މިނިވަން ދުވަހުގެ ކުޅިވަރުތަކުގައި 800 އަށް ވުރެ ގިނަ ކުދިން ބައިވެރިވޭ

މާލެ: ޖުލައި 26، 2019: މިނިވަން ދުވަސް ފާހަގަކުރަން ގަލޮޅު ދަނޑުގައި ބޭއްވި ކުޅިވަރު ހަރަކާތުގައި ކުދިންތަކެއް ދިވެހި ދިދަ ހިފައިގެން.-- ފޮޓޯ: މިހާރު

އިފްރާޒް އަލީ، މިހާރު

25 ޖުލައި 2023 - 10:44

11 comments

މި އަހަރުގެ މިނިވަން ދުވަހުގެ މުނާސަބަތުގައި ބާއްވާ ކުޅިވަރުތަކުގައި މި ފަހަރު 800 އަށް ވުރެ ގިނަ ސްކޫލް ދަރިވަރުން ބައިވެރިވާ ކަމަށް ހޯމް މިނިސްޓްރީން މިއަދު ބުނެފި އެވެ.

މާދަމާ ފާހަގަކުރަނީ ރާއްޖޭގެ 58 ވަނަ މިނިވަން ދުވަހެވެ.

ހޯމް މިނިސްޓްރީގެ އޮފިޝަލަކު ވިދާޅުވީ، އެންމެ ގިނައިން ދަރިވަރުން ބައިވެރިވަނީ މާދަމާ ރޭ 9:00 ގައި ގަލޮޅު ދަނޑުގައި އޮންނަ ހަރަކާތުގައި ކަމަށެވެ. ސްކޫލް ކުދިންގެ އައިޓަމްތަކާއި ސިފައިންގެ ހެވިކަމާއި ކުޅިވަރުގެ ހަރަކާތްތައް ވެސް އެ ހަރަކާތުގައި އޮންނާނެ ކަމަށް އޭނާ ވިދާޅުވި އެވެ.

މާލެ: ޖުލައި 26، 2019: މިނިވަން ދުވަސް ފާހަގަކުރަން ގަލޮޅު ދަނޑުގައި ބޭއްވި ކުޅިވަރު ހަރަކާތުގައި ސިފައިންގެ ޕެރޭޑު ކުރިއަށް ދަނީ.-- ފޮޓޯ: މިހާރު

އަންނަ ބުރާސްފަތި ދުވަހު ހަވީރު މާލޭގެ ބޮޑެތި މަގުތަކުގައި ބާއްވާ ސިފައިންގެ ޕެރޭޑުގައި ވެސް ދަރިވަރުން ބައިވެރިވާނެ އެވެ. ހަމަ އެ ދުވަހުގެ ރޭގަނޑު، މަޖީދީ މަގާއި ސޯސަން މަގާއި މެދުޒިޔާރަތް މަގުގައި އަދި ހުޅުމާލޭގައި ފުޅަނދުބުރު ވެސް އޮންނާނެ އެވެ.

މިދިޔަ މަހުން ފެށިގެން ދަރިވަރުން އަންނަނީ އެ ކުޅިވަރުތަކަށް ފަރިތަކުރަމުންނެވެ.

"ފުޅަނދުބުރުގައި 8 ފަރާތަކުން 15 ފުޅަނދު ނެރޭނެ،" އޮފިޝަލް ވިދާޅުވި އެވެ.

މިނިވަން ދުވަހުގެ މުނާސަބަތުގައި އަންނަ ހުކުރު ދުވަހު ހުޅުމާލޭގައި ކާނިވަލެއް ވެސް ހުޅުވަން ނިންމާފައިވެ އެވެ. އެ ކާނިވާ ހުޅުވުމުގެ ގޮތުން ހުކުރު ދުވަހުގެ ރޭ ހުޅުމާލޭގައި ހަވާ އެރުވުން އޮންނާނެ ކަމަށް މިނިސްޓްރީން ބުންޏެވެ.

މިނިވަން ދުވަހުގެ ހަރަކާތްތައް

• ރައީސް އިބްރާހިމް މުހައްމަދު ސޯލިހުގެ ދެކަނބަލުން ބާއްވަވާ ރަސްމީ ބައްދަލުކުރެއްވުން މިރޭ

• މާދަމާ ހެނދުނު ޖުމްހޫރީ މައިދާނުގައި ދިދަ ނެގުމުގެ ރަސްމިއްޔާތާއި ރަސްމީ ޖަލްސާ (އެ ޖަލްސާގައި ގައުމީ އިނާމު ދިނުން އޮންނާނެ).

• ރާއްޖޭގެ އެކި ރަށްރަށުގައި މިނިވަން ދުވަސް ފާހަގަކުރުމަށް ބާއްވާ ހަރަކާތްތައް ދެއްކުމަށް ޓީވީ ކަވަރޭޖެއް.

• މާދަމާ ރޭ ގަލޮޅު ދަނޑުގައި ސްކޫލް ކުދިންގެ އައިޓަމްތަކާއި ހެވިކަމާއި ކުޅިވަރުގެ ހަރަކާތްތައް.

• ބުރާސްފަތި ދުވަހުގެ ހަވީރު މާލޭގެ ބޮޑެތި މަގުތަކުގައި ޕެރޭޑް.

• ބުރާސްފަތި ދުވަހުގެ ރޭ މަޖީދީ މަގާއި ސޯސަން މަގާއި މެދުޒިޔާރަތް މަގުގައި އަދި ހުޅުމާލޭގައި ފުޅަނދުބުރު.

