އެމްއާރުއެމްގެ ރަސްމިއްޔާތެއްގައި މައުމޫނާއި ފާރިސް ބައިވެރިވެވަޑައިގަންނަވަނީ: އެމްއާރުއެމަށް 3،000 މެމްބަރުން ހަމަކުރުމުގެ މަސައްކަތް އަންނަނީ ކުރަމުން. --. ފޮޓޯ: ނިޝާން އަލީ/މިހާރު
20 މާޗް 2022 - 12:44
30 comments
ޕީޕީއެމުން ވަކިކުރެއްވުމުން އިސްލާހީ ހަރަކާތް ކުރިއަށް ގެންދަވަން ކުރީގެ ރައީސް މައުމޫން އަބްދުލްގައްޔޫމް އުފެއްދެވި މޯލްޑިވްސް ރިފޯމް މޫވްމަންޓް (އެމްއާރުއެމް) އުވާލަފާނެ ކަމުގެ ބިރެއް ނެތް ކަމަށާއި އޭގެ ކުރިން 3،000 މެމްބަރުން ހަމަކުރެވޭނެ ކަމަށް އެ ޕާޓީން މިއަދު ބުނެފި އެވެ.
މައުމޫން އިސްލާހީ މަަސައްކަތް ފެއްޓެވީ ޕީޕީއެމްގެ ވެރިކަމުގައި އެ ޕާޓީގައި ހުންނަވައިގެންނެވެ. އެއީ އެމަނިކުފާނު ޕާޓީއާ ދެކޮޅަށް ނުކުމެވަޑައިގެން އޭރުގެ އިދިކޮޅު (މިހާރު ވެރިކަން ކުރާ ކޯލިޝަން) އަށް ބައިއަތު ހިއްޕެވުން ކަމުގެ ހިތްހަމަނުޖެހުންތަކާ އެކު ކައުންސިލް ބައްދަލުވުމެއްގައި އެ މަނިކުފާނު މަގާމުން ވަކިކުރީ އެވެ.
ޕީޕީއެމްގެ ރައީސްގެ މަގާމުގައި ހުންނަވައި މައުމޫން ހިތްހަމަނުޖެހުންފާޅުކުރައްވަން ފެއްޓެވީ ސަރުކާރުން ކަންކަން ކުރަމުންދާ ގޮތުން ރައްޔިތުންނާއި ގައުމަށް ގެއްލުންވަމުންދާ ކަަމަށް ވިދާޅުވެ އެވެ.
ޕީޕީއެމުން ވަކިކުރެއްވުމުން މައުމޫން އުފެއްދެވި އެމްއާރުއެމްގައި މިހާރު ގާނޫނު ބުނާ އަދަދަށް މެމްބަރުންނެއް ނެތެވެ.
އިލެކްޝަންސް ކޮމިޝަނުން ނިންމާފައި ވަނީ ގާނޫނުގައި ބުނާ 3،000 މެމްބަރުން ހަމަނުވާ ޕާޓީތަކަށް ތިން މަސް ދުވަހުގެ މުއްދަތެއް ދިނުމަށް ފަހު އުވާލުމަށެވެ. މެމްބަރުން ހަމަނުވެއްޖެ ނަމަ އުވާލަން ޖެހޭ ލިސްޓުގައި އެމްއާރުއެމް އާއި ކުރީގެ ނައިބު ރައީސް އަހްމަދު އަދީބު އިސްވެ އުފެއްދެވި އެމްޓީޑީ އާއި ޑީއާރުޕީ އާއި ލޭބަ ޕާޓީ ހިމެނެ އެވެ.
މި ޕާޓީތަކަށް މި ހަފުތާގައި ނޯޓިސް ފޮނުވާނެ އެވެ.
އެމްއާރުއެމްގައި ތިބީ 2،300 މެމްބަރުންނެވެ. މި އަދަދަށް ދަށްވީ އެ ޕާޓީން ބުނި ގޮތުގައި އެންގުމަކާ ނުލައި އެ ޕާޓީގެ މެމްބަރުން އެހެން ޕާޓީތަކަށް ގެންދިއުމުންނެވެ.
