މިރޭގެ ޖަލްސާގައި މުއިއްޒު ވާހަކަ ދައްކަވަނީ -- ފޮޓޯ: ނިޝާން އަލީ/ މިހާރު
15 ސެޕްޓެމްބަރ 2023 - 23:42
163 comments
ސިފައިންނާއި ފުލުހުންގެ މުސާރަ ދެ ގުނަ ބޮޑުކޮށްދީ، ފްލެޓުތަކަށް ކުލި ދެއްކުން އެއް އަހަރަށް ފަސްކުރުމަށް އިދިކޮޅު ކޯލިޝަންގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު މިރޭ ވައުދުވެވަޑައިގެންފި އެވެ.
މި މަހުގެ 30 ވަނަ ދުވަހު ބާއްވާ ރިޔާސީ އިންތިހާބުގެ ދެ ވަނަ ބުރުގެ ކެމްޕެއިނަށް، އާޓިފިޝަލް ބީޗުގައި ބޭއްވި ޖަލްސާގައި ވާހަކަދައްކަވަމުން، މާލޭގެ މޭޔަރުކަން ވެސް ކުރައްވާ މުއިއްޒު ވިދާޅުވީ ހުރިހާ ކަމެއްގައި ވެސް ސިފައިންނާއި ފުލުހުންނަށް އަޅާލުން އިސްކުރަން ޖެހޭ ކަމަށާއި މި ސަރުކާރުން އެ މީހުންނަށް އިހާނެތިކޮށް ހިތާފައިވާ ކަމަށެވެ.
މި ސަރުކާރުގެ ފުރަތަމަ 100 ދުވަހުގެ ތެރޭގައި ނިންމަން ވައުދުވި ސިފައިންނާއި ފުލުހުންގެ ފްލެޓުތައް އަދި ވެސް ނުނިމޭ ކަމަށާއި އަދި ތަން ހަވާލުކުރުމާ ހަމައަށް ދިއުމުން އެ ފްލެޓުތަކުގެ އަގުތައް ބޮޑުކޮށްފައިވާ ކަމަށް މުއިއްޒު ވިދާޅުވި އެވެ.
އޭނާ ވިދާޅުވީ ފްލެޓުތައް މިހާރު ހުރީ އަތްފޯރާ ފަށަށްވުރެ މަތީގަ އެވެ. އެއާއެކު، އެ ތަންތަނަށް ދައްކަންޖެހޭ އަގު އެއް އަހަރު ދުވަހަށް ލަސްކޮށްދޭނެ ކަމަށް ވެސް ވިދާޅުވި އެވެ.
އޭގެ އިތުރުން ހުޅުމާލޭގެ ފުރަތަމަ ފިޔަވަހީގައި ހަދަމުން އަންނަ ސިފައިންނާއި ފުލުހުންގެ ފްލެޓަށް ބަހާލައިގެން އަގު ދެއްކޭނެ ލުއި ގޮތެއް ހަމަޖައްސައިދޭނެ ކަމަށް ވިދާޅުވި އެވެ.
މުއިއްޒު ވިދާޅުވީ ގައުމީ ޖޯޝުގައި ނުކުމެއްޖެ ނަމަ ސިފައިންނާއި ފުލުހުންގެ މުސާރަ ދެ ގުނަ ބޮޑުކޮށްދޭނެ ކަމަށެވެ.
"އިސްކަންދޭ ކަމެއްގެ ގޮތުގައި އަޅުގަނޑުމެންގެ ސަރުކާރެއްގައި އޮންނާނީ ގައުމީ ވިސްނުން. މި ގައުމުގެ ފަހުރަކީ ސިފައިންނާއި ފުލުހުން. އެ ދެ މުއައްސަސާގެ ހުރިހާ ބޭފުޅުންނަކީ އަބުރުވެރި އުޅުމެއް އުޅޭ ބޭފުޅުން ކަމަށް އަޅުގަނޑުމެންގެ ސަރުކާރެއްގައި ޔަގީންކޮށްދޭނަން." އޭނާ ވިދާޅުވި އެވެ.
ޕީޕީއެމްއާ މިރޭ ގުޅުނު ޝާޔަންގެ ފޯމާ ލީޑަޝިޕުން ހަވާލުވަނީ __ ފޮޓޯ: ނިޝާން އަލީ/ މިހާރު
"ކުޅޭކުޅޭ ބޯޅައެއްހެން ޖަހަން ގެންގުޅޭ ތަނަކަށް އެ ދެ ތަން ހެދިޔަކަ ނުދޭނަން."
ރާއްޖޭގެ މިނިވަންކަމާ ގުޅޭގޮތުން ސިފައިންނާ ފުލުހުން ތިބީ ވަރަށް ކަންބޮޑުވެފައިކަން ފާހަގަކުރައްވައި، މުއިއްޒު ވިދާޅުވީ ސަރުކާރުގެ ނޭއްގާނީ މަސައްކަތުގައި ބައިވެރިވާން އެ މީހުންނަށް މަޖުބޫރުވެފައިވާ ކަމަށެވެ.
