28 މެއި 2023 - 21:00
22 comments
ކުރީގެ ރައީސް މައުމޫން އަބްދުލްގައްޔޫމް އިސްވެ އުފައްދަވާފައިވާ، މޯލްޑިވްސް ރިފޯމް މޫވްމެންޓް (އެމްއާރްއެމް) އުވާލަން އިލެކްޝަން ކޮމިޝަން (އީސީ)ން ނިންމި ނިންމުމަށް އަމަލުކުރުން މަޑުޖައްސާލުމުގެ ވަގުތީ އަމުރެއް ސިވިލް ކޯޓުން މިއަދު ނެރެފި އެވެ.
އެމްއާރްއެމްގައި 3،000 މެންބަރުން ހަމަނުވާ ކަމަށާއި ސިޔާސީ ޕާޓީއެއްގައި މެމްބަރުން ތިބެން ޖެހޭ ކަމަށް ގާނޫނުގައި ލާޒިމްކޮށްފައިވާ އެ އަދަދު ފުރިހަމަ ކުރަން ދިން މުއްދަތު ފަހަނައަޅައި ދިޔައިރު ވެސް މެމްބަރުން ހަމަކޮށްފައި ނުވާތީ އެ ޕާޓީ އުވާލަން މިދިޔަ ބުދަ ދުވަހު އިލެކްޝަން ކޮމިޝަނުން ވަނީ ނިންމައިފަ އެވެ.
އެކަމަކު އެމްއާރުއެމް އިން ހުށަހެޅި މައްސަލާގައި ސިވިލް ކޯޓުން އަމުރެއް ނެރުނީ، އެ ޕާޓީ އުވާލަން އީސީން ނިންމި ނިމުމަށް އަމަލުކުރަން މި ވަގުތަށް ފަސް ކުރުމަށެވެ.
ވަގުތީ އަމަރު ނެރުމަށް ބޭއްވި ޝަރީއަތުގައި އެމްއާރްއެމުން ބުނެފައި ވަނީ އެ ޕާޓީ އުވާލުމަށް އިލެކްޝަނުން ނިންމާފައި ގާނޫނުގައި ބުނާ އަދަދަށް މެންބަރުން ހަމަކޮށްފައިވަނިކޮށް ކަމަށެވެ. އަދި އެ ޕާޓީގެ ނަމުގައި ހަރަކާތް ހިންގުމަށް އެނގި އެންގުން ބާތިލުކުރުމަށް ވެސް އެ ޕާޓީން އެދިފައި ވެއެވެ.
މި މައްސަލާގައި ދާއިމީ ހައްލެއް ހޯދަން އީސީއާ ދެކޮޅަށް، އެމްއާރްއެމްގެ ފަރާތުން އިތުރު މައްސަލައެއް 30 ދުވަހުގެ ތެރޭގައި ކޯޓަށް ވައްދާނެ ކަމަށް، އެ ޕާޓިން ބުނާތީ ސިވިލް ކޯޓުން ވަގުތީ އަމުރު ނެރުނީ 30 ދުވަހުގެ މުއްދަތަށެވެ. އަދި އެ މުއްދަތުގައި މައްސަލަ ކޯޓަށް ހުށަނާޅައިފިނަމަ ވަގުތީ އަމުރު ބާތިލުވާނެ ކަމަށް ސިވިލް ކޯޓްގެ ހުކުމްގައި ވެ އެވެ.
އިލެކްޝަން ކޮމިޝަނުގެ ގައިރު ހާޒިރުގައި ނިންމި މައްސަލައިގައި ސިވިލް ކޯޓުން، އެ ކޮމިޝަނުގެ މައްޗަށް އަމުރުކޮށްފައި ވަނީ ޝަރީއަތުން ވަކި ގޮތެއް އަންގަންދެން އެމްއާރްއެމް އުވާލުމަށް ނިންމާފައިވާ ނިންމުން ތަންފީޒު ކުރުމުގެ ގޮތުން އެއްވެސް ފިޔަވަޅެއް ނޭޅުމަށެވެ.
މައުމޫން މުޝްތަޝާރުކަން ކުރައްވާ، އަދި އެ މަނިކުފާނުގެ ދަރިކަލުން ފާރިސް މައުމޫން، ރައީސްކަން ކުރައްވާ ޕާޓީ އުވާލަން އިލްކްޝަން ކޮމިޝަނުން ނިންމި ނަމަވެސް، އެ ޕާޓީން ބުނެފައި ވަނީ މުއްދަތުގައި އީސީ އަށް 3،000 މެންބަރުން ހަމަވާ މިންވަރަށް ފޯމު ހުށަހެޅި ކަމަށެވެ.
