ޚަބަރު / ބޯހިޔާވަހިކަން

މާލެއިން ގޯތި ލިބޭ މީހުން އިއުލާންކުރާނީ އަންނަ މެއި މަހު: ހައުސިން މިނިސްޓްރީ

ގޯއްޗާއި ފްލެޓް ލިބޭ މީހުންގެ އެޕްލިކޭޝަންތައް ބެލުމަށް ރައީސް އުފައްދަވާ ކޮމެޓީ އަދި އެކުލަވާނުލާ ކަަމަށް ހައުސިން މިނިސްޓްރީން ބުނޭ.

މާލޭގެ މަތިން ނަގާފައިވާ ފޮޓޯއެއް: މާލޭ ރަށްވެހިންނަށް ދޫކުރަން ނިންމާފައިވާ 3،000 ގޯތި ލިބޭ މީހުން ކަނޑައަޅާނީ އެކަމަށް ރައީސް އުފައްދަވާ ހާއްސަ ކޮމިޓީއަކުން ކަމަށް ހައުސިން މިނިސްޓްރީން ބުނޭ. -- ފޮޓޯ: މިހާރު

އިފްރާޒް އަލީ، މިހާރު

20 ނޮވެމްބަރ 2022 - 10:58

35 comments

މި ސަރުކާރުގެ ބިންވެރިޔާ ސްކީމުގެ ދަށުން މާލޭގެ ރަށްވެހިންނަށް ދޫކުރަން ނިންމާފައިވާ 3،000 ގޯތި ލިބޭ މީހުން އިއުލާންކުރާނީ އަންނަ މެއި މަހު ކަމަށް ހައުސިން މިނިސްޓްރީން ބުނެފި އެވެ.

ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީން މިދިޔަ ބުދަ ދުވަހު ބޭއްވި ބައްދަލުވުމުގައި ވާހަކަދައްކަވަމުން ހައުސިން މިނިސްޓަރު މުހައްމަދު އަސްލަމް ވިދާޅުވީ މިހާރު ކުރިއަށް ގެންދަނީ އެ ބިންތަކަށް ކުރިމަތިލާން ހުޅުވާލި ފުރުސަތުގައި އެކަމަށް އެދުނު މީހުންގެ އެޕްލިކޭޝަންތައް ދިރާސާކުރުމުގެ މަސައްކަތް ކަމަށެވެ.

އަސްލަމް ވިދާޅުވި ގޮތުގައި ބިންވެރިޔާ އަދި ގެދޮރުވެރިޔާ ސްކީމުގެ ދަށުން ފްލެޓާއި ގޯއްޗަށް ކުރިމަތިލީ މީހުންގެ އެޕްލިކޭޝަންތައް ބަލާނީ ރައީސް އުފައްދަވާ ހާއްސަ ކޮމެޓީއެއް އަކުން ކަމަށެވެ. އެ ކޮމިޓީ އަދި އެކުލަވާނުލާ ކަމަށާއި އެކަމަކު ލަސްނުވެ އެކަން ނިމޭނެ ކަމަށް އޭނާ ވިދާޅުވި އެވެ.

[ކޮމެޓީ އެކުލަވާލާ] ނިމުނީމަ އަޅުގަނޑުމެން މި ބަލަނީ އަންނަ އަހަރުގެ މެއި މަހާ ހިސާބަށޭ އަޅުގަނޑުމެންނަށް މީހުން ޝޯޓްލިސްޓުކޮށްފައި، ގޯތި ލިބޭނެ މީހުން ކަނޑައަޅާ ނިމޭނީ: އަސްލަމް، ހައުސިން މިނިސްޓަރު

"[ކޮމެޓީ އެކުލަވައިލާ] ނިމުނީމަ އަޅުގަނޑުމެން މި ބަލަނީ އަންނަ އަހަރުގެ މެއިއާ ހިސާބަށޭ އަޅުގަނޑުމެންނަށް މީހުން ޝޯޓްލިސްޓުކޮށްފައި، ގޯތި ލިބޭނެ މީހުން ކަނޑައަޅާ ނިމޭނީ،" އަސްލަމް ވިދާޅުވި އެވެ.

"އޭގެ ތެރެއިން ހުޅުމާލެއިން ދޭން ހުރި ގޯތިތައް އަޅުގަނޑުމެން އެ ހުރީ ބިން ވެސް ފާހަގަކޮށްފައި. ގުޅިފަޅުގައި ހުރި ގޯތިތައް އަޅުގަނޑުމެންގެ ކުރެހުމުގައި އެބައޮތް ފާހަގަކޮށްފައި. ނަމަވެސް ގުޅިފަޅު ހިއްކުމުގެ މަސައްކަތް އަދި އަމަލީ ގޮތުން ނުފެށޭ."

