ބޮޑުތަކުރުފާނު މަގުގެ ބައެއް މަރާމާތުކުރަނީ.-- ޓްވިޓާ ފޮޓޯ: ޑރ. މުއިއްޒު
23 އެޕްރީލް 2023 - 16:05
40 comments
ބޮޑުތަކުރުފާނު މަގާއި އިއްޒުއްދީން މަގުގެ ތާރު އެޅި ބައި މަރާމާތުކުރުމަށް ބަޔަކާ ހަވާލުކޮށްފި އެވެ.
މާލޭގެ މޭޔަރު ޑރ. މުހައްމަދު މުއިއްޒު މިއަދު ކުރެއްވި ޓްވީޓުގައި ވިދާޅުވީ ތާރު މަގުގައި ހަލާކުވެފައިވާ ތަންތަން މަރާމާތުކުރަން ހަވާލުކުރީ މާލެ އާއި ހުޅުމާލެ ގުޅުވައިދޭ ހައިވޭ ހެދި ކުންފުންޏާ ކަމަށެވެ. އެއީ ޗައިނާގެ ހުނާން ކޮންސްޓްރަކްޝަން އިންޖީނިއަރިންނެވެ.
އެ މަސައްކަތްތައް 10 ވަރަކަށް ދުވަސް ތެރޭގައި ނިންމާލެވޭނެކަމަށް ލަފާކުރެވޭ ކަމަށް އޭނާ ވިދާޅުވި އެވެ.
އެ މަގުތަކުން 32 ތަނެއް މަރާމާތުކުރަން ވަނީ ހަމަޖައްސައިފަ އެވެ.
ބޮޑުތަކުރުފާނު މަގުގައި ތާރު އަޅާފައި އޮތް ހިސާބުން ހަލާކުވެފައި ހުރި ތަންތަން މަރާމާތުކޮށްދޭނެ ބަޔަކު ހޯދަން އެ ކައުންސިލުން މިދިޔަ ފެބްރުއަރީ މަހު އިއުލާނުކުރި އެވެ.
ބޮޑުތަކުރުފާނު މަގު/ޢިއްޒުއްދީން މަގުގެ ތާރު އެޅި ބައި މަރާމާތުގެ މަސައްކަތް ބާރަށް ކުރިޔަށްދަނީ. މާލެ އާއި ހުޅުމާލެއާއި ގުޅުވައިދޭ ހައިވޭ ހެދި ކުންފުނިން ކުރަމުންދާ މި މަސައްކަތް 10 ވަރަކަށް ދުވަސް ތެރޭގައި ނިންމޭނެކަމަށް ލަފާކުރެވޭ. pic.twitter.com/ARdTXxBV40
— Dr Mohamed Muizzu (@MMuizzu) April 23, 2023
ޢެ އިއުލާނުގައި އޭރު ބުނީ، ބޮޑުތަކުރުފާނު މަގުގައި އަޅާފައިވާ ތާރު ފަށަލަ ހަލާކުވެފައި ވާތީ، އެ މަގު މަރާމާތުކޮށްދިނުމަށް ލޯކަލް އަދި ބޭރުގެ ފަރާތްތަކުން ބީލަން ހުށަހެޅުމުގެ ފުރުސަތު ހުޅުވާލަފައިވާ ކަމަށެވެ.
މާލޭގައި ހުންނަ ހުޅުމާލޭ ފެރީ ޓާމިނަލުން ފެށިގެން އިންޑަސްޓްރިއަލް ވިލެޖާ ހަމައަށް ބޮޑުތަކުރުފާނު މަގުގައި ތާރު އެޅީ ކުރީގެ ރައީސް އަބްދުﷲ ޔާމީންގެ ވެރިކަމުގަ އެވެ. އެ ހިސާބުގައި ތާރު އެޅީ ސިނަމާލެެ ބްރިޖު ހުޅުވިއިރު، ބްރިޖަށް ދަތުރުކުރާ އުޅަނދުތައް ތޮއްޖެހުނަ ނުދިނުމަށެވެ.
ނަމަވެސް، އެ މަގު އާންމުންނަށް ހުޅުވާލި ފަހުން އެއްވެސް ވަރަކަށް މަރާމާތެއް ނުކުރެ އެވެ. އެ މަގުގެ އެކި ހިސާބުތަކުގައި ތާރުގަނޑު ހަލާކުވެގެން ބޮޑެތި ވަޅުގަނޑުތައް ހެދިފައި އެބަހުއްޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަބީން ނޫރު
24 April 2023
އަމީނީ މަގުވެސް މުއިއްޒް އާ ހަވާލުކުރިނަމަ މިހާރު ނިމުނީސް. ތޯތޯއެއް ނުވާނެ މުއިއްޒް އެއް.
