ކުރީގެ ރައީސް މައުމޫން އާއި ހަޔާ އެޑިޔުކޭޝަންގެ ޑެޕިއުޓީ މިނިސްޓަރުގެ މަގާމުން ވަކިކުރެއްވި ޒަބީހު: އޭނާ މަގާމުން ވަކިކުރަންޖެހޭ ވަރުގެ އަމަލެއް ކުރައްވާފައި ނޯންނާނެ ކަމަށް އެމްއާރްއެމުން ޔަގީންކަންދޭ.
23 ޖޫން 2023 - 23:46
12 comments
މި ސަރުކާރު ކޯލިޝަންގައި ހިމެނޭ އެމްއާރުއެމްގެ ސްލޮޓެއްގައި ހަޔާ އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރަކަށް އައްޔަންކުރި އިސްމާއިލް ޒަބީހު، އެ މަގާމުން ވަކިކޮށްފި އެވެ.
ރައީސް އޮފީހުގެ ތަރުޖަމާނު މުހައްމަދު މިއުވާން ވިދާޅުވީ ޒަބީހު މަގާމުން ވަކިކުރީ ގާނޫނުއަސާސީން ރައީސަށް ލިބިގެންވާ ބާރުގެ ދަށުން ކަމަށެވެ. އިތުރު ތަފްސީލު ދެވެން ނެތް ކަމަށް އޭނާ ވިދާޅުވި އެވެ.
އެމްއާރުއެމްގެ ސްލޮޓެއްގައި ހަޔަ އެޑިއުކޭޝަން މިނިސްޓަރުކަށް ހުންނެވި ޑރ. އިބްރާހިމް ހަސަން ހިންގަވާ މިނިސްޓްރީން އެ ޕާޓީގެ ޑެޕިއުޓީ މިނިސްޓަރަކު ވަކިކޮށްފައިވާ މައްސަލާގައި އެ ޕާޓީން ވަނީ ކަންބޮޑުވުންފާޅުކޮށްފަ އެވެ.
އެމްއާރުއެމުން ބުނީ ޒަބީހަކީ ތައުލީމީ، މަގާމަށް ގާބިލު ބޭފުޅެއް ކަމަށެވެ. ތައުލީމީ ޒުވާން ހިދުމަތްތެރިއަކު މަގާމުން ވަކިކުރެއްވުމަކީ ބަލައިގަނެވޭނެ ކަމެއް ނޫން ކަމަށް ވިދާޅުވި އެވެ.
"ޒަބީހު މަގާމުން ވަކިކުރަންޖެހޭ ވަރުގެ އަމަލެއް ކުރައްވާފައި ނުވާނެކަން މިޕާޓީން ރައްޔިތުންނަށް ކަށަވަރު ކޮށްދެން. ޒަބީހުއަކީ ހަވާލުކުރެއްވި މަގާމުގެ މަސްއޫލިއްޔަތު ނުހަނު ފަރުވާތެރިކަމާއި ތެދުވެރިކަމާ އިހުލާސްތެރިކަމާ އެކު އަދާކުރެއްވި ބޭފުޅެއް،" އެމްއާރުއެމްގެ ބަޔާނުގައިވެ އެވެ.
އެ ޕާޓީން ބުނި ގޮތުގައި ޒަބީހް މަގާމުން ވަކިކުރީ މަޝްވަރާނުކޮށެވެ. މިއީ ކޯލިޝަން އެގްރީމަންޓާ ޚިލާފަށް ކުރި ކަމެއް ކަމަށް ވެސް އެމްއާރުއެމް އިން ބުންޏެވެ.
އެމްއާރުއެމްގެ ސްލޮޓެއްގައި ހުރި ބޭފުޅަކު މަގާމުން ވަކިކުރި އިރު، ރައީސް އިބްރާހިމް މުހައްމަދު ސޯލިހްގެ ދެ ވަނަ ދައުރަކަށް އެމްޑީޕީއާ އެކު ކޯލިޝަން ހަދަން އެމްއާރުއެމަށް ވަނީ ދައުވަތު ފޮނުވައިފަ އެވެ. އެކަމާ ގުޅޭ ގޮތުން ދެ ބައްދަލުވުމެއް މިހާތަނަށް ބޭއްވިޔަސް ވަކި ގޮތެއް ނުނިމެ އެވެ.
ގާނޫނުގައި ބުނާ 3،000 މެމްބަރުން ހަމަނުވެގެން އީސީން އެ ޕާޓީ އުވާލިކަން އިއުލާންކުރުމުން އެމްއާރުއެމުން ވަނީ މައްސަލަ ކޯޓަށް ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިނިސްޓްރީގެ ސިވިލް ސާވަންޓެއް
24 June 2023
ޒަބީހަކީ ޒިނަމާދާރު ވަފާތެރިކަމާއެކު އެހެންމީހުނަށް އިހުތިރާމާއެކު މަސައްކަތްކުރި ސިޔާސީ މަގާމަކުން ހަމައެކަނި މިނިސްޓްރީގައި މަސައްކަތްކުރި ފަރާތެއް.
