މުސްލިމް ގައުމުތަކާ އެކު އެމެރިކާގެ ވިޔަފާރި 220 ބިލިއަން ޑޮލަރަށް

މުސްލިމް ހަތް ގައުމެއްގެ މީހުން އެމެރިކާ އަށް ވަނުން މަނާކޮށްފައިވާ އިރު މުސްލިމް ގައުމުތަކާ އެކު އެމެރިކާ އިން ކުރާ ވިޔަފާރި ވަނީ 220 ބިލިއަން ޑޮލަރަށް އަރާފައި.

ހަސަން އާމިރު، މިހާރު

01 ފެބުރުއަރީ 2017 - 09:17

7 comments

ވޮޝިންޓަން (ފެބްރުއަރީ 1) - މުސްލިމް ހަތް ގައުމެއްގެ މީހުން އެމެރިކާ އަށް ވަނުން މަނާކުރުމާ ގުޅިގެން މެދުއިރުމައްޗާއި އޭޝިއާގެ ބައެއް ގައުމުތަކުގައި ވަނީ ކަންބޮޑުވުން އުފެދިފަ އެވެ. އެއް ސަބަބަކީ މުސްލިމް ގައުމުތަކާ އެކު އެމެރިކާ އިން ފުޅާދާއިރާއެއްގައި ވިޔަފާރި ހިންގަމުން ގެންދާތީ އެވެ.

ރައީސް ޑޮނަލްޑް ޓްރަމްޕުގެ އިމިގްރޭޝަން ސިޔާސަތަށް ގެނައި ބަދަލާ ގުޅިގެން އިސްލާމީ ގައުމުތަކާ އެކު ކުރާ ވިޔަފާރި އަށް އަސަރު ކުރާނެ އެވެ. މުސްލިމުންގެ އަޣުލަބިއްޔަތު އޮންނަ 47 ގައުމާ އެކު އެމެރިކާ އިން 2015 ވަނަ އަހަރު ކުރި ވިޔަފާރި 220 ބިލިއަން ޑޮލަރަށް އަރާ ކަމަށް ސެންސަސް ބިއުރޯ އިންނެވެ. މިދިޔަ އަހަރުގެ ފުރަތަމަ 11 މަސް ދުވަހު ވަނީ އެމެރިކާ އާއި އިސްލާމީ ގައުމުތަކާ އެކު ކުރި ވިޔަފާރި 194 ބިލިއަން ޑޮލަރަށް އަރައިފަ އެވެ.

މުސްލިމް އެތައް ގައުމެއް ތަމްސީލްކުރާ އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) އިން ބުނީ އެމެރިކާގެ ފިޔަފަޅުގެ ސަބަބުން ވަރަށް ކަންބޮޑުވާ ކަމަށެވެ. އަރަބި ލީގުން ވެސް ވަނީ އެމެރިކާ އަށް ވަރަށް ބޮޑަށް ފާޑު ކިޔައިފަ އެވެ.

މަނާކުރި ހަތް ގައުމުގެ ތެރޭން އެމެރިކާއާ އެކު ފުޅާ ދާއިރާއެއްގައި ވިޔަފާރި ކުރާ އެއް ގައުމަކީ އިރާގެވެ. އިރާގަކީ އެމެރިކާ އަށް ހަ ވަނަ އަށް އެންމެ ގިނައިން ތެޔޮ ބޭރުކުރާ ގައުމެވެ. އެމެރިކާ އިން ދެން އެންމެ ފުޅާ ދާއިރާއެއްގައި ވިޔަފާރި ކުރާ ގައުމުތަކުގެ ތެރޭގައި މެލޭޝިއާ، ސައުދީ އަރަބިއާ، ޔުނައިޓެޑް އަރަބި އެމިރޭޓްސް، ތުރުކީ، އިންޑޮނީޝިއާ ހިމެނެ އެވެ.

