ސުޕްރީމް ކޯޓުގެ ސެކެޓްރީ ޖެނެރަލްކަމުގެ މަގާމުން ފާއިޒް ވަކިކުރީ ގޯސްކޮށް ކަމަށް ނިންމައިފި

ސުޕްރީމް ކޯޓުގެ ކުރީގެ އެސްޖީ ފާއިޒް: އޭނާ ވަކިކުރީ ގާނޫނާ ހިލާފަށް ކަމަށް ޓްރައިބިއުނަލުން ވަނީ ނިންމާފައި

މުއިއްޒު އިބްރާހިމް، މިހާރު

09 އޮކްޓޯބަރ 2023 - 14:32

ސުޕްރީމް ކޯޓުގެ ސެކެޓްރީ ޖެނެރަލްކަމުން ޑރ. ހުސައިން ފާއިޒް ވަކިކުރީ ގާނޫނާ ހިލާފަށް ކަމަށް ނިންމައި، މުސާރަ އާއި އިނާޔަތްތައް އޭނާއަށް ދޭން ވަޒީފާއާބެހޭ ޓްރައިބިއުނަލުން މިއަދު އަމުރުކޮށްފި އެވެ.

ސުޕްރީމް ކޯޓުގެ ސެކެޓްރީ ޖެނެރަލްގެ މަގާމުން މިދިޔަ އަހަރުގެ ނޮވެމްބަރު މަހު ފާއިޒް ވަކިކުރީ ސުޕްރީމް ކޯޓުގެ ފަނޑިޔާރުންނާއި މުވައްޒަފުންނަށް ފާރަލެވޭ ގޮތަށް އެ ކޯޓުގައި ސީސީޓީވީ ކެމެރާ ހަރުކުރި ކަމަށް ބުނެ އެވެ. ނަމަވެސް އެ ތުހުމަތުތައް ފާއިޒް ދޮގުކުރައްވަ އެވެ.

ފާއިޒް ވިދާޅުވީ އެ މައްސަލަ ޓްރައިބިއުނަލަށް ހުށަހެޅުމުން، އޭނާ ވަކިކުރީ ވަޒީފާއާބެހޭ ގާނޫނާ ހިލާފަށް ކަމަށް ނިންމައި އަދި އޭނާ ވަކިކުރި ދުވަހުން ފެށިގެން ވަޒީފާގެ އެއްބަސްވުމުގެ ބާކީ އޮތް މުއްދަތާ ހަމައަށް ލިބެންޖެހޭ މުސާރަ އާއި އިނާޔަތްތައް 30 ދުވަސް ތެރޭގައި ދޭން ޓްރައިބިއުނަލުން އަންގާފައިވާ ކަމަށެވެ.

ފާއިޒް ވިދާޅުވި ގޮތުގައި އެ މައްސަލާގައި ވަޒީފާ އަނބުރާ ހޯދުމަށް އޭނާ އެދިވަޑައިގެންފައެއް ނުވާނެ އެވެ.

ފާއިޒް މަގާމުން ވަކިކުރީ މިދިޔަ އަހަރުގެ މާޗް މަހުން ފެށިގެން ސަސްޕެންޝަންގައި ބެހެއްޓުމަށްފަހު އެވެ.

ސުޕްރީމް ކޯޓް ޖުޑީޝަލް ސާވިސް ކޮމިޝަން ޖުޑީޝަރީ ސުޕްރީމް ކޯޓް ސެކްރެޓަރީ ޖެނެރަލް ޑރ. ހުސައިން ފާއިޒް (އެސްޖީ، ސުޕްރީމް ކޯޓް)

4 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެސް.ޖީ

09 October 2023

އެސް.ޖީންނަށް އެންމެ ބޮޑު ދައްޗަކީ އެއީ. ނާގާބިލު މީހުން ބާރުގަދައީ ސިޔާސީ ގޮތުން. ކަމެއް ރަނގަޅުކުރަން ބުނާއިރަށް އެސް.ޖީ ޖެހެނީ ތަންދޫކޮށް ދާން. ގިނަ އެސް.ޖީންނަކީ މައްސަލަ ނުޖައްސާ ނިކުމެގެން ދާމީހުން. މީޑިޔާ ނޫނީ ސޯޝަލް މީޑިޔާގަ އަޑުގަދަކުރާ މީހުންނެއްނޫން. ނިކަން ވަޒީފާ ދޫކޮށް ގޮސްފައިވާ އެސް.ޖީންނާ ސުވާލުކޮށްބަލަ. ކައުންސިލް ތަކެކޭ ޖުޑީޝަރީއެކޭ ސިވިލް ސާވިސްއެކޭ ތަފާތެެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެސްޖީއެއް

10 October 2023

އަނިޔާ ލިބުނު. ދާންޖެހުނީ ސިޔާސީ މީހުންގެ ފިއްތުން ބޮޑު ވެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖހޖޖހ

09 October 2023

ހީކުރަން ވީ ކިހިނެށްކަން ޑރ ފާއިޒު މީޑިއާ އާހިއްސާކުރާނެކަމަށް. އޮފީހަށް ނައިސް އައިކަމައް ދެއްކިގެން އޮފީހަށް މަކަރު ހަދައިގެން އުޅޭ މުވައްޒަފެއްގެ ބާރު ގަދަ ކަމުން ވީކަމެކޭ ކިޔާ. ތެދެއްތަ މިއީ