10 ޖުލައި 2023 - 12:48
20 comments
އިންސްޓެންޓް ޕޭމަންޓް ސިސްޓަމް (އައިޕީއެސް) ގައި ފުރަތަމަ ބައިވެރިވާ ތިން ބެންކާ އެކު މަރުކަޒީ ބޭންކް، އެމްއެމްއޭއިން މިއަދު ސޮއިކޮށްފި އެވެ.
އެމްއެމްއޭގައި ބޭއްވި ރަސްމިއްޔާތުގައި ޕޭމަންޓް ސިސްޓަމުގެ ފުރަތަމަ މަރުހަލާގައި ބައިވެރިވާން އެއްބަސްވީ ބީއެމްއެލް އާއި އެމްއައިބީގެ އިތުރުން އެސްބީއައި އެވެ.
އާ ޕޭމަންޓް ނިޒާމު އައުމުން މޯބައިލް ފޯނު ބޭނުންކޮށްގެން ނުވަތަ އެހެން ޑިވައިސްތައް ބޭނުންކޮށްގެން ރިއަލް ޓައިމްގައި ވަގުތުން ވަގުތަށް ޕޭމަންޓް ހެދުމުގެ ފުރުސަތު ލިބޭނެ އެވެ. މި ނިޒާމާ އެކު ކޮންމެ ބޭންކެއްގައި އެކައުންޓެއް އޮތް ނަމަވެސް ނަގުދު ފައިސާ ބޭނުން ކުރަން ނުޖެހި، ފައިސާގެ މުއާމަލާތް ކުރުމުގެ ފުރުސަތު ލިބޭނެ އެވެ.
ގަވަރުނަރު އަލީ ހާޝިމު ވާހަކަ ދައްކަވަނީ. ތިން ބޭންކަކާއި އެކު ޕޭމަންޓް ސިސްޓަމް އަންނަ މަހު ފަށަން ވަނީ ނިންމާފައި. -- ފޮޓޯ | މިހާރު
މި ސިސްޓަމުގެ ތެރެއިން އޮންލައިންކޮށް އެއް އެކައުންޓުން އަނެއް އެކައުންޓަށް ފައިސާ ފޮނުވަން ކޮންމެ ފަހަރު އެކައުންޓް ނަންބަރު ޖެހުމުގެ ބަދަލުގައި ހާއްސަ ކޯޑެއް ޖަހައިގެން ވެސް ފައިސާގެ މުއާމަލާތްތައް ހިންގޭނެ އެވެ. މިސާލަކަށް އައިޑީ ކާޑު ނަންބަރު، އީމެއިލް އެޑްރެސް ނުވަތަ މޯބައިލް ނަންބަރާއި ވިޔަފާރި ރަޖިސްޓްރީ ނަންބަރު ބޭނުންކޮށްގެން ވެސް ފައިސާގެ މުއާމަލާތްތައް ހިންގޭނެ އެވެ.
ގަވަރުނަރު އަލީ ހާޝިމު ވިދާޅުވީ، އަންނަ މަހުގެ ފަހުކޮޅު ޕޭމަންޓް ސިސްޓަމު ރަސްމީކޮށް ފެށުމަށް ނިންމާ އިރު އެ ސިސްޓަމުގައި މިހާތަނަށް ހިމެނޭނީ އެ ތިން ބޭންކު ނަމަވެސް، ކުރިއަށް އޮތްތަނުގައި އެހެން ބޭންކްތަކުން ވެސް ޕޭމަންޓް ސިސްޓަމުގެ ތެރެއަށް ވަންނާނެ ކަމަށެވެ. ޕޭމަންޓް ސިސްޓަމުގެ ތެރެއަށް ވަނުމުގެ ކުރިން ކުރަން ޖެހޭ ކަންކަން މިހަރު ވެސް އެ ބޭންކްތަކުން ކުރަމުން އަންނަ ކަމަށް އޭނާ ވިދާޅުވި އެވެ.
އޭނާ ވިދާޅުވި ގޮތުގައި ވޭތުވެދިޔަ ދުވަސްތަކުގައި ޕޭމަންޓް ސިސްޓަމުގެ ގިނަ ޓެސްޓިން މަރުހަލާތަކެއް ކުރިއަށް ދިޔަ އެވެ. އެ މަރުހަލާގައި ފެނުނު ގިނަ މައްސަލަތަކެއް މިހާރު ހައްލުކޮށްފައިވާ ކަމަށް ވެސް ގަވަރުނަރު ވިދާޅުވި އެވެ.
އެމްއެމްއޭ އިން މި ސިސްޓަމު އެކުލަވާލާފައި ވަނީ ފިންލޭންޑްގެ ޓީޓޯއެވްރީއާ ހަވާލުކޮށްގެންނެވެ.
