އުމަރު ޒާހިރު އޮފީސް ބިލްޑިން. އެ އިމާރާތުގެ ހަ ފްލޯ ހުރޭ-- ފޮޓޯ: މިހާރު
19 މާޗް 2023 - 11:10
12 comments
ހުޅުމާލޭގައި މިދިޔަ މަހު ހުޅުވި ސަރުކާރުގެ އާ އޮފީސް އިމާރާތާއެކު، ތިން އިދާރާއެއްގެ ކުލި ދެއްކުމަށް މިހާތަނަށް ކުރި ހަރަދުން 12 މިލިއަން ރުފިޔާ ސަލާމަތް ކުރެވޭނެ ކަމަށް ފިނޭންސް މިނިސްޓްރީން ބުނެފި އެވެ.
މައުލޫމާތު ހޯދައި ލިބިގަތުމުގެ ގާނޫނުގެ ދަށުން "މިހާރު" އިން ކުރި ސުވާލުތަކަށް އެ މިނިސްޓްރީން ދިން ޖަވާބުގައި ބުނީ، ހުޅުމާލޭގައި މިދިޔަ މަހުގެ 15 އިގައި ހުޅުވި "އުމަރު ޒާހިރު ބިލްޑިން" އަށް ބަދަލު ކުރި އޮފީސްތަކަށް ކުރިން ކޮންމެ މަހަކު މިލިއަނެއްހާ ރުފިޔާ ހޭދަކުރާ ކަމަށެވެ.
އެ އިމާރާތައް ބަދަލު ކޮށްފައި ވަނީ ޖެންޑާ މިނިސްޓްރީ އާއި ޓްރާންސްޕޯޓް މިނިސްޓްރީ އަދި ހަޔާ އެޑިއުކޭޝަން މިނިސްޓްރީ އެވެ.
ޖެންޑާ މިނިސްޓްރީ އަށް ކޮންމެ މަހަކު 225،000ރ. ދައްކާ އިރު އަހަރަކަށް އެ އޮފީހުގެ ކުއްޔަށް 2.7 މިލިއަން ރުފިޔާ ސަރުކާރުގެ ބަޖެޓުން ކުރިން ހޭދަކުރަން ޖެހުނެވެ. ޓްރާންސްޕޯޓް މިނިސްޓްރީގެ ކުއްޔަށް ކުރިން ކޮންމެ މަހަކު 660،000ރ. ދައްކަން ޖެހުނެވެ. އެއީ އަހަރަކަށް 7.7 މިލިއަން ރުފިޔާ އެވެ. އަދި ހަޔާ އެޑިއުކޭޝަން މިނިސްޓްރީ އަށް 198،000ރ. ދައްކަން ޖެހުނު އިރު އެ އޮފީހަށް އަހަރަކަށް ބަޖެޓުން 2.3 މިލިއަން ރުފިޔާ ހޭދަކުރި އެވެ.
އާ އޮފީސް އިމާރާތަށް އެ މިނިސްޓްރީ ބަދަލު ކުރުމުން އެ ފައިސާއެއް ބަޖެޓުން ހަރަދު ކުރާކަށް ދެން ނުޖެހޭނެ އެވެ.
ސަރުކާރުގެ ތިން މިނިސްޓްރީއެއްގެ ހިންގުން ހިންގާ އުމަރު ޒާހިރު އޮފީސް ބިލްޑިންގެ ސައިޒަކީ 25،000 އަކަފޫޓެވެ. ހަ ފްލޯގެ އެ އިމާރާތުގައި ޕާކިން އަށް ހާއްސަ ޖާގައެއް ވެސް އޮވެ އެވެ.
ސަރުކާރުގެ ގިނަ އިދާރާތަކެއްގެ މިހާރު ވެސް ހިންގަމުން އަންނަނީ ކުލީ އިމާރާތްތަކުގަ އެވެ. މިދިޔަ އަހަރު ވެސް ވަނީ އޮފީސްތަކުގެ ކުއްޔަށް 180 މިލިއަން ރުފިޔާ ދައުލަތުން ހޭދަކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުރާސިލް
19 March 2023
ތިއީވެސް ރައީސް ޔާމީންގެ ދުރު ވިސްނޭ ހަރުދަނާ ސިޔާސަތުގެތެރެއިން ކުރެވުނު ކަންކަމެވެ. ދެރައީ ތިޔަވަރުގެ ކަމެއްވެސް މި ސުލޯ ސަރުކާރަށް ނުޖުރެވުނީމައެވެ.
ރޯޒަސް
19 March 2023
ނޫން.. ދެރައީ މި އިމާރާތުންވެސް ރައީސް ޔާމީނަށް އެތިކޮޅެއް ކާލާނެ ފުރުސަތު ނުލިބުނުކަން.
