ގޯއްޗާއި ފްލެޓު ދިނުން ލަސްވާތީ މަޖިލީހަށް ގަރާރެއް ހުށަހަޅައިފި

މެދު ހެންވޭރު ދާއިރާގެ މެންބަރު އަލީ އާޒިމް ރައްޔިތުންގެ މަޖިލީހުގައި. --ފައިލް ފޮޓޯ: މަޖިލިސް

މޫސާ ރަޝީދު، މިހާރު

13 މާޗް 2023 - 12:01

މާލޭގެ ރައްޔިތުންނަށް މި ސަރުކާރުން ވައުދުވެފައިވާ ގޮތަށް ގޯއްޗާއި ފްލެޓު ދިނުން ލަސްވާތީ އެކަން އަވަސް ކޮށްދިނުމަށް އެދި މެދު ހެންވޭރު ދާއިރާގެ މެންބަރު އަލީ އާޒިމް ރައްޔިތުންގެ މަޖިލީހަށް ގަރާރެއް ހުށަހަޅައިފި އެވެ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ "ފިކުރެއްގެ ދިރުން" ފެކްޝަންގެ މެންބަރެއް ކަމަށްވާ އާޒިމް ހުށަހެޅުއްވި ގަރާރުގައި ބުނެފައި ވަނީ 2018 ވަނަ އަހަރު ރިޔާސީ ކެނޑިޑޭޓެއްގެ ގޮތުގައި ހުންނަވައި ބޯހިޔާވެހިކަން ބޭނުންވާ ކޮންމެ މީހަކަށް ފަސް އަހަރު ނިމުމުގެ ކުރިން އެކަން ފަހިކޮށްދޭނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެފައިވާ ކަމަށެވެ.

އެކަމަކީ އެމްޑީޕީގެ މެނިފެސްޓޯ އާއި ގާނޫނުއަސާސީ ރައީސް އަށް ކުރަން ލާޒިމްވާ ކަމެއް ކަމަށާއި ހަމަހަމަ އުސޫލަކުން އެ ހައްގު ރައްޔިތުންނަށް ފޯރު ކޮށްދޭން ޖެހޭނެ ކަމަށް ވެސް އެ ގަރާރުގައި ބުނެފައި ވެ އެވެ.

އެހެން ނަމަވެސް މާލޭގެ ރައްޔިތުންނަށް ބޯހިޔާވެހިކަން ފޯރުކޮށްދިނުމަށް މަޖިލީހުގައި ތިއްބެވި ރައްޔިތުންގެ މަންދޫބުން ތަކުރާރުކޮށް އެދުމުން ވެސް އެ މަސައްކަތް ކުރަމުން ދަނީ އެހާމެ ލަސް އަދި އެއްވެސް މިސްރާބެއް ނެތް ގޮތަށް ކަމަށް އެ ގަރާރުގައި ބުނެފައިވެ އެވެ.

މީގެ އިތުރުން ރިޔާސީ އިންތިހާބާ ގުޅިގެން ބައެއް މަޖިލިސް މެންބަރުންނާއި މިނިސްޓަރު މާލެ ރައްޔިތުންގެ ގޭގެއަށް ވަޑައިގެން އެއްވެސް އުސޫލެއް ނެތި ފްލެޓު ދޭނެ ކަމަށް ވިދާޅުވެ ވޯޓު ހޯދުމުގެ ނިޔަތުގައި އޮޅުވާލަމުން އަންނަ ކަމަށް ވެސް އެ ގަރާރުގައި ވަނީ ތުހުމަތު ކޮށްފަ އެވެ.

ބޯހިޔާވެހިކަން ފޯރު ކޮށްދިނުމަށް މިހާތަނަށް ސަރުކާރުން އެކަށީގެންވާ މަސައްކަތެއް ނުކުރާ ކަމަށާއި އިތުރަށް އެ މަސައްކަތް ދިގުދަންމައި ނުލައި ބޯހިޔާވެހިކަން ފޯރުކޮށްދިނުމަށް އެ ގަރާރުގައި ވަނީ ގޮވާލައިފަ އެވެ.

ސަރުކާރުން އަންނަނީ ހުޅުމާލެ ދެވަނަ ފިޔަވަހީގައި ފްލެޓުތަކެއް އިމާރާތް ކުރުމުގެ މަސައްކަތް ކުރަމުންނެވެ.

މި އަހަރުގެ ރިޔާސީ ބަޔާނުގައި ރައީސް ވަނީ މި އަހަރުގެ ތެރޭގައި ރައްޔިތުންނަށް ފްލެޓާއި ގޯތި ދީ ނިންމާނެ ކަމަށް ވިދާޅުވެފަ އެވެ.