އެމްއެމްއޭ އިން ބުނީ ކުރިޔަށް އޮތް ދެ ހަފްތާގެ ތެރޭގައި އައިޕީއެސްގެ ޕައިލެޓް ޓެސްޓިންގެ މަސައްކަތް ފަށާނެ ކަމަށެވެ. އޭގެ ފަހުން އެ ތިން ބޭންކް މެދުވެރިކޮށް އާންމުންނަށް ޕޭމަންޓް ސިސްޓަމުގެ ހިދުމަތްތައް ތައާރަފް ކުރާނެ ކަމަށް ވެސް މަރުކަޒީ ބޭންކުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހްސަން ފަރީދު
11 July 2023
އެމް.އެމް.އޭ އަދިވެސް އައްގާޑިޔާ ދަމަނީ، 25އަހަރު ކުރިން އެއްވެސް އެކައުންޓަކާނުލާ ފައިސާ ފޮނުވާ އޭގެ ފަހުން ޕޭޕަލް އެކައުންޓްއެއް ހުޅުވާއިގެންވިޔަސް އެފައިސާ ބޭނުންވާ ބޭންކަށް ޖަމާކޮށް ނެގޭ. ރާއްޖެގަ އަދިވެސް ނުވޭ. އެމެރިކާ އަކަށް ނުދަން އެކައުންޓް ހުޅުވަން، ބީއެމް.އެލް.އިން ކިޔުހައްދާއިގެން ހާޒިރު ކުރާގޮތަށް. އީމޭއިލް ބޭސް ޕޭމެންޓް ސިސްޓާމް އަކީ,1998 ފެށިގެން ގިނަގައުމު ތަކުގެ ސެންޓްރަލް ބޭންކްއިން ހިންގާ. ވީޗެޓްއަކީ މިހާރު ބޮޑު ބޭންކްއެއް.
ެިހައިވާނީ ޒުވާނާ
11 July 2023
ޕޭޕަލް ގެނެސްގެން ފައިދާ އާއި ފަސޭހަ ވާނެ. ރަނގަޅު. އެކަމު ގައުމުގެ ބޭންކުތަކާއި އެތައް މުއަސަސާ ތަކަށް ބޮޑެތި ގެއްލުން ތަކަކާ ކުރިމަރިވެ ރަށްުޔިތިން އަށް ވެސް މީގެ ގެއްލިން ދަށްކަންފަޝާނެ. އަދިވެސް އައި ފޯނާ ދެންހުރި އެއްޗެއްވެސް ނިކުންނަ އިރަށް ގަނެވޭތޯ ބަލާ ތަނެއް ދޮރެއް ނޭންގުނަސް. އަދި ހަމަ ރށެއްގަ ޖަނަރޭޓަރެއް ބެހެއްޓިޔަސް ރަށެއް ތަރައްގީ އެއް ނުވާނެ އަހަރަމެން ތަރައްގީ ނުވާހާ ހިނދަކު، ތަރައްގީ އަކީ އަންސާނާ ވީމަ ވާ އެއްޗެއް. ޕޭޕަލް އޯ …
އަހުމަދުއާ
10 July 2023
މިއޮއްފަދަ ޒަމާނުގައި ކުރަންވީކަމަކީ އަވަށްޓެރި އިންޑިއާފަދައިން ގޫގްލްޕޭ ނުވަތަ އެޕަލްޕޭ ފަދަ ވަސީލައްތައް ރައްޔިތުންނަށް ފޯރުކޮށްދިނުން.ކޮންމެވެސް ޕުރޮޖެކްޓެއް ހިންގައިގެން ލާރިކޮޅެއް ކާލެވޭތޯ މިބަލަނީ
ކޮރަލް
10 July 2023
ޗަމްޕާ ބޭންކް އެއް ނެތެވެ. އެއީ ސަރުކާރުން އެތައް ބިލިއަން ރުފިޔާ އެއް ދައްކަ ން ހުރި ބައެކެވެ. އެމްއެމްއޭ އަށް އެމީހުން އިތުބާރު ނުކުރަނީ ކަމަށް ވެދާނެ އެވެ. ރާއްޖޭ ގަ އުޅޭ ގިނަ ލަންކާ މީހުން ފައިސާ ފޮނުވާ ބޭންކް އެވެ.
ބުލެކު
10 July 2023
ޢިންސްޓަންޓް ޕޭ ނުހެދިގެން ބަޔަކު ނޫޅޭ. ރައްޔިތުންގެ ފައިސާއިން މުސާރަނަގައިގެން ނިކަން މުސާރަ ހަލާލު ކޮށްބަލަ. ކޮބާތަ މަނިޓަރީ ޕޮލިސީ ތަންފީޒުކުރުމުގެ ބާރު އޮވެގެން ކުރެވުނު ކަމެެއް. ބުލެކް މާކެޓް ނުހުއްޓުވުން. ޑީޑޮލަރައިޒޭޝަން ޕްލޭން ކުރާތާ އެތައް އަހަރެއް. ފޮރެކްސް އޮތީ ބޮއްސުންލާފަ. ބޭންކުތަކުގެ އިންޓަރެސްޓު ރޭޓު އަތް ނުފޯރާ ފަށުގަ.