ހުސެންް
19 March 2023
އެތާގަހުރި އެމެރިކާ އެންބަސީނަގާފަ އެތަނަށް އެހެން އޮފީހެއް ބަދަލުކުރަންވީ. އެމެރިކާ މީހުން ކާރީގަބުނޭ އެމީހުންގެ އެމްބަސީ އަވަހަށް އަޅާށޭ.
ބޮޑުމީހާ
19 March 2023
އަމިއްލަ މީހުން ގެ 14-15 ބުރިއަށް ހިއްލާލާފަ އޮފީސް އިމާރާތެއްގަ ގޮތުގަ ދައުލަތަށް ކުއްޔަށް ދޭ އިރު ދައުލަތުން މިވަރުގެ އިމާރާތްތަކެއް އަޅަން ނުކުޅެދެނީ ކީއްވެބާ!
ބިންތަޅާ
19 March 2023
އެ ފައިސާ އޮތީ ބަޖެޓުގައި ޖަހާފައި . ލަސްނުކޮށް ފަރީއްކުޅުވާނުލާ އުނިކުރަން ފޮނުވާ .
ތަމެންދޯ
19 March 2023
ތި ފަދަ ކިތައް 12 މިލިއަން ރުފިޔާ ފޮރިންގް މިނިސްޓަރު ޝާހިދު ރާއްޖޭން ބޭރަށް ދަތުރު ކޮށް ތަޅާ ބުރުއްސާލަނީ ފޮރިންގް މިނިސްޓަރު ޝާހިދުގެ ސަބަބުން މިގައުމަށް ކުރާ އެއްވެސް ފައިދާ އެއް ނެތޭ ނެތޭ ނެތޭ...
ފޫހި
19 March 2023
ތިޔަކަން ތިޔަހެންއޮށްވާ ހުޅުމާލޭގެ ބިންތައް ބިދޭސީ ކުންފުނިތަކަށް ކުރިމަތިލެވޭގޮތަށް އޮފީސް އިމާރާތްކުރަން ބިންތައް ތިޔަވިއްކަނީ ކީއްވެކަން ބުނެދީބަލަ؟ ދެން ކުއްޔަށް ހިފަންޖެހޭނީ ބިދޭސީ ކުންފުނިތަކުން. ތާހިރުވެއްޖެއެއްނު. ދިވެއްސަކަށްވެސް ނުލިބޭނެ. ހުސް ކޮރޮޕްޝަން
މާލޭގަ
19 March 2023
މާލޭގެ ގިނަ ގޭގެ ހަދާފަ ސަރުކާރަށް ކުއްޔަށް ދީފަ އާއިލާ އެއްކޮށް އުޅެނީ ސިންގަޕޯރު މެލޭޝިޔާ އަދި ޔޫކޭގަ. ދިވެހި ރައްޔިތުން އެވަރަށް މަސައްކަތް ކޮށް ޓެކްސް ދެއްކީމަ އޭގެ ފައިދާ މަދުބަޔަކަށް.
ހައްލުވާނެގޮތް
19 March 2023
ތިކަން އެނގޭއިރު ކީއްވެޔޯ ބޮޑު ކުލީގަ ތަންތަން ހިފައިގެން މިލިޔަނުން ޚަރަދުކޮށް ކޮށް ތިޔަ ތިބެނީ؟؟ ހުޅުމާލޭގަ ބިން އެބައޮތް އޮފީސް ޢިމާރާތްތައް އަޅަައި، 2 ބައިކުޅަ އެއްބައި އޮފީސްތައް އެތަނަށް ބަދަލުކުރަބްވީ ނޫންހޭ ހާއްސަ އިސްކަމެއް ދީގެން.. ރަށްރަށުން އަންނަ ބޯޓު ފަހަރުގެ ވެސް އެެއްބައި އެކޮޅަށް ފޮނުވަންވީ.. އެ ނޫން ގޮޮތަކަށް މާލޭގެ ތޮއްޖެހުން ހައްލެއް ނުވާނެ. ރަސްމީގަޑީގަ ޓްރެފިކަށް އަރާ ބާރު ކުޑައެއް ނުވާނެ
ޖަޒީރު
19 March 2023
އޭސީސީ ބަދަލުވަނީ އަލުން އެހެން ގެޔަކަށް. 4 ފަންގިފިލާ. ޚަރަދު ކިހިނެއްބާ؟
މިލް
19 March 2023
ނައިސް. އެހެންވީމަ އެ ލާރިކޮޅަށް ވާ ވަރަށް ސިޔާސީ މަގާމު ހަދާލެވޭނެތާދޯ.