ގުރައިދޫ ދާއިރާއަށް ޕީޕީއެމް އިން ކުރިމަތިލި ކެނޑިޑޭޓް ހުސެއިން ރިޒާ ވާހަކަ ދައްކަނީ.-- ފޮޓޯ: ޕީޕީއެމް
04 އެޕްރީލް 2023 - 23:30
25 comments
މި މަހުގެ 15 އިގައި ބާއްވާ ކ. ގުރައިދޫ ދާއިރާގެ ބައި އިލެކްޝަންގައި ޕީޕީއެމްގެ ޓިކެޓްގައި ވާދަކުރައްވަނީ ކުރީގެ މެމްބަރު އަދި ބޭބެ އިބްރާހިމް ރިޒާގެ ލެގަސީ ދަމަހައްޓަން ކަމަށް ކޮއްކޮ ހުސައިން ރިޒާ މިރޭ ވިދާޅުވެއްޖެ އެވެ.
ގުރައިދޫ ދާއިރާގެ މެންބަރުކަމުގައި މިދިޔަ ތިން ދައުރުގައި ހުންނެވި ރިޒާ އަވަހާރަވީ ކެންސަރު ބައްޔަށް ފަރުވާ ހޯއްދަވަނިކޮށް މިދިޔަ ފެބްރުއަރީ މަހުގެ 23 އިގަ އެވެ.
އިދިކޮޅު ޕީޕީއެމުން މާފުށީގައި ބޭއްވި ކެމްޕެއިން ޖަލްސާގައި ހުސައިން ރިޒާ ވިދާޅުވީ، ގުރައިދޫ ދާއިރާ އަށް ކުރިމަތިލަައްވަން ނިންމެވީ ބޭބެ ގެންގުޅުއްވި ރީތި ސިޔާސަތު ދެމެހެއްޓުމަށް ކަމަށެވެ.
"ޕީޕީއެމާއި ތިން ރަށު ރައްޔިތުންގެ ފަރާތުން ހުށަހެޅުމުން އަޅުގަޑު ދެންނެވިން، އަޅުގަނޑު ގަޔަކު ނެތޭ މި މަަސައްކަތް ކުރުމަށް ރޫހާނީ ގޮތުން ހިތްވަރެއް. ބޭބެ ވަކިވުމުން އެކަންވީ އަޅުގަނޑު ވަރަށް ބަލިކަށިވި ކަމަކަށް،" ގުރައިދު އާއި މާފުށި އަދި ގުޅި ހިމެނޭ ދާއިރާގެ ބައި އިލެކްޝަނާ ގުޅޭ ގޮތުން ގާނޫނީ ވަކީލް ހުސައިން ރިޒާ ވިދާޅުވި އެވެ.
މާފުށީގައި ޕީޕީއެމުން މިރޭ ބޭއްވި ކެމްޕެއިން ޖަލްސާގައި ޕީޕީއެމް/ޕީއެންސީ ކޯލިޝަންގެ ބައެއް އިސްވެރިން.---- ފޮޓޯ: ޕީޕީއެމް
އެކަމަކު އޭނާ ވިދާޅުވީ، ބޭބެގެ ވަރަށް ގާތް އެމްޑީޕީގެ މެމްބަރުންތަކެއް މިރޭ ޕީޕީއެމާ އަލަށް ގުޅުމުން، އަނެއްކާ ވެސް އާ އުންމީދަކާއި އާ ހިތްވަރަކާއި އާ ޖޯޝެއް ކުރިއަށް ވަޑައިގަތުމަށް ލިބިއްޖެ ކަމަށެވެ.
ހުސެއިން ރިޒާ ވިދާޅުވިގޮތުގައި، އެހެން މެމްބަރުން ނުވަތަ އެހެން ޕާޓީތަކުން މެނިފެސްޓޯއެއް ހިފައިގެން ރަށްރަށަށް ދަތުރު ކުރިޔަސް ޕީޕީއެމުން އެފަދަ ކަމެއް ނުކުރާނެ އެވެ.
