ފެމިލީ ކޯޓުގެ ތެރެއަށް ވާރޭ ވެހޭތީ ބައެއް އެއްޗެހި ސަލާމަތް ކުރަން ރަބަރުގަނޑެއް އަޅާފައި.
17 ސެޕްޓެމްބަރ 2023 - 20:38
26 comments
މާލެ އަށް މިރޭ ވެހުނު ބޯ ވާރޭގައި ފެމިލީ ކޯޓުގެ ތެރެއަށް ފުރާޅުން ފެން ފައިބައި ވަރަށް ގިނަ ތަކެއްޗަށް ގެއްލުން ވެއްޖެ އެވެ.
މައުލޫމާތު އެނގޭ މީހަކު "މިހާރު" އަށް ކިޔައިދިން ގޮތުގައި، ހެންވޭރުގައި ހުންނަ ފެމިލީ ކޯޓުގެ އިމާރާތުގެ ފުރާޅުގެ އެކި ދިމަދިމާލުން ވަރަށް ގިނަ އަދަދަކަށް ފެން ފޭބުމުން ބައެއް ޑޮކިއުމަންޓްތަކާއި ކޮމްޕިއުޓަރު ސިސްޓަމްތަކަށް ވަނީ ގެއްލުން ވެފަ އެވެ.
ފެމިލީ ކޯޓުގެ ތެރެއަށް މިރޭ ވާރޭ ވެހޭތީ، ކޮމްޕިއުޓަރު ސިސްޓަމްތައް މަތީގައި ސަތަރި އަޅާފައި.
"ފެމިލީ ކޯޓް މިހާރު މި ވަނީ ޑައުން ވެފައި. ސާވާ ރޫމަށް ވެސް ފެން ވަދެ، ސާވާ އަށް ވެސް ވަނީ ގެއްލުން ވެފައި. ސާވާގެ ސުވިޗް ސިސްޓަމަށް ވަނީ ފެން އެޅިފައި. ބަައެއް ޑޮކިއުމަންޓްތައް ވެސް ހަލާކުވި،" އޭނާ ބުންޏެވެ.
ފެމިލީ ކޯޓުގެ ތެރެއަށް މިރޭ ވާރޭ ވެހޭތީ، ސަތަރި އަޅާފައި.
ސެނަހިޔާ ހޮސްޕިޓަލް ކައިރީގައި ހުންނަ ފެމިލީ ކޯޓުގެ އިމާރާތުގައި ކުރިއަށް ގެންދަނީ ކައިވެންޏާ ގުޅޭ ހުރިހާ ކަމެކެވެ. ކައިވެނި ކޮށްދިނުމާއި ކައިވެންޏާ ގުޅޭ ހުރިހާ ލިޔެކިޔުންތައް ބަލަހައްޓަނީ އެ ތަނުންނެވެ.
"މިހާރު" އަށް އެނގިފައިވާ ގޮތުގައި ފެމިލީ ކޯޓުގެ ފުރާޅުން ފައިބާ މައްސަލަ ކަމާ ބެހޭ އިދާރާ އަށް ހުށަހަޅާފައިވާތާ ވެސް ދުވަސްތަކެއް ވެއްޖެ އެވެ. އެއީ ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަނުން ބަލަހައްޓާ އިމާރާތެކެވެ.
ފެމިލީ ކޯޓުގެ ސާވާ ރޫމަށް ފެން ވަދެފައިވާތީ ސާވާ ސިސްޓަމް ސަލާމަތް ކުރަން ސަތަރިގަނޑެއް އަޅާފައި.
"މި ގޮތަށް ބޮޑު ކެރިގަނޑެއް އަތުވެއްޖިއްޔާ މިހާރު އުޅެން ޖެހެނީ މި ހާލުގައި. މިރޭ ވެސް އެކި ދިމަދިމާލުގައި ބާލިދީތައް ބަހައްޓައިގެން ތިބީމާ ފެން ބޮޑު ނުވެ ހިފަހައްޓާލެވުނީ. އެކަމަކު އެ ވަރުން ވެސް ބައެއް ތަކެއްޗަށް ގެއްލުންވި،" އޭނާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުއިފިލަނޑާ
18 September 2023
ތިޔަހެންވެސް މިތާނގެ ވަރީގެ ޑޭޓާތައް ގެއްލިއްޖެއްޔާ ތަންކޮޅެއް ލަދުކަން ކެނޑި ހިތަށް ފިނިކަން ލިބޭނޭ ތޯއްޗެ!
