ޕީޕީއެމްގެ ބޮޑު ޖަލްސާ ފަސްކޮށްފި

ޕީޕީއެމްގެ ނޫސްވެރިންގެ ބައްދަލުވުމެއްގައި ހަލީލް (މ) ވާހަކަދައްކަވަނީ. އިންތިހާބުގައި ވާދަކުރާ އެ ޕާޓީގެ ކެންޑިޑޭޓުންނަށް ޓިކެޓް ދޭން ބާއްވާ ޖަލްސާވަނީ ފަސްކޮށްފައި.-- ފައިލް ފޮޓޯ: ނިޝާން އަލީ/ މިހާރު

އާމިނަތު ޝިފްލީން، މިހާރު

04 ފެބުރުއަރީ 2017 - 22:09

22 comments

ލޯކަލް ކައުންސިލްތަކުގެ އިންތިހާބުގައި ވެރިކަން ކުރާ ޕީޕީއެމުން ވާދަކުރާ ކެންޑިޑޭޓުންނަށް ޓިކެޓް ދިނުމަށް މިރޭ ބާއްވަން ހަމަޖައްސާފައި އޮތް ބޮޑު ޖަލްސާ ވަކި މުއްދަތެއް ނެތް ގޮތަށް ފަސްކޮށްފި އެވެ.

ޕީޕީއެމުން ކުރިން ބުނެފައިވާ ގޮތުގައި "ހޭވައްލާ"ގެ ނަމުގައި ބާއްވާ އެ ޖަލްސާ އަކީ ސިޔާސީ ގޮތުން މިހާތަނަށް ބާއްވާނެ އެންމެ ބޮޑު އެއް ޖަލްސާ އެވެ. އިންތިހާބުގައި ޕީޕީއެމުން ވާދަކުރާ 500 އަށް ވުރެ ގިނަ ކެންޑިޑޭޓުން އެ ޖަލްސާގައި ބައިވެރިވާނެ ކަމަށް އެ ޕާޓީން ކުރިން ބުނެފައިވެ އެވެ.

ޕީޕީއެމްގެ ސެކްރެޓަރީ ޖެނެރަލް އަބްދުﷲ ހަލީލް މިރޭ ވިދާޅުވީ "ހޭވައްލާ" ޖަލްސާ ފަސްކުރީ، އިންތިހާބު ބާއްވާ ތާރީހު އިލެކްޝަންސް ކޮމިޝަނުން ފަސްކޮށް، އިންތިހާބުގައި ވާދަކުރުމަށް ހުޅުވާލި މުއްދަތު އިތުރު ކުރުމާ ގުޅިގެން ކަމަށެވެ.

"ޖަލްސާ މިހާރު މި ވަނީ ފަސްކޮށްފައި. އެކަމަކު، ދެން ބާއްވާނެ ތާރީހެއް އަދި ކަނޑައެއް ނާޅަން،" އޭނާ ވިދާޅުވި އެވެ.

އޭޕްރީލް އަށެއްގައި ބާއްވަން ކުރިން ނިންމި ލޯކަލް ކައުންސިލްތަކުގެ އިންތިހާބު، އިލެކްޝަންސް ކޮމިޝަނުން ވަނީ އޭޕްރީލް 15 އަށް ފަސްކޮށްފަ އެވެ. މިއީ އެ އިންތިހާބު ފަސްކުރި ދެވަނަ ފަހަރެވެ. މިދިޔަ މަހުގެ 14 ގައި އެ އިންތިހާބު އެންމެ ފުރަތަމަ ބާއްވަން ހަމަޖައްސާފައި ވަނިކޮށް، ޕީޕީއެމް އިން އެދިގެން ނެރެދިން ކޯޓު އަމުރެއްގެ ދަށުން އިންތިހާބު އޭޕްރީލް މަހަށް ފަސްކުރީ އެވެ.

ޕީޕީއެމުން ބުނި ގޮތުގައި އެކި ރަށްރަށުން މީހުން ބައިވެރިވާ މި ޖަލްސާ ބޭއްވުމަށް ނިންމާފައި ވަނީ ވަރަށް ފުރިހަމަ އަށެވެ. އެ ގޮތުން، ރާއްޖޭގެ ރައީސް އަދި ޕީޕީއެމްގެ މުސްތަޝާރު އަބްދުﷲ ޔާމީން ޝަރަފްވެރިކޮށްދެއްވާ މި ޖަލްސާގައި 20،000 އަށް ވުރެ ގިނަ މީހުން ބައިވެރިވާނެ ކަމަށް އެ ޕާޓީން ކުރިން ބުނެފައިވެ އެވެ.

