10 ކިލޯގެ ޑްރަގް ގެނައި ޕާކިސްތާނު މީހާއަށް ދޭހަވާ ގޮތަށް ކިޔައިދޭން ތަރުޖަމާނެއް ހޯދަން ބަންދަށް އެއް ދުވަސް

ފުލުހުން ދޫނިދޫގައި މަސްތުވާތަކެތި ނައްތާލަނީ: ޕާކިސްތާނުން ރާއްޖެއަށް މަސްތުވާތަކެތި ގެނައި މީހާގެ ބަންދަށް އެއް ދުވަސް ވަނީ ދީފައި.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

06 ޖޫން 2023 - 22:46

13 comments

ވައިގެ މަގުން 10 ކިލޯގެ މަސްތުވާތަކެއްޗާ އެކު ރާއްޖެ އެތެރެވާން އުޅެނިކޮށް ކަސްޓަމްސް އިން އިއްޔެ ހިފެހެއްޓި ޕާކިސްތާނު މީހާއަށް ދޭހަވާ ގޮތަށް ކިޔައިދޭން ތަރުޖަމާނެއް ހޯދަން އޭނާގެ ބަންދަށް އެއް ދުވަސް ކްރިމިނަލް ކޯޓުން މިއަދު ދީފި އެވެ.

ރާއްޖެއަށް މަސްތުވާތަކެތި އެތެރެކޮށް ޓްރެފިކްކުރުމުގެ ތުހުމަތުގައި ހައްޔަރުކުރީ ޕާކިސްތާނުގެ ފިރިހެނެއް ކަމަށްވާ ހަމްޒާ ނައީމް، 25، އެވެ.

އޭނާގެ ބަންދުގެ އަމުރުގައި ބުނެފައިވާ ގޮތުގައި، އޭނާ ރާއްޖެ އައިރު ގެނައި ލަގެޖުން 10.14 ކިލޯގެ ހެރޮއިން ހުރިކަން ފުލުހުން ހުށަހަޅާފައިވާ ލިޔެކިޔުންތަކުން އެނގެ އެވެ. އެ ފޮއްޓަކީ ރައްޓެއްސަކު އޭނާއާ ހަވާލުކުރި ފޮއްޓެއް ކަމަށް ކަސްޓަމަސް އޮފިސަރުން ގާތުގައި އޭނާ ބުނެފައިވެ އެވެ.

ގާޒީ އިސްމާއިލް ޝާފިއު ބެއްލެވި މައްސަލާގައި ބުނީ އޭނާގެ ބަންދު ޖަހަން ޝަރީއަތުގެ މަޖިލީހަށް މިއަދު ހާޒިރުވި ތަރުޖަމާނު ތަރުޖަމާކޮށްދިނުމުގައި ތުހުމަތުކުރެވޭ މީހާއަށް ސާފުނުވާ ކަމަށް ފާހަގަކޮށްފައި ވާތީ، އެހެން ތަރުޖަމާނަކު ހަމަޖެއްސުމުގެ ފުރުސަތު ފަހިކޮށްދިނުމުގެ ގޮތުން އެއް ދުވަހުގެ މުއްދަތެއް ދޭން ނިންމީ ކަމަށެވެ.

ހަމަ މި މައްސަލައާ ގުޅުންހުރި ޕާކިސްތާނުގެ އިތުރު މީހަކު ވެސް އިއްޔެ ވަނީ ހައްޔަރުކޮށްފަ އެވެ. އެއީ އަހުމަދު އަޔާޒު ރާޖާ، 30، އެވެ. އޭނާގެ ބަންދަށް ކޯޓުން ވަނީ ފަސް ދުވަސް ދީފަ އެވެ.

އެ މީހާ ވަނީ ވަކީލަކު ހަމަޖައްސައިދޭން ވެސް އެދިފަ އެވެ. އަމިއްލަ އަށް ވަކީލަކު ހަމަޖެއްސުމުގެ ގާބިލުކަން ނެތް ކަމަށް ބުނެ އޭނާ އެދުނީ ދައުލަތުން ވަކީލެއް ހަމަޖައްސައި ދިނުމަށެވެ.

