އެމްޑީޕީގެ ހަރުގޭގައި ހަރުކޮށްފައި ހުރި ޕޯސްޓަރުތައް ނައްޓާލަނީ: އެތަން އަތުލުން ހުއްޓުވުމުގެ ވަގުތީ އަމުރެއް ނެރެދެވެން ނެތް ކަމަށް ކޯޓުން ވަނީ ނިންމާފައި --- ފޮޓޯ/މިހާރު
30 މެއި 2023 - 19:41
17 comments
އެމްޑީޕީގެ ހަރުގެ އަތުލުން ހުއްޓުވުމުގެ ވަގުތީ އަމުރެއް ނެރެދެވެން ނެތް ކަމަށް ސިވިލް ކޯޓުން މިއަދު ނިންމައިފި އެވެ.
އެމްޑީޕީގެ މައި ހަރުގެ ހިންގާ އިމާރާތް ހުސްކުރަން އެތަނުގެ ވެރިފަރާތުން މިދިޔަ މަހު އެންގި މައްސަލަ އެ ޕާޓީން އޮތީ ކޯޓަށް ހުށަހަޅައިފަ އެވެ. އަދި އެމްޑީޕީން ދާދިފަހުން ވަކިވި މެމްބަރުންތަކެއް އިސްވެ އުފައްދަން މަސައްކަތްކުރާ ދަ ޑިމޮކްރަޓްސް ޕާޓީން އިއްޔެ ވަނީ ހަރުގެ ހިންގާ ތަނަށް ވަދެ، އެތަން އަތުލައިފަ އެވެ.
އެމްޑީޕީން ސިވިލް ކޯޓުގައި މިއަދު އެދުނީ އެ މައްސަލަ ކޯޓުން ނިމެންދެން ހަރުގެ އަތުލުން މަޑުޖައްސާލުމުގެ ވަގުތީ އަމުރެއް ނެރެދިނުމަށެވެ. އެކަމަކު އެ ކޯޓުން ނިންމި ނިންމުމުގައިވަނީ އެމްޑީޕީއަށް ހިމާޔަތް ލިބެންޖެހޭ މައުލޫއީ ހައްގެއް ނުވަތަ ގާނޫނީ މަރުކަޒެއް މިވަގުތު ފެންނަން ނެތް ކަމަށެވެ.
އެމްޑީޕީއަށް ހިމާޔަތް ލިބެންޖެހޭ އެފަދަ ހައްގެއް މިވަގުތު ފެންނަން ނެތްއިރު، އެ ޕާޓީއަށް އިއާދަ ނުކުރެވޭނެ ގެއްލުންތަކެއް ލިބިދާނެ ކަމަށް ނުބެލެވޭ ކަމަށާއި އެހެންވެ އެފަދަ އަމުރެއް ނެރެދެވެން ނެތް ކަމަށް އެ ނިންމުމުގައިވެ އެވެ.
އެމްޑީޕީން އެ މައްސަލާގައި ދައުވާކުރަނީ އަންނަ ޖުލައި މަހުގެ ނިޔަލަށް ހަރުގެ ބޭނުން ކުރުމުގެ ހައްގު އެ ޕާޓީއަށް ލިބިގެންވާ ކަމަށް ކަނޑައެޅުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަރާބަރު
31 May 2023
ނުޖެހޭ ދޭކަށްވެސް. އެގުރީމެންޓް ހަމަވީމަ ދެން ފެހޭ!!!!
މިނިވަން ކޯޓު
31 May 2023
ސާލިހުގެ ވެރިކަމުގައި ކޯޓި ތަކަށް ރަނގަޅު ބަދަލެއް އައި ކަމުގެ ނިޝާން މި ފެންނަނީ، ބޮޑު މީހާ އާ ދެކޮޅު ނިންމުން
ގުދުގުދާބެއްޔާ
31 May 2023
މިހާރު ފައްޔާޒާ ރޮޒައިނާއަށް އޮންނާނީ ރާކަނިމަސްކެވިފަ!