އެ ޕާޓީގެ ސެކްރެޓަރީ ޖެނެރަލް އަބްދުލްއަލީމް މިއަދު ވިދާޅުވީ އެމްއާރުއެމްގެ ކައުންސިލް މެމްބަރުންނާއި އެކި ކޮމިޓީތަކުގެ މެމްބަރުން ވެސް މި ފަހުން އުފެއްދި މޯލްޑިވްސް ނެޝަނަލް ޕާޓީއަށް ވައްދާފައި އެބަތިބި ކަމަށެވެ. އެއީ އެ މެމްބަރުންނަށް އެނގިގެން ކޮށްފައިވާ ކަމެއް ނޫން ކަމަށް ވިދާޅުވި އެވެ.
"އާ ޕާޓީތައް ވުޖޫދަށް ގެންނަން އެމްއާރުއެމްގެ މެމްބަރުންނަށް ނޭނގި ހުރީ ވައްދާފައި، އެ އަދަދު އުޅޭ 800 އިން މަތީގައި،" އޭނާ ވިދާޅުވި އެވެ.
ޕާޓީތަކުގައި މީހުން ތަކުރާރުވިޔަސް ބެލޭނެ އެކަށީގެންވާ ނިޒާމެއް އިލެކްޝަންސް ކޮމިޝަނުގައި ނެތެވެ. އެއީ ހުށަހަޅާ ފޯމުތަކުގެ ފިންގަޕްރިންޓް ވެރިފައި ނުކުރެވޭތީ އެވެ.
އަލީމް ވިދާޅުވި ގޮތުގައި އެ ޕާޓީގައި ވަރަށް އަވަހަށް 3،000 ހަމަވާނެ އެވެ. އިލެކްޝަންސަށް ހުށަނާޅާ ވެސް ފޯމުތައް އެބަހުރި ކަމަށް ވިދާޅުވި އެވެ.
"ރޯދައިގެ ފަހުން އެބަހުރި ދަތުރުތަކެއް ވެސް ރާވާފައި. އަޅުގަނޑުމެން މެމްބަރުން އިތުރުކުރުމުގެ ހަރަކާތް މަޑުޖައްސާލައިގެން ތިބީ ކޮވިޑް ފެތުރިފައި އޮތީމަ،" އަލީމް ވިދާޅުވި އެވެ.
"އަލުން ޕާޓީއަށް މީހުން އިތުރުކޮށް ހަރަކާތްތަކެއް ވަނީ ރާވާފައި."
ޕީޕީއެމަށް ދޫކޮށްލައްވައި، އާ ޕާޓީއެއް އުފެއްދެވުމުގެ މަސައްކަތްޕުޅު މައުމޫން ފެއްޓެވީ ޕީޕީއެމަށް ކުރިމަތިވި ގާނޫނީ މައްސަލަތައް ޝަރީއަތުން އެމަނިކުފާނާ އެއްކޮޅަށް ނިމޭނެ ކަމުގެ ޔަގީންކަން ވެސް ގެއްލުމުންނެވެ. އެ ޕާޓީ ދޫކޮށްލަން މައުމޫނަށް ޖެހިވަޑައިގަތީ، ކޮއްކޯފުޅު، ކުރީގެ ރައީސް އަބްދުﷲ ޔާމީންއާ ދެމެދު އުފެދުނު މައްސަލަތަކުގަ އެވެ.
