ދައުލަތަށް ޔާމީން 52 މިލިއަން ދޭން އެންގި މައްސަލަ ހައި ކޯޓުން މާދަމާ ނިންމަނީ

ކުރީގެ ރައީސް ޔާމީން: އާރަށް މައްސަލާގައި 52 މިލިއަން ރުފިޔާ ދައުލަތަށް ދައްކަން އެމަނިކުފާނަށް އެންގި މައްސަލަ ހައި ކޯޓުން މާދަމާ ނިންމަން ވަނީ ހަމަޖައްސާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

10 އެޕްރީލް 2023 - 20:54

9 comments

ވ. އާރަށް މައްސަލާގައި 52 މިލިއަން ރުފިޔާ ދައުލަތަށް ދައްކަން ކުރީގެ ރައީސް އަބްދުﷲ ޔާމީންގެ މައްޗަށް އެންގި މައްސަލާގެ ހުކުމް މާދަމާ އިއްވަން ހައި ކޯޓުން ހަމަޖައްސައިފި އެވެ.

އާރަށް ކުއްޔަށް ދިން މުއާމަލާތާ ގުޅިގެން ރިޝްވަތާއި މަނީ ލޯންޑްރިންގެ ކުށް ސާބިތުވެ، 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވަނިކޮށް ދައުލަތަށް 52 މިލިއަން ރުފިޔާ ދައްކަން ޔާމީންގެ މައްޗަށް ކްރިމިނަލް ކޯޓުން އެންގީ އެ މައްސަލާގައި ލޯންޑާކުރި ފައިސާ ދައުލަތަށް ނެގުމުގެ ގޮތުންނެވެ.

ފައިސާ ދައްކަން ނެރުނު އަމުރު އިސްތިއުނާފް ކުރަން ޔާމީންގެ ފަރާތްޕުޅުން ހުށަހެޅުއްވި މައްސަލާގެ އަޑުއެހުންތައް މިދިޔަ ހަފުތާގައި ހައި ކޯޓުން ނިންމާލާފައި ވާއިރު، އެ މައްސަލާގެ ހުކުމް އިއްވަން ހަމަޖައްސާފައިވަނީ މާދަމާ މެންދުރެވެ.

ހައި ކޯޓުގައި އެންމެ ފަހުން ބޭއްވި އަޑުއެހުމުގައި ފަނޑިޔާރުންގެ ހޫނު ސުވާލުތައް ދައުލަތަށް އަމާޒުވި އެވެ.

އެ މައްސަލާގެ އިތުރުން ރ. ފުއްގިރި މައްސަލާގައި ޔާމީނަށް ކުރާ ދައުވާއާ ގުޅިގެން ޝަރީއަތުގެ ކުރީގެ ހުށަހެޅުންތަކާ މެދު ކްރިމިނަލް ކޯޓުން ނިންމި ނިންމުންތައް ވެސް އެމަނިކުފާނުގެ ފަރާތްޕުޅުން އޮތީ އިސްތިއުނާފްކޮށްފަ އެވެ. އެ މައްސަލާގެ ހުކުމް ވެސް ހައި ކޯޓުން މާދަމާ އިއްވާނެ އެވެ.

ޔާމީން ޖަލަށްލާން ކުރި ހުކުމުގެ އިސްތިއުނާފް ބަލައިގެންފައި އޮތަސް، އެ މައްސަލާގެ ޝަރީއަތް މިހާތަނަށް ހައި ކޯޓުން ނުފަށަ އެވެ.

ކްރިމިނަލް ކޯޓް އިދިކޮޅު ފަރާތްތައް ހައި ކޯޓް ޕީޕީއެމް އެމްއެމްޕީއާރުސީ ރައީސް އަބްދުﷲ ޔާމީން

9 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަޑިތަކުރު

11 April 2023

މިފަހަރު ބެލެންހުރި ހޯދެންހުރި ކަންކަން ނުހޯދާ ނުބަލާ އަކުރެއް ފުރޮޅިގެން ނޫނީ އިޖްރާޢަތެއްގެ ކަންފުޅެއް ފުރިހަމަ ނުވެގެން މުޅި މައްސަލަ ފުލުންދުއްވާނުލާނެކަމަށް އުންމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސ

11 April 2023

ދައްކަން ޖެހޭ ރުފިޔާ ކޮޅުގެ ހުކުމް ބާތިލު ކޮއްލަދީ. ދަރުމަވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

11 April 2023

ރާއްޖެއިން ޖައްވަށް ފޮނުވާފަ ހުރިސެޓްލައިޓް ފްޓޭޖްތަކުން ދަށްކާގޮތުން 52 މިލިޔަން ދަށްކަން ކުރި ހުޚުމް އެވަނީ ޝަރީއަތުގެ މަރުހަލާގެ ނިންމުތަކާ ޚިލާފަށް ކޮށްފަވާ ޙުކުމަކަށް ވާތީ އެފައިސާ ޔާމިންގެ ފަރާތް ޕުޅުުން ދައުލަތަށް ނަގާދެވެން ނެތްކަމަށް ނިންމޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

10 April 2023

ހައިކޯޓުން ނިންމާ ގޮތަކުން އިނގޭނީ ހުކުމް ޙަރާމްތޯ ޙަލާލުތޯ ބުނަން، އަދުރޭގެ ބަހަކީ ކޮބައި؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލާޙު

10 April 2023

އިންޝާﷲ 52 މިލިޔަން ދައުލަތަށް ދައްކަން ޖެހޭނެ. އިންޝާﷲ ނިކަމެތިންނަށް މި ލާރި ޞަދަޤާތް ކުރާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލާހުގެ ބަފާ

10 April 2023

ކަލޭ ހަމަތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

10 April 2023

ރ ޔާމީނަކީ މައުސޫމު ބޭފުޅެއް ދައުލަތުގެ ފައިސާގައެއް ނުޖެހޭނެ، 52 މިލިއަން ދޭންޖެހޭނޭ ކިޔައިގެން އެމަނިކުފާނުގެ ބޮލުގަ ބޮޑު ދަރަންޏެއް އެޅުވޭތޯ މިސަރުކާރުން އެއުޅެނީ ނުޖެހޭނެ ދޭކަށް، ދީގެންވެސް ނުވާނެ، ކޯޓުން ނިންމިއަސް ދޭނެ ކަމެއް ނެތް، ކޯޓުގެ ނިންމުން ގަބޫލުނުކުރަމޭ ބުނީމަ ނިމުނީ.