ރާއްޖޭގެ ފުރަތަމަ މެންޓަލް ހެލްތު ކޮންފަރެންސް ފަށައިފި

ރާއްޖޭގައި ބާއްވާ ފުރަތަމަ މެންޓަލް ހެލްތު ކޮންފަރެންސް "އޮއެވަރު"ގައި ފަސްޓް ލޭޑީ ފަޒްނާ އަހުމަދު ބައިވެރިވެވަޑައިގަންނަވަނީ.-- ފޮޓޯ: އައިޖީއެމްއެޗު

އިފްރާޒް އަލީ، މިހާރު

15 އޮކްޓޯބަރ 2023 - 12:25

7 comments

ރާއްޖޭގައި ބާއްވާ ފުރަތަމަ މެންޓަލް ހެލްތު ކޮންފަރެންސް "އޮއެވަރު" އިއްޔެ ފަށައިފި އެވެ.

އެއީ އައިޖީއެމްއެޗްގެ ދަށުން ހިންގާ ނެޝަނަލް ސެންޓަ ފޯ މެންޓަލް ހެލްތުން އިންތިޒާމުކޮށްގެން އަހަރަކު އެއް ފަހަރު ބާއްވާ ގޮތަށް ފެށި ކޮންފަރެންސެކެވެ.

"އޮއެވަރު" ކޮންފަރެންސަކީ ރާއްޖޭގައި ބާއްވާ މިފަދަ ފުރަތަމަ ކޮންފަރެންސެވެ. މިއީ، ނަފުސާނީ ދުޅަހެޔޮކަމާ ބެހޭ ގޮތުން ހޭލުންތެރިކަން އިތުރުކުރުމަށާއި ސިޔާސަތުތައް ކަނޑައަޅާ ފަރާތްތަކާއި މަދަނީ ޖަމިއްޔާތައް އެއް ތަނެއްގައި މުއާމަލާތްކޮށް، ތަސައްވުރު ހިއްސާކުރަން ބާއްވާ ކޮންފަރެންސެކެވެ.

ރާއްޖޭގައި ބާއްވާ ފުރަތަމަ މެންޓަލް ހެލްތު ކޮންފަރެންސް "އޮއެވަރު" ގައި ވޯކްޝޮޕެއް ކުރިއަށް ގެންދަނީ. -- ފޮޓޯ: އައިޖީއެމްއެޗު

އައިޖީއެމްއެޗުން ނެރުނު ނޫސްބަޔާނެއްގައި ބުނި ގޮތުގައި މި ކޮންފަރެންސްގެ މި އަހަރުގެ ޝިއާރަކީ "ޗޭންޖިން ކަރަންޓްސް - ފޯމިން ކަނެކްޝަންސް" އެވެ.

އެ ކޮންފަރެންސްގެ ފުރަތަމަ ބައި ކަމަށްވާ ޕްރީ-ކޮންފަރެންސް ވޯކްޝޮޕްތައް ފެށީ އިއްޔެ އެވެ. އެ ވޯކްޝޮޕްތައް ބޭއްވީ ހ. މީރުމާ ހޯލުގަ އެވެ.

އައިޖީއެމްއެޗުން ބުނީ ދެ ދުވަހުގެ މި ކޮންފަރެންސް ސެޝަންތައް ކުރިއަށް ގެންދާނީ މިއަދާއި މާދަމާ، މާލެ އަތޮޅު ވިލާ ނޯޓިކާ ޕެރަޑައިސް ރިސޯޓުގަ އެވެ. އެ ސެޝަންތަކުގައި ކީނޯޓް ސްޕީޗުތަކާއި ރިސާޗު ހުށަހެޅުންތައް އަދި ޕެނަލް ޑިސްކަޝަންތައް ވެސް ކުރިއަށް ގެންދާނެ ކަމަށް އެ ހޮސްޕިޓަލުން ބުންޏެވެ.

ރާއްޖޭގައި ބާއްވާ ފުރަތަމަ މެންޓަލް ހެލްތު ކޮންފަރެންސް "އޮއެވަރު"ގައި ވޯކްޝޮޕެއް ކުރިއަށް ގެންދަނީ.-- ފޮޓޯ: އައިޖީއެމްއެޗު

ޕެރަޑައިސް ރިސޯޓުގައި މި ކޮންފަރެންސް ފެށުމުގެ ގޮތުން މިއަދު ހެނދުނު ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހްގެ އަނބިކަނބަލުން ފަޒްނާ އަހުމަދު ވެސް ބައިވެރިވެޑައިގަތެވެ.

އައިޖީއެމްއެޗުން ބުނި ގޮތުގައި، މި ކޮންފަރެންސްގައި ބައިވެރިވުމަށް 100 އަށް ވުރެ ގިނަ މީހުން ރަޖިސްޓްރީ ކޮށްފައިވެ އެވެ. އޭގެ ތެރޭގައި ނަފްސާނީ ދުޅަހެޔޮކަން ކުރިއެރުވުމަށް މަސައްކަތްކުރާ އެކި މުއައްސަސާތަކުގެ މީހުން ހިމެނެ އެވެ.