މެލޭޝިއާ

މުސްލިމް ގައުމުތަކުގެ ތެރޭން އެމެރިކާ އިން އެންމެ ފުޅާ ދާއިރާއެއްގައި ވިޔަފާރި ކުރާ ގައުމަކީ މެލޭޝިއާ އެވެ. އެމެރިކާގެ ބޮޑެތި ކުންފުނިތައް ކަމަށްވާ އެގްޒޮން މޯބިލް، ޗެވްރޮން، ކޮނޮކޯފިލިޕްސް، މާފީ އޮއިލް އަދި ޑޯ ކެމިކަލް އިން މެލޭޝިއާގައި ވަނީ އެތައް ބިލިއަން ޑޮލަރެއް އިންވެސްޓްކޮށްފަ އެވެ. ބިއުރޯ އޮފް އިކޮނޮމިކް އެނަލިސިސް އިން ބުނެފައި ވަނީ އެމެރިކާގެ ކުންފުނިތަކުން 2015 ވަނަ އަހަރު ވަނީ 14 ބިލިއަން ޑޮލަރު އިންވެސްޓް ކޮށްފައި ކަމަށެވެ.

ސައުދީ އަރަބިއާ

ސައުދީ އަރަބިއާ އިން އެމެރިކާއާ އެކު މިދިޔަ އަހަރުގެ ފުރަތަމަ 11 މަސް ދުވަހު ވަނީ 31 ބިލިއަން ޑޮލަރުގެ ވިޔަފާރި ކޮށްފަ އެވެ. އެމެރިކާގެ ކުންފުނިތަކުން ވަނީ ސައުދީ އަރަބިއާ އަށް ކާރާއި އިންޑަސްޓްރިއަލް މެޝިނަރީ، ކޮންސްޓްރަކްޝަން ސާމާނު، ސިވިލް މަތިންދާ ބޯޓު، ޑިފެންސް ސިސްޓަމް، އައިޓީ އަދި ހެލްތުކެއާ ސާމާނު އެކްސްޕޯޓް ކޮށްފަ އެވެ. ސައުދީ އަރަބިއާ އިން އެމެރިކާ އަށް 2015 ވަނަ އަހަރު ވަނީ 386 މިލިއަން ފީފާ ތެޔޮ އެތެރެކޮށްފައި ކަމަށް އެމެރިކާގެ އެނާޖީ އިންފޮމޭޝަން އެޑްމިނިސްޓެރޭޝަނުން ބުނެ އެވެ. އެމެރިކާގެ ކުންފުނިތަކުން ސައުދީގައި ވަނީ 10 ބިލިއަން ޑޮލަރު އިންވެސްޓްކޮށްފަ އެވެ.

ޔޫއޭއީ

އެމެރިކާ އާއި ޔޫއޭއީ އިން 2016 ވަނަ އަހަރުގެ ފުރަތަމަ 11 މަސް ދުވަހު ވަނީ 23.3 ބިލިއަން ޑޮލަރުގެ ވިޔަފާރިކޮށްފަ އެވެ. މެދުއިރުމަތީގައި އެމެރިކާގެ އެންމެ ބޮޑު އެކްސްޕޯޓް މާކެޓް އޮތީ ޔޫއޭއީގަ އެވެ. އެމެރިކާގެ ކުންފުނިތަކުން ޔޫއޭއީގައި ވަނީ 15.6 ބިލިއަން ޑޮލަރު އިންވެސްޓްކޮށްފަ އެވެ. ޔޫއޭއީގައި އެމެރިކާގެ 1،000 އށް ވުރެ ގިނަ ކުންފުނި އޮޕަރޭޓް ކުރެ އެވެ.

އިންޑޮނީޝިއާ

ދުނިޔޭގެ އެންމެ މުސްލިމުން ގިނަ އިންޑޮނީޝިއާ އިން އެމެރިކާއާ އެކު 2016 ވަނަ އަހަރުގެ ފުރަތަމަ 11 މަސް ދުވަހު ކުރި ވިޔަފާރި 23 ބިލިއަން ޑޮލަރަށް އަރަ އެވެ. އިންޑޮނީޝިއާގައި އެމެރިކާގެ ކުންފުނިތަކުން ވަނީ 13.5 ބިލިއަން ޑޮލަރު އިންވެސްޓް ކޮށްފަ އެވެ.

ތުރުކީ

ތުރުކީ އާއި އެމެރިކާގެ ވިޔަފާރި 2009 ވަނަ އަހަރުން 2015 ވަނަ އަހަރަށް ވަނީ 10.8 ބިލިއަން ޑޮލަރުން 17.4 ބިލިއަން ޑޮލަރަށް އިތުރުވެފަ އެވެ. ވޭތުވެދިޔަ އަހަރުތަކުގައި އެމެރިކާގެ ކުންފުނިތަކުން ވަނީ ތުރުކީގައި 3.6 ބިލިއަން ޑޮލަރު އިންވެސްޓްކޮށްފަ އެވެ.