އެމްއާރްއެމް އުވާލަން ނިންމުމަށް ފަހު އީސީން ވަނީ އެ ޕާޓީގެ ނަމުގައި ސިޔާސީ ހަރަކާތް ހިންގުން ވެސް މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުއްތޮންބެ
29 May 2023
އެމް.އާރު.އެމް ހިންގަނީ މިހާރުކޯޓުންދެއްތޮ؟ ކިތަންމެވަރަކައް ކޯޓުއަމުރުހޯދައިގެން ތިއްބެވިޔަސް ތިޔަޕާރޓީގަ އުޅޭނެ އާއްމު މެންބަރުން ނެތިއްުޔާ ދެންކުރާނީ ކޮންކަމެއް؟ ޕާޓީތަކުގެ މައިގަނޑު ސިޔާސަތަކީ ވަކިފިކުރެއްގެ މައްޗައް ބިނާކޮއް އިންތިހާބުތަކުގައި ވާދަކޮއްކާމިޔާބުކުރުން.
ފީޅަވަހި
29 May 2023
މައުމޫން 1978 ފެށި ފިލްމް ''އެވެރިކަން'' ނިމެނީ އަބަދު ދެން އެއްބަޔަކަށް ދައުލަތުގަ ބަގުޑިއެއް ނުބެއްދޭނެ
ބަޑިތަކުރު
29 May 2023
ވަކި ޕާާޓީއަކާ ޖެހުނީމާ ކޯޓުން ގޮތެއް ނިންމާނެހާދުވަހަކުން ނިންމަންދެން އުވާނުލެވި އޮވެވޭގޮތަށް އަމުރު ނެރުމަކީ ދެކޮޅުޖެހޭކަމެއްނޫނެވެ. ދެންވީ އަނެއް މައްސަލަ ހުށަހަޅާށެވެ. ދެން އެ ކަމަށް ގޮތެއް ނިންމެންދެން އަނެއްކާ ދަންމާށެވެ. އެމުއްދަތުގައި މީހުން ހަމަކުރާށެވެ. އެހެންވަންޏާ އެހެން ޕާޓީތަކަށްވެސް ތިޔަގޮތް އޮންނަންވާނެއެވެ. ތާއީދު އޮތްނަމަ 3 ހާސް ހަމަނުވާންވީ އެއްވެސް ސަބަބެއްނެތެވެ. އެވަރުގެ ތާއީދެއް ނެތް ބަޔަކު އަމިއްލަ ޕާޓީނުހަދައި އެހެން ޕާޓ
ވެދާނެ
29 May 2023
ގަބޫލުކުރަންވީ ކަމަކީ ސިޔަސީ ފިކުރަކީވެސް، ތާއީދަކީވެސް އަބަދު އެއްގޮތަކަށް އޮންނާނެ ކަމެއްނޫން. 2005ގެ ފަހުން ފުރެންޗު އޮޕަންގަ ނަޑާލްވެސް ނުކުޅޭ.
ސޮންކު
29 May 2023
ފާރިސޫ ތިކަމެއް ނުވިއެއް ނު. ޢަޅެ ނިކަން ޕާޓީ ދަފުތަރުގަ ތިބީ ކިތަށް މީހުން ކަން ބުނެދީ ބަލަ.
30 އަހަރު މާ އަމާން
29 May 2023
ގިނަ މީހުންނަށް ވާނުވާ ނޭގި ގެންމިއުޅެނީ. އެމްއާރުއެމުން އުވާލިއިރުވެސް 300 އެއްހާ ފޯމު އެލެކަޝަނަށް ވަނީ ހުށައަޅާފައި. އެންމެ 18 މީހުން މަދުވެގެން އެމްއާރއެމެއް އުވައެއްނުލެވޭނެ. ރާއްޖޭގައި ހުރިހައި ކަމެއް ހިގަނީ މިހާ ހަރުކަށިކޮށްތަ. 1 އަހަރު ސައިކަލް ފީ ނުދައްކަޔާމުން ރަޖިސްޓްރީ ބާތިލުކުރޭތަ. ރަށްތައްނަގައިގެން އުޅޭމީހުން 20 އަހަރުވާއިރު ރިސޯޓް ނެހެދީޔާ ރަށް ސަރުކާރަށް ނަގާތަ. 4 އަހަރުންފުލެޓްނިންމަން ދިނީމާ 10 އަހަރުން ނިންމިއަސް އޯކޭ.