ބޮޑުމީހާ
31 May 2023
މައި ހަރުގެ ކޮންޓްރޯލްނުނެގުނު ބަޔަކަށް ގައުމުގެ މެޖޯރިޓީއެއް ނުލިބޭނެ. މިވެރިކަމުގަ ބަދަލުދިނުން ފިޔަވައި ރަގަޅަށްކުރެވޭ އެއްކަމެއްވެސް ނެތް
ދގދސެފ×
30 May 2023
މިގައުމަށް ޑިމޮކުރަސީ އައިފަހުން މިގައުމުން އަރައިރުން ކަނޑައިގެންނުދޭ.
މުޖުތާޒު
30 May 2023
ޢެމްޑީޕީއަށް ވާންވީގޮތްއެވަނީ އެމްޑީޕީއަށް ޖުލައިގެ ނިޔަލައް މީހެއްގެ އިމާރާތެއްބޭނުން ކުރުމުގެ ކޮންހައްގެއްއޮންނާނީ
ޑރ. ރާމީ ޙަސަން މަނިކު
30 May 2023
އެމް.ޑީ.ޕީ ގެ ޗެއަރމަން އަކަށް ވަޒީރަކަށް ނުހުރެ-ވޭނެޔޭ ޤާނޫނީ ވަކީލުން ބުނާ އިރުވެސް، ފައްޔާޒަށް ވަރިހަމަ. ބޮޑު ވަރިހަމަ. އިބޫ އަށް ވެސް ވަރިހަމަ. ބަލަގަ ދިވެހި ރައްޔިތު މީހާ އަށް "ވަރިހަމަ ވުމާއި ވަރިހަމަ ނުވުން" އެއީ ކޯއްޗެއްކަން އިނގެޔޭ! ވަރިހަމަ ކޮށްލައިގެން ތިއްބަސް ޙަޤީޤަތް އިނގެޔޭ! އެކަމަކު ދިވެހިންނަށް "ވަރިހަމަ ނުވީމާ" ވަރަށް ގޯސް ވާނެ!
ސުރައްޔާ
30 May 2023
ސަޅި ކޮމެއްޓެއް.
ކާތިބު
31 May 2023
ރައީސުލްޖުމްހޫރިއްޔާ އަށް އެމްޑީޕީ ގެ އިސްލީޑަރަކަށް ހުރެވޭ އަދި ރައްޔަތުންގެ މަޖިލިސްގެ ރައީސް އަށް އެމްޑީޕީގެ ރައީސް އަކަށް ހުރެވޭ ދެން ޗެއަރޕާރސަނަކަށް މިނިސްޓަރަކަށް ނުހުރެވެންވީ ސަބަބަކީ ކޮބާ؟
ައަސާސީ
31 May 2023
ކާތިބް. ކަލޯ އަށް ވާނުވާ އެބައިނގޭތަ؟ ޕާޓީގެ މަޤާމްތަކުގަ ތިބޭމީހުން ސަރުކާރުގެ މަޤާމްތަކުގެ ތެރެއިން ތިބެވޭނެެ މަޤާމާއި ނުތިބެވޭނެ މަޤާމް އަސާސީ ޤަވައިދުގައި އޮތީ ލިޔެފައި. އެޔައް ބަދަލުނުގެންނަހާ ހިނދަކު ޕާޓީގެ ކޮންމެމީހަކަށްވެސް އެއާއި އެއްގޮތަށް އަމަލުކުރަންޖެހޭނެ
އޮނަރަބްލް އަފީފު ދީދީ
30 May 2023
އެމްޑީޕީގެ ފަރާތުން ހުށަހަޅާފައިއޮތީ ހަރުގެހުރިބިމުގެ ޤާނޫނީމިލްކްވެރި ފަރާތްކަމުގައިވާ "ޝަފީޢާ ޒުބައިރުގެކިބައިން އެޙައްޤުނިގުޅައިގަނެ، އަންނަ ނޮވެމްބަރު މަހާއިހަމައަށް ބިމުގެމައްޗަށް އެމްޑީޕީގެ ބާރު އޮންނާނެކަމަށް ކަޑައަޅާދޭންކަމަށްވާތީ" ޝަރުއީކޯޓަކުން ކިހިނެއް އެފަދަ އަމުރުނެރޭނީ. # ލިއުމުގައި The Democrat's ގެ އޮފިޝަލުން އެތަނަށްވަދެ "އެތަން ހިފި" ކަމަށް އޮތް ކަމުގައިވިޔަސް ތަނަށްވަދެ އެތަން ޑިމޮކްރެޓްސް އާއި ޙަވާލުކުރީ ބިމުގެ ވެރިފަރާތުން.
