އެމްޑީޕީގެ ގައުމީ މަޖިލީހުގެ ބައްދަލުވުމުގައި ފައްޔާޒް ވާހަކަ ދައްކަވަނީ: ނަތީޖާއަށް އަންނަ ބަދަލަކާ ގުޅިގެން ހިތްހަމަނުޖެހުމަކީ އިންސާނީ ތޮބީއަތުގައި ހުންނަ ކަމެއް ކަމަށް ވިދާޅުވި. -- ފޮޓޯ: ނިޝާން އަލީ | މިހާރު
16 ފެބުރުއަރީ 2023 - 10:08
20 comments
އެމްޑީޕީގެ ރިޔާސީ ޕްރައިމަރީގެ ނަތީޖާއާ މެދު ހިތްހަމަނުޖެހުންތަކެއް ހުއްޓަސް މެމްބަރުން ހޮވި ރިޔާސީ ކެންޑިޑޭޓް، ރައީސް އިބްރާހިމް މުހައްމަދު ސޯލިހަށް އިންތިހާބު ކާމިޔާބުކޮށްދޭން ކުރަން ޖެހުނު ކޮންމެ ކަމެއް އެ ޕާޓީން ކުރާނެ ކަމަށް ޗެއާޕާސަން ފައްޔާޒް އިސްމާއިލް ރޭ ވިދާޅުވެއްޖެ އެވެ.
މިދިޔަ މަހު ބޭއްވި އެމްޑީޕީގެ ޕްރައިމަރީގައި ރައީސް އިބްރާހިމް މުހައްމަދު ސޯލިހާ ވާދަކުރެއްވި، އެ ޕާޓީގެ ރައީސް މުހައްމަދު ނަޝީދުގެ ޓީމުން ނަތީޖާ ގަބޫލެއް ނުކުރެ އެވެ. ރިޔާސީ ޓިކެޓް ހަވާލުކުރުން ހުއްޓުވައި ޕްރައިމަރީ އަލުން ބާއްވައި ދޭން އެ ޓީމުން ސިވިލް ކޯޓަށް ވަނީ މައްސަލައެއް ހުށަހަޅައިފަ އެވެ.
އެ ކަން ހިނގާފައި ވަނިކޮށް އެމްޑީޕީން ރޭ ބޭއްވި ގައުމީ މަޖިލީހުގެ ބައްދަލުވުން ނިންމާލައްވަމުން ފައްޔާޒް ވިދާޅުވީ، އިންތިހާބުގެ ނަތީޖާއާ ގުޅިގެން ޕާޓީގެ ތެރޭގައި ހިތްހަމަނުޖެހުންތަކެއް އެބަހުރި ކަމަށެވެ. އެކަމާ ހިތާމަކުރައްވާ ކަމަށާއި އެމްޑީޕީގެ ތެރޭގައި ކަންކަން ނިންމަމުން އަންނަނީ ޕާޓީން ވަކާލާތުކުރާ ޑިމޮކްރެޓިކް އުސޫލްތަކުގެ ތެރޭގައި ކަމަށް ވިދާޅުވި އެވެ.
މި ޕާޓީގެ ކެންޑިޑޭޓް ހޮވުމަށްޓަކައި މި ޕާޓީ އެކަނި ކުރިމަތިލިޔަސް އަދި ދިވެހިރާއްޖޭގައި ދެން ތިބި ހުރިހާ ސިޔާސީ ޕާޓީއަކާ އެކުގައި ވިޔަސް އިރާދަކުރެއްވިއްޔާ 2023 ސެޕްޓެމްބަރު މަހު އަޅުގަނޑުމެންގެ ކެންޑިޑޭޓް ކާމިޔާބުކުރުމަށް ކުރަން ޖެހޭ ހުރިހާ ކަމެއް ކުރަމުން ގެންދާނަން. -- ފައްޔާޒް
"އަޅުގަނޑުމެން އެންމެން ވަކާލާތުކުރި ކަންތައް ތަންފީޒުވެގެން މި ދަނީ. ދާއިރުގައި ނަތީޖާ އަށް އަންނަ ބަދަލަކާ ގުޅިގެން ހިތްހަމަނުޖެހުމަކީ އިންސާނީ ތޮބީއަތުގައި ހުންނަ ކަމެއް،" ފައްޔާޒް ވިދާޅުވި އެވެ.