ނައުޝާ
10 July 2023
ކޮބާހޭ ޑޮލަރު މާރުކުރަން ހުއްދަ ދިނުން؟ އަދިވެސް ގަވައިދު ހަދާ ނުނިމެނީތޯ؟
އަލީ!
10 July 2023
ޕޭޕާލްބޭނުންވެގެން އުޅޭކުދިންނަށްހީވަހީ އެއީ ހިލޭ ލިބޭއެއްޗެއްކަމަށް.! އޭގެން ނަގާ ކަމިޝަނަށް ކެތްވާނެބާ؟!
އުދުހޭ
10 July 2023
މި ޕޭމަންޓް ސިސްޓަމާ ޕޭޕަލްއާ އެއްވެސް ގުޅުމެތް ނެތް. އެތެރޭގެ މައުލޫމާތު ބުނާ ގޮތުން އެމްއެމްއޭ އިން ޕޭޕަލް ހުޅުވާލާގޮތަކަށްނޫން އޮތީކީ. އެއީ ޕޭޕަލް ހުޅުވިއްޖެއްޔާ ބައިވަރު ރައްޔިތުން އެމީހުންގެ ފައިސާތަށް ދިވެހިސަރުކާރު އަންނުފޯރާ ފަށަށް، ޕޭޕަލްއަށް، ލައިފިއްޔާ ގައުމުގެ އިގްތިސޯދު އަނދަވަޅަކަށް ވެއްޓިދާނެއްޗޯ!!! އެހެން ހަދައިފިނަމަ ސަރުކާރަށް ނުލިބޭ ފައިސާ ޚަރަދެއް ނުކުރުވޭނެއޯ.
ކޮވެލި
10 July 2023
ބަލަ ކޮބާހޭ ޕޭޕާލް؟ އަހަރެމެނަނަށް ބޭނުންވަނީ ޕޭޕާލް. އިންޓަނޭޝަނަލީ ލާރި ލިބޭނެ ގޮތެއް ނެތޭ ތިޔަ ހިފެހެއްޓުމަކުން. ކީއް ކުރާނީ؟ ނުކިޔަވާ ތިބި ބައެއް ވިއްޔަ މަޖިލީހުގަ ގާނޫނު ހަދަން ތިބީ. ޕޭޕާލަކީ ކިހާ ބޭނުން އެއްޗެއްކަން ވެރިއަކަށް ހުންނަ މީހާއަށް ވެސް އެނގެނީއެއް ނޫން! އެއް ބަޔަކޫ އިންޑިއާ އައުޓޭ ގޮވާފަ، އަނެއް ބަޔަކު އިބްރާހީމް ދިފާއު ކުރަން، ބިން ހިލޭ ދޭން. އަހަރެމެންނަށް ފަސޭހަ ކޮށްދޭން އުޅޭ ބައެއް ނެތް.
ދޮން ހަސީނާ
10 July 2023
އުއްމީދު ކުރަނީ ޕޭޕާލް ފަދަ ބޭރުގެ ޕްލެޓްފޯމްއިން ޕޭކުރުމުންވެސް ލޮކަލް އެކައުންޓަށް ޑޮލަރުގެ ގޮތުގައި ޖަމާވާނެ ކަމަށް.
އެމް.އެމް.އޭ ބޮޓް
10 July 2023
އެކަންކަން ފަހިކުރުމަށްޓަކައި ފުރަތަމަ ކުރުން މުހިންމު ކަންތައް ކުރަމުން ދަނީ. ޕޭޕަލް، ގޫގުލް ޕޭ އަދި މިނޫންވެސް ޕްލެޓްފޯމްތަކަށް ހުއްދަ ދޭން ޕްލޭންގައި ކަނޑައަޅާފައި އޮތީ.
ވެށި
10 July 2023
އެމް.އެމް.އޭ ބޮޓް ، އަހަރެން މިހާރު 50 އަހަރާ ގާތް ކުރަނީ، އަދިވެސް މި ދެނީ އެެއް ގަ އެމްއެމްއޭ އެއުޅެނީ
ޢަހްސަން ފަރީދު
11 July 2023
އެމް އެމް އޭ ބޮޓް ބުރޯ، ޕޭޕަލްއިން އިންޓްރެސްޓް ހުންނާނެތޯ ރާއްޖެ ކަހަލަ 6އެއްކަ ބިލިއަންގެ ކުޑަ އިކްތިސާދެއް..
ނޯނޭ
11 July 2023
އާއްމު ރައްޔިތު މީހާގެ އެކައުންޓަށް ޑޮލަރު ވަންނަގޮތް ހެދީމަ މުއްސަދި ރިޒޯޓް އޯނަރުން ބައްކޮށްފަ ހުރި ޑޮލަރު ބްލެކް މާކެޓަށް ނެރިގެން ހޯދާ ފައިދާ އެއް ނުހޯދޭނެ.