މާލެ ރައްޔިތުންގެ މަޖިލިސް ބޯހިޔާވަހިކަން މެމްބަރު އަލީ އާޒިމް

7 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

14 March 2023

ދައުލަތްޒިންމާކޮށް ލޯނުނަގައިގެން ކ.އަތޮޅު ފަޅެއްހިއްކާފައި މާލޭ ޤަބީލާވަންތަ 5000 އާއިލާއަށް "ހިލޭ" ގޯތި ދީގެންނުވާނެ. # އެކަމަކު ފުރަހަނި ފަދަ ގޯއްޗަށް ހބލ ވެފައިވާ ކ.އަތޮޅު މާލޭމީހާއަށްވެސް ގޯތިލިބޭގޮތަށް ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ. ގުޅިފައިވާރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫގެބިންހިއްކާ ތަފާތުކުރުމެއްނެތި އެންމެނަށް ބިންދިނުން ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރާމް ގޯތި

13 March 2023

2.5 މިލިޔަނުގެ ދަރަންޏާއެކު 458 އަކަފޫޓްގައި 4 ލިފްޓްގައި ކޮންމެ 460 އާއިލާއެއް ތަށީގައި ތިބޭއިރު 10މިލިޔަނުގެ ގެއެއް މާލެއަށް ނުވެސްވާ ބިމަކުން ވަކި ބަޔަކަށް ދީގެން ގެވެހި އަޅުވެތިކަން އިތުރުކުރަން އެއްވެސް ރައްޔިތެއް ވޯޓުނުދޭން ބުނަން. އަނިޔާއަކީ ހަމަ އަނިޔާ! އަޅުވެތިކަމަކީ ހަމަ އަޅުވެތިކަން! ހޭއަރާ އަމިއްލަ ވަތޮނުގައި ނިކަމެތިކަމާ ނާއިންސާފު އުސޫލަށް ހެދިޔަ ނުދީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 March 2023

އިގިރޭސިވިލާތް، އެމަރިކާ، ރަޝިޔާ، އޮސްޓްރޭލިއާ، ސައުދީ، މިސްރު ބުރެޒިލް، މެލޭޝިޔާ، އިންޑޮނޭޝިޔާ، އިންޑިޔާ، ޕާކިސްތާން، ލަންކާ ފަދަ އެތައްޤައުމަކުން އެޤައުމުގެވެރިރަށް ބަދަލުކުރިސަބަބާއި ޙާލަތު ކުރިމަތިވުމުންވެސް އެޤައުމުތަކުގެ ތަޖުރިބާއާއިއެއްގޮތަށް ކަންނުކުރާންވެގެން ތިއުޅެނީ ކީއްވެ. # ކ.އަތޮޅު މާލޭގެބަދަލުގައި ވެރިރަށަކަށް ލ. ގަން ހަމަޖެއްސުމާއިއެކު ތިހުރިހާމައްސަލަތަކުގެހައްލުލިބި މާލޭމީހުނަށް މާލެއިން ބިންވެސް ހަމަޖެހިގެން ހިގައިދާނެ އިގޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކިބައެއްގެހައްގު

13 March 2023

ހިލޭގޯތި ދޭން މަސައްކަތްކުރާ އެކަކަށްވެސް ތާއީދެއްނުކުރާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިފާ ސަލީމް

13 March 2023

ނޯ ގޯތި ނޯވޯޓް. މިހާރުވެސް ލަސްވެއްޖެ!! އާޒިމް މެން މިއޮށްހާ ދުވަހު މަޑުން ތިބީ ކީއްވެތޯ؟ މާލެ މީހުންނަށް އިންޝާ ﷲ ގޯތި ލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްދަ.

13 March 2023

ކ.އަތޮޅު މާލޭ މީހުނަށް 25 މިލިޔަން ރުފިޔާގެ އަގުހުރި ގޯތި ދޭކަށް އަހަރުމެން އިބްރާހިމް މުހައްމަދު ސޯލިޙަކަށް ވޯޓެއް ނުދޭނަން. ރާއްޖޭގެ އާބާދީގެ ބޮޑުބަޔަކީ ތިރަށު މީހުންނެއްނޫން. ކޮން ނޯގޯއްޗެކޭ ނޯ ވޯޓެކޭ ކިޔާކަށްތަ. ނިކަން ގޯތި ދީބަލަ ވާގޮތް ބަލަން.