މާލެ ސަރަހައްދުގެ ފެރީތަކުގައި ކާޑުން ފައިސާ ދެއްކޭ ގޮތް ހަދައިފި

ފެރީގެ ޓިކެޓު ނިޒާމު އާރްޓީއެލްގެ ޕްލެޓްފޯމަށް ބަދަލުކޮށް ކާޑުން ފައިސާ ދެއްކޭނެ ގޮތް މިއަދު ވަނީ ހަމަޖައްސާފަ. -- ފޮޓޯ: ފަޔާޒް މޫސާ | މިހާރު

އައިޝަތު ޖަޒްލީ، މިހާރު

16 އޮކްޓޯބަރ 2023 - 12:30

8 comments

ވިލިނގިލި، ހުޅުމާލެ، ތިލަފުށި އަދި ގުޅީފަޅު ހިމެނޭ ގޮތަށް ގްރޭޓާ މާލެ ސަރަހައްދުގެ ފެރީގެ ހިދުމަތް އާރްޓީއެލް ޓްރެވަލް ޕްލެޓްފޯމަށް ބަދަލުކޮށްފި އެވެ.

އެމްޓީސީސީިން ބުނީ މިއަދުން ފެށިގެން މާލެ-ވިލިމާލ،ެ މާލެ-ތިލަފުށ،ި މާލެ-ގުޅީފަޅ، އަދި މާލެ-ހުޅުމާލެ ފެރީ ޓިކެޓް އާރްޓީއެލް ޓްރެވެލް އެޕާއި ވެބްސައިޓުން ލިބޭނެ ކަމަށެވެ. އަދި މިއަދުން ފެށިގެން އާރްޓީއެލް މޯބައިލް އެޕާއި ވެބްސައިޓް މެދުވެރިކޮށް ކިއުއާރް ޓިކެޓު ގަނެގެންނާއި ގްރޭޓާ މާލޭ ފެރީ ޓާމިނަލްތަކުގެ ޓިކެޓް ކައުންޓަރުތަކުން ކަރުދާސް ކިއުއާރް ޓިކެޓް ގަނެގެން ފެރީގެ ހިދުމަތް ހޯދޭނެ އެވެ.

ބީއެމްއެލް އާއި އެހެން ބޭންކުތަކުން ދޫކޮށްފައިވާ ކޮންޓެކްޓްލެސް ވިސާ ކާޑު، ކްރެޑިޓް، ޑެބިޓް އަދި މާސްޓާ ކާޑުން ޓާމިނަލްތަކުގައި ހަރުކޮށްފައި ހުރި ވެލިޑޭޓަރުތަކުގައި ޓެޕްކޮށްގެން ފެރީގެ ހިދުމަތަށް ފައިސާ ދެއްކޭނެ އެވެ.

އެމްޓީސީސީން ބުނީ ޓްރެވަލް އެޕުން އެއްފަހަރާ 10 ޓިކެޓާ ހަމައަށް ޓިކެޓް ގަނެވޭނެ ކަމަށެވެ. އަދި މިގޮތަށް ގަންނަ ޓިކެޓުން ސިންގަލް ޖާނީއަށް ގަންނަ އެންމެ ދަތުރެއްގެ ޓިކެޓު ހަތް ދުވަހުގެ މުއްދަތު ހަމަވަންދެން ބޭނުން ކުރެވޭނެ ކަމަށާއި ވިލިމާލެ އާއި ތިލަފުއްޓަށް ގަންނަ މަލްޓިޕަލް ޖާނީ ޓިކެޓް 30 ދުވަހުގެ ނިޔަލަށް ބޭނުން ކުރެވޭނެ ކަމަށް އެ ކުންފުނިން ބުންޏެވެ.

އެމްޓީސީސީން ބުނީ ޓިކެޓިންގެ ނިޒާމަށް ގެނައި ބަދަލާ ގުޅިގެން، ކަސްޓަމަރުންނަށް މިހާރު ދޫކޮށްފައިވާ ދަތުރު ކާޑުތައް ޑިސެމްބަރު މަހުގެ 30 ވަނަ ދުވަހުގެ ނިޔަލަށް ބޭނުންކުރެވޭނެ ކަމަށެވެ. އަދި މި ކާޑުތައް ޓޮޕްއަޕް ކުރެވޭނީ ޑިސެމްބަރު 1 ގެ ނިޔަލަށް ކަމަށް ވެސް އެމްޓީސީސީން ބުންޏެވެ.

އާރްޓީއެލްގެ ޕްލެޓްފޯމުން ގަންނަ ކިއުއާރް ޓިކެޓު ބޭނުން ކުރެވޭނީ އެ ޓިކެޓެއް ނަގާ ރޫޓަކަށް އެކަންޏެވެ. ޓިކެޓިންގެ ނިޒާމު ބަދަލުވިޔަސް ކުރިއެކޭ އެއްގޮތަށް 65 އަހަރުން މަތީގެ މީހުންނާއި ތިން އަހަރު ނުވާ ކުޑަކުދިންނާއި ނުކުޅެދުންތެރިކަން ހުންނަ މީހުންނަށް ފެރީގެ ހިދުމަތް ހިލޭ ލިބޭނެ އެވެ.