ނިޒާމް ސާގިބް
24 April 2023
ބަޔަކު ކިތަންމެ ވަރަކަށް މުއިޒް އާ ޖައްސާލިޔަސް މިވަރުގެ ކަމެއް ކޮށްލާނެ މީހަކުވެސް މިސަރުކާރުކަ ނެތް. ފުރަތަމަ ކަމަކަށް އަމީނީ މަގުވެސް ނުހެދުނު. ހާވަނީ ހުސް ހަޑި.
ސައިފްﷲ
24 April 2023
އަހަރުމެން މުއިޒް ހޮވީ ހިދުމަތްކުރަން. މިކަހަލަ ކަނަކަން ކުރަން. ނަތީޖާ ވަރަށް ފޮންޔޭ ބުނެވޭނީ
ދޮން
24 April 2023
ދުނިޔެ 2023ވަނަ އަހަރާއި ހަމައަށް އާދެވުނު އިރު ހާލަތު މިވަނީ ބަދަލުވެފައި އިމާރާތް ކުރުމާއި ޓެކްނޮލޮޖީ އާއި ފަންނުވެރިކަން މިވަނީ ޔޫރަޕާއި އެމެރިކާ އަތުން ބީވެ އޭސިޔާގެ ޗައިނާގެ އަތްމައްޗަށް ފުރޮޅާލާފައި މިހާރު އެމެރިކާގެ ނިވްޔޯކާ ވޮސިންގްޓަން ފަދަސިޓީތަކުގެ އިމާރާތްތައް މިސާލެއްގޮތުގައި ނުބަލައި އެއީ ކުރީގެ ޑިޒައިން ތަކާއި އެވޭލާ ފަންނުވެރިކަން ކަމަށް ބަލަނީ މިހާރު ހިގަނީ ޗައިނާ ޑުބާއި ފަދަ ޤައުމު ތަކުގެ ފަންނީ އިމާރާތްތައް .
ދުވާރު
24 April 2023
މި ފެށުނީ ދެން އަނެއް ކަންތައް. މަގުތަކުގަ ތާރުއަޅާ އެމަގުތައް މަރާމާތު ކުރާނެ ފެންވަރު ނެތިގެން އަހަރުމެންވީ ކޮންމެ ފަހަރަކު ބޮޑު ޚަރަދު ކޮށްގެން ބޭރުން މީހުން ގެނެސްގެން މިމަސައްކަތް ކުރުވަން. ކީއްވާނީ ދުރު މުސްތަޤްބަލަށް ވިސްނާ ދިވެހިންނަށް މި މަސައްކަތް ދަސްކޮށްދީ ދިވެހިން ލައްވާ ކުރުވިއްޔާ
ކޮލަމާހުއްޓާ
24 April 2023
3 އަހަރުތެރޭ މަގު ފުނޑިފަ..ނިކަންބަލާ އައްޑުގަމުގަ އިނގިރޭސިން އަޅާފައޮތްތާރުތަކަށް..އަދިވެސް އެއްވެސް ގެއްލުމެއް ނުލިބޭ. މުއިއްޒުކަމެއް ކޮއްފިއްޔާ ވާނީ މިހެން.
އނޑއގ
24 April 2023
ޗައިނާ ވަރެއްނޯންނާނެ. ރތމހށ ނގވވރށ އއޗހ ގވފ ކހނއމވ. ހހހ
މުޝްރިފް.
24 April 2023
މަށަކީ މުއިއްޒް އަށް ތާއިދު ކުރާ މީހެއް ނޫން. އެކަމަކު މަވެސް ގަބޫލްކުރަން އޭނަ މިސަރުކާރުގަ ވެރިންނަށް ވުރެ ހިންގުންތެރިކަން. މަގުވެސް ހަދާނެ ކޮލިޓީ ހުރިކަން. ކުރިންވެސް ހެދި
އަބްޑޫޅް
24 April 2023
ހަމަގައިމުވެސް، ޗައިނާގެ ތާރު މަގު، އިންޑިޔާގެ ކިސަޑު މަގަކަށް ވުރެން ރަގަޅުވާނެ.
ރިޔާޒު ރަށީދު
24 April 2023
މަގުތައް ފުރަތަމަ ހެދީ ވެސް މުއިއްޒު. އޭނާ ކޮށްފި ކަމެއް އަތްދޫކޮށް ނުލެވޭނެ. މަރާމާތު ވެސް އޭނާ ކޮށްފިއްޔާ ޖެހޭނީ އަބަދުކޮށްލަ ކޮށްލަ ތިބެން. މާލޭ ތަރު މަގުތަކުގަ ވަޅުގަނޑު ހެދެން ފަށައިފި 3 އަހަރުތެރޭ.