ސުޕްރީމް ކޯޓު: ޕާޓީތަކުގެ ގާނޫނާ ގުޅޭގޮތުން އެ ކޯޓަށް ހުށަހެޅި މައްސަލަ ނުބެލޭނެ ކަމަށް 10 އަހަރު ފަހުން މިއަދު ވަނީ ނިންމާފައި --- ފޮޓޯ/މިހާރު
15 ފެބުރުއަރީ 2023 - 12:50
12 comments
ސިޔާސީ ޕާޓީތަކުގެ ތެރެއިން 10،000 މެމްބަރުން ހަމަނުވާ ޕާޓީތައް އުވޭ ގޮތަށް ޕާޓީތަކުގެ ގާނޫނުގައި ކުރިން އޮތް މާއްދާ ބާތިލްކުރަން ސުޕްރީމް ކޯޓަށް ހުށަހެޅިތާ 10 އަހަރު ފަހުން އެ މައްސަލަ ނުބެލޭނެ ކަމަށް އެ ކޯޓުން މިއަދު ހުކުމްކޮށްފި އެވެ.
ޕާޓީތަކުގެ ގާނޫނު 2013 ވަނަ އަހަރު ވުޖޫދަށް އައިއިރު، 10،000 މެމްބަރުން ހަމަނުވާ ޕާޓީތައް އުވޭ ގޮތަށް މާއްދާއެއް އޮތެވެ. އެ މާއްދާ ބާތިލްކުރަން އޭރު އެޓާނީ ޖެނެރަލްގެ ފަރާތުންނާއި މިހާރުގެ ނޭޝަނަލް ޑްރަގް އެޖެންސީގެ ސީއީއޯ އިމާދު ސޯލިހްގެ ފަރާތުން ސުޕްރީމް ކޯޓަށް ދުސްތޫރީ މައްސަލައެއް ހުށަހެޅި އެވެ.
އެޓާނީ ޖެނެރަލްގެ ފަރާތުން ހުށަހެޅި މައްސަލާގައި ސުޕްރީމް ކޯޓުން 2013 ވަނަ އަހަރު ވަނީ ގާނޫނުގެ އެ މާއްދާ ބާތިލްކޮށްފަ އެވެ. އެކަމަކު އިމާދު ހުށަހެޅުއްވި މައްސަލައާ މެދު މިއަދާ ހަމައަށް އެ ކޯޓުން ގޮތެއް ނުނިންމަ އެވެ.
މިއަދު ބޭއްވި ޝަރީއަތުގެ މަޖިލީހުގައި އެ މައްސަލަ ބެއްލެވި ބެންޗުގެ ރިޔާސަތު ބެލެހެއްޓެވި އުއްތަމަ ފަނޑިޔާރު އަހުމަދު މުއުތަސިމް ވިދާޅުވީ، ދުސްތޫރީ މައްސަލަތަކުގެ ތެރެއިން ސުޕްރީމް ކޯޓުން ފުރަތަމަ މަރުހަލާގައި ބަލަން ޖެހޭނީ ގައުމުގެ އާންމު މަސްލަހަތު ހިމެނޭ ނުވަތަ ދައުލަތުގެ ދެ ބާރެއްގެ ދެމެދުގައި އުފެދިފައިވާ މައްސަލަތައް ކަމަށެވެ. އެ ނޫން ދުސްތޫރީ މައްސަލަތައް ހުށަހަޅަން ޖެހޭނީ ހައި ކޯޓަށް ކަމަށް ގާނޫނުގައި ބުނެފައިވާ އުއްތަމަ ފަނޑިޔާރު ވިދާޅުވި އެވެ.
އުއްތަމަ ފަނޑިޔާރު ވިދާޅުވި ގޮތުގައި އެ މައްސަލަ ސުޕްރީމް ކޯޓުން އޭރު ބަލައިގަތީ ކޮން ގޮތަކަށް ރިއާޔަތް ކޮށްގެން ކަން އެ ކޯޓުން މައްސަލަ ބަލައިގަތް ލިޔުމުން އެނގޭކަށް ނެތެވެ. އެއީ ފުރަތަމަ މަރުހަލާގައި ސުޕްރީމް ކޯޓުން ބެލޭނެ ދުސްތޫރީ މައްސަލައެއް ކަމަށް ނުބެލެވޭ ކަަމަށް އެ މަނިކުފާނު ވިދާޅުވި އެވެ.