ގުޅިފަޅު ހިއްކުމަށް ކޮންޓްރެކްޓަރާ އެކު އެއްބަސްވުމުގައި ސޮއިކޮށްފައިވާ ކަމަށާއި އެ މަސައްކަތް ކުރުމަށް ޔޫރަޕުގެ ބޭންކަކުން ލޯނު ވެސް ހަމަޖައްސައިދީފައިވާ ކަމަށް އަސްލަމް ވިދާޅުވި އެވެ.

މިނިސްޓަރު ވިދާޅުވި ގޮތުގައި އެ މަސައްކަތް ލަސްވެފައި ވަނީ އިދާރީގޮތުން ފުރިހަމަކުރަން ޖެހޭ ބައެއް ކަންކަން ނުނިމި ހުރުމުންނެވެ.

މާލެ އިން ދޫކުރާ ހިލޭ ބިމަށް އެދި 15،164 ފޯމު، ފްލެޓަށް 20،697 ފޯމު ހުށަހަޅައިފި https://t.co/nKGqAKL1w4
— Mihaaru (@Mihaarunews) October 16, 2022

ހުޅުމާލެ އިން ދޫކުރާ 1،000 ގޯއްޗާއި ގުޅިފަޅު ހިއްކައި އެ ސަރަހައްދުން ދޫކުރާ 2،000 ގޯތީގެ އިތުރުން ހުޅުމާލޭގައި މިހާރު އިމާރާތް ކުރަމުން އަންނަ 4،000 ފްލެޓަށް އެދުމަށް ސަރުކާރުން ހުޅުވައިލީ މިދިޔަ ޖޫން މަހުގެ 26 ގަ އެވެ. އެ ފުރުސަތުގައި ގޯއްޗާއި ފްލެޓަށް އެދި 35،861 ފޯމު ހުށަހަޅާފައިވާ ކަމަށް ޕްލޭނިން މިނިސްޓްރީން ކުރިން ބުނެފައިވެ އެވެ.

އޭގެ ތެރެއިން މާލެ އިން ހިލޭ ދޫކުރާ ބިންތަކަށް އެދި ފޯމުލީ 15،164 މީހެކެވެ.

ބިންވެރިޔާ ސްކީމުގެ ދަށުން ދޫކުރާ ގޯއްޗެއްގެ އެންމެ ކުޑަ މިނަކީ 1،225 އަކަފޫޓެވެ. އެކަމަކު އާއިލާގެ މެމްބަރުންނާ ބައިވެރިވެގެން ޖޮއިންޓް އެޕްލިކޭޝަން ހުށަހަޅާ ނަމަ، އެކަކަށް ވުރެ އިތުރުވާ ކޮންމެ މީހަކަށް 400 އަކަފޫޓު އިތުރުކުރެވެ އެވެ. އެގޮތަށް 4،000 އާ ހަމައަށް ގޯތީގެ އަކަފޫޓު އިތުރުކުރެވެ އެވެ.

ހުޅުމާލެ މާލެ ރައްޔިތުންގެ މަޖިލިސް ބޯހިޔާވަހިކަން ގުޅިފަޅު މުހައްމަދު އަސްލަމް، ނޭޝަނަލް ޕްލޭނިން މިނިސްޓަރު

35 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙހގވވ

21 November 2022

ދައުލަތަށް ވެވޭ ބޮޑު ހިޔާނާތެއް. ދިވެހި ހުރިހާ ރައްޔިތުންގެ ޓެކްސް ފައިސާއިން ދައުލަތުގަ އޮތް އެންމެ އަގުބޮޑުކޮށް ހެދި ރަށުން ވަކި ރަށެއްގެ މީހުންނަށް ހާއްސަކޮށް ބިންދެވިގެން ނުވާނެ. ތި ބިންތަކުގެ ސަބަބުން ހުޅުމާލޭ އިންފްރާންސްޓްރަކްޗަރ ހަލާކުވެ ކޮންކުރީޓު ނުނިމޭ ޖަންގައްޔަކަށް ވެގެންދާނެ. ބަޔަކު ރުއްސަން ތިކުރާކަމުގެ ސަބަބުން ނުރުހުން ލިބޭނެ މީހުން މާގިނަވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދފދފފ

20 November 2022

ރާއްޖޭގެ އެންމެ އަގުބޮޑު ބިމުން ވަކިބަޔަކަށް ހިލޭ ބިންލިބުމަކީ އެއްވެސް އިންސާފެއްނޫން. އެހެނެއްނޫން ފުލެޓު ދޭންވީ އަގުދައްކާގޮތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

20 November 2022

2023 ލިބުނީމަ ދޭން މަޑުކޮއްލާ ... އޭރުން ވޯޓު ކޮޅެއް ގިނަވާނެކަން ޔަޤީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެޔޮ މަށަށް

20 November 2022

ދެން މަށަށް ކީއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްތިއުފާއޭ

20 November 2022

ހައުސިންގް މިނިސްޓަރ އަސްލަމް އިސްތިއުފާ އިސްތިއުފާ އިސްތިއުފާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަމެއްނެތި

20 November 2022

އަޅުގަނޑަށް ފެންނަނީ އޯގަސްޓް މަހު އިޢުލާން ކުރާން. އޭރުން ގައިމުވެސް ވޯޓްލާން ދާއިރު ހަނދާންހުންނާނެ. ނޫނޭ، ވެރިކަމަށް ދަހިވެތި ވިޔަސް މިއީ ތަންފުކެއް ބޮޑުވަރު! ކިހިނެތް ހަދާނީ! މިއޮތީ ރައްޔިތުންގެ މުދަލުން ރައްޔިތުންނަށް ރިޝްވަތުދޭ ސަރުކާރެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުސޮރު

20 November 2022

އަސްލަމުމެން ގޯތިދޭން ނިންމާފަވަނީ މާލެއިން ލިބިފަވާ ބައި ދޫކޮށްލާ މީހުންނަށް އެކަނިކަމައްވަނީ. ދެން ކީއްކުރަން ދަފުތަރަށް ވިހޭ މީހުންނާ މާލޭގެ ގޭގެއަށްވިހާ ރަޖިސްޓަރީކޮށްފަވާމީހުން ގޯތިކެޓަގަރީއަށް ފޯމުހުށަހަޅަން ފުރުސަތުދިނީ. އަދިވެސް ދަފުތަރުމީހުންނަށް ކުރާ ތަފާތާ ފުރައްސާރަ ކުޑައީތަ؟ ރައީސް ޖަވާބެއްދެއްވަބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

20 November 2022

މަދު ވޯޓުކޮޅެއްގެ ދަހިވެތިކަމުގައި ރައްޔިޔުންގެ ހައްގުގައި މިސަރުކާރުން ހިންގާ އެންމެ ބޮޑު ޖަރީމާ. ތިޔަ ކަމުން ލިބޭ ވޯޓުކޮޅަށްވުރެ ގެއްލޭ ވޯޓުގިނަވާނެ. އެމްޑީޕީއަކީ ހީކުރިގޮތާއި ޚިލާފަށް ރިފޯމިސްޓް ޕާޓީއެއް ނޫން. އެއާޚިލާފަށް މިވެރިންނަކީ ބޭފުޅުވަންތަ ކަމާއި މާލޭވަންތަކަމާއި ވަކިބައެއްގެ އަތްމަތީގައި ބިންވެރިކަމާ މުއްސަނދިކަން ބޭއްވުމަށް ފިއުޑަލް ސިސްޓަމް އަނބުރާ ގެނެސް އެސިސްޓަމަށް ފަހިވާ ސިޔާސަތުތައް ތަންފީޒުކުރަމުންދާ ބައެއްކަން ކަށަވަރުވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވޭ

20 November 2022

ކުރީ ސަރުކާރުން އިންތިހާބާ ގާތްކޮށް 4 ލައްކަރުފިޔާއަށް ގޯތި ވިއްކަން އުޅުމުން ނުއަގުގައި ވިއްކަނީއޭ ކިޔާ ހުއްޓުވީ. މިބައިމީހުންނާ ޖެހުނީމަ ވޯޓލާދުވަހު ހިލޭ. ނުފޫޒަކީ މިމީހުން ބޭނުނވާގޮތަށް މާނަކުރާ އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނިދިނި ހައްޖަ

20 November 2022

ކަނޑުމެދުން ދޭ ގޮވެއްޗެއްތޯ އެއީ ބަޖެޓް މެނޭޖް ކުރަން ނޭނގި ގައުމު ދަރާ ބޯހިކެންނެތި އެކަމުގެ ބުރަ ރައްޔިތުން އުފުލަން ޖެހި ވާރު މަތިކުޅަ އިބުޜާހީމް ފުޅު ހޮވޭކަށް ނެތް