ޔަމަނުގައި ސުލްހަ ގާއިމުކުރަން ސައުދީން ކުރާ މަސައްކަތަށް ރާއްޖޭން ތާއީދުކޮށްފި

ޔަމަންގެ ހަމަނުޖެހުމުގެ ތެރެއިން: އެ ގައުމުގެ ސުލްހަ ގާއިމު ކުރުމަށް ސައުންދީން ފެށި މަސައްކަތަށް ރާއްޖެއިން ވަނީ ތާއީދު ކޮށްފަ

ހުސެއިން ހަބީބް، މިހާރު

17 އެޕްރީލް 2023 - 13:46

5 comments

ޔަމަނުގައި ސުލްހަ ގާއިމު ކުރުމަށް ސިޔާސީ ހައްލެއް ހޯދުމަށް ސައުދީ އަރަބިއާއިން އިސް ނެގުމުން އެ މަސައްކަތަށް ރާއްޖޭން ތާއީދުކޮށްފި އެވެ.

ޔަމަނުގެ ސަރުކާރާ ދެކޮޅަށް ނުކުތް ޝިއައީ ޖަމާއަތެއް ކަމަށްވާ ހޫތީންނާ ދެކޮޅަށް ހަނގުރާމަ ކުރި ސައުދީން ވަނީ އެ ޖަމާއަތާ ވެސް ވާހަކަ ދައްކައިގެން ޔަމަނުގެ މައްސަލަ އަށް ސިޔާސީ ހައްލެއް ހޯދުމަށް ނިންމައިފަ އެވެ.

ސައުދީން ޔަމަނަށް ކަނޑައަޅާފައިވާ ސަފީރު މުހައްމަދު އަލް ޖާބިރު އިސްނެންގެވުމުގެ މަތިން މިމަހު 8-13 އަށް ވަނީ ޔަމަނުގެ އެކި ފަރާތްތަކާ އެކު ބައްދަލުވުންތަކެއް ކުރިއަށް ގެންގޮސްފަ އެވެ.

ރާއްޖޭގެ ފޮރިން މިނިސްޓްރީން މިއަދު ނެރުނު ބަޔާނުގައި ބުނީ ޔަމަނުގައި އުފެދިފައިވާ ދާހިލީ ހަަމަނުޖެހުން ނިމުމަކަށް ގެނައުމަށް ފުރިހަމަ ސިޔާސީ ހައްލެއް ހޯދައިދިނުމަުގެ ގޮތުން، ސައުދީ އަރަބިއާގެ ވަފުދުން، ޔަމަނުގެ ސަންއާގައި މި މަހު ބޭއްވި ބައްދަލުވުންތަކަށް މަރުހަަބާ ކިޔާ ކަމަށެވެ.

"ދިވެހި ސަރުކާރުން ޔަމަނުގެ އެކި ޕާޓީތަކަށާއި އެ ގައުމުގެ ގާނޫނީ ސަރުކާރަށާއި ހޫތީންނަށް ވެސް އިލްތިމާސް ކުރަނީ ޔަމަނުގެ ރައްޔިތުންނަށްޓަކައި ސުލްހައިގެ ވާހަކަތަކަށް އެެއްބާރުލުން ދިނުމަށް،" ފޮރިން މިނިސްޓްރީން ނެރުނު ބަޔާނުގައި ބުނެފައިވެ އެވެ.

ސައޫދީ އަރަބިއްޔާ ދިވެހި ސަރުކާރު ޔަމަން ފޮރިން މިނިސްޓްރީ

5 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިންބާ ދަ ގްރޭ ކެޓް

17 April 2023

ސުލްހަ ބަލަހައްޓާ ފައުޖެއްވެސް ފޮނުވަންފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނާނެއޭ

17 April 2023

އެމެރިކާ އާއި ޔޫރަޕްގެ ބާރުދަނީއޭ ދެން ޔުނިޕޯލަރ ވޯލްޑް އިން މަލްޓިޕޯލަރ ވޯލްޑް އަކަށް ދުނިޔެ ބަދަލުވެ ޑިޑޮލަރައިޒޭޝަން އިތުރަށް ބާރަށް ކުރިއަށް ގޮސް ނެޝަނަލް ކަރަންސީ އެއީ ވިޔަފާރި ކުރަން ބޭނުންކުރާނެ ކަރަންސީ އަކަށް ހަދާނެއޭ އެގޮތުން ބަލާއިރު ޗައިނާ އާއި ރަޝިއާގެ ކަރަންސީ ބޭނުންކޮށްގެން ދެން ދުނިޔޭގެ ކޮންމެ ތާކުން ވެސް މުދަލާއި ޚިދްމަތް ލިބޭނެއޭ ސައުދީގެ ތެޔޮ ވިއްކާ ކަރަންސީ އަކީ ޑޮލަރު ކަމުގައި އޮތް އޮތުން އެއެއްބަސްވުން އުވާލާނެއޭ ސައުދީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕުރިންސް

17 April 2023

ކުޑަ ކުޑަ ރާއްޖޭގެ ތާއީދައް ވަރަށް ބޮޑަަށް ޝުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުބާރިކުލް ޖަހަންނަމަ

17 April 2023

ޔަމަނުގާ މުސްލިމުން މުސްލިމުން މަރާތާ 12 އަހަރު ވެއްޖެ. ސަޕޯޓް ތަންކޮޅެއް ލަސްވެއްޖެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުބެ

17 April 2023

ސައުދީން ހިންގާ ޖަރީމާ ތަކަކީ ކާފަރުން ވެސް ރުހޭ ކަމަކަށްވާތީ މީޑިއާއަށް ތިލަވަނީ ތިލަކުރި އެއްޗެކެެވެ. އެހީދޭ ޖަމީއްޔާތަކުން އާދޭސް ކުރަނީ އިންސާނުން ކާނެއް އެއްޗެއް ނެތި ބަނޑަށް މަރުވާތީ