އެމްޑީޕީގެ ކޮންގްރެސްގައި ހިނގި މަޝްވަރާތަކަށް ފަހު ނަޝީދު، ފައްޔާޒްއާ ސަލާމްކުރައްވާ އިރު ރައީސް އަރިހުގައި. -- ފޮޓޯ: ފަޔާޒް މޫސާ | މިހާރު
އޭނާ ވިދާޅުވި ގޮތުގައި، އެ ހިތްހަމަނުޖެހުން އޮތަސް ޕާޓީގެ ނިޒާމާއި ގަވާއިދުތަކާ އެއްގޮތަށް ކަންކަން ކުރިއަށް ގެންދާނެ އެވެ. އެމްޑީޕީ ހަރުދަނާކުރަން ކުރަން ޖެހޭ ކޮންމެ ކަމެއް ކުރައްވާނެ ކަމަށް ވެސް ފައްޔާޒް ވިދާޅުވި އެވެ.
"އަދި މި ޕާޓީގެ ކެންޑިޑޭޓް ހޮވުމަށްޓަކައި މި ޕާޓީ އެކަނި ކުރިމަތިލިޔަސް އަދި ދިވެހިރާއްޖޭގައި ދެން ތިބި ހުރިހާ ސިޔާސީ ޕާޓީއަކާ އެކުގައި ވިޔަސް އިރާދަކުރެއްވިއްޔާ 2023 ސެޕްޓެމްބަރު މަހު އަޅުގަނޑުމެންގެ ކެންޑިޑޭޓް ކާމިޔާބުކުރުމަށް ކުރަން ޖެހޭ ހުރިހާ ކަމެއް ކުރަމުން ގެންދާނަން،" އޭނާ ވިދާޅުވި އެވެ.
"އެއްވެސް ގޮތަކަށް ފަހަތަށް ޖެހުމެއް ނެތް. އިރާދަކުރެއްވިއްޔާ އަޅުގަނޑުމެންނަށް ފެންނަނީ ފަސޭހަކަމާ އެކުގައި އަޅުގަނޑުމެންނަށް މިކަންވާ ތަން."
ފައްޔާޒް ވިދާޅުވި ގޮތުގައި ރިޔާސީ އިންތިހާބަށް ކޯލިޝަން ހަދަން ޕާޓީތަކާ އެކު މަޝްވަރާކުރުމުގެ ބާރު ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިިހަށް ގައުމީ މަޖިލީހަށް ދިނުމަކީ އިތުރަށް ޕާޓީއަށް އިންތިހާބު ކާމިޔާބުކުރަން ފަސޭހަވާނެ ކަމެކެވެ.
ރިޔާސީ ޕްރައިމަރީގައި ނަޝީދުގެ މައްޗަށް ރައީސް ކުރި ހޯއްދެވީ 61 ޕަސެންޓުންނެވެ. އެ ނަތީޖާ ނުކުތީ ޕާޓީން 39،000 މެމްބަރުން އުނިކޮށް ޕްރައިމަރީ ބޭއްވުމުން ކަމަށް ވިދާޅުވެ ނަޝީދު ވަނީ އިންތިހާބުގައި ރައީސަށް ތާއީދު ނުކުރަން ނިންމަވައިފަ އެވެ.