އިސްލާމް މުސްލިމުން އެމެރިކާ

7 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވީ

02 February 2017

ދެން ތިބޭ އެމެރިކާ ފައިބުޑަށް ވެއްޓިފަ. މުސްލިމުން ނަށް މިޔާ އެއްވަރުގެ ރައްދެއް ދެވޭނަމަ ރަގަޅު އެވަރުވެސް ވަނީ އިރާނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުބެހޭތި

01 February 2017

އެމެރިކަން ޕްރެޒިޑެންޓް ޑޮނަލްޑް ޓްރަމްޕް އަކީ ޖެންޓުލްމެން ސްޓައިލްގެ ޕްރެޒިޑެންޓް އެކެވެ. މިހާރު ވައިޓް ހައުސް ގައި އޮތް އެގްޒެކްޓިވް ޓީމް އެއީ ރަނޑު ކަންކަން ކުރާނެ ބަޔެއް ނޫނެވެ. އެއޮތީ ޕްރެޒިޑެންޝަލް ޑިކްރީ އެއް ނެރެފައި ސީރިއާ ގެ ރިފއުޖީން ނަށް ނުވަދެވޭނެ ކަމަށް. އަދި މުސްލިމު ބަޔެއް ގައުމު ތަކުން އެމެރިކާ އަށް ނުވަދެވޭނެ ގޮތް ހަދާފައި. މިހާރު މަމެން މިގެނެސްދެނީ އެ ޑިކްރީ އެއްގައި ސައިން ކުރި ސީން އިނގޭ. ޝުޑް އައި ސައިން އިޓް. ޔޭއް ޔޭއް ޔޭއް މރ.ޕްރެޒިޑެންޓް. ޔޫ ގޮޓާ ސައިން އިޓް. އިޓްސް އަ ފެންޓާސްޓިކް ޑިކްރީ. މީ ވައިޓް ހައުސްގެ އޯވަލް އޮފީހުގެ ބްރެކްފާސްޓް ސްޓޯރީ އަކީ އިނގޭ. އެއްގޮތަކަށް ވެސް މުސްލިމު ގައުމު ތައް މިކަމާއި ބެހޭނެ ކަމެއް ނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯކޭޑް

01 February 2017

މުސްލިމް ގައުމުތަކާ އެކު އެމެރިކާގެ ވިޔަފާރި 220 ބިލިއަން ޑޮލަރަށް އެރި ނަމަވެސް ޑޮނަލްޑް ޓްރަމްޕް ޓީމަށް ވިޔަފާރި އާއި އިކޮނޮމީ ކިޔަވާ ދޭން ނުޖެހޭނެ އަރަބި ގައުމު ތައް. އެމެރިކާގެ ރައީސް އަކީ އެއީ ޕްރެކްޓިކަލް ރައީސް އެވެ. ވައިޓް ހައުސްވިލް ކްރިއޭޓް އަ މުސްލިމް ރަޖިސްޓްރީ އެންޑް ދޭ އާރ ގޮނާ ބޭން މުސްލިމް އިމިގްރޭޝަން އެންޑް ދޭ އާރ ގޮނާ ސީރިއަން ރެފިއުޖީސް. އެއީ އެމެރިކަން އިންޓަރެސްޓް އޭގައި އޮތުމުން އެކަން އެކުރަނީ. އެއީ މުސްލިމު ގައުމު ތަކާއި ބެހޭ ކަމެއް ނޫނެވެ. ނިއުވޯލްޑް އޯޑަރ އަންނާނީ މިތިއަރީ ގެ ދަށުން ނެވެ. ތަމެން އަރަބިން ޖުއްބާ ލައިގެން ނަމަވެސް މަސައްކަތް ކުރަންވީ ޝީޝާ ބުއިން ހުއްޓާލުމަށް ފަހުއޭ މަމެން ބުނަން ނެތީމު އެވެ. ދެއާރ އިޒް ނޯ ލާ އެންޑް ޔުއަރ ލާ ވިލް ބީ ނޮކްޓް އައުޓް.. ވީ ޑޯން ކެއަރ އެބައުޓް ޔުއަރ ލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގޯސް

01 February 2017

ނާންނާނެއެވެ. ތިޔައީ ހާދަ އާދައިގެ ވިސްނުމުގެ ވެރިއެކެވެ. ހަގީގަތަކީ ﷲ ވަނީ މިދުނިޔޭގެ ހުރިހާ އާރާއިބާރު މުސްލިމުންގެ އަތްމައްޗަށް ދެއްވާފައެވެ. ޓެރަރިސްޓުންނާއި ޓެރަރިޒަމްއަކީ މުސްލިމުންގެ ކަމެއް ނޫނެވެ. ވޯލްޑްޓރޭޑް ސެންޓަރ އަދި އެނޫންވެސް ތަންތަން ގޮއްވަނީ ހަމަ އެމެރިކާގައި އޮތް މުސްލިމުންނާ އިދކޮޅު ސިޔާސަތު ތަންފީޒުކުރަން އެމީހުން ކުރާ ކަންތަކެވެ. ސީއައިއޭގެ ތާރީޚު ބަލާށެވެ. ދުނިޔޭގައި ހުރިހާ ނުބައެއް ހަދަނީ އަދި މުސްލިމުން ލައްވާވެސް ކުރުވަނީ ހަމަ އެމެރިކާއެވެ. މިހާރުވެސް އިސްލާމީ ގައުމުތައް އެއްގަލަކަށް އަރައި ތިއެމެރިކާގައި ތިބި ހުރިހާ ސަފީރުން އަނބުރައި ގެނަސް އެގައުމުތަކުގައި ތިބި އެމެރިކާގެ ސަފީރުން ފޮނުވަބަލާށެވެ. ދުނިޔެ ގިޔާމަތްވާނެއެވެ. ހުޅަގުގެ އެންމެން އިސްލާމުންނާމެދު ގެންގުޅޭ ސިޔާސަތު ރަނގަޅުކުރާނެއެވެ. ޓެކްނޮލޮޖީ އޮތީ އެމެރިކާގައި އެކަންޏެއް ނޫނެވެ. ތަރައްޤީވެފައިވަނީ އެމެރިކާ އެކަންޏެއް ނޫނެވެ. މިއަދު ޓެކްނޮލޮޖީއާއި ތަރައްޤީ ހޯދަން ކޮންމެހެން އެމެރިކާއަށް ދާކަށްނުޖެހެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާންނާނެ

01 February 2017

އެމެރިކާ އިން މުސްލިމް ހަތް ގައުމުގެ ރައްޔިތުން އެމެރިކާ އަށް ނުވަދެވޭ ގޮތް ހެދީ އެއީ 90 ދުވަހުގެ މުއްދަތަށެވެ. އެއީ އެއްގޮތަކަށް ވެސް ދާއިމީ ކަމެއް ނޫނެވެ. އެމެރިކާ އަށް މުސްލިމު ގައުމު ތަކާއި އެކު ވިޔަފާރި ކޮށްގެން ލިބޭ 220 ބިލިއަން ޑޮލަރަށް ވުރެން ބޮޑު ގެއްލުމެއް ލިބޭނެ އެގައުމު ތަކުން ރެޑިކަލްސް އިން އެމެރިކާ އަށް އެތެރެވެ އެމެރިކާ އަށް ދޭ ހަމަލާ އަކުން. އެއީ ފެންނާން ހުރި ހަގީގަތަކީ. 911 ހަމަލާ އިން އެމެރިކާ އަށް އެތައް ޓްރިލިއަން ޑޮލަރުގެ ގެއްލުން ވަނީ ވެފައެވެ. ކަން މިހެން ހުރުމުން 200 ބިލިއަން ޑޮލަރުގެ ވިޔަފާރި ނުވި ނަމަވެސް މިބޭން އޮންނަން ޖެހޭނީ މިގޮތަށެވެ. 90 ދުވަސް ފަހުން ގޮތެއް ނިންމާނީ ތިޔަށް. ވައިޓް ހައުސްގެ ސްޓޭންޑް އަށް ބަދަލެއް ނާންނާނެއެވެ.