ރައީސް އިބްރާހިމް މުހައްމަދު ސޯލިހް މިއަދު އައްޑޫގައި ވާހަކަ ދައްކަވަނީ: ރައީސް ވިދާޅުވީ ހަންކެޑަ ޕްރޮޖެކްޓް ދެ އަހަރުގެ ތެރޭގައި ނިންމާނެ ކަމަށް.-- ފޮޓޯ: ރައީސް އޮފީސް
03 ޖޫން 2023 - 20:05
27 comments
އައްޑޫގައި މި ސަރުކާރުން ފަށާފައިވާ މަޝްރޫއުތައް ނިމުމުން 7،000 ޓޫރިސްޓް އެނދު އައްޑޫގައި އޮޕަރޭޓް ކުރާނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
އައްޑޫގެ ބިން ހިއްކުމުގެ މަޝްރޫއު ރަސްމީކޮށް ފެށުމަށް މަރަދޫ ހިއްކި ސަރަހައްދުގައި ބޭއްވި ރަސްމިއްޔާތުގައި އެ މަނިކުފާނު ވިދާޅުވީ، ކުރީގެ އެކި ސަރުކާރުތަކުން ވެސް ފޮނި އުއްމީދެއް ދައްކަމުން އައި ހަންކެޑެ ޕްރޮޖެކްޓަކީ ޖުމްލަ 2،782 އެނދު އިތުރުވާނެ މަޝްރޫއެއް ކަމަށެވެ. އެ ޕްރޮޖެކްޓުގެ ތެރެއިން އައްޑޫގެ އެހެން ރަށްތަކުގައި 7،600 އެނދު އިތުރުވާނެ ކަމަށް ވެސް ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ވިދާޅުވިގޮތުގައި، ހަންކެޑެ މަޝްރޫއު ދެ އަހަރުގެ ތެރޭގައި ނިންމާނެ އެވެ.
"ހަންކެޑެ މަޝްރޫއުގެ ތެރެއިން އައްޑޫ ސިޓީގެ އެހެެން ރަށްތަކަށް ޖުމުލަ 600 ޓޫރިސްޓް އެނދު އިތުރުވާނެ. މިއީ ޖުމުލަ 2،682 އެނދު އިތުރުވެގެންދާނެ މަޝްރޫއެއް. މިހާރު ޕްރޮޖެކްޓް ކުރެވިފައިވާ ތަފާތު މަޝްރޫތައް ހިމެނޭއިރު، ޖުމުލަ 7،000 ޓޫރިސްޓް އެނދު އައްޑޫ ސިޓީގައި އޮޮޕަރޭޓު ވެގެންދާނެ،" އައްޑު އަށް މިއަދު ހަވީރު ފެއްޓެވި ތިން ދުވަހުގެ ދަތުރުފުޅުގައި މަރަދޫގައި ވާހަކަފުޅު ދައްކަވަމުން އެ މަނިކުފާނު ވިދާޅުވި އެވެ.
ހަންކެޑެ މަޝްރޫއު އިންޓަގްރޭޓެޑް ޓޫރިޒަމް ކޮންސެޕްޓަށް ތަރައްގީ ކުރަން މޯލްޑިވްސް ފަންޑް މެނޭޖްމެންޓް ކޯޕަރޭޝަން (އެމްއެފްއެމްސީ) އިން ޗައިނާގެ ކުންފުންޏަކާ ހަވާލުކުރީ މި އަހަރުގެ މާޗް މަހު އެވެ. ޗައިނާ ނެޝަނަލް އިލެކްޓްރިކަލް އިންޖިނިއަރިން ކުންފުންޏާ ހަވާލު ކޮށްފައިވާ އެ މަޝްރޫއު ކުރިއަށް ގެންދަނީ ބޭންކް އޮފް ޗައިނާ އިން 145 މިލިއަން ޑޮލަރު (2.2 ބިލިއަން ރުފިޔާ) ގެ ލޯނެއް ނަގައިގެންނެވެ.
އައްޑޫގެ ގޯތިތައް ފަޅުވެ، ގެތައް ވީރާނާވެ، ގަސްބޯވެ، ވާވަނުމަކީ އައްޑޫގެ ރައްޔިތުން ހެޔޮބަދަލަކަށްޓަކައި ވީ ގުރުބާނީ އާއި ކުރި އުންމީދުގައި އޮތް ކަމެއް ނޫން. އައްޑޫގެ ރައްޔިތުން ބޭނުންވީ އައްޑޫ އާބާދުވެ، އާރާސްތުވެ، ކުރިއަރައި ދިއުން. އެ މަގުތައް މިދަނީ ކޮށައި އަލިވެ އާރާސްތު ކުރަމުން،"--- ރައީސް
ރައީސް އިބްރާހިމް މުހައްމަދު ސޯލިހު މިއަދު ވިދާޅުވީ، މިހާރު އޮތީ ހަންކެޑެ މަޝްރޫއު ފެށުމުގެ މަރުހަލާގައި ކަމަށެވެ.
