ހުޅުމާލޭގައި ފުލުހަކަށް ހަމަލާދިން މީހުންނަށް ބަންދު މުއްދަތު ޖަހައިފި

ހުޅުމާލޭގައި ފުލުހުން ހިންގި އޮޕަރޭޝަނެއްގައި މީހަކު ހައްޔަރުކޮށް ފުލުހުންގެ ވެހިކަލަށް އަރުވަނީ: ރޭގެ މާރާމާރީއާ ގުޅިގެން ހަތަރު މީހަކު ހައްޔަރުކުރި.-- ފޮޓޯ: މިހާރު

ފާތިމަތު އަޖްފާން، މިހާރު

22 މެއި 2023 - 17:07

2 comments

ހުޅުމާލޭގައި ފުލުހެއްގެ ގައިގައި ތަޅައި އަނިޔާކުރި މައްސަލައެއްގައި ރޭ ހައްޔަރުކުރި ހަތަރު މީހުން ތަހުގީގުގެ މުއްދަތށް މިއަދު ބަންދުކޮށްފި އެވެ.

ޕޮލިސް ކޮމިޝަނަރު މުހައްމަދު ހަމީދު ވިދާޅުވެފައި ވަނީ އެ ފުލުސްމީހާ އަށް ހަމަލާދިނީ އެންމެން ވެސް ދަންނަ ގޭންގަކުން ކަމަށެވެ. އެ މާރާމާރީގައި އަނިޔާވި ފުލުހަށް ހުޅުމާލެ ހޮސްޕިޓަލުގައި ވެސް ފަރުވާ ދިނެވެ.

ފުލުހުން މިއަދު ބުނީ އެ މައްސަލާގައި ހައްޔަރުކުރި މީހުންގެ ތެރެއިން 21 އަހަރުގެ މީހާގެ ބަންދަށް 15 ދުވަސް ހުޅުމާލެ މެޖިސްޓްރޭޓް ކޯޓުން ޖަހާފައިވާ ކަމަށެވެ.

އަދި 32 އަހަރުގެ މީހާގެ ބަންދަށް ފަސް ދުވަސް އުމުރުން 42 އަހަރާއި 44 އަހަރުގެ މީހާގެ ބަންދަށް ހަތް ދުވަސް ދީފައިވާ ކަމަށް ފުލުހުން ބުންޏެވެ.

I have watched video footage of this assault. Praise the Sergeant from Galolhu Police Station, who fought bravely against the assailants, who we now know belong to a known crime group. Hats off to High Visibility and HulhuMale’ team for the swift action taken to arrest them. https://t.co/IA82C17Cl4
— Mohamed Hameed (@M_Hameedh) May 21, 2023

ކުށްކުރާ ގްރޫޕަކުން ދިން ހަމަލާގައި އަނިޔާވެފައި ވަނީ ގަލޮޅު ޕޮލިސް ސްޓޭޝަންގެ ސާޖަންޓަކަށެވެ.

އެ ގޭންގުގެ އަތްދަށުން ސަލާމަތް ވުމަށް ފުލުސްމީހާ ކުރި މަސައްކަތަށް ސީޕީ ރޭ ތައުރީފު ކުރައްވައިފަ އެވެ. ގޭންގު މީހުންނާ ދެކޮޅަށް ކުރި މަސައްކަތަކަށް އެ ޕޮލިހަށާއި އެކަމުގައި ބައިވެރިވި މީހުންނާ ދެކޮޅަށް އަވަހަށް ފިޔަވަޅުއަޅައި ހައްޔަރުކުރި ހުޅުމާލެ ޕޮލިހުންނަށް ވެސް ސީޕީ ވަނީ މަރުހަބާ ވިދާޅުވެފަ އެވެ.