Anekka ves Pakistan in ai meehehge athun 13 million rufiya ge drugs athulaiganefi

The most trusted news source in the Maldives

Mihaaru

ކަސްޓަމްސް އިން އިއްޔެ ނެރުނު ނޫސްބަޔާނުގައި ބުނި ގޮތުގައި އެއީ ޕާކިސްތާނުގެ ފައިސަލްއާބާދުން އައި މީހެކެވެ. އޭނާގެ ލަގެޖުން މަސްތުވާތަކެތި ފެނުނީ އޭނާގެ ފަރާތުން ޝައްކުކުރެވޭ ކަންތައްތަކެއް ފެނުމުން ބަލައިފާސްކުރުމުންނެވެ. އެ ތަކެތީގެ މަގުމަތީ އަގު 13 މިލިއަން ރުފިޔާ އަށް ވުރެ މަތި ވާނެ ކަމަށް ކަސްޓަމްސް އިން ލަފާކޮށްފައިވެ އެވެ.

ރާއްޖެ އަށް މަސްތުވާތަކެތި އެތެރެކޮށް ވިޔަފާރިކުރަން އުޅުމުގެ ތުހުމަތަށް މިދިޔަ ހަފުތާގައި ވެސް ވެލާނާ އިންޓަނޭޝަނަލް އެއާޕޯޓުން ޕާކިސްތާނުގެ ބަޔަކު ހައްޔަރުކުރި އެވެ. އަތުލައިގަތް ޕާކިސްތާނުގެ ހަތަރު މީހުން ބޮޑުކަމުދިޔަ އިރު ޑްރަގް ހުރި 227 ބުލެޓް ވެއްޓުނެވެ. އެއީ 2.8 ކިލޯގެ މަސްތުވާތަކެއްޗެވެ. މިދިޔަ ހުކުރު ދުވަހު އެ އެންމެންގެ ބަންދަށް 30 ދުވަސް ވަނީ އިތުރުކޮށްފަ އެވެ.

ވައިގެމަގުން ރާއްޖެ އަށް މަސްތުވާތަކެތި އެތެރެކުރާ މީހުންގެ ތެރޭގައި ޕާކިސްތާނު މީހުން ވަރަށް ގިނަ އެވެ. މިގޮތަށް އަތުލައިގެންފައިވާ އެތައް ބައެއްގެ މައްސަލަ މިހާރު ވެސް އަންނަނީ ތަހުގީގު ކުރަމުންނެވެ.

ފުލުހުން ޕާކިސްތާން ކްރިމިނަލް ކޯޓް މަސްތުވާތަކެތި ކަސްޓަމްސް ޑްރަގް ޓްރެފިކްކުރުން

13 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިކިލީކްސް

07 June 2023

ފިތުނަވެރިކަން އިންތިހާއަށް! ތިޔަހެން ނަހަދާ ޕްލީޒް! ބަލަ އޭނާއަށް 1ދުވަސް ބަންދަށް ޖެހީ ތަރުޖަމާނަކު ހޯދަން! ތަރުޖަމާނަކު ހޯދަންށޭ ކިޔާފަ ދިގުދަންމުވާލަން ބޭނުންނަމަ 1މަސްވެސްޖަހަންވީ. އެގޮތަށް ގާޒީކަންތައްކުރިނަމަ ބުނާނީ ގާޒީ ރިޝްވަތު ކައިފިއޭ...ތަރުޖަމާނެއް ލިބޭނެއޭ 1 ދުވަހުންވެސް! ބުނަން މިއުޅޭ ވާހަކައަކީ 1 ދުވަހަށްފަހު ދެން އިތުރުފުރުސަތެއް ނުދީ ޝަރީއަތް ކުރަންދެން ބަންދުގައޭ އޮންނާނީ! ޕީޖީ އަތްމަތީގަ އޮންނާނީ ހެކި ހުށަހެޅުމާ ނޭޅުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިހިއްތު

07 June 2023

ކޮން ތަރުޖަމާނެއް ޗަރުކޭހެއް ތިޔަ ކިޔަނީ؟ އޭނާ ރާއްޖެއަށް މަނާ އެއްޗެއް އެތެރެކުރީ. ވީމާ ނޯޗޮއިސް!އުމުރަށްޖަލަށްލައި 1 މިލިއަން ރުފިޔާއިން ޖޫރިމަނާ ކުރޭ! މިއީ ޑުރަގު ޤާނޫނުގަ ލިޔެފަ އޮތް ގޮތް! ޑުރަގު ގާނޫނުގަ އޮންނަނީ މަމަސްތުވާތަކެތި ޓުރެފިކްކުރުމުގެ އަދަބެއްގެ ގޮތުން 1 ލައްކަ އާ 1 މިލިއަނާ ދޭތެރޭ ޖޫރިމަނާކޮށް އުމުރަށް ޖަލަށްލުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެމި

07 June 2023

މިސަރުކާުރުން އެހެންނޫނަސް ޖަލުގަތިބި ޑްރަގްލޯޑުން އެބަދޫކުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަރުވޭޒު

07 June 2023

އޭނާއަށް ދިވެހިދައުލަތުން ވަކީލަކު ހަމަޖައްސަ ދެއްވަނީ ދިވެހިދައުލަތުގެ ޚަރަދުގައިތޯ. އެހެން ވެއްޖެނަމަ ދިވެހިން ރައްޔިތުންގެ ޙައްޤަށްވުރެ ބޭރު މީހުން މިޤައުމުގައި މާބޮށްވެސް ހިމާޔަތް ކޮށްދީފި ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒްލީން

07 June 2023

ގަބުޅަ ފަޅޯ. މި އޮތް ގަައުމެއް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

07 June 2023

ތަހްގީގު ކުރަނީ. ދެން އިވޭނީ ޑިޕޯޓް ކޮއްލި ވާކަހަ. އަލައިކުމުއްސަލާމް. އެހިސާބުން އެސާފު ބޯކިރު ކޮޅަކަށްވީ. ދެން ކޮން ތަހްގީގެއްކުރާކަށް. ތަހްގީގު ކުރަނީވެސް އަދަބެއް ދޭންވެގެން. އަދަބެއްނެތް ހަރުކަށި ގާނޫނަކީ އެއްވެސް ތާކުންތާކު ޖެހޭ އެއްޗެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނބުރޭމާ

07 June 2023

ސީރިއަސް މައްސަލަތަކުގައި ޚަބަރުތަކަށް ކޮމެންޓް ކުރުންވެސް ޖޯކަކަށް ނުހައްދަވާ! ޚަބަރު ރަނގަޅަށް ކިޔުއްވުމަށްފަހު ކޮމެންޓް ކުރުން ބުއްދިވެރި. 1 ދުވަސް ބަންދަށް ޖެހިކަމަށް ޚަބަރުގަ އެ އޮތީ އެމީހާއަށް ތަރުޖަމާނަކު ހޯދަންވެގެން ބަންދަށް ދިން 1 ދުވަހުގެ ވާހަކަ. 1 ދުވަހުގެ ތެރޭގައި ތަރުޖަމާނާއެކު އިތުރު އަޑުއެހުމެއް ބޭއްވުމަށްފަހު ދެން އަދި ނިންމާނީ އޭނަގެ ބަންދާމެދު ކަނޑައަޅާ ގޮތެއް. ވަރަށްސާފު ޚަބަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނޫންކަމެއްނެތް

07 June 2023

ތި އެއްޗެހި ބުއިމަށް އޮންނަ ޑިމާންޑް ދައް ނުކުރެވެނޏާ އަދި އެޑިކްޓުންގެ ފަރުވާ ކާމިޔާބުވެގެން އެއވެސް މީހަކު މުޖްތަމަޢުއަށް ރަނަގަޅު ވެގެން ނުނެރެވޭހާ ހިނދަކު އަދި ދައުލަތް ހިންގުމުގައި ޑްރަގް ގޭންގްތަކުގެ ބަސްވިކޭހާ ހިންދަކު، އެއްގޮތުން ނުވިއްޔާ އަނެއްގޮތުން ތި އެތެރެކުރާނެ. ޑްރަގްގެ މައްސަލަ މުލުން ލުހެލުމުގެ ހިއްވަރެއް އަދި ފަންވަރެއްވެސް ދައުލަތުގެ އެއްވެސް ބާރެއްގައި ނެތް. ފިލިޕީންސްގެ ޑުޓާރޓޭ ގެންނަވީ ކޮންޓްރެކްޓެއްގެ ދަށުން