ސުންދުސް
29 May 2023
އެންމެ ކަމެއް ޤަވާޢިދުން ހިނގާތީ އެކަން ވެސް ވިޔަ ނުދޭން ތިއުޅެނީ؟
ނޯޗާންސް
29 May 2023
މަދުވަނީ އެއްމެ 18 މީހުން ކަމަށް ވާނަމަ ދެފަހަރަށް ފުރުސަތު ދިނީމާވެސް އެވަރު ހަމަ ކޮށް ނުލެވުނީ ކީއްވެ……؟
ސަލާމ
29 May 2023
3000 މީހުން ހަމަނުވެގެން އުޅޭއިރު ދެންކޮން ޕާޓީއެއްތަ މިކިޔަނީ 30އަހަރުގެވެރިކަން
ރަދީފްއޮފިޝަލް
29 May 2023
ބްރޯ ކަލެއަށް 400 މީހުން ވެސް ހަމަކުރެވިދާނެ ތަ؟؟ އެހެންވީމަ ސައިޒުން ވާހަކަ ދައްކަން ހިނގާ ދޯ.ލަދު ކޮބާ؟؟
ޢަރުތަ
29 May 2023
މިހާރު ވެރިކަމުގަހުރީ ޔާމީނެއް ނޫން ފުރާޅުން ޓިނެއް ނުނަގާނެ، މައުމޫނުވަނީ 30 އަހަރު ގައުމުގަ ވެރިކަން ކޮށްފަ، ގަހެއްވިއްޔާ އެހާ ދުވަސް ވާއިރު އޮންނާނީ ވަރަށް މޫލާފަ.
މުބީނު މާރނީ
29 May 2023
އިންސާނާ އަކީ ނުބައި ވުމަށް އިޙްތިޔާރު އޮއްނަ ބައެއް. ގަހަކީ އިޙްތިޔާރެއް އޮއްނަ އެއްޗެއް ނޫން. މައުމޫނު ގެ ކޮންމެސް ކަމެއް ހުރީމަ ދޯ 3000 މީހުން ވެސް އޭނާ އާއި ޤަބޫލް ނުވެގެން އުޅެނީ.
ސީތާ
29 May 2023
އަޅެފަހެ ދެން ތިވަރުން ކިހިނެއްތޯ ޕާޓީއެއް ހިންގާނީ؟ ޑީ.އާރު.ޕީ އުވުނީ. ތިޔަ ޕާޓީ އުވެނީ. ޕީ.ޕީ.އެމް ދެން އޮތީ. ޕާޓީއެއް ފޮތިފޮތި ވެއްޖެނަމަ ފެންނާނެ ނަތީޖާ ހާމައަށް ފެންނަން މި އޮތީ. މިހާރު ކުލަ ފަނޑުވާން ފަށާފައި އެއޮތީ އެމް.ޑީ.ޕީ. އަދި 15 ވަރަކަށް އަހަރުފަހުން އަހަރެމެން އެނަން ކިޔަންޖެހޭނީ ކޮންމެވެސް އާޓިކަލަކުން ނުވަތަ ކޮންމެވެސް ފޮތަކުން. އޭގެކޮޅުމަތި ފެންނަމުން މިދަނީ
އޮނަރަބްލް އަފީފު ދީދީ
29 May 2023
ސިޔާސީ ޕާޓީތަކަށް ފައިސާދޭއުސޫލު ބަދަލުކުރާންޖެހޭ. މިގޮތުން އިންތިޙާބީ ގޮނޑިތައްކަމުގައިވާ ރައީސުލް ޖުމްހޫރީއްޔާއާއި ނައިބް، މަޖިލިސް މެންބަރުން (ސްޕީކަރ އާއި ޑިޕިއުޓީ) ސިޓީ މޭޔަރުން، އަތޮޅުކައުންސިލް ރައީސުންނާއި މެންބަރުން، ސިޓީކައުންސިލް ރައީސުންނާއި މެންބަރުން އަދި WDC މެންބަރުންފަދަ އިންތިޙާބީ މަޤާމްތަކުގެ ވަކި ގޮނޑިތަކަށް ފައިސާދޭނެ އަދަދުތަކެއްކަޑައަޅާ އެޕާޓީއަކުން ކާމިޔާބުކުރާ ގޮނޑިތަކުގެނިސްބަތުން ޕާޓީތަކަށް ފައިސާ ދިނުން ރަނގަޅު.