"މުޅި މަޝްރޫއު އިރާދަކުރެއްވިއްޔާ ދެ އަހަރުގެ ތެރޭ ނިންމާލެވޭނެ. ރާއްޖެ އަށް ޑިމޮކްރަސީގެ ހެޔޮބަދަލު ހޯއްދެވުމަށް ތިޔަބޭފުޅުން ނުކުމެވަޑައިގަތީ، މި ޕްރޮޖެކްޓްތަކަށް އައްޑޫ އަށް ހޯއްދެވުމުގެ ބޭނުމުގައި. އެކަން މިއަދު އެ ދަނީ އައްޑޫ ސިޓީ އަށް ހާސިލްވަމުން،" އެ މަނިކުފާނު ވިދާޅުވި އެވެ.
އެމްއެފްއެމްސީން ޗައިނާގެ ކުންފުނި މެދުވެރިކޮށް ތަރއްގީކުރާ ހަންކެޑެގެ ޑިޖިޓަލް އިލުސްޓްރޭޝަނެއް.
މި އަހަރުގެ ކުރީކޮޅު ވެސް ރައީސް އިބްރާހިމް މުހައްމަދު ސޯލިހު އައްޑު އަށް ކުރެއްވި ދަތުރުފުޅުގައި ފާހަގަކުރެއްވި ބީދައިން މި ފަހަރު ވެސް އައްޑޫގެ ޝަންގްރިއްލާ ރިސޯޓާ ގުޅޭ ގޮތުން އުންމީދު އާ ކުރެއްވި އެވެ. ވިދާޅުވީ، އެ ރިސޯޓް ހިންގުމަށް އެޅޭ ކޮންމެ ހުރަހެއް ނައްތާލުމަށް އެ މަނިކުފާނު ތައްޔާރަށް ހުންނެވި ކަމަށެވެ.
"ދެމެހެއްޓެނިވި ގޮތުގައި އައްޑޫ ޝަންގްރިއްލާ ހިނގުމަށް އެޅޭ ކޮންމެ ހުރަހެއް ނައްތާލުމަށް އަޅުގަނޑު މިހުރީ ތައްޔާރަށް. އެ ފަރާތާއެކު އޮތް ޒަމާންވީ ސަރުކާރުގެ ހިއްސާ ދެމެހެއްޓުމަކީ އޮތް ހުރަސް ކަމުގައި ވުމަށް އަޅުގަނޑު ނުހަދާނަން،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ހިއްސާ ބަދަލު ކުރުމުގެ ލިޔެކިޔުންތައް ޝަންގްރިއްލާ ހިންގާ ފަރާތާ މި އަހަރުގެ މާޗު 18 ގައި ހިއްސާކޮށްފައިވާނެ ކަމަށާއި އެކަން ނިމުމާއެކު ބޭނުންވާ ބަދަލު ގެނެސް، ޝަންގްރިއްލާ އަލުން ހުޅުވައި، ހިނގަން ފަށާނެ ކަމަށް ވެސް އެ މަނިކުފާނު ވިދާޅުވި އެވެ.
ހަންކެޑެ މަޝްރޫއުގެ ތެރެއިން އައްޑޫ ސިޓީގެ އެހެެން ރަށްތަކަށް ޖުމުލަ 600 ޓޫރިސްޓް އެނދު އިތުރުވާނެ. މިއީ ޖުމުލަ 2،682 އެނދު އިތުރުވެގެންދާނެ މަޝްރޫއެއް. މިހާރު ޕްރޮޖެކްޓް ކުރެވިފައިވާ ތަފާތު މަޝްރޫތައް ހިމެނޭއިރު، ޖުމުލަ 7،000 ޓޫރިސްޓް އެނދު އައްޑޫ ސިޓީގައި އޮޕަރޭޓު ވެގެންދާނެ،"--- ރައީސް
ރައީސް ވަނީ އެސްޑީއެފްސީގެ ފަރާތުން އަމިއްލަ ފަރާތްތަކުގެ ގެސްޓް ހައުސްތައް އިމާރާތްކޮށް ނިންމައިދޭ ކޮންޓްރެކްޓަ ފައިނޭންސް މޮޑެލް ވެސް އައްޑު އަށް ގެންނާނެ ކަމަށް ވެސް ވިދާޅުވެފަ އެވެ.
