ފުލުހުން އަތުލައިގެންފައިވާ މަސްތުވާއެއްޗެހިތަކެއް: ޕޯސްޓް މެދުވެރިކޮށް ގެނައި މަސްތުވާއެއްްޗެހިތަކެއްގެ މައްސަލާގައި ދައުވާލިބުނު އެންމެން ވަނީ ސަލާމަތްވެފައި --- ފޮޓޯ/މިހާރު
02 މެއި 2023 - 16:46
16 comments
ޑީއެޗްއެލް މެދުވެރިކޮށް ޕާރުސަލެއްގައި ފޮރުވައިގެން ކިލޯއެއްހާ ޑްރަގް އެތެރެކުރި މައްސަލާގައި ދައުލަތުން ދައުވާކުރި ތިން މީހުންގެ މައްޗަށް ކުށް ސާބިތުނުވާ ކަމަށް ކްރިމިނަލް ކޯޓުން ހުކުމްކޮށްފި އެވެ.
މިދިޔަ އަހަރުގެ އޭޕްރީލް މަހު ޑީއެޗްއެލް މެދުވެރިކޮށް ގެނައި ޕާރުސަލެއްގައި ހުރި ބެޑްޝީޓްތަކެއްގައި ފޮރުވައިގެން 990 ގްރާމްގެ މަސްތުވާތަކެތި އެތެރެކުރި މައްސަލާގައި މަސްތުވާތަކެތި ރާއްޖެ އެތެރެ ކުރުމުގެ ދައުވާ ދައުލަތުން އުފުލީ ތިން ދިވެއްސެއްގެ މައްޗަށެވެ. އެއީ އެތަކެއްޗާ ހަވާލުވި މީހާ އާއި އެ މީހާ ގާތު، އެތަކެއްޗާ ހަވާލުވާން ދާން އެދުނު ކަމަށް ބުނާ މީހާ އާއި އަދި ދެވަނަ މީހާ ގާތު އެތަކެއްޗާ ހަވާލުވާން އެދުނު މީހާގެ މައްޗަށެވެ.
ކްރިމިނަލް ކޯޓުން މިދިޔަ އާދިއްތަ ދުވަހު ހުކުމުގައިވަނީ އެ ޕާރުސަލާ ހަވާލުވާން ދިޔަ މީހާ އެތަނަށް ދިޔައީ ދައުވާލިބުނު ދެވަނަ މީހާ އެދިގެންކަން ހެކިންގެ ބަހުން އެނގޭ ކަމަށެވެ. އަދި ދެވަނަ މީހާ އެގޮތަށް އެދިފައިވަނީ ދައުވާލިބުނު ތިން ވަނަ މީހާގެ އެދުމުގެ މަތިން ކަމަށާއި އަދި ތިން ވަނަ މީހާ އެގޮތަށް އެދިފައިވަނީ ބިދޭސީއެއްގެ އެދުމުގެ މަތިންކަން ހެކިތަކުން އެނގޭއިރު، ތަހުގީގު މަރުހަލާގައި ވެސް އެ މީހުން އެކަން ފާހަގަކޮށްފައިވާ ކަމަށް ހުކުމުގައިވެ އެވެ.
ހުކުމުގައިވަނީ މަސްތުވާތަކެތި އެެތެރެކުރުމުގެ އަމަލީ މަސައްކަތްކުރީ ކާކުކަން ތަހުގީގަށް ހޯދިފައިނުވާ ކަމަށެވެ. އަދި ޕޯސްޓުން އެތެރެކުރާ ކޮންމެ ޕާރުސަލަކާ ހަވާލުވާން ދާ މީހުންނަކީ އޭގައި މަސްތުވާއެއްޗެއް ހުރިކަން އެނގޭނެ ބައެއް ނޫން ކަމަށް އެ ހުކުމުގައިވެ އެވެ. އަދި އެ ޕާރުސަލްގައި މަސްތުވާތަކެތި ހުރިކަން އެ ތިން މީހުންނަށް އެނގޭ ކަމުގެ އެއްވެސް ހެއްކެއް ދައުލަތުން ހުށަހަޅާފައިނުވާ ކަމަށް ބުންޏެވެ. އެހެންވެ، އެ ތިން މީހުންގެ މައްޗަށް ކުށް ސާބިތުނުވާ ކަމަށް ހުކުމްކުރީ ކަމަށް އެ ހުކުމުގައިވެ އެވެ.