"އަޅުގަނޑުމެން އައީ ބަހާނެ އެއްޗެއް ހިފައިގެނެއް ނޫން. މި ޕާޓީން އަޅުގަނޑަށް ދިން ޒިންމާއަކީ ބޭބެގެ އެ ލެގަސީ ދެމެހެއްްޓުން. ބޭބެގެ އެ އޯގާތެރިކަން ދަމަހައްޓަން. އެ ހިތްހެޔޮކަމާއި އެ ރީތި ސިފަތައް ދަމަހައްޓަން. އެ ލެގަސީ ދަމަހައްޓަން،" އޭނާ ވިދާޅުވި އެވެ.
ޕީޕީއެމްގެ އިތުރުން ދެން ގުރައިދޫ ދާއިރާ އަށް ކުރިމަތިލާފައި ވަނީ އެމްޑީޕީ އާއި އެމްއެންޕީ އެވެ. އެމްޑީޕީގެ ޓިކެޓުގައި ބައި-އިލެކްޝަންގައި ވާދަކުރައްވާ އިބްރާހިމް ޝާޒެވެ. އެމްއެންޕީގެ ފަރާތުން ބައި-އިލެކްޝަންގައި ވާދަކުރައްވާނީ އަލީ އަރީފެވެ. އޭނާއަކީ އެ ރަށު ސްކޫލުގެ ކުރީގެ ލީޑިން ޓީޗަރެކެވެ.
މިއީ މި ދައުރުގެ މަޖިލީހުގައި ބައި އިލެކްޝަން ބާއްވާ، ދެވަނަ ދާއިރާ އެވެ. މިދިޔަ އަހަރު ކޮމަންޑޫ ދާއިރާގެ ބައި އިލެކްޝަން ބޭއްވީ، ކުރިން އެ ދާއިރާގައި މެންބަރުކަމުގައި ހުންނެވި ހުސައިން ވަހީދު އަވަހާރަވުމުންނެވެ. އެ އިންތިހާބު ކާމިޔާބު ކުރީ އެމްޑީޕީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕާސިންހާޖީ
05 April 2023
އޮހޮހޯނ... އޮޅުވާނުލާ... ލެގަސީ ދަމަހައްޓަން؟ ކޮއިފުޅާ ތިޔަ ކުރިމަތިލަނީ ރައްޔިތުންގެ މަޖިލީހާ. ބަރުލަމާންޏަށް ފުރޮޅާލައިފިޔާ މި ޤައުމުގެ ވެރިކަމާ. ތޯތޯ ކަމެއް ނޫން އެއީ. އެއީ ރައްޔިތުންގެ މުސްތަގުބަލާ ގުޅިފަ އޮތް ކަމެއް.
ވަހީދުބެ
07 April 2023
ހަމަ އެކަނި ސުރުޚީ ކިޔާލާ މީހަކަށް ނުވެބަލަ.
ސޫކުން
05 April 2023
މިހާރު ތިބި ކެންޑިޑޭޓުންގެ ތެރެއިން އެންމެ ގާބިލް، ކަމުގެ ހުނަރާއި އިލްމު ހުރި ބޭފުޅަކީ ހުސެންރިޒާ. ގައުމުގެ ކަންކަން ހައްލުކުރެވޭނީ މިފަދަ ބޭފުޅުންނަށް ފުރުސަތުދީގެން.
ކެނެވާ
05 April 2023
ގާބިލު ނޫންކަމުގެ ހެއްކެއް ހުސެންގެ މި ސްޓޭޓްމަންޓަކީ. މިއީ ބޭބެގެ ތަރިކަ މުދަލެއް ނޫން.
ސެންބެބ
07 April 2023
ޚަބަރު ލިޔާ މީހާގެ ވިސްނުން ހުރިގޮތަކަށް އެޚަބަރެއްގެ ސުރުޚީ ލިޔާނީ. ހުސެންގެ ބޭބެ މަޖުލީހުގައި ނެތް އަމިއްލަ މަސައްކަތެއް ކޮށްފައި. މުޅިން ވެސް ކުރީ އިލްމީ ގާނޫނީ މަސައްކަތް. ވޯޓު ދެއްވާފައި ހުރީ ރައްޔިތުންގެ ލާބައަށް. އެވާހަކަ ހުސެން އެބުނީ.
