ފުލުހުންނަށް ނުބައި ނަމެއް ދިނުމުން ހަ މަހަށް ގޭ ބަންދުކުރަން ހުކުމްކޮށްފި

ފުލުހުންގެ މައި އިދާރާ: ފުލުހުންނަށް ނަން އޮޅުވާލައިގެން މައުލޫމާތު ދިން މީހަކު ގޭގައި ބަންދުކުރަން ވަނީ ހުކުމް ކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

25 ސެޕްޓެމްބަރ 2023 - 14:34

2 comments

ނަން އޮޅުވާލައިގެން ފުލުހުންނަށް މައުލޫމާތު ދިން މީހަކު ހަ މަހަށް ގޭ ބަންދުކުރަން ކްރިމިނަލް ކޯޓުން ހުކުމްކޮށްފި އެވެ.

ދިވެހި ފިރިހެނެއްގެ މައްޗަށް އެ ހުކުމް އައީ މިދިޔަ އަހަރުގެ ޑިސެމްބަރު މަހު ދެ މައްސަލައެއްގެ ތުހުމަތުގައި ދެ ފަހަރެއްގެ މަތިން ފުލުހުން އޭނާއާ ސުވާލު ކުރުމުން ނުބައި ނަމެއް ބުނެފައިވާތީ އެވެ. އޭނާގެ މައްޗަށް ކުރި ޝަހްސު އޮޅުވާލުމުގެ ދައުވާ އެވެ.

ކްރިމިނަލް ކޯޓުން މިއަދު ކުރި ހުކުމުގައިވަނީ ޝަހްސު އޮޅުވާލި ކަމަށް އޭނާ އެއްބަސްވެފައިވާތީ އޭނާގެ އިއުތިރާފުން އެ ދައުވާ ސާބިތުވާ ކަމަށެވެ. އަދި ގާނޫނުލް އުގޫބާތުގެ ދަށުން އެ ކުށުގެ އަސާސީ އަދަބަކީ ތިން މަހާއި 18 ދުވަހަށް ޖަލަށްލުން ކަމަށް ވިޔަސް، އޭނާ ތަހުގީގު މަރުހަލާގައި ބަންދުގައި ހޭދަކުރި މުއްދަތު އުނިކުރުމަށް ފަހު އަދި އަދަބުގެ ބާވަތް ބަދަލުކޮށްދޭން އޭނާ އެދިފައިވާތީ ގޭ ބަންދުގެ އަދަބަކަށް ބަދަލުކުރީ ކަމަށް ހުކުމުގައިވެ އެވެ.

އެހެންވެ، ހަ މަހާއި 4 ދުވަހަށް އޭނާ ގޭ ބަންދުކުރަން ހުކުމްކުރީ ކަމަށް އެ ހުކުމުގައިވެ އެވެ.

ގާނޫނުލް އުގޫބާތު ބުނާގޮތުން ތިމާއަކީ އެހެން މީހެއްގެ ގޮތުގައި އެއްވެސް ފަރާތަކަށް ދެއްކުމަކީ ޝަހްސު އޮޅުވާލުމުގެ ކުށުން ކުށްވެރިވާނެ ކަމެކެވެ.

ކުށްކުރުން ފުލުހުން ކްރިމިނަލް ކޯޓް ގާނޫނުލް އުގޫބާތު ޖިނާއީ އަދުލުގެ ނިޒާމު

2 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުނީރު1

25 September 2023

ތިވާނީ އިންޑިއާ ކަމަކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީތް

25 September 2023

ސުވާލަކީ ޝަޚްސު އޮޅުވާލި ކަމުގެ ދައުވާ އުފުލީ އަސްލު ޝަޚްސުގެ ވެރިޔާހޭ ނޫނީ ފުލުހުން އިސްވެ ހުރެހޭ؟ އެހެން ކަންތައްތަކުގަ ފުލުހުންނަށް އެނގޭކަމަކަށް ނުވޭ ނުވަތަ ދަޢުވާ ނުކުރެވޭ ފުލުހުންނަކަށް އަމިއްލައަށް؟