އެހެންވެ، އުއްތަމަ ފަނޑިޔާރު ހިމެނިވަޑައިގަންނަވާ ގޮތަށް ފަސް ފަނޑިޔާރުންގެ އިއްތިފާގުން ކުރެއްވި ހުކުމުގައިވަނީ އެ މައްސަލަ ފުރަތަމަ މަރުހަލާގައި ސުޕްރީމް ކޯޓަށް ނުބެލޭނެ ކަމަށެވެ.
އުއްތަމަ ފަނޑިޔާރުގެ އިތުރުން އެ މައްސަލަ ބެއްލެވި ބެންޗުގައި ދެން ތިއްބެވީ ފަނޑިޔާރު އަޒްމިރަލްދާ ޒާހިރާއި ފަނޑިޔާރު އައިޝާ ޝުޖޫނާއި ފަނޑިޔާރު މަހާޒް އަލީ ޒާހިރުގެ އިތުރުން ފަނޑިޔާރު އަލީ ރަޝީދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލާމަސީލު
16 February 2023
10 އަހަރު ފަހުން މައްސަލަބަލާ ހުކުމް ކުރީމާ ލަދުގަންނަންޖެހޭ. މުސާރަ ހަލާލުވާނެބާ.
ކަތްދައްތަ
15 February 2023
އެޓޯނީ ޖެނެރަލް ހުށަހެޅީމަ ބެލިފަ އިމާދު (ވަކިފަރުދަކު) ހުށަހެޅީމަ ނުބެލިފަ މީ ކޮން ވައްތަރެއްގެ އިހުތިސޯހެއް ބާ؟ ދުސްތޫރީ މައްސަލައެއް ސ.ކޯޓަށް ނުބެލެނީ އިހުތިސޯސް ނެތިގެން ކަމަށްވަންޏާ މަތިން ފައިބާ މީހަކު ހުށަހެޅިޔަސް އެއިހުތިސޯހެއް ސ.ކޯޓަކަށް ނުލިބޭނެ. ވީމާ އެޓޯނީ ހުށަހަޅައިގެން ލިބޭ އެކަމު އާންމުމީހަކު ހުށަހެޅީމަ ނުލިބޭނަމަ އެވަނީ ބޮޑުކެކުރި ކުޑަ ކެކުރީގެ ކަމަކަށް.
ވަކީލެއް
15 February 2023
އެޓަރނީ ޖެނެރަލްގެ މައްސަލަ ނިންމާފަ އިންނަނީ 2013 ގަ. އޭގެފަހުން އިމާދު ސާލިހު އެދުނު ގޮތައް އެމައްސަލަވެސް 10ހާމެންބަރުންގެ އަދަދުގިނަކަމަށްދައުލަތުން އެގަޒިއްޔާގަ ބުނަނީ. އެގަޒިއްޔާ އިން 10 ހާސްމެންބަރުން ޕާޓީ ރަޖިސްޓްރީކުރަން ގިނައޭކިޔާފަ އެމާއްދާ ބާތިލްކުރީމަ ގާނޫނަށް ވ ގިނައިސްލާހުތަކެއް އޭރުއައިސްފަހުރީ އިމާދު ބާތިލްކޮށްދޭއެދުނު މާއްދާތައްހިމެނޭގޮތުން. ކިޔާއެއްޗެއް ސަބަބާއެކު ރަނގަލައް އެނގިގެން ކޮމެންޓްލިޔާނަމަ.
ތަތްދަ
15 February 2023
ލިޔެފަ އޮތްއެއްޗެއް ބަލާފަ ކޮމެންޓްކުރާނަމަ އޮއްޓަރުހުރި އެއްޗެއް ބުނެވުނީސް. ދެކޮލަށް ދެ ފޯއް ލައިގެން އަނގަ ތަޅުވާ ހެން ތެޅުވިޔަސް އަދިނުވާނެ ކަތްދަތީ ރޯފިލާ މީހަކަށް.
