ވެހިކަލްތަކުގެ ރަޖިސްޓްރީ ބާތިލްކުރުން ހުއްޓުވި މައްސަލަ ސުޕްރީމް ކޯޓުން ބަލައެއް ނުގަތް

ޓްރާންސްޕޯޓް މިނިސްޓަރު ނަހުލާ: ވެހިކަލްތަކެއްގެ ރަޖިސްޓްރީ ބާތިލްކުރުން ކޯޓުން ހުއްޓުވި މައްސަލަ ބަލައިނުގަތުމަށް ސުޕްރީމް ކޯޓުން ވަނީ ނިންމާފައި --- ފޮޓޯ/މަޖިލިސް

މުއިއްޒު އިބްރާހިމް، މިހާރު

29 މެއި 2023 - 14:25

5 comments

ވެހިކަލްތަކެއްގެ ރަޖިސްޓްރީ ބާތިލްކުރުން މަޑުޖައްސާލަން ސިވިލް ކޯޓުން އެންގި އެންގުމާ ދެކޮޅަށް ދައުލަތުން ހުށަހެޅި މައްސަލަ ބަލައިނުގަތުމަށް ސުޕްރީމް ކޯޓުން ނިންމައިފި އެވެ.

އުސޫލާ ހިލާފަށް ރަޖިސްޓްރީކުރި ކަމަށް ބުނެ 200 އެއްހާ ވެހިކަލްގެ ރަޖިސްޓްރީ ބާތިލްކުރަން ސަރުކާރުން ނިންމާފައި ވަނިކޮށް އޭގެ ތެރެއިން 87 ވެހިކަލެއްގެ ރަޖިސްޓްރީ ބާތިލްކުރުން މަޑުޖައްސާލަން ސިވިލް ކޯޓުން ވަގުތީ އަމުރެއް ނެރުނީ އޭގެ ތެރެއިން ބައެއް ވެހިކަލްތަކުގެ ވެރި ފަރާތްތަކުން ދައުވާ ކުރުމުންނެވެ.

ސިވިލް ކޯޓުން ނެރުނު ވަގުތީ އަމުރު ދައުލަތުން ހައި ކޯޓުގައި އިސްތިއުނާފް ކުރުމުން އެ ކޯޓުން ނިންމާފައި އޮތީ ސިވިލް ކޯޓުގެ ނިންމުމަށް ތާއީދުކޮށެވެ. އެހެންވެ، ހައި ކޯޓުގައި ނިންމުން ސުޕްރީމް ކޯޓުގައި ދައުލަތުން އިސްތިއުނާފަށް ހުށަހެޅި އެވެ.

ސުޕްރީމް ކޯޓުގެ ރަޖިސްޓްރާ އިއްޔެ ނިންމެވީ ހައި ކޯޓުގެ ނިންމުން ގޯސް ކަމަށް ބަލަންޖެހޭ ގާނޫނީ ސަބަބެއް ދައުލަތަށް ބުނެދެވިފައި ނުވާތީ އެ މައްސަލަ ބަލައިގަނެވެން ނެތް ކަމަށެވެ.

ސުޕްރީމް ކޯޓުގެ ގަވާއިދު އޮންނަ ގޮތުން ރަޖިސްޓްރާގެ ނިންމުންތައް އެ ކޯޓުގެ ފަނޑިޔާރުންގެ މަޖިލީހަށް ހުށަހެޅުމުގެ ފުރުސަތު އޮވެ އެވެ.

ސިވިލް ކޯޓް ސުޕްރީމް ކޯޓް ވެހިކަލްތައް ޓްރާންސްޕޯޓް މިނިސްޓްރީ އާއިޝަތު ނަހުލާ (އާއިޝާ)، ކުރީގެ މިނިސްޓަރު

5 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަރުތަ

30 May 2023

ބަޔަކު މީހުން ގުޅިގެން ކޮށްފަހުރި ބޮޑެތި ވައްކަން ތިހުންނަނީ، ގޭގެ ވެރިމީހާ އަށް ލިބޭ ގެއްލުމުގެ ބަދަލު ކޮންމެވެސް ދުވަހަކުން ނަގާދޭނެ ކަމަށް އުއްމީދު ކުރަން، މިކަން މިހާހިސާބުން ނިންމާނުލެވޭނެ، އަމިއްލަ ވެހިކަލެއް ހޯދައިގެން ގޭގެ ގަރާޖުގަ ރަޖިސްޓްރީކުރަން ބަލާލިއިރު ލޮލުންވެސް ނުދެކޭ ނުވެސް ދަންނަ ކޮންމެވެސް ރަށެއްގެ ބޭފުޅެއްގެ ޕިަކޕެއް ރަޖިސްޓްރީކޮށްލައިގެން ހަމަ ދުއްވާ ނަގަނީ، ފުލުހަށް، ސިޓީކައުންސިލަށް، ޓްރާންސްޕޯޓަށް ދެވިއްޖެ، ވީކަމެއް ނެތް.