ކީއްތަވާނީ
18 September 2023
ޔާމީނު ކޯޓެއްގެ ފުރާޅުން ޓިނުނުނަގާއިރުވެސް ނެގިކަމަށް ކިޔައިގެން ވާހަކަ ދައްކަން ރީއްޗެއްނު. މިސަރުކާރަށް އެއުޅެނީ ކޯޓުތަކުގެ ފުރާޅުގަ ޓިނުކޮޅެއްވެސް އަޅާނުލެވިގެން. އެކަމު ލޯނު އެބަ ހަބޭހަށް ނަގާ.
ވައިކަރަދޫ ނަސީރު
18 September 2023
އަނެއްކާ ބަލާބަލަ މަ ވަރިވާން ލާފަ އޮތް ފޯމު ސަލާމަތުން އޮތްތޯ؟ ތިޔަ ތަނަށް ނުގުޅިގެން މިއުޅެނީ
ޝަރުޢީ
18 September 2023
އިބްރާހިމް މުޙައްމަދު ސާލިހު ޝަރުޢީ ކޯޓްތަށް މިނިވަންކުރިގޮތް. ޖޭއެސްސީއަށް ޕާޓީގެ ގނޑއނ ޖޭއެސްސީގެ މުށުތެރެއަށް ޝަރުޢީކޯޓްތަށް ލުން.
ސިމާހު އަހުމަދު
18 September 2023
ޔާމިން ޖަލައްލެވުނީމަ ކޯޓުތަކުގެ ބޭނުން ކެނޑިއްޖެ
ގުލުމީ
18 September 2023
ކޯޓުތަކަށް ސަރުކާރުން އަޅާއެއް ނުލާ
ދޮން
18 September 2023
ޖުޑިސަރީގެ ފެންވަރު ދައުލަތެއްގެ ހިންގުންތެރިކަން .. ދެން ފުދިއްޖެ ތިޔަލަސް ސުޕީޑް ދިވެހިން މިހާރު ބަލައި ނުގަނޭ. މަޖްލިސްގައި ވޭތުވެދިޔަ 25 އަހަރު އެންމެ ސުލޯ ޓީމްގެ ދެބޭފުޅުން ފޯވާޑަށް ލައިގެން ކެކޭނެ ރިހައެއްނެތް ވާނީ ހަމަ ދޮލަގު ބުރިޖަށް.
ކޯޓުތައް
18 September 2023
ކޯޓުތަކަށް ވަދެވެނީ ހުއްދަހޯދައިގެން ކަމަށްވަނީ.
ތުއްތީދިބެ
18 September 2023
ޔާމީނުގެ 5 އަހަރުގަ ކީއްވެތޯ މިކަންކަން ރަގަޅުނުކޮށް ހުރީ؟ އަދިވެސް ބުނޭ އިތުރު 5 ދޭށޭ، މުއިއްޒަށް ހަމަސާބަސް.
ތުއްތީދިބެ
18 September 2023
ތިކަމުގެ ސުވާލު ކުރާކަށް ނޫން އިބޫ ވެރިކަމަށް އެރުވީ. އެކަން ރަގަޅުކުރަން އެރުވީ. އެކަމު ދައުރު ނިމެންދާއިރުވެސް ފުރާޅުގަ ޓިނުކޮޅެއްވެސް އަޅާނުލެވުނު.
ފައުޑީ
18 September 2023
ހާލަތު. ފެންތިއްކެއް ޖަހާލާ އިރަށް ބާލިދީ ބަހައްޓައިގެން ހިދުމަތް ދޭތާ ތިން ހަތަރު އަހަރު ވަނީ. ވާކަމެއް ހަރާން. ހރނ ހުކުމާ ހލލ ހުކުން ނުއިއްވާ ކޯޓަކަށް ވާތީ އަޅާ ނުލެވިފައި. އެކަހަލަ ކޯޓު ތަކުގެ އަހަރީ ދުވަސް ވެސް ފާހަގަ ކޮށްލާނީ ބަނޑޮހާ ތަންތަނުގައި. ނިކަން ކެރެންޔާ ނޫސަވެރިންނަށް ދައްކާލަ ބަލަ ދެ އިމާރާތުގެ ޙާލަތު. ބޮލަން ވެއްޓެން ކައިރިވެފަ. ސްޓެޕް އެލަވަންސް ކަނޑާލާފައި.