އެމްއާރުއެމްއަކީ މައުމޫން އުފައްދެވި ތިން ވަނަ ސިޔާސީ ޕާޓީ އެވެ. ސިޔާސީ ޕާޓީތައް އުފެއްދުމުގެ ހުއްދަ ގާނޫނަކުން 2005 ގައި ދިނުމުން އެމަނިކުފާނު އުފެއްދެވީ ޑީއާރުޕީ އެވެ. އެ ޕާޓީގެ ހިންގުމުގައި، އޭރު ހުންނެވި ޑީއާރުޕީގެ ލީޑަރު އަހްމަދު ތަސްމީން އަލީއާ ދެމެދު އުފެދުނު ހިޔާލުތަފާތުވުންތަކާ ހެދި އުފެއްދެވީ ޕީޕީއެމް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަހާ ޖަހާ
21 March 2022
ސިޔާސީ ޕާޓީތަކުގެ ފޯމުގައި އިނގިލީގެ ނިޝާން ނުޖަހަނީ މަކަރާ ހީލަތް ހަދަން. ސިޔާ+ސީ ވީމާ ތާހިރެއް ނުވާނެކަން މީގެންވެސް އިނގޭ. މަށަކީ މީ ދުވަހަކުވެސް ތީން ޕާޓީއަކާ ވައިވެސް އެޅުނު މީހެއް ނޫން. ދުވަހަކު ކައިރިވެސް ނުވާނަން އިރާދަ ކުރެއްވިއްޔާ. އެކަމަކު ތިޔަ އަލިފެއްހާ ތެދުވެރިން މަވެސް އޮތޭ ބޮޑު ޕާޓީއެއްގެ ޖައްސާފަ. އަރާގަތް ރުޅީގަ ވަގުތުން އީސީއަށް އެންގިން. ނަސީބަކުން ކަނޑާލަދީފި. ޕާޓީ ފޯރމްގައި އިނގިލީގެ ނިޝާން ޖަހާ. ޖަހާ ޖަހާ ޖހާ
މަވެތި
21 March 2022
މަވެސް ތި ޕާޓީ ދޫކޮއްލަނީ ވަރައް އަވަހައް ކެނޑެން ސިޓީ ލާނަން އިންޝާﷲ.
ރަދީފްއޮފިޝަލް
21 March 2022
ސާބަހޭ ބްރަދާ.
ބޮޑުމީހާ
20 March 2022
ޕާޓީތަކަށް މީހުން ތަކުރާރުވިޔަ ނުދިނުމަށް އިލެކްޝަނަށް ބެލޭނެގޮތެއް ނެތް' ޓެކްނޮލޮޖީގެ މިޒަމާނުގައި އިލެކްޝަނަށް މިކަން ނުވުމަކީ އަރަތެއް. އެކްސެލް ޝީޓެއްގައި އަހަރުމެން ތަކުރާރުނުވާނެ ގޮތަށް ތި މައުލޫމާތު ބަލަހައްޓަފާނަން. ގައިމު އައިޑީ ނަމްބަރ ތަފާތުވާނެތާ. ތަކުރާރުވާ އައިޑީތައް އެއްވެސް ޕާޓީއަކަށް ނޭޅީމަ ނިމުނީނުން. އިލެކްޝަނުންވެސް އުޅެނީ ހަޑިހާވަން
ހާމިދު ޝާހިދު
20 March 2022
ޤާނޫނީ އަދަދު ހަމަނުވި ޕާޓީ އޮތް ކޯލިސަނުގައި ތިޔަ ޕާޓީއަށް ވަޒީރުކަމާއި، އެނޫން މަގާމުތައް ދީގެން ތިޔަ އުޅެނީ ކީއްވެބާ! އަޅެ ފަހެ އެމްޑީޕީ ގެ މެމްބަރުންގެ ރުޅިގަނޑު ކޮޅުން ނުލާންވީ ސަބަބު މިއޮތީ ފެންނަން. ޕާޓީއަށް މަރުދަންޖެހޭ އެތައް ހިދުމަތެއް ކުރި އެތައް މެމްބަރުންނެއް އެތިބީ މަގުމަތިވެފައި. އެމްޑީޕީގެ މެމްބަރުންނަށްވެސް ރައީސް އިބްރާހިމް ސާލިހްގެ ސަރުކާރުން ބޭވަފާތެރިވަމުން ދާކަން މީގެ މި ދޭހަވަނީ. ދެން އަނެއްކާވެސް މައުމޫނު ޕީޕީއެމަށް ވަދޭ.