އެ މަނިކުފާނު ގެންދަވަނީ ފިކުރެއްގެ ދިރުންގެ ނަމުގައި ސިޔާސީ ހަރަކާތެއް ހިންގަމުންނެވެ. އެ ގޮފި އުފެއްދުމަށް ފަހު ފަހުން ރިޔާސީ ކެންޑިޑޭޓު ވެސް ނިންމާނެ ކަމަށް ނަޝީދު ވަނީ އިއުލާންކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަމްދާ
17 February 2023
ޙަޒާނާ ހުސްކޮށްލިޔަސް މިފަހަރު އިބޫ ބަލިވާނެ 1. ޕީ.ޕީ.އެމް ނުނީ އެއްބުރުން 2.ޤާސިމް އައްނި 3.ޢިބޫ 4.އުމަރު 5.ނާޒިމް
ޖެކް
16 February 2023
އިބޫ ގޯތިވެސް ދޭނެ. މުސާރަވެސް ބޮޑު ކުރާނެ، މަސް ކިލޯއަކަށް 30 ރުފިޔާވެސް ދޭނެ! އެކަމަކު ވޯޓެއް ނުލިބޭނެ!
ބޮޑުމީހާ
16 February 2023
ވަަރަށް ރަގަޅު. ދިވެހި ހުރިހާ ރައްޔިތުންވެސް ވާނެ ކޯލިޝަން ދަމަހައްޓަން ވޯޓް ދޭން. ކިހާ ހެޔޮ ވެރިކަމެއް މިކުރަނީ. އެންމެ 1200 ސިޔާސީ މަގާމު. އެންމެ 60 ބިލިއަނުން ދަރަނި. އެންމެ މަގެއް މާލެ ސަރަހައްދުގަ ހާދަ ނިމޭނެހެން ހީވޭ. އެންމެ 1 ލައްކަ ރުފިޔާ ޝާހިދު، ރީކޯ، މަވޯޓާގެ ދަރިންނަށް، އެންމެ 15 މިލިއަން އިބުރާގެ ބަދަލަށް، އެންމެ 8 އިންސައްތައަށް ޖީއެސްޓީ ބޮޑުކުރީ، އެމްޑީޕީންވެސް ނިންމީ ރައީސް ސޯލިހުއާއިއެކީ ދާން، ރައްޔިތުންވެސް އެހެންތިބެންވާނީ
ނަމަމަ
16 February 2023
ސިޔާސީ ކޮންމެ މީހަކު ނޫސްތަކުގެ ފަލަސުޚީތަކަށް ިއަރުވަނީ "ޑިމޮކްރަޓިކް އުސޫލު"މީ ކޮށްއުސޫލެއްކަމެއް ރައްޔިތުންނަކަށް ނޭގެއެވެ. ކޮންމެ ގޮތެއްހަދާފައި ވެސް މޮޅުވުންތޯ ؟ޕާޓީގެ އެތެރޭގެ އިންތިޚާބަށް ދައުލަތުގެ މުދަލާއި ތަކެތި މަގާމައި ފައިސާ އަދި އެކިއެކި ނުފޫޒް ފޯރުވުުގެ ގޮތުން ދައުލަތުގެ ޕްރޮޖެކްޓްތަށް ބޭނުން ކުރުމަކީ ޑިމޮކްރަޓިކް ގޮތްތޯއެވެ. އެމްޑީޕީގެ 39000 މެމްބަރުން ފައްޔާޒު އާއި އިންތިއަށް ވޯޓްލީ އިރު މިޕްރައިމަރީގައި ވޯޓު ނުލެވުނީ ކީއްވެތޯ ؟
ވަގުވޯޓް
16 February 2023
ހުވަފެނަކުން ފެނިދާނެ ނޫނީ ވަގު ވޯޓަކުން ކާމިޔާބު ވެދާނެ،ސައްޙަ ވޯޓަކުން 10 ޕަސެންޓް ވެސް ނުލިބޭނެ،މިކޮމެންޓް ގެ ތާރީހާ ގަޑި ނޯޓް ކޮއްލައްވާ،ރައްޔިތުން މިހާރު ތިކުޅޭ ކުޅިގަނޑު ވަރަށް ގާތުން ބަލާފަ ތައްޔާރު ވެ ތިބީ 2023 އޮޅާލަން،ވ ކެރިގެން މިބުނީ ލަދުގަންނަވާލާނަން 2023 ގެ ރިޔާސީ އިންތިހާބުގައި،2023 ގައި ޖަލުހުކުމެއްވެސް އައުން އެކަށީގެންވޭ،
ޅަހުއްތު
16 February 2023
އިންތިހާބް ކާމިޔާބު ކުރުމަށްޓަކައި އެކޮނޮމިކް މިނިސްޓަރ ފައްޔާޒު ރިޔާސީ ކެންޑިޑޭޓުގެ ކެމްޕެއިން މެނޭޖަރަކަށް ހެދުން މުހިންމު. އޭނާއަކީ ވަރުގަދަ ސިކުންޑިއެއް. އޭނާ ކެމްޕެއިން މެނޭޖަރަކަށް ހެދުމަށް ރައީސް އިބޫއަށް އިލްތިމާސްކުރަން.