ސިއްހަތު އައިޖީއެމްއެޗު މެންޓަލް ހެލްތް ނަފްސާނީ ފަރުވާދޭ މަރުކަޒު

7 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފްއޮފިޝަލް

15 October 2023

ތީ ވަރަށް ރަގަޅުކަމެއް، ރާއްޖޭގެ ގިނަ މީހުނަކީ އަމިއްލަ ސިކުޑިން ވިސްނޭވަރުގެ ގާބިލްކަން ހުރި ބައެއްނޫން. އެހެންގޮތަކަށް ބުނާނަމަ، ސިކުނޑި އުނިބައެއް. އެހެން ނޫންނަމަ ނިމިދިޔަ އިންތިޚާބުގަ އިބޫ ކަޓުވާލާފަ މުއިއްޒެއް ނުހޮވީސް. މައުމޫނަށްފަހު އަދި ރަގަޅު އެއްވެސް ވެރިއެއް ނުފެނިގެން މިއުޅެނީ އެހެންވެ. ނަޝީދު ކަމަކުނުދިޔަ، ޔާމީން ކަމަކުނުދިޔަ އިބޫ ކަމަކު ނުދިޔަ، މުއިއްޒުވެސް ކަމަކުނުދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮރުނުދޯރު

15 October 2023

ރާއްޖޭގެ ގިނަބަޔަކީ ބޯގޯސްބައެއްކަމައްދެކި، ތިމާވަރުގެ ބޯރަނގަޅު އަނެކަކުނެތްކަމައް ދެކޭމީހުންނަކީ މުޖުތަމައުގަ ހިފަހައްޓާލެވޭވަރައްވުރެބޮޑައް ސިކުނޑިންދުންއެރީމަވާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

15 October 2023

ރައްޔަތުން މެންޓަލް ނުވާންވީ ސަބަބެއްނެތް. އަލިފާންފޮށިވަރު ތަންތަނުގަ ބަރިބަރިއަށް ތިބެންޖެހެނީ. ކުލިނަގާނެ ވަކި ސީލިންއެއް ނީޏްމާމަ ސަރުކާރަކުން ނޯވޭ، ހިތައްއެރިވަރަކަށް ލޭންޑްލޯޑް ކުލިނަގަނީ. އެކަމަކު މީތާ ނޫޅެ ކުދިންނަށް ކިޔަވައި ދެވޭކަށްނެތް. ގައުމު ޕްލޭންކޮށްފައި އޮތީ އެކަހަލަ ދުރުރަސްތާ ފްލޭނެއްނެތި. ދެންމަގުމަށްޗަށް ނިކުތީމަ ބޯހާސްވަނީ ދުއްވާއެއްޗެހި އެހާގިނަ. ތަނަކަށް ލަސްވެގެން ޓެކްސީއެއް ހޯދަން އުޅެބަލަ ނުލިބޭނެ. އެއީ މިގައުމުގެ ހާލު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

15 October 2023

ތި ހުރިހާ ކަމެއްގެ އަސްލަކީ ދިވެހިން ގަމާރުވުން. ނިމިދިޔަ ސަރުކާރުން ރާއްޖެތެރެ ތަރައްގީކުރަން ކުރަމުންދާ މަޝްރޫތައްހުއްޓަ، މާލޭ ބަޔަކަށް ގޯތިދިނީތީ ރުޅިއައިސްގެން އިބޫ އަށް ވޯޓް ނުދިނީ މާލޭގަ ކުއްޔަށްއުޅޭ މީހުން. މުއިއްޒުގެ ވައުދުތައްފުއްދަން ރާއްޖެތެރޭ މަޝްރޫތައް ހުއްޓާލީމަ ތިބޭނެ ވަރަށް ސައިބޮވިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައްޕީލެހެރީ

15 October 2023

ތިކަހަލަ އެއްލައްކަ ކޮންފަރެންސް ބޭއްވިއަކަސް ކުރާނީ ކޮން ފައިދާއެއްތޯ އެންމެ ފުރަތަމަކަމަކަށް ގައުމުގެ މައި ހޮސްޕިޓަލުން ނަފުސާނީ ޑޮކްޓަރަކަށް ދައްކަން ނަންބަރެއް ނުލިބެންޏާ. މަސްދެމަސް ދުވަހު މަޑުކުރަން އެބަޖެހޭ، ބަލި މަޑުން ހުންނާނެތަ ނަންބަރެއް ލިބެންދެން. ހުރިހާކަމެއްވެސް ރާވަފަ އޮތީ ފުލްޓައިމް ޕްރައިވެޓް ކްލިނިކު ހިންގާގޮތަށް. ބައެއް ޑޮކްޓަރުުން ހޮސްޕިޓަލް ޑިއުޓީއަށް ސަލާމް ބުނެފައި ކުލިިނިކު ޑިއުޓީގަ އެބަތިބޭ. އެތަންތަނުގެ އަގު އެހާބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

15 October 2023

ތިތަނުން ވެރިކަން 2 ވަނަަަ ދައުރަކަށް ނުލިބެނީމެންޓަލީ ކަމަކުން ތޯ ބެލިދާނެތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

15 October 2023

އެއީ ވަރަށް ޔަގީންކަމެއް، ކޮންމެ މީހަކުވެސް ވެރިކަމުގަ 2 އަހަރުވާއިރަށް ކަމުނުގޮސްގެން ހަޅޭލަވަންފަށާނެ. ވަގޮތަކީ ވެރިކަންބޭނުންނުވާ މީހަކުނެތް. ސިޔާސީ މީހުނަށް ރައްޔިތުންގެ ބޯ އެހާ ފަސޭހައިން ކާލެވެނީ މެންޓަލް މައްސަތައް ގިނަވީމަ.