އަހްމަދ
30 May 2023
ކޯޓުތައް މިނވަން ވަރު ފެނި ހާމަވަނީ... މީ ބޭނުންވި ބަދަލު އަންނަ ކަމުގެ ހެކި... ޔާމީނު ހުރިނަމަ ހުކުމް ކުރި ޤާޒީ މިހާރު އިންނާނީ ދޫނިދޫގަ.
ބައިރަހާ
30 May 2023
ތިއީ މީހެއްގެ ގެޔެއް. އެގްރީމެންޓެއް އޮތީކީނޫން. ވެރިކަމުގައި ތިއްބޭ ކިޔާފައި މީހެއްގެ ގެޔެއް ދަމައެއް ނުގަނެވޭނެ. ތިއީކީ ކޯޓުގެ މިނިވަންކަން ހާމަކޮށްދޭކަމެއްވެސް ނޫން. ދެން ޔާމީނޭ ކިޔާފައި ހިތަށް އައިހައި އެއްޗެއް ތިކިޔަނީ ޔާމީނު ފަނޑިޔާރުންނަށް ފިޔަވަޅު އެޅީ ކޮންމައްސަލައެއްގައި ކީއްވެކަމާމެދު ވިސްނާލިންތަ؟ ރައްޔަތުންގެ ވޯޓުން ވެރިކަމަށް ހޮވާފައިވާ މީހަކު ވެރިކަމަށް ދުރުކުރަން ކޯޓުން ނިންމުމުން ދެން އެއާ އެއްގޮތަށް ވެރިކަމުން ހަމަ ފައިބަންވީ ދޯ
ޥަސް
31 May 2023
ޕީޕީއެމް ކުދިންނަށް ޕާޓީ ހިންގަން މުސްތަށާރާއި ހަވާލު ކުރަން ނެރުނު ޙުކުމް ހަދާން ކޮށްލަދެން. އެވެސްދުވަހެއް. މިވެސްދުވަހެއް.
އަހްމަދ
31 May 2023
ކަލޯ ހަމަތަ؟ ސްޕްރީމް ކޯޓުން އަމުރުކުރީ ޔާމީނު ވެރިކަމުން ބާލާކަށް ނޫނޭ. ކާކަށް އޮޅުވާލާން ތިއުޅެނީ. ޔާމީނު ތަންތަނަށް އެއްވަންޏާ ހައްޖަށް ދާން ބުނީމަ ކަލޯމެން ތިދަނީ ޕީޕީއެމް އޮފީސް ދޮރުމަށްޗަށް.
ބައިރަހާ
31 May 2023
އަހުމަދ ގެ ނަމުގައި ކޮމެންޓްކުރި މީހާ ނިކަން އެބުނާ އަމުރެއް ހޯދައިގެން އޭގައި އޮތް އެއްޗެއް ފަހުމް ވަންޏާ ދެން އަމިއްލަ ނަފުސާ ސުވާލުކޮށްލަބަލަ ހަމައިގައި ހުރީ ކާކުތޯ ބަލާލަން.
ރަދީފްއޮފިޝަލް
30 May 2023
ހެހެހެހެހެހެ. ''އެމްޑީޕީއަށް ހިމާޔަތް ލިބެންޖެހޭ މައުލޫއީ ހައްގެއް ނުވަތަ ގާނޫނީ މަރުކަޒެއް މިވަގުތު ފެންނަން ނެތް ކަމަށެވެ''. 2023ގެ އިންތިހާބުގަ ވެސް ނިކުންނާނީ މިފަދަ ނަތީޖާއެއްކަމަށް ލަފާކުރެވޭ. އެމްޑީއޭގެ ހަރުގެ އެމީހުން ބުނީ ކުއްޔަށް ދޭނަމޭ.އެކަމާ އުޅުން ރަނގަޅު.