ކޯޓް
15 February 2023
ކޯޓް ތަކަށް ހުށައެޅޭ މައްސަލަތަކުގެ އިބްތިދާޢީ އަޑުއެހުމަށް ފަހު މައްސަލަ ބަލާ ބެންޗްނޫން އެކޯޓްގެ އެހެން ފަޑިޔާރުންގެ މަޖިލީހުން އެމައްސަލަ ބަލާނިންމަން ދެވޭ މުއްދަތު ކަނޑައަޅަންޖެހޭ ގޮތަށް ޤާނޫނުގަ ލިޔަން އެބަޖެހޭ!
ތެރަފާ
15 February 2023
މިހާރު ތިންހާސްމެންބަރުން ތިބެގެން ޕާޓީ ރަޖިސްޓްރީކުރެވޭ. އެވަރު މާމަދު ޕާޓީ އުފައްދަން. ތިޕާޓީ ތަކަކާހެދި ބޮޑުއުނދަގުލެއް. ގާނޫނަށް ބަދަލުއައީމަވެސް އިމާދު ސޯލިހު ސުޕްރީމްކޯޓުގަ މައްސަލަ ބާވައިގެން ކީއްކުރީ.
1206
15 February 2023
މުއުތަސިމެއް ކަމަކު ވަރަށް ކަނޑުކޮސް ހުކުމެއް ތިޔައީ.
އަމައްޔާތް
15 February 2023
މައްސަލަ ހުށަހެޅީމަ ބަަލައިގެންފަ 10 އަހަރު ވަންދެން ބޭއްވުމަށްފަހު ނުބެލޭނެ ކަމަށް ބުނީމަ އެބުނެވުނީ ބަރަބޮލެކޭ، ކަރައެކޭ، ތޮރައެކޭ.
ނަރީ
15 February 2023
ފުރަތަމަ ބަލާބަލަ ލިޔެފައޮތްއެތި. ދިހަހާސް މެންބަރުން ނޭކިޔާ މާއްދާ ކުރިން ހުކުމަކުން ބާތިލްކުރީމަވެސް ބޭކާރުގޮތުގަ މައްސަލަ ކޯޓުތަކަށް ހުށަހަޅަނީކީއްކުރަން. ޑެމެންބަރުންތިއްބަސް ޕާޓީ ރަޖިސްޓްރީކުރަން މިވެރިންމިހިފަނީ ސަރުކާރުން ޕާޓީއަށްދޭފައިސާހޯދަން. ބޭކާރުމައްސަލައެއް. ތިމައްސަލަ ގިނަދުވަސްވެގެން ގެއްލޭނެހައްގެއްނެތް. ބޭކާރު މައްސަލައެއް
ކުޑަހަސަނު
15 February 2023
މިހެން ވީމައޭ މަބުނަނީ. ސިޔާސީ މީހުންގެ މައްސަލަތަކޭ ބަލައިދެއްވަނީ. ކޮބައިހޭ 20 އަދި 25 އަހަރު ކުރިން ހުށަހަޅާފައިހުރި ނުނިމި ހުރީ ކިތައް މައްސަލަތޯ އިންސާފު ހޯދައިދޭން ވެރިކަމަށް ހޮވި ރައީސް ބައްލެއްވީ.
އަލްޚައިރީ
15 February 2023
މި ހިރަ ސުލޯކަމެއް! އަދި އަވަަސް ނިންމަން
އަވަސް
15 February 2023
އަވަހަށް ނިންމާކަށް މާ މުހިއްމު މައްސަލައެއްވެސް ނޫން. އެއަށް ވުރެން މުހިންމު މައްސަލަތައް އެބަހުރި ނިންމަން. އެހެންވީމަ މިކަހަލަ ބޭކާރު މައްސަލަތަކަށް ސުޕްރީމް ކޯޓުގެ ވަގުތު ބޭކާރުކުރުން އަސްލު ވަރަށް ކަޑަ.