ކުޅުދުއްފުށީގައި އެރުވި ހަ ވާ:ޖުލައި 26 ވަނަ ދުވަހުގެ ރޭ ކުޅުދުއްފުށީގައި ހަވާ އަރުވާނެ ކަމަށް ކައުންސިލުން މައުލޫމާތުދޭ.-- ފޮޓޯ ފޭސްބުކް/ ވާހިދު
18 ޖުލައި 2023 - 06:57
18 comments
މިދިޔަ ބޮޑު އީދުގައި ހދ. ކުޅުދުއްފުށީގައި "ހަވާ" އަރުވާނެ ކަމަށް ބުނެފައި ކުރި ސަމާސާ ވިހަވެ، ފާޑުކިޔުން އަމާޒުވެފައި ވިޔަސް މިނިވަން ދުވަހު ހަމަ އަސްލަށް ވެސް ހަވާ އަރުވަން ނިންމައިފި އެވެ.
އާބާދީގައި 10،000 މީހުން އުޅޭ ކުޅުދުއްފުށީގައި ބޮޑު އީދުގައި "ހަވާ" އަރުވާނެ ކަމަށް ބުނެ ދައުވަތު ދިން ގަޑި އަށް އެންމެން ދިޔައިރު ފެނުނީ ހަ ވަލެވެ. ފަހަރަކު ވަލެއް މައްޗަށް ނަގަމުން ހަ "ވައު" ނެގީ އެވެ.
ކުޅުދުއްފުށީގެ މޭޔަރު މުހައްމަދު އާތިފް ވިދާޅުވީ "މި ފަހަރު ހަމަ އަސްލު ހަވާ އަރުވަނެ" ކަމަށެވެ.
އާތިފް ވިދާޅުވީ ޖުލައި 26 ގައި މިނިވަން ދުވަސް ފާހަގަ ކުރުމަށް ހޯމް މިނިސްޓްރީން ބަޖެޓެއް ދިނުމުން ކައުންސިލުން ޝޯއަކާ އެކު ހަވާ އަރުވަން ނިންމާފައިވާ ކަމަށެވެ.
ކުރިން "ހަ ވާ" އެރުވި ގޮތުން އަމާޒުވި ފާޑުކިޔުމާ ގުޅޭ ގޮތުން ވެސް މޭޔަރު ވާހަކަ ދެއްކެވި އެވެ.
"އަޅުގަނޑުމެން އޭރު ވެސް ލިޔެފައި ނޯންނާނެ ހަވާ އަރުވާ ވާހަކައެއް. އިންނާނީ ހުސްތަންކޮޅެއް ލާފައި، ހަ ވާ އަރުވާ ވާހަކަ. މި ފަހަރު ޖުލައި 26 އަށް ހަވާ އަރުވަން ކައުންސިލުން ނިންމާފައި ވަނީ ޝޯއަކާ އެއްކޮށް،" އޭނާ ވިދާޅުވި އެވެ.
ކުޅުދުއްފުށީގައި މިނިވަން ދުވަސް ފާހަގަކުރާއިރު ހޯމް މިނިސްޓްރީން އަންނަނީ މާލޭގައި ވެސް ކުޅިވަރު ހަރަކާތްތައް ބާއްވަން ތައްޔާރުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީތާ
19 July 2023
ތީކީ ޖެއްސުމަކަށް ނުވަތަ މަޖަލަކަށް ނުވަތަ މަލާމާތަކަށްވެސް ކައުސިލަކުން ކޮށްގެން ވާނޭ ކަމެއްނޫން. ''ހަ'' ކިޔާފައި ބޮޑު ކަނޑެއް ހުރަސްކުރެވޭނެހާ ޖާގައިގެ ފަހަތަށް ''ވާ'' ލިޔުނަސް ރައްޔިތުން ޤަބޫލުކުރާނީ އެއީ ހަވާ އަރުވަނީ ކަމަށް. ސަބަބަކީ ރައްޔިތުންގެ ބެލެނިވެރިފަރާތަކީ ކައުންސިލަށްވެފައި ކައުންސިލަށް ކުރާ އިތުބާރު. އެހެންކަމުން ކައުންސިލުން ތިކުރީ ވަރަށް ޑީ ގުރޭޑް ކަމެއް. ބަލައެއްނުގަނެވޭނެ.