ރާޖޫ
21 March 2022
އެމްޑީޕީ އަށް މަރުދަންޖެހޭ ތަންދޮރު ނުދަންނަ މީހުންނަށް މަޤާމު ދިނީމަ ވާނެގޮތް މިޤައުމަށް މިވަނީ. ކޮންމެ ބަޔަކު ވެރިކަމުގައި ތިއްބަސް މަޤާމްތައް ދޭންވީ ކިޔަވައިގެން ތިބި ތަންދޮރު އެނގޭ މީހުންނަށް. މިސާލަކަށް ޑިފެންސް މިނިސްޓަރު މާރިއާ ރަނގަޅު ޕީޖީ ކަހަލަ މަޤާމެއް. އެކަމަކު އެ ބޭފުޅާއަށް މިލިޓަރީއާއި ގުޅުންހުރި މަޤާމެއް ދިނީމަ ދެން ވާނީ ކިހިނެއް؟ އިންޑިއާ މީހުން ހެލިކޮޕްޓަރުގައި ރާއްޖޭގައި ހުރި ހުރިހާ ރިހާކުރެއް ގެންދިޔަސް ނޭނގޭނޭ
ވަހީދު
20 March 2022
ދެތިން ފަހަރަށް ގަޑި ލަސްކޮށްގެން ވެސް ގާނޫނީ އަދަދު ހަމަނުވި ތިމީހުން ރަޖިސްޓްރީކުރަން ބާންވަން ޖެހޭ ބައްދަލުވުމަށް ވެސް. އެންމެ ފަހުން އެއްދޮރުން ވެއްދި މީހުން އަނެއް ދޮރުން ނެރިގެން އައިސް އަލުން ވައްދައިގެން މީހުން އައިކަމަށް ހަދައި ގާނޫނީ އަދަދު ހަމަކުރީ. ރައީސް މައުމޫނަށް ވަރަށް ސަލާމް
ާއުނިމާ
20 March 2022
މިކޯލިޝަން ސަރުކާރު ވުޖޫދު ވީއިރު ސަރުކާރުގެ 20% އޮތީ މިމަިހުނަށް މީހަކު އަޅޭ އަޖައިބުވެދާނެ އެއްނު!
ާއުނިމާ
21 March 2022
އާއެކޭ، އެމްޑީޕީއަށް %45، ޖުމްހޫރީ ޕާޓީޔަށް %25، އެމްއަރއެމް އަށް %20، ބާކީ %10 އަދާލަތައް...މީ އަޅެ ދޮގެއްތޯ ސާފުކޮށްބަލަ، މީ ލިޔެކިޔުމުން އެއްބަސްވީގޮތް! މިހާރު ވެރިކަން ލިބުމުން މިއަދަދުތަކަށް ބަދަލު އައިއްސި...އެއީ އެމްޑީޕީ މެމްބަރުންނަށް މަޤާމުތައް ދީ ނުނިމޭތީ އެމްޑީޕީގެ % މައްޗަށްގޮސް މިހާރު ވާނުވާގަ އޮތީ! އެއީ އެހެންޕާޓީތަކަށް މިހާރު މަޤާމުތައް ނުދޭތީ! އެމްރއެމް ދެން 3000 މެމްބަރުން ހަމަނުވާ ޕާޓީއެއް ކީކޭތޯ ކިޔާނީ، ފުދޭވަރަކަށް ލިބިއްޖޭ!
ތަރާޒު
20 March 2022
ހަޤީޤަތަކީ ރައީސް މައުމޫނު އުފެއްދެވި ޕާރޓީ ޕީޕީ އަކީ އެމަނިކުފާނަށް އެ ޖަމްޢިއްޔާގެ ރަޖިސްޓަރީ ޙަވާލުކުރަން ޖެހޭނެ ޔާމީނު ގެ ފެންވަރަކީ ޕީއޭގަ ހުރީ 1500 މީހުންނާއި އެކު
ރަދީފްއޮފިޝަލް
20 March 2022
ދެން ޕީޕީއެމްގަ ތިބި އެންމެން އަންނަންވީއެއްނު އެމްއާރްއެމަށް!! ގައިމު އެއްވެސް ބަޔަކު އެމީހުން ނުހިފަހައްޓާ ދޯ.