އެކަމަކު، މިނިވަންކަމަކީ އެގޮތަށް ދޫކޮށްލެވޭނެ އެއްޗެއް ނޫންކަމާއި މުހައްމަދު ތަކުރުފާނު ދިވެހީންނަށް ރާއްޖެ ހޯދައިދިން ގޮތަށް، މި މަހު ބާއްވާ އިންތިހާބުން ދިވެހިންނަށް ރާއްޖެ ހޯދައިދޭނެ ކަމަށް އިދިކޮޅު ކެންޑިޑޭޓް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުވާލުއުފެދޭ
17 September 2023
މިއީ ކޮންމަގްޞަދެއްގައި ދެއްކިވާހަކައެއްބާއޭ ހިތަތްއެބައަރާ. މުސާރަ ކޮންމެހެން ބޮޑުކުރަންޖެހޭބަޔަކަށް މުސާރަ ބޮޑުކުރުމަކީ މައްސަލައެއްނޫން. އެކަމަކު ތިދެންނެވި މުވައްސަސާތަކަކީ ހުރިހާ ހިދުުމަތެއް ހިލޭ (އޭގެތެރޭގައި ފެންވަރު ރަނގަޅު ކެއުމާއި ހުރުމާއި ބޭސްފަރުވާފަދަ) ލިބިފައި ލިބޭ މުސާރަ އެކީގައި ގެއަށް ގެންދެވޭބައެއް. އަދި މިހާރުވެސް އެންމެކުޑަ މުސާރަވެސް 10 ހާހުން ދަށެއް ނުވާނެ. އެވަރުގެބަޔަކަށް މުސާރަ 2-3 ގުނަ ބޮޑުކުރަން ބުނުމުން ސުވާލުއުފެދޭ.
މިއޮތީ
16 September 2023
ރައްޔިތުން ހަމަހަމަ އެކަމު ސަރުކާރުން އެކަކަށް ސޯޅަހާސް ދީފައި އަނެއް ސައްބީސް ހާސް މީހުނަށް މިދެނީ ހަތަރުހާސް. ކޮބާ އިންސާފު؟؟؟ އަދުލުވެރިކަމާއި އިންސާފު ނެތިއްޖެނަމަ މުޅި ތަން ފަސާދަ ވެދާނެ. ރައްޔިތުން މިކަންކަމާމެދު ވިސްނަންޖެހޭ.
ޓެރޭ
16 September 2023
ފުލުހުންނާއި ސިފައިންގެ މުސާރަ ބޮޑުވާން ޖެހޭ ކަމަށް ދެކެން. 24 ގަޑިއިރު މަސައްކަތް ކުރީމަ 14،000 ރުފިޔާ ލިބިގެން އަނގަޔާ އަތާ ފަޔާ ދިމާވާނެތަ؟
ގުއިރޯނު
16 September 2023
ދެން ނެތް ވޯޓުލާން ދެވޭކަށް. އެކަކަށްވުރެ އަނެކަކު ވާ ވައުދުތައް ގިނަ. ތާކުންތާކުނުޖެހޭ ތިއިން އެކަކުވެސް.
ގުނބޯ ޒު
16 September 2023
ފުލުހުން ނާއި ސިފައިން ނައް މުސާރަ ޑަބަލް ކުރުމުގެ މާނަ އަކީ ޔާމީން ގެ ކިބައިން އަތުވެދާނެ ކަންކަމުން ރެކެވޭނޭ ގޮތައް ނަހައްގުން ބާރު ތައް ބޭނުން ކުރުމައް. އެހެން ނޫން ބޭނުމެއް ބުނެދީފާނަންތަ؟؟؟؟ ނަހައްގު މިންގަޑަކައް ރައުސުލްމާލުން އެއް ބަޔަކައް ފައިސާދޭން ނިންމީމަ ތީތި ކަޑަ.
މިއޮތީ
16 September 2023
އަނެއް ބޭނުމަކީ ރައްޔިތުން އަޅުވެތި ކުރަން ދެބައިމީހުންވެސް ރުއްސުން
ލާހޫރޭ ވެސް ނުދައްކާ ފާޑު ވާހަކަ
16 September 2023
މުއިއްޒުގެ އެކައުންޓް ތަކައް ބޭރުގެ ކުންފުނި ތަކުން ޖަމާކޮށްދީފަ ހުރި "މާތް" ފައިސާ އިން ތިޔަ ކަން ކުރޭ... ބަގާވާތުގެ ވަސް އެބަ ދުވާ... ނާޒިމު ސޯ ތިޔަ ގެންދިޔަ ބޭނުން މިސާފުވީ..
ވަހީދު
16 September 2023
ވެރިކަން ނުލިބެނިސް ވެރިކަމާ އަވަލާފަ ތިހިރީ ހޮޅި
ހޯހޯ
16 September 2023
މުއިއްޒުގެ ޕީ.އެޗް.ޑީ އާއިމެދު ޝައްކު ! އަދުރޭވެސް މީނައަށްވުރެ ވިސްނުންތޫނު!
ހޯހޯ
16 September 2023
މުއިއްޒު ވޯޓު ހޯދަން ވެގެން އަދުރޭގެ ހިސާބުން މިއޮއް ނިންމަނީ ވ. ކުރިޓިކަލް ކަންކަން . ސިފައިނާއި ފުލުހުންގެ މުސާރަ ބޮޑުކުރާކަށް ނުނިންމާނެ ދަންދޮރު ދަންނަ ސިޔާސީ މީހެއް. މީނަ ވެރިކަމަށް އަތުވެއްޖިއްޔާ މުޅި ޤައުމު ހަލާކުވާނެ. ޔާމީނަށްވުރެ މީނަގެ ސިކުނޑި މާގޯސް.
ޙަލީމަ
16 September 2023
މުއިއްޒު ކޮސް ގޮވަން ފަަށައިފި. ކޮންތާކުންހޭ ތި ފައިސާ ނެރެނީ.