ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

ރާއްޖެ އިން ބޭނުންވި ގޮތަށް ކަނޑުގެ ސަރަހައްދު ހޯދީ ބައިނަލްއަގްވާމީ އުސޫލަށް ބޯލަނބައިގެން: ޝާހިދު

ފޮރިން މިނިސްޓަރު އަބްދޫﷲ ޝާހިދު: އޭނާ ވިދާޅުވީ އިޓްލޮސް ގައި ރާއްޖެ އަށް ކާމިޔާބު ލިބުނީ ބައިނަލްއަގުވާމީ އުސޫލުތަކަށް ބޯލަނަބައިގެން ކަމަށް

ހުސެއިން ހަބީބް، މިހާރު

28 އެޕްރީލް 2023 - 19:05

28 comments

ރާއްޖޭގެ ދެކުނު ކަނޑުގެ ސަރަހައްދުން ރާއްޖެ ބޭނުންވި ގޮތަށް މިއަދު އިން ކަނޑައެޅުމުގައި ރާއްޖެ އަށް ކާމިޔާބުވީ ބައިނަލްއަގްވާމީ އުސޫލުތަކަށް ފުރިހަމަ އަށް ބޯލަނބައިގެން ކުރިއަށް ދިއުމުން ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެ އެވެ.

ރާއްޖޭގެ ދެކުނު މޮރިޝަސްގެ އުތުރުން ކަނޑުގެ ސަރަހައްދު ގުޅޭ ހިސާބު އިން ކަނޑައެޅުމުގެ މައްސަލާގައި ދެ ގައުމުން ހިޔާލު ތަފާތުވުމުން، އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އިން މިއަދު ނިންމީ ރާއްޖެ އަށް ބޮޑު ބައެއް ލިބޭ ގޮތަށެވެ. ރާއްޖޭގެ ދެކުނު 47،232 އަކަކިލޯމީޓަރުގެ ސަރަހައްދެއް ރާއްޖެ އަށް ލިބެ އެވެ. މޮރިޝަސް އަށް ދޭން ނިންމީ 45،331 އަކަކިލޯ މީޓަރެވެ. އެއީ ކޮންމެ ގައުމަކަށް 200 މޭލުގެ ސަރަހައްދެއް ނެގުމުން ފުށުއަރާ 95،000 އަކަކިލޯމީޓަރަށް ވުރެ ބޮޑު ސަރަހައްދު ބަހާލި ގޮތެވެ.

ރާއްޖެ އަށް ބޮޑު ބައެއް ލިބޭ ގޮތަށް އިޓްލޮސް އިން މައްސަލަ ނިންމުމުން ޝާހިދު ވިދާޅުވީ، އެއީ ރާއްޖެ އަށް ލިބުނު ބޮޑު ކާމިޔާބެއް ކަމަށެވެ. އޭނާ ވިދާޅުވީ އީއީޒެޑްގެ ކަށަވަރުކަން ލިބުނީ ބައިނަލްއަގްވާމީ ނިޒާމަށް ރާއްޖެ އިން ކުރާ އިތުބާރުގެ ސަބަބުން ކަމަށެވެ.

"މިއަދު ރާއްޖެއިން ވަނީ ދެކުނުގެ ކަނޑުގެ ސަރަޙައްދު ކާމިޔާބުކަމާއެކު ކަނޑައަޅާފައި. އަޅުގަނޑުމެން އެކަން ކުރީ ބައިނަލްއަގްވާމީ ގާނޫނުތަކާއި ބައިނަލްއަގްވާމީ އުސޫލުތަކަށް ފުރިހަމައަށް ބޯލަނބައިގެން،" ޝާހިދު ކުރެއްވި ޓްވީޓްގައި ވިދާޅުވި އެވެ.

"ބައިނަލްއަގްވާމީ ނިޒާމަށް އަޅުގަނޑުމެން ކުރާ އިތުބާރުގެ ސަބަބުން އީއީޒެޑްގެ ބޭރުފުށަށް ޔަގީންކަން ގެނެވިއްޖެ."

ރާއްޖެ އަށް ކަނޑުގެ ސަރަހައްދުގެ ބޮޑުބައެއް ލިބުމުގައި އިޓްލޮސްގައި ވަކާލާތު ކުރި ރާއްޖޭގެ ގާނޫނީ ޓީމު ލީޑް ކުރެއްވި ބަންޑާރަނައިބު އިބްރާހިމް ރިފްއަތު ކުރެއްވި މަސައްކަތް ޝާހިދު ފާހަގަ ކުރެއްވި އެވެ.