ޕޯސްޓް މެދުވެރިކޮށް ޕާރުސަލްތަކުގައި މަސްތުވާތަކެތި އެތެރެކުރުމުގެ މައްސަލަތައް މިހާރަކަށް އައިސް ވަނީ އިތުރުވެފަ އެވެ. އޭގެ ތެރެއިން ގިނަ މައްސަލަތަކުގައި ދައުލަތުން ދައުވާކުރާ މީހުންގެ މައްޗަށް ކުށް ސާބިތެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
20000
03 May 2023
ޕާރުސަލް އެމީހުންނާ ޙަވާލު ކުރާކަށް ކޯޓަކުން އަމުރެއް ނުކުރޭތަ؟ އަނެއްކާ
ހޭޅި
03 May 2023
ގިނަ ފައިސާ ހިމެނޭ މައްސަލަތައް، ގިނަ ފައިސާ ގެންގުޅޭ މީހުންގެ މައްސަލަތައް ރިޝްވަތު ކޮޅަކުން ނިމޭނެ.. ވައްކަމެއް، ޑްރަގްޑީލްއެއް، ދައުލަތުގެ ފައިސާގަނޑެއް ކަވާލާއިރު މިލިޔަނުން ދަވާލާތި.. އޭރުން ސަލާމަތްވާނެ ވަރަށް ރުޝްވަތު ދެވޭނެ. .... ވައްކަން ކޮށްފަ، ފައިސާހުއްޓަސް ޖަލަށްލާނީ ސިޔާސީ ވާދަވެރިޔާ އެކަނި.. ވަރަށް ސަލާމް
ސީރިއަސް ހައްލާމެދު ވިސްނަވާ
03 May 2023
މިކޭހުގަ މައްސަލައަކީ ކުށް ސާބިތުނުވުން. އުގޫބާތް ބޮޮޑަސް ކުޑަޔަސް ސާބިތުނުވާ ކުށަކަށް ކުރާނެކަމެއް ނޯންނާނެ. ރެސީވް ކުރާމީހާ ޒިއްމާވުން ލާޒިމު ކަމަށް ގާނޫނު އިސްލާހު ކުރަންވީ! އޭރުން ރިސޯވްޖުރާ މީހާ ބޭނުންވާނެ އަދި އޭނާގެ ޒިއްމާއެއް ތައުކީލު ދިން ފަރާތް ސާބިތުވާ ގޮތަށް ރެސީވް ކުރުން. ގާނޫނުގެ ކުރިމަތީ އަނބޮށްފުޅު ހެދޭނެ ޖާގަ ނުދޭންވީ. އޭރުން ހޭލުންތެރި އެސް ވާނެ. ގާނޫނު ފޮލޯކޮށް ރައްކާތެރި ވުމަކީ ފަރުދުންގެ ޒިންމާއެއް.