އެމްޓީސީސީ

8 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

17 October 2023

އާޒިމް އައި ފަހުން އެމްޓީސީ އަށް ވަނީ ވ ރަނގަޅު ބަދަލު ތަކެއް އައިސް ފަ އެވެ. ވެރިކަން ބަދަލު ވިއަސް އާޒިމް ބަހައްޓަން ފެނެ އެވެ. ނަތީޖާވެސް އެބަ ފެނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 October 2023

ކ.އަތޮޅު މާލޭގެ ބަހުގެހިދުމަތަށްވުރެން އެތައްތަނެއް ބޮޑުކޮށް އައްޑޫސިޓީގައި ބަސް ދަތުރުގެ ޓިކެޓް އަގު ބޮޑުކޮށްފައިވަނީ ކީއްވެގެންތޯ؟ އަދި އައްޑުއާއި ފުވައްމުލަކަށް ލާންޗްގައި ދެވޭ އަގު އެންމެ ރަނގަޅު ކަމުގައިވިޔަސް އައްޑުއާއި ހުވަދޫ އަތޮޅާއި ދެމެދުގެ ޓިކްޓް ރަނުގެއަގަށް އަގު އުފުލާފައިވާތީ މިރޫޓްގައި ދަތުރުކުރުން ވަރަށްމަދުކަމަށް ދައްކާ. # ދެކުނުގެ ދަތުރުތަކުގެ އަގު އަލުންމުރާޖާކޮށް ހިދުމަތާއިއެއްވަރަށް އަގު ތިރިކުރާންޖެހޭ. އޭރުން ތިކަންކުރެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 October 2023

ދައުލަތުގެ ޕަބްލިކް ޓްރާންސްޕޯޓްގެ ތެރެއިން "ދިވެހި ރައްޔިތުނަށް" ހިލޭ ހަމަޖައްސާފައިވާ ހިދުމަތް ތައް ބިދޭސިފަރާތްތަކަށް ކުންފުނީގެފަރާތުން ދެމުންގެންދާކަން ފާހަގަކުރެވޭ. # މިގޮތުން 65 އަހަރުން މަތީގެ ސީނިއަރ ސިޓިޒަނުން ނަށް ޙާއްސަކޮށްފައިވާ "ހިލޭ ދަތުރުތައް" ރާއްޖޭގައި ވަޒީފާ އަދާ ކުރާ ބިދޭސިންނާއި ޓްއަރިސްޓުންގެ ގޮތުގައި ތިބޭ ބިދޭސި ފަރާތް ތަކުންވެސް ބޭނުން ކުރާން ކުންފުނިން އޮތީ ފުރުސަތު ދީފައި. މިއީ މިކަން ކުރަން އޮތް ގޮތް ކަމަކަށް ނުދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 October 2023

ބެންކްތަކުގެ ސެކިއުރިޓީ ހާލަތުހުރިގޮތުން ދަތުރުތަކަށް ފައިސާދެއްކުމަށް ބެންކްކާޑް ބޭނުންކުރުމަކީ ރައްކާތެރިގޮތެއްނޫން. # ދަތުރުކުރާ މީހުންގެތެރެއިން "ބޭނުންވާ ބަޔަކަށް" ދަތުރުކާޑް ގަންނާންލިބޭނެގޮތް ހަމަޖައްސާދެއްވާ. މިކަމަށް ކުރާންޖެހޭ ހުރީޙާޙަރަދެއް ކުންފުނީގެފަރާތުން ކޮށްފައި ކާޑްހެދުމަށް ބޭނުންވާ ޕްލާސްޓިކް ކޮޅު ހުސްވެގެން އަބަދަށް ކާޑުގެހިދުމަތް ހުއްޓާލައިގެން ނުވާނެ. އަލުން ކާޑު ދޫކޮށް ރާއްޖޭގެ ކޮންމެ ހިސާބަކުންވެސް ބޭނުންކުރެވޭގޮތް ހަދާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާހިރު

16 October 2023

މިހާރު މިއީ ކާޑުގެ ޒަމާނެއްވެސް ނޫނެއްނޫންތޯއެވެ. ކާޑުން ކަނޑާލެވޭހާ ފަސޭހައިން އެޕް މެދުވެރިކޮށް ފޯނު ދައްކާލައިގެން ޓިކެޓް ކަނޑާލެވޭނަމަ އަދި މާފުރިހަމަވީހެވެ. ކާޑު އަތަށްލައިގެން އުޅުމަކީވެސް ފަސޭހަކަމެއްނޫނެވެ. ނަމަވެސް މިހާރު ސްމާޓްފޯނެއް ނޯންނަމީހަކު މަދުވާނެއެވެ.