ޖޭއެސްސީގެ ރައީސް ހިސާން: ހައި ކޯޓުގެ އިސް ފަނޑިޔާރު ކަމަށް ކުރިމަތިލާން ވަނީ ހުޅުވާލާފައި --- ފޮޓޯ/މިހާރު
07 މާޗް 2023 - 13:17
5 comments
ހައި ކޯޓުގެ އިސް ފަނޑިޔާރު ކަމަށް ކުރިމަތިލުމުގެ ފުރުސަތު ހުޅުވާލައިފި އެވެ.
އެ ކޯޓުގެ ފަނޑިޔާރުކަމުގެ މަގާމަށް ކުރިމަތިލުމުގެ ފުރުސަތު ހުޅުވާލީ މިވަގުތު ތިއްބެވި ފަނޑިޔާރުންނަށް ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ބުންޏެވެ. އެ މަގާމަށް ކުރިމަތިލުމުގެ ފުރުސަތު މި މަހުގެ 20 ވަނަ ދުވަހުގެ ނިޔަލަށް އޮންނާނެ ކަމަށް އެ ކޮމިޝަނުން ބުންޏެވެ.
ހައި ކޯޓުގެ އިސް ފަނޑިޔާރުގެ މަގާމު ހުސްވީ އެ މަގާމުގައި އެންމެ ފަހުން ހުންނެވި ހާތިފް ހިލްމީ ފަނޑިޔާރުކަމުން ރިޓަޔާ ކުރެއްވުމުންނެވެ. އެހެންވެ، އެ ކޯޓު ހިންގުމާ ވަގުތީ ގޮތުން މިހާރު ހަވާލުވެ ހުރީ ފަނޑިޔާރު ހުސައިން ޝަހީދެވެ.
ހައި ކޯޓުގެ އިސް ފަނޑިޔާރަށް މުސާރަ އާއި އިނާޔަތްތަކާ އެކު މަހަކު 56،000ރ. ލިބޭނެ އެވެ.
ހައި ކޯޓުގެ އިތުރުން ސިވިލް ކޯޓުގެ އިސް ގާޒީ ކަމަށް ކުރިމަތިލުމުގެ ފުރުސަތު ވެސް ޖޭއެސްސީން މިހާރު ވަނީ ހުޅުވާލައިފަ އެވެ. އެ މަގާމަށް ކުރިމަތިލުމުގެ ފުރުސަތު ވެސް އޮންނާނީ އެ ކޯޓުގެ ގާޒީންނަށެވެ.
ހައި ކޯޓާއި ސިވިލް ކޯޓުގެ އިތުރުން ކްރިމިނަލް ކޯޓަށް އާ ފަނޑިޔާރުން އައްޔަން ކުރަން ޖޭއެސްސީން މިހާރު އޮތީ ނިންމައިފަ އެވެ. ހައި ކޯޓަށް އައްޔަން ކުރަން ނިންމީ ކްރިމިނަލް ކޯޓުގެ އިސް ގާޒީ އަހުމަދު ޝަކީލެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީބާ
07 March 2023
ކީއްކިރަން ކުރާ އިއުލާނެއް ނަގާބަލަ ހިތައްއެރި މީހަކު. މިހާރު އޮތީ ނިމިފަނު. ދީބާ
ކެނައެއް
07 March 2023
ތިޔަކަމަށް އެންމެ ކުފޫހަމަވާނީ ސިޔާސީމީހުން ބުނާގޮތަށް ހުކުން ކޮށްދޭން އެއްބަސްވާ މީހާނޫންތޯ؟
އުދުހޭ
07 March 2023
ހައިކޯޓަށް ޕްރޮމޯޓްވި ފަނޑިޔާރު ޔާމީނަށް ހައިކޯޓުން ރަގަޅު ހުކުމެއް ކުރީމާ އިސްފަނޑިޔާރަކަށް ޕްރޮމޯޓްކުރުންތޯ އޮތީ؟ އިސްފަނޑިޔާރުކަމުން ދެން ސުޕްރީމް ކޯޓަށް އަނެއް ޕްރޮމޯޝަން ދެވޭނެއެއްނުން؟!
ވިސްނާލުމަށް އެދެމޭ
07 March 2023
ކޯޓެކޭ ބުނާއިރަށް ހިސާނުގެ ފޮޓޯ ހިތްތަކަށް ސިފަވަނީ ފަޑިޔާރެކޭ ބުނާއިރަށް ރޔާމީނަށް ހުކުމްކުރާ ފަޑިޔާރުންގެ ހަދާންގެނުވަނީ އަދުލުއިންސާފޭ ބުނާއިރަށް ނަގުދުފައިސާ ހިތައްސިފަވަނީ ޝަރުއަތޭ ބުނާއިރަށް އަލިޕީއެކޭކިޔާއަޑު ގަދަވަނީ.. ހީލަތްތެރިވެރިއެކޭ ބުނާއިރަށް އިބުރާހިމެކޭ ގޮވާހަރުއަޑު ގުގުމާލަނީ.ގައުމެއްގެ މިނިވަންކަމޭ ބުނާއިރަށް މާރިޔަލަކާ ޝާހިދަކާ އިބުރާހީމެކޭ އެއްމެންކިޔާލިޔެނީ ދިވެހިންނަބޭނުމީ ދިވެހިންގެވެރިޔެކޭ ބުނާއިރަށް ރޔާމީނުގެ ނަންގަދަވަނީ
ކޮރަލް
07 March 2023
ޖޭއެސްސީ ސިޔާސީ ވީމަ ދެން ހޮވާ ފަނޑިޔާރުންނަށް ވާނެ ގޮތް ވިސްނާލާށެވެ.