އިމާރު
05 April 2023
ހުސައިން އަދުރޭމެންނާއެކް ލެގަސީދެމެހެއްޓޭނެ؟؟ ލެގަސީދަމަހައްޓާނަ 2 އެޕާޓްމަންޓްވަރު ސެކުއަރ ކުރަންވާނެ.
ފޮނިޓައްޕު ހަސަނު
05 April 2023
އެމް.އެމް.ޕީ.އާރު.ސީގެ ހިޔާނާތުގެ ފައިސާ އަކީ ބޭބެގެ ލެގަސީކަމަށް ބަލައިފި ނަމަ އެއީ ވަރަށް ދެރަކަމެއް.
ރިޒާބޭބެ
05 April 2023
މަރުވެފަ އޮތް މީހެއްގެ ވާހަކަ ދައްކަން ބޭނުން ނުވާތީ ބުނެލަން. ބޭބެ ބިނާކުރި ލެގަސީއަކީ ކޮބާތޯ ރަނގަޅަށް ބަލާފަ ޢަމަލުތައް ބައްޓަންކުރުމަށް ނަސޭހަތްތެރިވަން.
ވޯލް
05 April 2023
އެހެންވީމަ އަސްލު ތިޔަ މަޤާމަށް ބޭނުންވާ އެންމެ މުހުންމު ކަންތައް ނެތް ތާ، އެއީ މަޖިލިސް މެމްބަރެއްހެ ހައިސަޔަތުން ރާއްޖޭގެ ޤާނުނުތައް ރަގަޅު ކުރުމާއި ރާއްޖޭގެ ސިޔާސީ ނިޒާމް ހަރުދަނާ ކުރުން. ހަމަ އެކަނި ބޭބެގެ ލެގަސީ އޭ ބުނީމަ ހީވަނީ މިއުޅެނީ އަމިއްލަ ކުންފުންޏެއްގެ މާޤާމާ ހަވާލުވާންހެން.
މަޒް
05 April 2023
ސިޔާސީ މަގާމުތަކަކީ ވަކި މިހެއްގެ ލެގަސީ ހިފައްޓަން ނުވަތަ ވަކި މީހަކު އުޅުން ގޮތަށް އެޅެން ތަބަކަކަށް ލާފަ ދޭ އެއްޗެއް ނޫން. އެއީ ރައްޔިތުންގެ ހެވާ ލަބައަށް މަސައްކަތް ކުރަން ދެވޭ މަގާމެއް. މިކަން ހަނދުމަކޮށް އަރުވަން
މުހައްމަދު 22
05 April 2023
ކޮން ލެގެސީއެއްގެ ވާހަކަ ތި ދައްކަނީ؟ ރައްޔިތުންނަށް ފައިދާ ވާ ކަންތައް ކޮއްދޭނަމޭ ކިޔާފަ ލިބޭ މުސާރަ ހަލާލު ކުރާނަމޭ ކިޔާބަލަ، އަދުރޭ އޭނީ އަނެއްކާ ޕްރާޑާ އައިނެއް އަޅާފަތަ؟
މިސްޓަރ ޓިނޭ
05 April 2023
އަދުރޭގެ ެަެިއައިނުގެ ވާހަކަ ނުދައްކާ ، އަދުރޭ އިނގިލީގަ އިން އަނގޮޓި އެއް ، ބޮޑެތި ސިޔާސީ ޕާޓީއާ ނުބައްދަލު
ސަކީނާ ބުނީ
05 April 2023
ލެގެސީއޭ ނުކިޔާ ރައްޔިންތުން މަޖިލީސްގެ މުސާރައިގެ ގޮތުގަ ލިބޭ -/ 82،500 ( އައްޑިހަ ދެހާސް ފައްސަތޭކަ ރުފިޔާ ) އާއި ލިބޭ އިމްތިޔާޒުތަކުގެ ދަހިވެތިކަމުގަ ބުނި ނަމަ މާތާހިރު ވީސް…
އަސްލު...
05 April 2023
ބޭބެ ވަސިއްޔަށް ކުރެއްވީތޯ؟ ވަރަށްގިނަދުވަހު ބަލީގައި އޮންނެވުމަށް ފަހު އަވަހާރަވީ ދޯ؟