އެ މަނިކުފާނު ވިދާޅުވީ ދިގު މުއްދަތަކުން އަނބުރާ ދައްކަން ޖެހޭ ލޯނަށް 73 ބިން އޮތް ކަމަށެވެ. އޭގެ ތެރެިއން 44 ފަރާތަކުން 58 ބިމުގައި ގެސްޓް ހައުސް އިމާރާތް ކުރުމަށް އެދިފައިވާ ކަމަށް ވެސް ވިދާޅުވި އެވެ.
"އައްޑޫގެ ގޯތިތައް ފަޅުވެ، ގެތައް ވީރާނާވެ، ގަސްބޯވެ، ވާވަނުމަކީ އައްޑޫގެ ރައްޔިތުން ހެޔޮބަދަލަކަށްޓަކައި ވީ ގުރުބާނީ އާއި ކުރި އުންމީދުގައި އޮތް ކަމެއް ނޫން. އައްޑޫގެ ރައްޔިތުން ބޭނުންވީ އައްޑޫ އާބާދުވެ، އާރާސްތުވެ، ކުރިއަރައި ދިއުން. އެ މަގުތައް މިދަނީ ކޮށައި އަލިވެ އާރާސްތު ކުރަމުން،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
04 June 2023
މިއަށްވުރެ ސިޔާސީގޮތުން ހއތުރަާކުނު ރައްޔިތުން ހޭލުންތެރިވާނެ. 2018 ގަ ވެރިކަމަށް އައީ 8000 އެނދު އޮޕަރޭޓްކުރަން. ކުރެވުނުކަމަކީ ދެ ރިސޯޓް ބަންދުކުރުން. އަނެއްކާ ވެރިކަން ނިމެން 3 މަހަށްވީމަ 7000 އެނދު. މިވަރުވާއިރުވެސް އައްޑޫ ރައްޔިތުން މިތިބެނީއަތްޖަހަން.
ހުވަދޫބެއްޔާ
05 June 2023
އައްޑޫ ރައްޔަތުންނަކީ މުޅި ރާއްޖެއިންވެސް އެންމެ ފަސޭހައިން ޗިޕްޖަހާލެވޭ މީހުން!
ރަންނަ
04 June 2023
2028 ގަ ބުނާނެ 6000 އެނދު އަޅާނަމޭ. ހައްތަހާ ދަނީ ފަހަތަށް. ދެން އައްޑޫ ގަމާރުން ތިބޭނެ ސްމާޓް ކޮށް އަތްޖަހަން
މަ ޗާ
04 June 2023
އައްޑުގަ މިއުޅެނީ ބެދު މަދުވެގެނެއްނޫން މިވަގުތުވެސް ބެޑު އެބަހުރި، އައްޑު އެއަރޕޯރޓަށް ދުނިޔޭގެ 5 މަންޒިލުން ޖައްސަން ބުނި ބޯޓު ނުޖައްސައިގެން މިއުޅެނީ. އެވީތަނެއް އެގެން އެބަޖެހޭ، ދެން އޮތީ އައްޑޫއަށް ޓޫރިސްޓުން ގެނެނަންއޮތް އެއަރލައިނުން ތިކެޓް ޓޫރިސްޓުންނަށް ވިއްކަމުންދަނީ ޤަބޫލުވެސް ނުކުރެވޭ މިންވަރަށް ބޮޑުކޮށް، ޓޫރިސްޓުންވެސް ޤަބޫލު ކުރޭ 1 ގަޑި 10 މިނެޓްގެ ދަށް ގުރޭޑް ފުލައިޓަކުން ނަގާ އަގަކީ ފެލާލުން ކަމުގައި. މިކަން ހައްލުވާން މިޖެހެނީ.
ބައިކިލޯ
04 June 2023
އައްޑޫ މީހުންގެ ޖީބުތައް ޕައުންޑުން ފުރުނީމާ މިދަތުރުގައި މައުސޫމު ބައިވެރި ނުކުރީތޯ؟
އަބުދުލް ޤާދިރު
04 June 2023
ރައީސް ޞާލިހު އައްޑުއަށް ވަޑައިގަންނަވާ ކޮންމެ ފަހަރަކު ވެފައިވާ 8000 އެނދުގެ ވައުދުން 1000 އުނިވާނެ ކަމަށް މި ފެންނަނީ . ކުރިން 8000 އެނދު މިހާރު 7000 އެނދު ތަފާތުދޯ؟
ޕައުންޑޭވެސް އައިސްފަ ހިނގައްޖެ
04 June 2023
ހޮވިއްޖެއްޔާ ހުރިހާ މަޝްރޫއެއް ހުއްޓާލާތި. އޭރުން އަނެއްކާ އަނެއް އިންތިހާބަށް މިމަޝްރޫއު ނިމުމުން މިވެނިކަމެއް ވާނޭ ކިޔާ ބޮލަށް ޗިޕު ޖެހޭނީ. ހުރިހާ ސިޔާސީވެރިން އައްޑުއަށް ހަދަނީ މިހެން. ވަރަށް ފަހުން ތިގޮތަށް އައްޑުއަށް އައި މީހަކު ބުނި ދެން އައްޑުއަށް ލިބޭނީ ޕައުންޑޭ ވެސް.
