ސައޫދީ-އީރާން ސުލްހަވުމުން ރާއްޖޭން ވެސް އަލުން އީރާނާ ގުޅެނީ

ރައީސުލް ޖުމްހޫރިއްޔާގެ އޮފީސް: ރާއްޖޭން ވަނީ އީރާނާ އަލުން ސިޔާސީ ގުޅުން ގާއިމުކުރަން ނިންމާފައި. -- ފޮޓޯ: މިހާރު

10 މާޗް 2023 - 23:35

ސައޫދީ އަރަބިއްޔާ އާއި އީރާންގެ ގުޅުން ކެނޑިފައި އޮންނަތާ ހަތް އަހަރު ފަހުން އަލުން ގުޅުންތައް ގާއިމުކުރުމަށް މިއަދު އެއްބަސްވުމާ އެކު ރާއްޖޭން ވެސް އީރާނާ އަލުން ސިޔާސީ ގުޅުން ގާއިމުކުރަން ނިންމައި ދެ ގައުމުގެ ނިންމުމަށް މަރުހަބާ ކިޔައިފި އެވެ.

ގައުމުތަކުގެ ސިޔާދަތަށް ހުރުމަތްތެރިކޮށް ހިތުމާއި ގައުމުތަކުގެ ދާޚިލީ ކަންކަމާ ނުބެހުމާ ގުޅޭ އަސާސް އަލުން ކަށަވަރުކޮށް ސައޫދީ އަރަބިއްޔާ އާއި އީރާން ސުލްހަވާން ނިންމީ ޗައިނާ މެދުވެރިއެއްގެ ގޮތުގައި އޮވެގެން ބޭއްވި މަޝްވަރާތަކަށް ފަހުގަ އެވެ.

" ...މިހެޔޮ ބަދަލުތަކުގެ އަލީގައި ދިވެހި ސަރުކާރުން އީރާނާ އެކު އަލުން ސިޔާސީ ގުޅުން ގާއިމުކުރުމަށް ނިންމައިފީމެވެ." ސަރުކާރުގެ ބަޔާނުގައި ބުންޏެވެ.

ރާއްޖޭން އީރާނާ ސިޔާސީ ގުޅުން ކަނޑާލީ ކުރީގެ ރައީސް އަބްދުﷲ ޔާމީންގެ ވެރިކަމުގައި މެއި 17، 2016 ގަ އެވެ. އެއީ މެދުއިރުމަތީގެ ސުލްހަޔާއި ހަމަޖެހުން ގެއްލޭ ފަދަ ކަންކަން އެ ގައުމުން ކުރާ ކަމަށް ބުނެ އެވެ. އެ އަހަރުގެ ޖެނުއަރީ މަހު ސައޫދީން އޮތީ އީރާނާ ގުޅުން ކަނޑާލައިފަ އެވެ.

The Govt of Maldives severs diplomatic relations with #Iran. Iran plays detrimental role in peace & security in Middle East & Arabia Gulf.
— Ministry of Foreign Affairs 🇲🇻 (@MoFAmv) May 17, 2016

ރާއްޖޭން އީރާނާ ސިޔާސީ ގުޚުން ކަނޑާލިކަން އިއުލާނުކޮށް މެއި 17، 2016 ގައި ކުރި ޓްވީޓް

އޭގެ ފަހުން ޖޫން 5، 2017 ގައި ގަތަރާ ވެސް ރާއްޖޭން ސިޔާސީ ގުޅުން ކަނޑާލި އެވެ. އެ ނިންމުން އައީ ވެސް ސައޫދީން ގަތަރާ ގުޅުން ކަނޑާލުމުންނެވެ. ނަމަވެސް ޖެނުއަރީ 6، 2021 ގައި މި ސަރުކާރުން ވަނީ އަލުން ގަތަރާ ގުޅުން ގާއިމުކުރަން ނިންމައިފަ އެވެ.

މި ގުޅުންތައް އިޔާދަކުރުމަކީ ރައީސް އިބްރާހިމް މުހައްމަދު ސޯލިހް ރިޔާސީ ވައުދުތަކުގެ ތެރޭގައި ވެސް ހިމެނުނު ކަންކަމެވެ. ނަމަވެސް ގަތަރާ އެކު ވެސް އަލުން ގުޅުން ގާއިމްކުރީ ސައޫދީން ގަތަރާ އަލުން ގުޅުން ގާއިމުކުރުމުންނެވެ.

