އަންހެން ކުއްޖަކަށް ގްރޫޕަކުން ޖިންސީ ގޯނާކުރިތާ ހަފުތާއެއް، މީހަކު ހައްޔަރެއް ނުކުރޭ!

ޖިންސީގޯނާގެ ޝިކާރައަކަށް ވި އަންހެން ކުއްޖަކަށް ޖެންޑާ މިނިސްޓްރީން ވަނީ ރައްކާތެރިކަން ފޯރުކޮށްދީފައި.

ފާތިމަތު އަޖްފާން، މިހާރު

16 މެއި 2023 - 11:10

އުތުރުގެ ރަށެއްގައި ގްރޫޕަކުން ކުޑަ އަންހެންކުއްޖަކަށް ޖިންސީ ގޯނާކުރި މައްސަލަ ފުލުހުން ބަލަން ފެށިތާ ހަފުތާއެއް ވެފައިވީ ނަމަވެސް އަދި މީހަކު ހައްޔަރު ނުކުރާ ކަމަށް ފުލުހުން މިއަދު ބުނެފި އެވެ.

ޖިންސީ ގޯނާގެ ޝިކާރައަކަށްވީ އެނގިފައިވާ ގޮތުގައި އުމުރުން 14 އަހަރުގެ ކުއްޖެކެވެ. ގްރޭޑް 8 ގައި ކިޔަވަމުން އަންނަ އެ ކުއްޖާ އަށް އެކި ދުވަސް މަތިން ގިނަ އަދަދެއްގެ ފިރިހެނުން ޖިންސީ ގޯނާކޮށްފައިވާ ކަމަށް ވެ އެވެ.

އެ މައްސަލަ ފުލުސް އޮފީހަށް ހުށަހެޅީ މިދިޔަ މަހުގެ 29 ގަ އެވެ. ފުލުހުން މައްސަލަ ބަލަމުން އަންނަ ކަމަށް ބުނީ މި މަހުގެ 8 ވަނަ ދުވަހު އެވެ.

ފުލުހުންގެ މީޑިއާ އޮފިޝަލަކު މިއަދު ވިދާޅުވީ އެ މައްސަލާގައި މީހަކު ހައްޔަރު ނުކުރިޔަސް އެ މައްސަލަ ތަހުގީގު ކުރަމުން އަންނަ ކަމަށެވެ.

"މިހާރު" އަށް އެނގިފައިވާ ގޮތުގައި އެ ކުއްޖާ އަށް ޖިންސީ ގޯނާކުރި ކަމަށް ތުހުމަތުވާ މީހުންގެ އަދަދު 19 އަށް އަރަ އެވެ.

އެހާ ގިނަ އަދަދެއްގެ ބަޔަކަށް ތުހުމަތު ކުރެވޭ އެ މައްސަލައިގައި އެ ރަށު އެއްވެސް މީހަކާ ސުވާލު ކޮށްފައި ނުވާ ކަމަށް އެ ރަށުން ވާހަކަ ދެއްކި ބައެއް މީހުން ބުންޏެވެ.

Anhen kujjakah group akun jinsee goanaa kuri massala eh balanee

The most trusted news source in the Maldives

Mihaaru

ޖެންޑާ މިނިސްޓްރީގެ މީޑިއާ ޔުނިޓުން ކުރިން ބުނެފައި ވަނީ އެ މައްސަލާގައި ހިމެނޭ ކުއްޖާ އަށް ރައްކާތެރިކަމާއި އެހީތެރިކަން ފޯރުކޮށްދީފައިވާ ކަމަށެވެ.

އެކަން ފަޅާއެރުމާ އެކު އެ ކުއްޖާ ވަނީ މާލެ ގެނެސްފަ އެވެ.

ފުލުހުން ޖިންސީ އަނިޔާ ކުދިންނަށް ޖިންސީ ގޯނާކުރުން ޖިންސީ ގޯނާކުރުން

5 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސީތާ

16 May 2023

މިޤައުމުގައި ބޮއްސުން ނުލާ އެއްކަމެއްވެސް ނެތީއޭ މިހާރު. ރޭޕް ކުރުން، ޖިންސީ ގޯނާ، ބަދުއަޚްލާޤީ ޢަމަލު، ޑްރަގްސް، މާރާމާރީ، މީހުން މެރުން، ވައްކަން، ފޭރުން، ގެވެށި އަނިޔާ، ކޮރަޕްޝަން، ޑިޕްރެޝަން މިހެންގޮސް ބޮޑު ލިސްޓެއް ދަމާލެވޭވަރު. ސަރުކާރާއި ސިޔާސީ މީހުން އުޅެނީ ސިޔާސީ ކޯޅުންގަނޑުން ސަލާމަތްނުވެވިގެން. ޤައުމު އޮޔާގޮސް ނިމިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސު

16 May 2023

ސޭހަކަށް ހޯމް މިނިސްޓަރކަން ދީގެން މުޅި ނިޒާމު ފެއިލް ވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބޭ

16 May 2023

މި އުޅެނީ އެންމެ މީހެއްގެ މައްސަލައެއްނޫން. މުޅި ނިޒާމުގައިވެސް މައްސަލަ އެބައޮތް އަދި އެމީހުންނަށް ވޯޓްދޭން ތިބި ރައްޔިތުންގެ މައްސަލަމާބޮޑު. ކޮންމެ މީހެއްވެސް އެމީހެއްގެ ޒިންމާ އަދާކުރަން އެބަޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

16 May 2023

އަހަރެން ބޭނުން ފުލުހުން ތި ގެންގުޅޭ "ތި މައްސަލަ ފުލުހުން ދަނީ ބަލަމުން" ގެ ފައިލްތައް، ކިތަށް އަހަރު ވީ ކިތައް މައްސަލަ ތި ނަމުގައި އެބަ ހުރި ތޯ ބަލާލަން.