މޮރިޝަސް އަބްދުﷲ ޝާހިދު (ކުރީގެ ފޮރިން މިނިސްޓަރު) ފޮރިން މިނިސްޓްރީ

28 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުރިހާގޮތަކުންވެސް ދިވެހިންގެ އަތޮޅެއް

29 April 2023

ފްރެންޗް އިސްތިއުމާރުގެ ދަށުގައި އިސްތިއުމާރީން މޮރިޝަސްއިން ފޯޅަވައްސައް އަޅުންގެނައުމަކީ އެތަނުގެ މިލްކުވެރިކަން މޮރިޝަސްއަށް ލިބެންޖެހޭ ސަބަބެއްނޫން. ކުރިން އަބަދުވެސް ރާއްޖޭގެ ސްޓޭންޑަކީ ފޯޅަވައްސަކީ މޮރިޝަސްގެ ތަނެއްނޫންކަމަށް. އިންގިރޭސިންނާއި އެމެރިކާ އާއި ތޮޅެން ޖެހިދާނެތީ ރާއްޖެއިން ފޯޅަވަހި އަނބުރާހޯދަން ކުރަންޖެހޭ މަސައްކަތްނުކޮށްތިބުމަކީ އެއަތޮޅާއި އެއްވެސް ގުޅުމެއްނެތް ބަޔަކަށް އިންޑިއާ ނުފޫޒުން އެތަން ދޫކޮށްލަންޖެހޭ ސަބަބެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިންގެ އަތޮޅެއް ނޫން

29 April 2023

އަބަދުވެސް ރާއްޖޭގެ ސްޓޭންޑަކީ ފޯޅަވައްސަކީ މޮރިޝަސްގެ ތަނެއް ނޫންކަމަށްވާނަމަ ހަމަ އެނޭވާގަ އެއީ ރާއްޖޭގެ ތަނެއް ކަމަށް ދައުވާކުރަންޖެހޭ. އިނގިރޭސިން ޗާގޯސްގެ ކަނޑާ ބެހޭ ގޮތުން ހުށަހެޅި ކަންކަމަށް ފާޅުގަ ނޫނެކޭ ބުނަން ކެރުނު ރާއްޖެއަށް. އިނގިރޭސިންނަށް ނޫނެކޭ ބުނަން ކެރުނު ބަޔަކަށް އެހެން ކަމެއް ކުރަން ނުކެރުނީ ކީއްވެއޭ؟ މޮރިޝަސްއަކީ ހުރިހާ ގޮތަކުންވެސް ޗާގޯސްއާ ބެހެވޭނެ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކްސް

29 April 2023

މިގައުމު ހިންގަނީ އިބޫ ގެ ބެލުމުގެ ދަށުން ޝާހިދު. ޝާހިދު 2023

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޯޅަވައްސަކީ ދިވެހިންގެބިމެއް

29 April 2023

ފޯޅަވައްސަކީ ޕޯޗްގީޒް އިސްތިއުމާރުގެދަށުގައި ރާއްޖޭގެ ބައެއް އޮތްދުވަސްވަރު ފްރެންޗް އިސްތިއުމާރުގެ ދަށުގައި އޮތް ރާއްޖޭ ސަރަހައްދެއް. އިސްތިއުމާރީން މޮރިޝަސްއިން ފޯޅަވައްސައް އަޅުންގެނައުމަކީ އެތަނުގެ މިލްކުވެރިކަން މޮރިޝަސްއަށް ލިބެންޖެހޭ ސަބަބެއްނޫން. އިންގިރޭސިންނާއި އެމެރިކާ އާއި ތޮޅެން ޖެހިދާނެތީ ރާއްޖެއިން ފޯޅަވަހި އަނބުރާހޯދަން ކުރަންޖެހޭ މަސައްކަތްނުކޮށްތިބުމަކީ އެއަތޮޅާއި އެއްވެސް ގުޅުމެއްނެތްބަޔަކަށް އެތަން ދޫކޮށްލަންޖެހޭ ސަބަބެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިންގެ ބިމެއް ނޫން

29 April 2023

މޮރިޝަސް މީހުން ޗާގޯސް ހޯދަން ކުރިހާ މަސައްކަތްކޮށްފަ ދިވެހިންނަކަށް ނުދެއްކޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަދަން

29 April 2023

ވެރިކަން ނިމޭ އިރަށް މިމީހުންގެ މައްޗަށް ދައުވާ ކުރަންޖެހޭ. ދިވެހި ގައުމުގެ ހައްގުގައި ވަކާލާތު ނުކޮށް އަޑިއަޑިން ސިޓީ ފޮނުވައި ކުރިން ދިވެހިން ބޭނުންކުރި ބައެއް މޮރިޝަސްއަށްލިބޭ ގޮތަށް އަމަލު ކުރީތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަނުދިން

29 April 2023

ކުރިން ދިވެހިން ބޭނުންކުރި ކަނޑުގެ ސަރަހައްދަކީ ރާއްޖެ ބައިވެރިވެފައިވާ ބައިނަލްއަގްވާމީ މުއާހަދާއާ އެއްގޮތަށް ބަލާނަމަ ދިވެހިންގެ ފުރިހަމަ ބާރު އޮންނާނެ ތަނެއް ނޫން. ދިވެހިން އެހެން ބައެއްގެ ކަނޑުގެ ސަރަހައްދެއް ބޭނުންކުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަބް

29 April 2023

ރާއްޖެއިން ބައެއް ގެއްލުނީ. މޮރިޝަސްއަށް ބައެއް ލިބުނީ. މިކަން ފޮރުވަން ހިޔާ ފްލެޓް ކުލިކުޑަކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނދިމަރިޔަނބު

29 April 2023

ފޯޅަވަހި ނުލިބިގެން ދިވެހިން ރުޅިއަންނަވަރެއް ނުވޭ. ކައިރީހުރި ރައްރަށުގަވެސް އަސާސީޚިދުމަތެއް، ވަޒީފާއެއް ބޯހިޔާވަހި ކަމެއް ނެތް. ސްޕެޝަލް އިކޮނޮމިކް ޒޯން ބެލެހެއްޓެނީއެއް ނޫން. ކަނޑަށް ކުނިއަޅާ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟައިމޫނާ

28 April 2023

ގައުމުގަ ބާކީ އޮތް ތަންކޮޅުވެސް ބޭރުބަޔަކަށްދީ! ދިވެހިން އުފާކޮށް އަތްޖަހާ ސަރުކާރަށް ޘަނާކިޔާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

28 April 2023

ތިކަމުގެ އަޑީގައި އިންޑިޔާގެ އަތެއް ނުވެތިހާކާމިޔާބު ވާނެކަމެއް މިސަރުކާރުން ކޮށްފަވާ ކަން އެނިގަފަ ނުވެއެވެ. މަނިކުފާނު ގެ މަގާމު ސާކުގަ އިސްކޮށްދިން ފަރާތަށް ރައްޔިތުން ގެ މުދަލުން ބަޔެއް ދީފަވާ ކަން 2023 ގައި ޖަލުންނުކުމެ ދައްކާލާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުކި

28 April 2023

މަށަށް ހީވަނީ މީހަކު ނުދިޔަސް ތިވަރު ވާނެ ހެން. އީކުއަލީ ތީތި ބަހާނެ. ސޮރީ ބްރޯ. އެހާ ގަމާރު ކުުރުވާކަށް ނުވާނެ ދިވެހިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޖޖޖޖޖޖ

28 April 2023

ގަމާރުން ގިނައީ. ވަރަށް ބޮޑު ޔާމިޔާބެއް ލިބިގެން ބައެއްމީހުން ވެރިކަންވެސް އިބޫއަށް ދީފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުކި

29 April 2023

ބަޔަކު ނުދިއަނަމަ މޮރިޝަސްއިން މިން އެޅި ގޮތަށް ނިންމީމަ ގެއްލޭ ބައިބޮޑުވާނެ. ހަމަހަމައަކަށް ނޫން އެ ބެހީކީ. ގަމާރުކަން ކެނޑޭނީ ސިޔާސީ ވިސްނުމާ ދުރުވެ ހުރެ ކަންކަމުގެ ވާނުވާ ބެލީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

28 April 2023

އިންޑިއާ ކަނޑުގައިއޮތް އެންމެދޮށީ ޤަދީމީ ޤައުމުކަމުގައިވާ (އިންޑިޔާއަށްވުރެންކުރިން ދައުލަތެއްއުފެދުނު ޤައުމެއް) ދިވެހިރާއްޖޭގެއިމުގެވާހަކަ ޤާނޫޖުއަސާސީގައި ސާފުކޮށްލިޔެފައިވަނިކޮށް އެއަށްއިޙްތިރާމްނުކުރި ސަރުކާރުހެ ޙާރިޖީ ވަޒީރާއި، ދިފާޢީ ވަޒީރު އަދި ދާޙިލީ ވަޒީރު މަޖިލީހަށް ހާޒިރުކޮށް ޤާނޫނުއަސާސީއާއި ފުށުއަރާ މިފަދަ ނިންމުމެއް ނިންމިގޮތާއި ޤއ އާއި ޙިލާފު ނިންމުމަކަށް ވާގިވެރިވިގޮތް ސާފުކޮށް އަންހާ އެކަން ބެލުމަކީ މަޖިލީހުން ކުރާންޖެހޭ ކަމެއް.