ފޯކައިދޫ، ފީވައް އަދި ފޭދޫގައި ސްވިމިން އޭރިއާއެއް ހަދަން އެމްޓީސީސީއާ ހަވާލުކުރުމަށް ބޭއްވި ރަސްމިއްޔާތު.-- ފޮޓޯ: ޕްލޭނިން މިނިސްޓްރީ
10 ޖުލައި 2023 - 10:40
7 comments
ށ. ފޯކައިދޫ، ށ. ފީވައް އަދި ށ. ފޭދޫގައި ސްވިމިން އޭރިއާއެއް ހަދަން އެމްޓީސީސީއާ އިއްޔެ ހަވާލުކޮށްފި އެވެ.
ޕްލޭނިން މިނިސްޓްރީން ބުނީ އިއްޔެ އެ އިދާރާގައި ބޭއްވި ރަސްމިއްޔާތެއްގައި މި މަޝްރޫއުތަކުގެ އެއްބަސްވުމުގައި ސޮއިކޮށްފައިވާ ކަމަށެވެ.
މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ ޑިރެކްޓަރު ޖެނެރަލް ފާތިމަތު ޝާނާ ފާރޫގެވެ. އަދި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއޯއޯ ޝާހިދު ހުސައިން މޫސާ އެވެ.
ދައުލަތުގެ ބަޖެޓުން 16.6 މިލިއަން ރުފިޔާ ހަރަދުކޮށްގެން ހިންގާ މި މަޝްރޫއުތައް ނިންމަން ދިނީ ހަތް މަސްދުވަހެވެ.
ފޯކައިދޫ، ފީވައް އަދި ފޭދޫގައި ސްވިމިން އޭރިއާއެއް ހަދަން އެމްޓީސީސީއާ ހަވާލުކުރުމަށް ބޭއްވި ރަސްމިއްޔާތު.-- ފޮޓޯ: ޕްލޭނިން މިނިސްޓްރީ
މި މަޝްރޫއުގެ ދަށުން ފޯކައިދޫގެ ފަތާ ސަރަހައްދު ފުން ކުރުމަށް 2،730 ކޮޑި މީޓަރުގެ ވެލި ނަގައި، 40 މީޓަރުގެ ގްރޮއިން ލައި، 101.56 މީޓަރު ބޭރު ތޮއްޓެއް ލާނެ އެވެ. ފީވަކުގެ ފަތާ ސަރަހައްދު ފުން ކުރަން 3،575 ކޮޑި މީޓަރުގެ ވެލި ނަގައި، 50 މީޓަރުގެ ގްރޮއިން ލައި، 97 މީޓަރުގެ ބޭރު ތޮއްޓެއް ލާނެ އެވެ.
ފޭދޫގެ ފަތާ ސަރަހައްދު ފުން ކުރުމަށް 2،106 ކޮޑި މީޓަރުގެ ވެލި ނަގާނެ އެވެ. އެ ރަށުގައި 50 މީޓަރު ގްރޮއިން ލައި، 62 މީޓަރުގެ ބޭރު ތޮއްޓެއް ލާން ނިންމާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެ
10 July 2023
ރައްޔިތުން ގެ ވިސްނުން މި ހުންނަނީ ފުޓްސަލް ދަނޑަކާއި ބަށި ކޯޓަކާއި ސްވިމިން ޕޫލެއް ކޮންމެ އިންތިހާބަކަށް ވައުދުވާން. ދެން ހެލްތް ސެންޓަރުގެ ފާރުގަ ކުލަ ލާން. މިއީ އެންމެން ޑިގްރީ ނެގީމަ ވެސް ވިސްނުން ހުންނަ ހިސާބު. މި ވަރުން ކިހިނެއް ގައުމު ތަރައްގީ ވަނީ؟
އަސަލިހާ
10 July 2023
"މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ ޑިރެކްޓަރު ޖެނެރަލް ފާތިމަތު ޝާނާ ފާރޫގެވެ" ހައުސިން މިނިސްޓްރީގަ ސިޔާސީ ބޭފުޅަކު ނުހުންނަވަނީތޯ އަބަދުވެސް ސިވިލްސާވަންޓެއްލައްވާ ސޮއިކުރަނީ؟؟
ހައިރާނެއްނުވޭ
11 July 2023
ކޮރަޕްޝަނުގައި ޒިންމާއިން ރެކެންވެގެން
މޮޔައިންނަށްސަލާން
10 July 2023
ގުދުރަތުން ފަތަންލިބިފައޮތް ރީތިމޫދު ހަލާކުކޮށްލާފަ ވެލިއަޅާގެން ފަތާތަން ހެދީމަ އެވަނީ ތަރައްގުއި
ދޮންއަގަ
10 July 2023
މާލޭގާ އެޅިވަރު ޕޫލެއް ނާޅާތި، ވަރަށް ފުރިހަމަ ޕޫލެއް އެއީ.
ހަސަނު
10 July 2023
ވޯޓާ ދިމާކޮށް، ކެމްޕޭނަށް ގޮސް ހުރެ ހިންގާ މިޒާރު ޕްރޮޖެކްޓް ތަކުގައި ހިމެނޭ ކޮރަޕްޝަންގެ ބައި ބަލާނެ އިދާރާއެއް ނެތުމަކީ މި ރާޖޭގަ ޑިމޮކްރަސީ އާއި އަދުލް އިންސާފު އަދި އަށަނުގަންނަ ކަމުގެ ދަލީލެއް..
ޑިމޮކްރަސީ
10 July 2023
ކޮންމެ ރަށެއްގަ ސްވިމިންގ ޕޫލެއް އަޅާދީބަލަ ޕްލީޒް