• ހުކުރު ދުވަހުގެ ހަވީރު ހުޅުމާލެ ސެންޓްރަލް ޕާކުގައި ފުޅަނދު ބުރުތައް ދައްކާލުން.

• ހުކުރު ދުވަހުން ފެށިގެން އަންނަ މަހު 4 އަށް މުނިފޫހިފިލުވުމުގެ ހަރަކާތްތަކާއެކު ހުޅުމާލޭގައި ކާނިވަލެއް.

Fulhandhu buraai dhandu kulhivaraa eku minivan dhuvahu Male' gai gina harakaaiythakeh

The most trusted news source in the Maldives

Mihaaru

މި ހަރަކާތްތައް ބައްލަވާލެއްވުމަށް ރައީސް އިބްރާހިމް މުހައްމަދު ސޯލިހުގެ ދެކަނބަލުން ވެސް ވަޑައިގަންނަވާނެ ކަމަށް ހޯމް މިނިސްޓްރީން ކުރިން ބުންޏެވެ.

މާލޭގެ އިތުރުން ރަށްރަށުގައި ވެސް މިނިވަން ދުވަސް ފާހަގަކުރަން ގިނަ ހަރަކާތްތަކެއް އޮތީ ރާވައިފަ އެވެ.

މިނިވަން ދުވަސް ހޯމްލޭންޑް ސެކިއުރިޓީ މިނިސްޓްރީ ކިޔަވާކުދިން ޕަބްލިކް ކުންފުނި

11 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުބޭދު

27 July 2023

އެކުދިންނައް ބުނެދޭން ޖެހޭ ރާއަްޖޭގެ ކަނޑުތައްަ ވިއްކާލީ ކޮންބައެއްކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމު ގޮވާ އަޑު

25 July 2023

މި ނިވަންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރި

25 July 2023

މަދަރުސާ ހަޔާތުގައި ކުރެވުނު އެންމެ ގަޅި ކަންތައް، ޖުލައި 26 ގެ ކުޅިވަރުގައި ބައިވެރިވުން. ހުރިހާ ބެލެނިވެރިން އެކައްޗެއް ކިޔައިގެން މިކުޅި ހުއްޓުވަން އެބަ ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަތަލް

25 July 2023

އެތަކެއް ސްކޫލެއްގެ ފަރުނީޗަރުތައް ބާވެ ހަލާކުވެފަ، ޒަރޫރީ އެތައްކަމެއް ފުރިހަމަ ނުވެ، އެކަމަކު، މިނިވަންދުވަހުގެ ޑާންސު ދަސްކޮށްދޭން އަންނަ ގުރޫޕަށް ލައްކައިން ލައްކައިން ހޭދަކުރަމުން ދަނީ. ހެޔޮނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްޙާފް

25 July 2023

ރަނގަޅު ގޮތަކީ މިނިވަންދުވަހުގެ ކުޅިވަރުތަކުގައި މާލޭގައި ކިޔަވާ 800 ދަރިވަރުން ބައިވެރިވޭ. މިއީ އަކީ ރަށް ރަށުގެ ކުދިންނަށް އަރަފޯދޭކަމެއްނޫނޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިންނަވަރު ކަތީބު

25 July 2023

މ‫ަގޭ ދަރިއަކު ނުދާނެ އަހަންނަށް އަދި މިނިވަންކަމުގެ އިހުސާސް ނުވާތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެލެކްސް އަހަންމަދު

25 July 2023

ކުދިންގެ ޗުއްޓީ ނަގާލައިފި. ކާކު މިކަމުގެ ޒިންމާނަގަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުމާމަނިކެ

25 July 2023

މަޖުބޫރެއް ނޫން ކުދިން ފޮނުވަން. އަހަރުމެންގެ ދަރިން ޗުއްޓީ ހޭދަކުރަނީމި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރިއަންދީ

25 July 2023

މަޖުބޫރެއްނޫން. އެހެނަސް އެންމެލޯބިވާ މިސް އައިއްސާ ބުނާނީ ކޮންކުދިންނެއްހޭ ޗުއްޓީތެރޭގާ ޑާންސުގާ ބައިވެރިވާނީ. އެއްވެސްކުއްޖެއް އަތްނުނެގީމާ ދެން ވަކިކުދިންތަކެއްގެ ނަން ބުނެފާ ބުނާނީ މިކުދިން ބައިވެރިވެދިނުމަކީ މިސްގެ ވަރަށްބޮޑު އެދުމެކޭ. ދެން މިސް ކޮޅެއްހުރެހުރެ ފައި ބިންދައިގެންދިއުމުގެކުރިން އެކުދިން އެކަމަށް އެއްބަސްވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްވައިދީ

25 July 2023

މަރިއަންދީ އަށް ނޭނގުނު ކަމަކީ ތިބުނީ މިސްއާއި އާންޓީވެސް ތިކަން ކުރަނީ އެމީހުންގެ ޗުއްޓީ ގުރުބާންކޮށްފައިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިސާދީ

25 July 2023

މަރިއަންދީ ތިބުނީ ކަލޭމެން ދުވަސްވަރު ކަންއޮތްފޮތް ކަމަށް ވެދާނެ. މިފަހަރު ތިކަން އޮތްގޮތް އެ 800 ދަރިވަރުންގެ މައިންބަފައިން ކައިރި އަހާލުން ރަނގަޅު. ހަމަގައިމު ވެސް އަހަރުމެން ކައިރި އެހީމަ ނުވާނޭ ބުނީމަ އިތުރަކަށް ނާހާ