ވާނުވާގަ
20 March 2022
މީ އަދި ކާކުތަ ރަދީފްއޮފިޝަލޭ އަމިއްލައަށް ކިޔައިގެން؟ ބަލަ ޑީއާރުޕީން ޕީޕީއެމް ވަކިވީމަވެސް ކިތައްހާސްމީހުން ކިތައްއަހަރުވަންދެން އެޕާޓީގަ ތިބިތޯ އިކލެކްޝަން ދަފްތަރު ބަލާބަލަ. އެއީ ކޮންމެހެން ޖާބިރާ ކާނަލްނަޝީދުދެކެލޯބިން ތިބީއެއްނޫން. މިވަރުން ތިޔަ މަނިކުފާނަށް އެނގިވަޑައިގަންނަވާނެކަމަށް ހީކުރަން. ޔާމީނު ޕާޓީ އުވާލި މީހުން ހަމަނުވެގެންހަމަ. އެއީ އޭނަގެ ތާއީދަކީ.
ބޯގޯސް
20 March 2022
ކަލޯ ރަދީފާ!!! ޕިޕީއެމްގަ ތިބި ގިނަމީހުންނަކީ މައުމޫނަށް ތާއީދު ކުރިމީހުން. އެޕާޓީގަ މިހާރު ތިބި ގިނަމީހުންނަކީ ޔާމީނަށް ތާއީދުކުރާ މީހުންނެއްނޫން. އެއީ އެމްޑީޕީއާ ދެކޮޅުމީހުން. ސާފުތަ؟ ކައުންސިލް އިންތިޚާބުގެ ނަތިޖާއަކީވެސް އެއީ. ކަލޭ އަދި މާއަނގަފުޅާވެގެން އުޅުނަސް ޖާހިލުވައްތަރު ހުންނަހެން ހީވޭ.
ހާމިދު ޝާހިދު
20 March 2022
ޔާމީންނާ ނުބެހޭ. އެމަނިކުފާނު އެވަނީ ދެންތިއްބެވި ހުރިހާ ސިޔާސީ ލީޑަރުންނަށް ގޮންޖައްސަވާ ކުރިމަތި ލައްވައިގެން. ކުރިމަތިވި ކޮންމެ ދައްޗަކަށް، ކެރިގެން ސާބިތުކަމާއެކު. އެފަދަ ލީޑަރުންގެ ފަހަތުގައި އަބަދުވެސް ގިނަ ބަޔަކު އެނބުރޭނެ. އެކަމަކު މައުމޫނު ފަދަ އަމިއްލަ ދަރިފުޅަށް ވެރިކަން ފުރޮޅާލަން އުޅެން ހަދައިގެން ކޮށްކޯފުޅުގެ ކަރުގައި ހިތްޕަވަން އުޅުނު ބޭބެގެ ޕާޓީގައި މިއުޅެނީ އެންމެ 2 ކިރިއާ ހަމަވެގެން. އެމްއެމްއާރުގެ ވަޒީރުން ވަކިިކުރަން އެބަގޮވާ
އާރިޕަބްލިކަން
20 March 2022
މިޕާޓީގެ ހުރިހާވެސް އެއްޗަކީ މައުމޫން!ޖޭޕީގެ ހުރިހާވެސް މީހަކީ ގާސިމް !އޭޕީގެ ހުރިހާވެސް މީހަކީ އިމްރާން.ކޯލިޝަން ހަދައިގެން ވަޒީފާ ލިބެނީ މިމީހުނާ ގާތް މީހުނަށް މީމިރާއްޖޭގެ ޑިމްކުރޮސީ ހިގައިގޮތް.މިރާއްޖޭގައި އޮންނަންވީ މައި ދެޕާރޓީ، ސަރަހައްދުތަކުން ތަމްސީލް ކުރާނެ. ވަކި ފަރުދަކު ވިޔަފާރިތަކުން ތަމްސީލް ކުރާކަށްނޫން.އެކަން އެކަން ޕީޕީއެމް އާއި އެމްޑީޕީން ފެނޭ.