ނާނހާ
04 June 2023
ދޮގުވެރިޔާ.
ޓެމްޕާ
04 June 2023
މަނިކުފާނު ވަނީ އައްޑޫ ރައްޔިތުންނަށް ހިޔާނާތްތެެރިވެފާ. އައްޑޫ އަށް ވި ރިޔާސީ ވައުދު ތަކުގައި މަނިކުފާނު އައީ ކޮޅުފައިން ތަޅަމުން. ޢައްޑޫގެ އިގުތިސާދު ހަލާކު ކޮށްލާ ސިއްހީ ނިޒާމުވެސް ގަޑުބަޑުކޮށް އިނދަ ޖައްސާލީ. އައްޑޫގެ ރައްޔިތުންގެ ބޮޑުބައި އޮތީ މަނިކުފާނުގެ ވެރިކަން ނިމުމަށް އެދިއެދި. ޢެ ހަގީގަށް މަނިކުފާނަށް ފަހަރެއްގަ އޮޅިފަ އޮވެދާނެ. އިންތިހާބާ ދިމާކޮށް ކަޑަޖެހުން އެއީ އައްޑޫ ރައްޔިތުން ދަންނަ ކަމެއް.
މުޖުތާޒު
04 June 2023
ޜިޔާސީ އިންތިހާބެއްނާދޭނުން އައިމާތާ ވީވައުދުމަތިން ހަދާންވާނީ މިހާރު އިންތިހާބު ކައިރިވެއްޖެ އެހެންވީމަ ވައުދުފުއްދަން ގޮސްއެހުރީ އައްޑޫގެ ރައްޔިތުންގެ ތެރެއިން 70 ޕަސެންޓް ތާއީދުއެބައޮތޭބުނަނީ އެހެންވީމަ ވައުދުފުއްދާފަ މިފަހަރު އެބުރިއަންނާނީ ފޯޅަވައްސާހިސާބަށް ކަޑުވެސް ހިއްކާފަ މިފަހަރު އެބުރި އަންނާނީ
އޮނަރަބްލް އަފީފު ދީދީ
04 June 2023
"އައްޑުއާއި ނުލާ ރާއްޖެ ތަރައްޤީ ނުކުރެވޭނެކަމަށް" ބޭޅާ ދެއްކި ވާހަކަ ހަދާނުގައި އެބަހުރިތޯ؟! އެތެރޭގެ ޓިކެޓްތަކުގެ އަގު "ބޮޑުތަނުން" ހެޔޮވީމާ މިހާރު ޓިކެޓް ލިބޭ އަގު ބެއްލެވިންތޯ؟ ޓްއަރިސްޓް 8000 އެނދު އުފެއްދީ ޝަންގްރިލާޒް އާއި ހެރެތެރެ ބަންދުކޮށް 2 ރިސޯޓްގައިހުރި އެނދުތައް "ގައިގޯޅިކޮށް" ވިއްސައިގެންތޯ؟ ދުނިޔޭގެ 5 މަންޒިލުން ގޭންއެއަރޕޯޓަށް ގެންނާންބުނި ފްލައިޓްތަކުގެ މަގު ކުރުކުރަންތޯ މަސްކަނޑުގެ ސައިޒް ކުޑަކުރާންޖެހުނީ؟!
ނީޝް
04 June 2023
ސަރުކާރުގެ މަގާމުތަށް ބެހޭ ހުވަދޫ މީހުންނަށެވެ. މަނިކުފާނު ކުންފުނިތަކުގެ ވެރިންނަށްލީ ހުވަދޫ މީހުންނެވެ. އައްޑޫން މަނިކުފާނު ވެރިކަމުގައި ބަހައްޓަން ވޯޓް ނުދޭން މިސަބަބު އެކަނިވެސް ފުދޭނެއެވެ. މަނިކުފާނައި އެކު ތިޔަތިއްބެވި އައްޑޫ އެއްވެސް ސިޔާސީ މީހަކީ މަނިކުފާނު ދިން މަޤާމެއްގައި ތިބި ބައެއްނޫނެވެ. ތިޔައީ ރައްޔިތުން ވޯޓްން ހޮވާފައިތިބި މީހުންނެވެ. ވީއިރު މަނިކުފާނަށް އައްޑޫން ވޯޓްދޭންވީ ސައްޚަ ސަބަބެއްނެތެވެ.