ސައޫދީ އާއި އީރާން ސުލްހަވެ ގުޅުންތައް އަލުން ގާއިމުކުރަން ނިންމިކަން މިއަދު އިއުލާނުކުރީ އެ ދެ ގައުމާއި ޗައިނާގެ ގުޅިފައިވާ ބަޔާނަކުންނެވެ. އޭގައި ބުނެފައިވަނީ ކުރިއަށް އޮތް ދެ މަސް ތެރޭ ދެ ގައުމުން ވެސް އެމްބަސީތައް އަލުން ހުޅުވާނެ ކަމަށެވެ. ކޮންމެ ގައުމަކުން ވެސް އަނެއް ގައުމެއްގެ މިނިވަންކަމަށް އިހްތިރާމްކޮށް ގައުމުގެ ދާޚިލީ ކަންކަމުގެ ތެރެއަށް ނުވަނުމަށް ވަނީ އެއްބަސްވެފަ އެވެ. މީގެ އިތުރުން، ދެ ގައުމުން މީގެ ކުރިން ސޮއިކޮށްފައިވާ ބައެއް އެއްބަސްވުންތަކަށް އަލުން އަމަލުކުރަން ފަށަން ވެސް ވަނީ ނިންމައިފަ އެވެ.

China medhuveriakah ve Saudi aai Iran sulha koffi

The most trusted news source in the Maldives

Mihaaru

ސައޫދީން އީރާނާ ސިޔާސީ ގުޅުން ކަނޑާލީ 2016 ވަނަ އަހަރު، އީރާންގެ ވެރިރަށް ތެހެރާންގައި މުޒާހަރާކޮށް، އެ ތަނުގައި ހުންނަ ސައޫދީ އެމްބަސީއަށް ގެއްލުންދީ ހުޅުޖެހި މައްސަލައިގަ އެވެ. އެކަން ކޮށްފައިވަނީ ސައޫދީގައި ޝީއީން އުޅޭ ހިސާބުތަކުގައި މުޒާހަރާކުރުމުގައި އިސްކޮށް އުޅުނު ޝީއީންގެ އިލްމުވެރިއެއް ކަމަށްވާ ޝައިޚް ނިމްރު ބަޣްރު އާލް ނިމްރު ދަންޖައްސައި މެރުމަށް ހުކުމްކޮށް އެ ހުކުމް ތަންފީޒުކުރުމާ އެކުގަ އެވެ. އޭގެ ފަހުން ސައޫދީން ވަނީ އީރާނަށް ޖާސޫސްކޮށްދޭ ކަމުގެ ތުހުމަތުގައި ޝީއީންގެ 30 މީހަކު ހައްޔަރުކޮށް އޭގެ ތެރެއިން 15 މީހެއްގެ މައްޗަށް މަރުގެ ހުކުމް އިއްވައިފަ އެވެ.

ސައޫދީގައި ހަމަނުޖެހުން އުފެއްދުމަށް އީރާން އަޑީގައި އޮވެގެން މަސައްކަތްކުރާ ކަމަށް ސައޫދީން ތުހުމަތުކުރެ އެވެ. ސައޫދީގެ އަވަށްޓެރި ޔަމަންގެ ހޫތީ ހަނގުރާމަވެރިނަށް ހަތިޔާރު ދެނީ ވެސް އީރާނުން ކަމަށް ސައޫދީ ބުނެ އެވެ. ހޫތީން ޑްރޯން ބޭނުންކޮށްގެން ސައޫދީގެ ތެލުގެ މަރުކަޒުތަކަށް ހަމަލާދޭން ފެށުމުން 2019 ވަނަ އަަހަރު މައްސަލަ އިތުރަށް ގޯސްވި އެވެ.