ރަދީފްއޮފިޝަލް
20 March 2022
މަގޭ ނަން ޖަހައިގެން ވަގު ފޯމް ނުފުރާނެކަމަށް އުއްމީދުކުރަން.އެންމެ ފަހުން އެބުނާ އެމްއެންޕީއެއްތޯ ބަޔަކު ވެސް މަގޭ ނަމުގަ ވަގު ފޯމް ފުރައިގެން އުޅުނު.އީސީން ފޯމްގެ ކޮޕީއެއް ވެސް ހޯދައިގެން ބެލީމަ މިއެނގުނީ އެއީ ބަޔަކު ކުރުވައިގެން އުޅެކަމެއްކަން.30 އަހަރު ވެރިކަން ކުރި މީހަކަށް 3000 މީހުންގެ ތާއީދުނެތްކަން އެނގުނީމަ ދެން ޖެހޭނީ ރިޓަޔާމެންޓްގަ ހުންނަން.އަދިވެސް ބަލަނީ އަތް ފުނާ އަޅައިގެން ވެސް މީހުން ލިބޭތޯ.ދެރަކަމެއް.ވ.ވ.ވ.ވެދުން
ދެބަންދިހާރަ
20 March 2022
މީހެއްގެ ވިއްޔާ ގޮތެއް ފޮތެއްވެސް ހުންނަންވާނެ. ތިކަހަލަ ޖާހިލު ބަސްތަކުން އެނގެނީ ތިމާމީހާގެ އަޚްލާގެއް ނެތްކަން. މީހާގެ ސޯޓު ތިބޭލެނީ ރައްޔިތުން ކުރިމަތީގަ. އެހެންމީހުންނަށް ފުރައްސާރައާ މަލާމާތް ކުރުމަކީ ތިމާއަކީ މާ މޮޅުމީހަކަށް ވުމެއްނޫން. ދޫ ރައްކާތެރިކޮށް މައިތިރިވާން ދަސްކުރަންޖެހޭ.
ރަދީފްމާމަ
20 March 2022
ކަލޭ ހަދަ އަނގަގަދަކޮން ތިއުޅެނީ؟ ތިމާގެ ފެންވަރު އޮޅިގެން އުޅޭކަމަށް ބެލެވޭ. ތީ ވަރަށް ހަޑިކޮން ތިއުޅުއްވަނީ. ރައީސް މައުމޫނަށް އެއްޗެހިކިޔާ ބެވޭވަރުގެ މީހެއްނޫން ތީ. މައުމޫނުގެ ޤައުމީ ޚިދުމަތުގެ 0.001 ޕަސެންޓްވެސް ކަލޭގެ މުޅި އުމުރގަ މިގައުމަށް ކުރިކަންކަމާ ނުބައްދަލު. ދެން ކޮން ބޭކާރު ވާހަކައެއް. ބައެއްގެ ފަރާތުން މަންފާގަނޑެއް ލިބުމަކީ އެހެންމީހުންނަށް ކުރަންޖެހޭ އިޙްތިރާމާއި ގަދަރުކުރަން ނުޖެހޭ ސަބަބެއްނޫން.
ރަދީފްއޮފިޝަލް
20 March 2022
#މާއްދާ27 #ކޮމެންޓްކުރުމުގެގައިޑްލައިން #ވެދުން
އަލި
20 March 2022
3000 ހަމަނުވާ އިރުވެސް ޕާޓީވެގެން މިނިސްޓަރުކަން ދީގެން.. ކަޑަދޯ؟.