ފާނަކޮށި
03 May 2023
ޕާރސަލްގެނައި ވެރިފަރާތުގެ ވާހަކައެއްނެތް ދެއްތޯ......އޭނަ ބަލާދޭ....މީނަބަލާދޭ.....ބޮންދު ދާނެ ޕާރސަލްގެ އެހީގެއަތަށް......ވީމާ ކުއްވެރިވާނެ އެކެއްވެސް ނެތް....ބޯހަލާކު
ޑްރަގްްބޯ
03 May 2023
ރާއްޖޭގެ އެއަރޕޯރޓް ތަކާއި ސީޕޯރޓުގައި ޑްރަގް އިމްޕޯރޓިން ޕެނަލްޓީ އިޒް ޑެތް، ބޮޑު އަކުރުން ލިޔެފައި އޮންނަތަން ފެންނާނީ ކޮން އިރަކުން. ޑްރަގް އެތެރެ ކުރިކަން ސާބިތު ނުވިޔަސް ޔަގީން ވާ ހިސާބުން ބޮލަށް ބަޑި ޖެހީމައި ތިޔަކަން ހުއްޓޭނެ
އެޑަމް
03 May 2023
ޑުރަގުމަސްއަލަތައް ކޯޓުންބޭރުގާ ރައްޔިތުންތަޙުގީގުކޮއް އަދަބުދޭގޮތައް ހަމަޖައްސާ މިނޫންގޮތަކައް މިރާއްޖެއަކު ތިކޯޓުތަކަކުންދުވަހަކުވެސް 2ގުރާމައްވުރެމަތީއަދަދެއްސާބިތެއްނުވާނެ މިކަންތަޙުޤީގުކުރުންރައްޔިތުންނާޙަވާލުކޮއްތަޙުޤީގުކުރުމާހުކުމްކުރުންބާއްވާންޖެހޭނީ ސައުންޑު ސިސްޓަމާކެމެރާތައްހަރުކޮއްނޫސްވެރިންނާ މީޑިއާތަކުގެ ހާޒިރުގާ ރޭގަޑުގަލޮޅު ދަނޑުގަ އޭރުން ޑުރަގުކޭސްތައްފުލްފުލުގަސާބިތުވާންފަށާނެ.މިނޫންގޮތަކަށްމިރާއްޖެއަކު ޑުރަގުސާބިތެއްނުކުރެވޭނެ.އިސްތިއުނާފާހައިކޯޓާ ސްޕްރިންކޯޓުންވެސްބަލަންޖެހޭނީމިގޮތަށެވެ ކޯޓުހިގަންޖެހޭނީ ގަލޮޅުދަޑުގަ!!
ޥަނީ
03 May 2023
ތީކީ ކޯޓު މައްސަލައެއް ނޫން. ޤާނޫނު ތަށް ހުރިގޮތުން ވާގޮތް. ޤާނޫނު ބަދަލު ކުރަންޖެހޭނީ.
ބޮޑުމީހާ
02 May 2023
މަސްތުވާތަކެތި ހުރި ޕާރުސަލެއް ބަލާ ދެވުނީ އިއްތިފާގަކުންތޯ
ކާސިންޖީ
02 May 2023
ޚަބަރަކަށްވާނީ "ޕާރުސަލެއްގައި ގެނައި ކިލޯއެއްހާ ޑްރަގްސް: ދައުވާލިބުނު ތިން މީހުން މަޢާފުނުލިބޭގޮތަށް އުމުރަށް ޖަލަށްލައިފި" މިފަދަ ޚަބަރެއް މިދިވެހިރާއްޖެއިން ފެންނާނެ ދުވަހަކަށް މިއުއްމީދު ކުރަނީ!
ރަސްދޫ ސައީދު
02 May 2023
ރާއްޖެޔަށް ޑްރަގް އެތެރެކުރުން ހުއްޓުވޭނެ އެންމެގޮތެއްއޮތީ، އެކަމަކު އެގޮތް މި ކޮމެންޓަކު ނުލިޔެވޭނެ. އެގޮތް ހަދަންފެށީމަ ކޯޓްތަކުންވެސް ސާބިތުވާނެ. އަނބައްޕުޅާ ދަނބައްފުޅު ގެ ވާހަކައިގަ ވާހެން ބޮލުން ނައްޓުވައެއް ނުލެވޭނެ.
ޢަރުތަ
02 May 2023
"ތިން ވަނަ މީހާ އެގޮތަށް އެދިފައިވަނީ ބިދޭސީއެއްގެ އެދުމުގެ މަތިންކަން ހެކިތަކުން އެނގޭއިރު، ތަހުގީގު މަރުހަލާގައި ވެސް އެ މީހުން އެކަން ފާހަގަކޮށްފައިވާ ކަމަށް ހުކުމުގައިވެ އެވެ". ދެން މިހިސާބުން ނިންމާލީ އުތަ، ކޮބާ ބިދޭސި މީހާ، ބިދޭސީ މީހާއާ ތިމީހުނާ އޮންނަނީ ކޮން ގުޅުމެއް، މައްސަލަ އޮއްބާލަން ވެއްޖެއްޔާ ހަމަ "ފުލުސްޓޮޕް" ޖެހީމަ އެނިމުނީދޯ، މީވާ މަޖާކަމެއް އިނގޭ.