އެމްސް
17 February 2023
ޔާމީންއަަށް އެމަޤާމު މާ ޙައްޤު! 2 ވަނަ ފެބްރުއަރީ 7 ފެއިލް ކޮށްލީ އޭނާ! ފައްޔާޒް އަކީ ނަތީޖާ ނެރެވޭ މީހެެއް ނޫންކަން ގަލޮޅު ދަނޑަށް އެއްކުރި ބިދޭސީންގެ ޢަދަދުންވެސް ހާމަވެެގެން ގޮއްސި! އެހެނީ މިއަދު އޭގެ 2 ގުނަ އަށްވުރެ އެޢަދަދު ބޮޑު!
ޖުއްބާ
16 February 2023
ފައްޔާޒު ކޮން ކާމިޔާބެކޭ ކިޔާކައް...... ތިވަރުގެ ހުދުމުހުތާރު ޕާޓީއެއް ނެތޭ މިރާއްޖޭގަ. އަލްހާނު ފަހުމީ އާއި ޑޮކްޓަރ ޑީޑީ އެމްޑީޕީއޭ ކިޔަގެން ޗުޕެކޭ ބުނިތަނާ، އެދެމީހުން ޕާޓީއިން ކަނޑާ އެއްލާލީ. މިހާރު ކެނެރީގޭ ނަޝީދު އެހެރަ ޕާޓީއާ އެއްވެސް ގުޅުމެއްނެތް ވަކި ޖަމާއަތެއް އެހެރަ ހަދަނީ ފާޅުގަ، ރިޔާސީ އިންތިހާބައް ވަކިން ކުރިމަތިލާން... ފައްޔާޒު އާއި އިބޫ ސޯލިހު ތިހުރީ ބިރުން ހަދާނެ ނުހަދާނެ ނޭނގިފަ......
އިބޫ ފެކްޝަން ފަރެސްމާތޮޑާ އަސްލަމް ގޮފި
16 February 2023
ދަންނަންތަ ޓަގުބޯޓުގަ ފިލިސޮރު އޭނައަށް ވީގޮތް މިކަލޭގެއަށް ނުވެއްޖެއްޔާ ކިތެންމެހާވެސް ރަގަނަޅު. މިދާގޮތަށް ދަންޏާ އަދި ފެންނަނީ އެމަންޒަރު
ނޯޥޭ
16 February 2023
ތިޔަ ދައްކަނީ އުޑާ ބިމާހާ ތަފާތު ދެމީހެއްގެ ވާހަކަ. އެކަކީ ފައިސާ ފަހަތުން މީހަކު ފޮނުވައިގެ ދުވިމީހެއް. އަނެކަކީ މިގައުމުގެ މުސްތަގުބަލަށްޓަކައި ވަރުބަލިވުމެއްނެތި މަސައްކަތް ކުރާމީހެއް.
ރަދީފު ބިން ރަފައިދާ
16 February 2023
ފައްޔާޒުބޭ އަދިވެސް ހިންގާތަނެއްނުފެނޭ. ކޮންއިރަކުންހޭ ފައްޔާޒުބޭ ހިންގަނީ؟
ކުޑަކަމެއް
16 February 2023
އަންނި ކަލްޓު ގުރޫޕު ފަނިކޮއްލެވިއްޖެ ނަމަ އިބޫއައް ފަސޭހަކޮއް ކާމިޔާބުވީ. މާ ގިނަ ކަންކަން ކުރާކައް ނުޖެހޭ