ބާކުންބޭ
24 June 2023
ޒަބީހު ވަރެއް ނުދެކެން، ސަބަބަކީ ޒަބީހު މެންފަދަ އިންޓެގްރިޓީ އެއް ހުރި މީހަކު މިހާރު ވަރަށް މަދުން ނޫނީ ނުފެނޭ، ވަކި ޕާރޓީއެއްގެ ސްލޮޓްގަ އައިސް ވރިކަން ކުރާ ކައި ޕާރޓީ އިން އެހެން ޕާޜޓީތަކުގެ މީޙުން ވަކިކުރާނެކަމަށް ޕްރެޝަރުކުރިއަކަސް ޕްރިންސިޕްލް މެއިންޓެއިންކޯށްފި، ރަނގަޅު މީހުންނަކީ ކޮމްޕްރޮމައިޒްނުކުރާ މީހުން، ދިރިހުރިއްޔާ ވަރަށް ގިން ފުރުޞަތު ތައް ﷲ ދައްކަވާނެ.
ރެޓޭ
24 June 2023
މިކަލަ ތަޖުރިބާއެއް ނެތް ކުޑަކުދިން ދައުލަތުގެ ބޮޑެތި މަގާމްތައް ދިނީމާ ގައުމު ދާނީ މިކަހަލަ ގޮތަކަށްތާ!
ާއަލިމޯޑު
24 June 2023
ވައްކަން ކުރުމުގެ ތަޖުރިބާ އާއި އެމްޑީޕީ ގެ މަޖިލިސް މެމްބަރުން މޭޒު އަޑިން ކުރަން ބުނާ ކަންކަން ކޮށް ދިނުމުގެ ތަޖުރިބާ އެސޮރުގެ ނެތީ
މުގާބެ
24 June 2023
(އިތުރު ތަފްސީލު ދެވެން ނެތް ކަމަށް އޭނާ ވިދާޅުވި އެވެ) ދެބައްދަލުވުމުގައި މަގެއް ނުފެނުމުގެ ނަތީޖާމީ. އަދި 3 ވަނަ ބައްދަލުވުމަކާ ހަމައަށް ހަރު އެއްޗެއް ބަހަޓާފަ ހުންނާނެ. ނުގުޑާފިއްޔާމުން އެވެސް ކަނޑާ ވައްޓާލަން ގިނައިރެއް ނަގާކަށްނެތް.
44 އަހަރު ވެސް މައުމޫނު
24 June 2023
44 އަހަރު ވީއިރުވެސް ވެސް އަދިވެސް މައުމޫނު ވެރިކަމުގަ
ހޮޅުއަށި
24 June 2023
ސިޔާސީ މަޤާމުތަކަށް މީހުންލައްވާ ވަކިކުރާ އުޞޫލު އެއްމެރަނގަޅަށް އެނގިލައްވާނީ 30 އަހަރަށްވެރިކަންކޮށް އޭގެތަޖްރިބާ އެއްމެ ރަނގަޅަށް ލިބިލައްވާފައިވާ ރައީސް މައުމޫނަށެވެ. އެމަނކްފާނު ކޮއްމެ ދެދުވަހުން އެއްދުވަހަކު މިނިސްޓްރީތަކަށް ބަދަލުގެނެސް މީހުންކަނޑާވައްދަމުންދިއަގޮތް މިހާރު ހަނދާންނެތުނީތޯ؟ އެކަމަކުމީހަކު މަޤާމްގެ މަސްއޫލިއްޔަތު އަދާނުކޮށްގެން ނުވަތަ އެހެންވެސް ޞަބަބަކާއިހުރެ ކަނޑާލާއިރަށް އެބަބުނޭ އެއީ އެއްމެތަޢުލީމީ އެއްމެޤާބިލްމީހާއޭ.
ދޮންހުސޭނު
24 June 2023
ވަރަށް ގާބިލް ބޭފުޅެއް! ހާޒިރީ ބަލާލަބަލަ. ހަވާލުވި ހުރިހާކަމެއް އަތަށް ގޮވާފަ. ސާބަހޭ އެމްއާރުއެމް.
ޢިހްސާސް
24 June 2023
އެމްއާރުއެމް އުވާލައިފިޔޯ.. އެގްރީމެންޓު ހެދީ އެމްއާރުއެމްއާ. އުވާލީމާ ދެމިއޮންނާނެބާ؟
ގިރުވާން
24 June 2023
ވޯޓުހޯދާ ނުދެވޭ ބަޔަކަށް ބައިނޭޅޭނެ. ޖަންގަލީގަވެސް އޮންނަނީ މިއުސޫލް. ޝިކާރަކުރުމުގައި ބައިވެރިނުވާ ސިންގާ ޕްރައިޑުން ނެރެލާނެ.
ޕޮލި ޓިކް
24 June 2023
ޒަބީހް ވަކިކުރި ސަބަބު އަހަން ޖެހޭނީ މިނިސްޓަރު ކައިރިން. މިނިސްޓަރަށް އެންމެ ރަނގަޅަށް އެނގޭނީ.