ކަމާލު
18 July 2023
އާތިފަކީ އެއްވެސް ކަމެއް ކުރަން އެގޭމީހެއްނޫން އޭނައެއީ އަނގައިން ހިފަހައްޓާ މީހެއް އެނައަކީ މަގުމަތީ ނާތަހުސީބު ވަކަރުގޭ ވިސްނުމުގެ މީހެއްކަން އެގޭ ރައްޔީތުނައް ހަވާގެ ނަމުގަ ދިން ދޯކާއިން
ޗޮަައް
18 July 2023
އަސްލު ބުނަންތަ؟ ކުރިން އެ އެރުވި ހަވާ ތިޔަ ކައުންސިލާއި އެއްފެންވަރު. އަޑުއަރުވާފަ ކުރެވުނު އެހެން ހުރިހާ ކަމަކާއި ވެސްް އެއް ބީދައިން. އިސްތިއުފާދީފަ ގެއަށް ތިޔަ ކައުންސިލުން ދާންވީ ސަބަބުތަކުގެ ލިސްޓުގަ، “ހަ ވާ” ގެ ނަމުގަ ތިޔަ ހޭވިހަޑި ދާނީ ވަރަށް ފުލަށް. އެހޭ ހޮއް!
ދޮހާފޮށި
18 July 2023
ކައުންސިލުން އަރުވާ ހަވައެއް ބަލާހިތެއް ވެސް ނުވޭ އެތަނަށް ދާން ވެސް ؛ލަދުގަނޭ އެ ހުރިހާ މުސްކުޅިންނާ ކުޑަކުދިންނަށް ދިން ދޯކާ ހަނދާނެއް ނުނެތޭނެ އަމިއްލައަށް މަޖާވާ ކައުންސިލް އިސްތިއުފާ
ދިވެހި ބަސް
18 July 2023
ހަ ވާ އާއި ހަ ވައު ވެސް ތަފާތުވާނެ.
ސަމްސިއްޔާ
18 July 2023
ތިޔަ ކަމުގައި ސަމާސާ ވިހަވިކަމެއް ނުދެނެހުރިން. ސަމާސީ ވިހަ ވުމަކީ ކޮބައިކަން އިންގޭތަ؟؟
ތިލަދޫބޮޑޭ
18 July 2023
ތި ކަހަލަ ސަމާސާ ތައް އެވެރިންގެ ތެރޭ އޮންނަ ތަންފެނޭ. ކައުންސިލުން ތިދިނީ ދިވެހިބަަހަށް އިތުރަށް އަހުލުވެރި ވުމަށް ބޮޑުމެސެޖެއް. އެކަމަކު ދެރައީ ތުއްތު ކުދިންގެ ޝައުގުވެރިކަމާ ގުޅުންހުރި ކަމެއްގައި ދޮގެއްހެދުނީތީ.
ހަލުވާ
18 July 2023
ޤަބޫލެއްނުކުރެވޭ...
ފަރޫސް
18 July 2023
ކުރިންވެސް ހަވާ އެރުވީ އަސްލައް . ރައްޔިތުމީހާ ގުނބޯ ހައްދާ ބައެއް އުޅޭތަނެއް ތިއީ .
ހާވިޔާ ކައުންސިލް
18 July 2023
ހަވާ ނޭރުވިޔަކަސް ހެޔޮ އަހަރެމެނަށް! އަމިއްލަ ނާގާބިލްކަން ވިސްނިގެން އިސްތިއުފާދީ ރައްޔިތުން ނުކުމެ ގަދަކަމުން ނުބާލަނީސް! ރަށަށް ވީ އެއްވެސް މޮޅެއް ނެތް މި ހާވިޔާ ކައުންސިލް ހޮވައިގެން. އަންނި ކަހަލަ ލަދިނީ އޚުލާގެއް އަދަބެއް ސަދަބެއް ނެތް، ކުޅުދުއްފުށީ ރައްޔިތުންގެ ތާއީދެއް އަމުދުން ނެތް ފޭލިއަރަށް ވެސް އެބަ ވިކޭ މި އާތިފްމެން، ކުޑަ ލާރިކޮޅަކަށް! 40 ހަވާ އެއްފަހަރާ އެރުވިޔަސް ދެން ނޮހޮވޭނެ!