ޕީޕީއެމުން ބުނީ ކައުންސިލް އިންތިހާބުގައި ޕީޕީއެމްގެ ކެންޑިޑޭޓުންގެ ގޮތުގައި 500 އަށް ވުރެ ގިނަ މީހުން ވާދަ ކުރާއިރު، ޕީޕީއެމަށް ތާއީދު ކުރާ ބައެއް މީހުން މިނިވަން ކެންޑިޑޭޓުންގެ ގޮތުގައި ވެސް އިންތިހާބުގައި ބައިވެރިވާނެ ކަމަށެވެ. އަދި ސަރުކާރާ ކޯލިޝަން ހަދާފައިވާ އެމްޑީއޭ އާއި ޑީއާރުޕީން ވެސް އިންތިހާބުގައި ވާދަ ކުރާތީ މި އިންތިހާބުގެ މެޖޯރިޓީ ސަރުކާރަށް ލިބޭނެ ކަމުގެ ޔަގީންކަން އެބަ އޮތް ކަމަށް އެ ޕާޓީން ބުނެފައިވެ އެވެ.

ލޯކަލް އިންތިހާބު އިލެކްޝަންސް ކޮމިޝަން ޕީޕީއެމް ޕީޕީއެމްގެ ކޯޅުން ލޯކަލް ކައުންސިލްތަކުގެ އިންތިހާބު 2017 ލޯކަލް ކައުންސިލްތައް

22 ކޮމެންޓް, 46 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސަރު

05 April 2017

ކޮންގޮތަކަށް ބޮޑު ޖަލްސާއެއްބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

05 February 2017

ޕީޕީއެމް ފޭރިގަތް މީހުންދޯ ޖަލްސާގެ ވާހަކަ މި ދައްކަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމާނު

05 February 2017

ހާޒިރީ ލިޔެ ނުނިމެނިއްޔޯ. މިފަހަރު ލާހިކެއް ނޫނޯ ފިލާކަށް. ސިވިސްލ ސަރވިސް ކުދިންނަށް މަގޭ ހަމްދަރުދީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫނި ރާއްޖެ

05 February 2017

އަދި ބޮޑު ނުވަނީ ދެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިފެކްޓިވްނެސް

05 February 2017

ޕީޕީއެމްގެ ޖަލްސާ ފަސް ކުރުން އެއީ ވަރަށް ރަނގަޅަށް ކުރެއްވި ކަމެކެވެ. މިހާރު ލޯކަލް ކައުންސިލު ތަކުގެ ގާނޫނު އޮތް ގޮތުން އެއިން އަދި މާއެދެވޭ ނަތީޖާ އެއް ރައްޔިތުންނަށް ނެރެ ނުދެވޭނެއެވެ. އެއިން ދައުލަތުގެ ޚަރަދު ބޮޑުވުން ނޫން ކަމެއް ނުވާނެއެވެ. ކޮންމެ ތިން އަހަރު ދުވަހުން 400 މިލިއަން ރުފިޔާ ދައުލަތުގެ ބަޖެޓުން ލޯކަލް ކައުންސިލު އިންތިޚާބު ބާއްވަން ޚަރަދު ނުކުރެވޭނެއެވެ. އޭގެ ބަދަލުގައި ހައްދަަވަންވީ ގޮތަކީ ގާނޫނު އަސާސީގެ އަށް ވަނަ ބާބުގެ 231 ވަނަ މާއްދާގެ (ހ) އިސްލާހު ކުރަންވީ އިދާރީ ދާއިރާ ތައް އުފައްދާ ކައުންސިލު ތަކުގައި ހިމަނެންވާނީ ރައީސުލް ޖުމްހޫރިއްޔާ ފޮނުވާ ނަންފުޅު ތަކެއް މަޖްލީހުން ފާސް ކޮށްގެން ކަމަށް. ކޮންމެ މީހެއްގެ ނަން ވަކި ވަކިން ވޯޓަށް އަހައިގެން ފާސް ކުރަންވާނެ ކަމަށް ވެސް ބަޔާން ކުރަންވާނެއެވެ. މިނިވަން މުވައްސަސާ ތައް މިގޮތަށް އޮޕަރޭޓް ކުރާނަމަ ހަމަ ކައުންސިލު ތައް ވެސް މިގޮތަށް އޮޕަރޭޓް ކުރަންވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސސ

05 February 2017

ކައުންސިލް ނުލިބޭނެކަން %200 ޔަގީންވީ ދޯ! ރަސްގެފާނު ހިޔަލައާ އިންގޮތަށް ރައްޔިތުން ވޯޓު ނުލިއަސް ވެރިކަމާ ކައުންސިލާ ހޯދައިގެން ވެރިކަން ކުރަން އުޅުން އެއީ ދެން ވަރަށް ލަދުވެތި ކަމެއް. ބޭނުމެއް ނޫނޭ ބުނަން ފުރުސަތު ދޭންވާނެ. ނޫނެކޭ ބުނީމާ ރީތިކޮށް ގެއަށް ދިއާމަ ނިމުނީ! މީހެއްގެ ގަދަކަމުން އެމީހާގެ މައްޗަށް ވެރިވުމަކީ އަޅުވެތިކަން. އެއަކަށް ނުކިޔާނެ ވެރިކަމެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެކްސްޓް

