމް މުހައްމަދު ސޯލިހް

29 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބިންގޯ

13 February 2023

ފިނޑި އެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްތާ

08 February 2023

ތިހާ މިނިވަންކޮށް ޓްވީޓްކުރެވޭ ފޯނެއް ތިހެން ހުޅުވާލާފަ އޮންނަކަން ކުރިން އެނގޭނަމަ ތިގޭ ދޮށަށް ދެވުނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީހަމީދު

08 February 2023

ތިވީގޮތުން ގޭތެރޭގައިއުޅޭ މުސްތޮފާބެ ފޯނާކުޅޭ ދެތިން މީހުންވެސް ތަހުގީގަށް ފުލުސްއޮފީހަށް ހާޒިރު ކޮއްގެންވެސް ތީ ކާކުކުރި ޓްވީޓެއްތޯ ބަލަނެ ވެއްޖެނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޒާގު

08 February 2023

މިކަމުންވެސް އެގެނީ އަގަތެޅިޔަސް އެއްވެސް އުރައްޕަތެއް ނެތްކަން. އެއްވެސް މީހަކު އެމީހާގެ އަމިއްލަ ފޯނެއް މިޒަމާނުގަ އެހެންމީހުންނަށް ހުޅުވާޅާފަ ނުބާއްވާނެ. އަމިއްލަޔަށް ޓްވީޓްކޮއްފަ ކުރެވުނު ކަނޑުކޮސްކަން ވިސްނުނީ ރައްޔިތުން ކުރިމަތީގެ މީހާގެ އެއްވެސް އަގެއް ނެތްކަން ހާމަވިފަހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޑުދާރު އިޢުތިރާފެއް

08 February 2023

ތިމާމީހާގެ ފޯނުން ތިމާމީހާގެ އެކައުންޓުން ކުރިކަމެއް އެއީ ގާނޫނީ އުސޫލުން ތިމާކުރި ކަމެއް. އެނޫން ގޮތަކަށް ސާބިތުކޮށްދޭނެ ޖެހޭނީ ގާނޫނީ ހެކީގެ މައްޗަށް ހަމައެމީހާ. އެހެންނޫނީ އެއްވެސް މީހަކު ކުށަށް ޒިންމާވާކަށް ނުޖެހޭނެ. އާއްމުންވެސް ޖޯޓުތައްވެސް މިލޮޖިކް ގަބޫލުކުރަންޖެހޭ. އޭގެ އިތުރުން މުސްތަފާ އެކްރައިމަށް ސަޕޯޓްވެސް ކުރީމާ އިތުރު އިޢުތިރާފެއް އެއީ އެއީ އެހެންމީހަކު ބައިވެރި ކުރިއަސް ނުކުރިއަސް އޭނާ ހިނގި ޖަރީމާއެއްކަން. އޭނާ ފަހިކޮށްދިނުން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިރްލޯ

07 February 2023

ސޮޑުނުވެ އެއީ ތިމަންނާ ކުރި ޓުވީޓެކޭ ބުނެބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުރިޔާ

07 February 2023

ތީކާކުކަންއަހަރެންނަށްއެގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްޓޭ

07 February 2023

އަދި ވިސްނޭނެ އެކަމަކު ބޮޑުތަނުން ލަސްވެއްޖެ، އަދިވެސް މަޢާފައް އެދެންވީ، މުސްލިމުންގެ ގިތަކީ އެއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓާރން

07 February 2023

އިބޫ ފަޅިއަށް މީހުން ގެންދަން ކުރާ ކަންކަން ވަނީ ސިއްރުވެފައި. އެކަމު މުސްތަފާ އިބޫއަށް ސަނާކިޔަންފަށާ ދުވަހު އެންމެންނަށްވެސް ރީތިކޮށް އެނގޭނެ އޭނައަށް ދިނީ ކޮން އެއްޗެއްކަން.