ރާއްޖެ-އީރާން އީރާން ސައޫދީ އަރަބިއްޔާ

33 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހުތާން

12 March 2023

އުންބައްޖެހީތޯ؟ އޭރުގެ ސަރުކާރުން އީރާނާ ގުޅުން ކަނޑާލީމާ ވަރަށް ވަރުދައްކާ ބަސްބުނި! އެކަމަކު ވެރިކަން ލިބިގެން މިހާ ދުވަސްވީއިރުވެސް ގުޅުން ރުޖޫޢަ ނުކުރެވުން، ހަމަ ސަޢޫދީން ނިންމާއިރަށް ގުޅުން ރުޖޫޢަ! އެހެންވީމާ މީ ސަޢުދީގެ ދަށުގައި އޮތް ގައުމެއް ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމް ރޫހާނީ

12 March 2023

އެއްޗެއް ލިބެން އޮތިއްޔާ މިއަދު ދަންމަޅއަކަށް ވެސް ބޯމަހާނެ ބާރުވެ ނޭވާނުލެވޭކަން އިހްސާސްކޮށްލެވޭނީ ވަގުތުކޮޅެއްފަހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރުކަލޭގެފާނު

11 March 2023

ރާއްޖެއަކީ ސަޢުދޫގެ ވެރިކަމުގެ ދަށުގައި އޮތް ޖަޒީރާއަކީތޯއެވެ. ވެރިންގެ ބޯނުރަވީ ހަމަ އެކައްޗެއްވެސް ނޭގިއެވެ. ރާއްޖެއަކީ މިވަގުތު ދުނިޔޭގައިވެސް ހަމައެކަނި 100% އިސްލާމީ ޤައުމެވެ. ނަމަވެސް ތިޔަ ސަޢުދީން ހައްޖަށްދާން ކޯޓާދެނީ ޢައިރު މެޖޯރިޓީ ޢައިރު މުސްލިމު ޤައުމުތަކަށްދޭ ނިސްބަތަށްވުރެންވެސް ދަށުންނެވެ. އަދިވެސް ސައުދީން ބުނާހާ ގޮތަކަށް އުޅެންވީއެވެ. ރާއްޖެއަށް އެހީ ލިބޭ ޤައުމުތަކުގެ ލިސްޓުން ފަހަތުން އެއްވަނައަށް ދާނީ ސަޢުދީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޒް

12 March 2023

100% މުސްލިމުން ވަރިހަމަ ދޯ 2 މީހުންނާ ފަޅި ވިޔަސް.. ބަލަ ކޯޓާ ދެނީ މުސްލިމުންގެ ގެ ނިސްބަތަށް ބަލާފައި.. ތިޔަ ބުނާ ގައުމު ތަކުގައި 200 މިލިއަން މުސްލިމުން އުޅޭ.. މޮޔަ ނުގޮވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫98765432

11 March 2023

‫އެމެރިކާގެ އެހީގަ ސައުދީން ދަނީ އިޒްރޭލް އާ ގިޅުން ނޯމަލާއިޒް ކުރަމުން. އަދި ނުރަސްމީކޮން ކުރިއަށްދަނީ. ރަސްމީވީމް ދިވެހިރާއްޖެއަށް ޖެހޭނެ އިޒްރޭލާ ގުޅުން ބަދަހިކޮށް ދެގައުމުގެ ދޭތެރޭ ފްލައިޓްތައް އަޅަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާދަފަތި

11 March 2023

ކޮންމެ ބަޔަކު ވެސް ވެރިކަން ލިބުނީމަ ހީވާކަހަލަ މަވަރެއް ނެތޭ ޤައުމު ހިންގަން ނޭގޭމީހުންނަށް ވެރިކަން ހަވާލު ކުރީމަ ވާނެގޮތް ތިވަނީ ނިކަން ބަލަންތިބެބަލަ ޕީ.އެން.ސީ ވެރިކަމަށް އައިސް ޤައުމު ހިންގާލާގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯޓުލާބަލަ

11 March 2023

ސައުދީ މީހުން ބުނާހާކަމެއް ކުރާކަށް ނުޖެހޭ. އަމިއްލަ މިނިވަން ގައުމެއްމީވެސް. މިގައުމުން ކަންކަން ކުރާނީ އަމިއްލަ އިޚްތިޔާރުގައި. ސައުދީން ތިދޭ ކަދުރުކޮޅުވެސް މިހާރު މިވަނީ މިގައުމު ފިތުނަކުރާ އެއްޗަކަށް. ރައްޔިތުންނަށް ހިލޭ ބަހަން ފޮނުވަނީ 50 ޓަނު ކަދުރު. ޕެކެޓެއް ހަތަރުބައިކޮށްގެންވެސް ގޭބިސީތަކަށް ހަމައެއްނުވޭ. ދެންޏާ ގޭބިސީއަކަށް ޕެކެޓެއް ދީބަލަ. ނޫނީ ނުދީބަލަ. އެމީހުންގާތު ބުނެދީބަލަ މިހާރު މޮޅީ ރަސްކަމެއް ނޫނީ ޑިމޮކްރަސީއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯފާރުގަނޑު

11 March 2023

ދެން ކިޔާނީ ނެގިގާގަނޑަށް ބޮލިއެރީއޭ. ބަލަ ބަޔަކު ބުނީމަ ގުޅުން ގާއިމް ކޮށްފަ. ބުނީމަ ގުޅުން ކަނޑާލާފަ. މީ ކިހިނެއްވާ ކަމެއްތަ؟ ބަލަގަ ދިވެހިރާއްޖެއަކީވެސް މިނިވަން ގައުމެކޭ. ބަލަގަ މީކީ ސަމްސުއްދީނުގެ ރަސްކަމެއްވެސް ނޫނޭ ކަލޭނޭ. ސައުދީން ބުނީމަ ގަތަރާ ގުޅުން ކަނޑާލީ. ސައުދީން ބުނީމަ އީރާނާ ގުޅުން ގާއިމްކުރީ. ޕީޕީކުދިން ދެން ގޮވަންވީނު ކޮންމެސް އެއްޗެއް އައުޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

11 March 2023

މިހާތަނަށް ރާއްޖޭގެ ތާރީޚުގައި އެންމެ ހަރުދަނާ މުސްތަގިއްލު ޚާރިޖީ ސިޔާސަތެއް ގެންގުޅުނީ މައުމޫނުގެ ވެރިކަމުގައި. ޔާމީން ސަރުކާރުގައި ވެސް ބޮޑެތި ގޯސްތައް ހެދުނު. ގަތަރާއި ޚާްއްސަކޮށް ގުޅުން ކަނޑާލުމުން އެކަން ފޫބެއްދޭނެ ގޮތެއް ނެތް. އިތުބާރު ގެއްލުނީ. މި ސަރުކާރުން ޚާރިޖީ ސިޔާސަތުގެ މިނިވަންކަންކަން ވަނީ ގެއްލުވާލާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަންޑަނާސް

11 March 2023

އަހަރުމެން މިއީ ސައުދީ ޕަޕެޓުން އުތަ؟ ޔާމީނުސަރުކާރުގައި ސައުދީން ބުނެގެން ގަތަރާ އީރާނާ ގުޅުންކެނޑީ. ސައުދީން ބުނެގެން މިސަރުކާރު ގަތަރާ އީރާނާ ގުޅުން ގާއިމްކުރަން ޖެހިއްޖެ. އަދިވެސް ޔާމީނާއި ސޯލިހުގެ އައުވާނުން ބުނާނެދޯ މީ މިނިވަން ޚާރިޖީ ސިޔާސަތެއް ގެންގުޅޭ ގައުމުކޭ؟ ފައިސާ ބާރުގަދަކަން މި ދައްކުވައިދެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭންކު އެކައުންޓް ނަމްބަރު ބުނެދީ!

11 March 2023

ރަގަޅު. އެމީހުންގެ ޖަހާހާ ބެރަކައް ނަށަން އަޒުމް ކަނޑައަޅައިގެން ތިބި ބައެއް އަހަރުމެން މިއީ. ބަންބަރަ ބަންބަރަބަން!!! ސައޫދީއައް އެހީވަން ކޮންމެ މީހަކު އަހަރަކު ދެފަހަރައް އުމްރާއަކައް ގޮސް، 10 ހައްޖު ކުރަން ވައުދު ވާންޖެހޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދދދދ

11 March 2023

ކަލޯ، ދީނާއިނުބެހި ކޮމެންޓްކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކައުންޓޭ

11 March 2023

ސައުދީއަށް އެހީވާކަށް ނޫން މީހުން ހައްޖަށާ އުމްރާއަށް ދަނީ. އެމީހުންނަށް އެހީވެވެނީއޭ ކިޔާފަ ނުގޮސް ހުރެވޭނެ ފަދަ ކަންކަމެއް ނޫން އެއީކީ. ދީން ނޭނގޭ މީހުން ކުރާ ކަހަލަ ކޮމެންޓް ތިއީ.