05 February 2017

ޕީޕީއެމްގެ ބޮޑު ޖަލްސާ ފަސް ކުރަން އެބަޖެހެއެވެ. ހަދަންވީ ގޮތަކީ މަޖްލީސް ފުރަތަމަ ވެސް ހުޅުވަންވީއެވެ. އެއަށް ފަހު 1. ލާމަރުކަޒީ ގާނޫނަށް އިސްލާހު ގެންނަންވީ އެޕްލިކޭޝަނަށް ފެތޭނެ އުސޫލުން 2. ބްރޯޑްކާސްޓިންގް ގާނޫނަށް ވެސް ބަދަލު ގެނެސް އެ ސްޓްރީމް ލައިން ކުރަންވީ އޭގެ ތެރޭގައި އިދިކޮޅު މައުތު ޕީސް އިން އެގެނެސްދޭ ޚަބަރު ތައް ގެނެސްދިނުމުގެ ކުރިން ބްރޯޑް ކާސްޓިންގް ކަމިޝަނަށް ހުށައަޅާ ވެރިފައި ކުރަން ޖެހޭނެ ކަމަށް ވެސް ބަޔާން ކުރަންވީ ގާނޫނުން. ގާނޫނުގައި އޮންނަންވީ މިގޮތަށް. ސަބަބަކީ ހަގީގަތާއި ޚިލާފު ވާހަކަ އެމެންގެ ދެ މައުތު ޕީސް އިން ގެނެސްދޭތީވެ މިއަހަރު ލޯކަލް ކައުންސިލު އިންތިޚާބާއި ކުރިމަތި ލުމުގެ ކުރިން އެކަމަށް ނިމުން އަންނަން ޖެހޭނެއެވެ. އެއަށް ފަހު ދެން ބާއްވަންވީ ޕީޕީއެމްގެ ބޮޑު ޖަލްސާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިވްއިން

06 February 2017

ސުވާލަކީ ޕީޕީއެމް ވެރިކަމެއްގައި ނެތްދުވަހަކުންވެސް ތި ހުށަހެޅުން ތަކަށް ތާއީދު ކުރާނަންތޯ؟ މިހެން އަހަންޖެހުނީ ކުރިން އިދިކޮޅު ޕާޓީއެއްގެ ގޮތުގައި އޮވެ ފާސްކުރި ހުރިހާ ގާނޫނަކާ ގަޥައިދުތަށް ވެރިކަމަށް އާދެވުމުން ބަދަލު ކުރަން ޖެހުނީމާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

4427

05 February 2017

4 މިލިޔަން މީހުން ބައިވެރިޔާނެޔޯ..ކެކެކ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

05 February 2017

މަގޭމެން ޕިންކީން ނަގާނީ މެޖޯރިޓީއެއްނޫން ނަގާނީ ހުރިހާގޮނޑި ރަންރީދުލޭމެންނަށަކަށް މިފަހަރު ހަމަ ލާހިކެއްނޫން އެންމެ ގޮނޑިއެއްވެސް ނަގާކަށް ޖެހޭނީ މީޓިންގ ބާއްވަބާއްވާ ތިބެން އަމުދުން މަގޭމެން އިންތިޚާބު ބާއްވާކަށް ބޭނުމެއްވެސްނޫން ދިވެހިން މިހާރަކު ނޫޅޭ ވޯޓުލާހިތަކުން ދިވެހިން ބޭނުމީ ތަރައްގީ ވޯޓަށް ބޭކާރު ޚަރަދުކުރާތީ ތަރައްގީ މަޑުޖެހެނީ ވޯޓުގެ ކަންތައް މިހާރު ދެން އެންމެ ރަނގަޅުވާނީ ރައްޔިތުން ނުކުރުމެ ބޮޑުޚަރަދުކޮށްގެން ކުރުމަށްވުރެ ގައިމި ހައްޓަށްފަސޭހަވެފަ ޚަރަދުކުޑަވާނެ ކޯޓުން ކުރީމާ މަގޭމެންގެ ޕިންކީންގެ ވިސްނުމަކީ އަބަދުވެސް ވޯޓުކަންތައް ކޯޓުން ކުރުން އެއީ ޚަރަދު ކުޑަކުރުމަށްޓަކައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛަޑިބު

06 February 2017

ޢަވަހަށް ކަތީބުން ގެ ދަައުރު ގެންނަން އުޅެގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޔާ

05 February 2017

ހަމަހަމަކަން މިޤައުމުގައި މިއަދު ނެއްވަރު މިފެންނަނީ، ޔާމީން ބޭނުންވީމާ އޭނަގެ ޕާޓީ އަށް ބޭނުންތަނެއްގަ ބޭނުންދުވަހަކު ޖަލްސާ ބޭއްވެ. އެކަމު އެހެން އެއްވެސް ބަޔަކަށް ތަނެއް ނުލިބެ ޖަލްސާއެއް ބާއްވާކަށް. ހަމަހަމަ ކަމާ އަދުލްވެރިކަން ޤަބޫލުކުރާ ކޮންމެ މީހަކަށްވެސް މިކަމުންވެސް މިވެރިންގެ ފެންވަރު ފެންނާނެ. އެއްވެސް ހަމަޤަބޫލު ކުރާ މީހަކު މިކަހަލަ ޖަލްސާ އަކަށް ހިތުންރުހުމަކުން ނުދާނެ އަދި ތާއީދެއްވެސް ނުކުރާނެ