ތަރުޖަމާނު ފިރުޒުލް: ސިއްހީ ހިދުމަތްތައް ހުއްޓިދާނެ ކަމުގެ ބިރު އެބައޮތް ކަމަށް ވިދާޅުވި
16 އޮކްޓޯބަރ 2023 - 13:42
78 comments
ސިއްހީ ހިދުމަތް ފޯރުކޮށްދޭ ހޮސްޕިޓަލްތަކާއި ސިއްހީ މަރުކަޒުތަކުގެ ބައެއް ހިދުމަތްތައް އެއްކޮށް ހުއްޓާލަން ޖެހިދާނެ ކަމުގެ ބިރު އެބައޮތް ކަމަށް އިންތިހާބީ ރައީސް ޑރ. މުހައްމަދު މުއިއްޒުގެ އޮފީހުން މިއަދު ބުނެފި އެވެ.
ސަރުކާރު ބަދަލުވުމުގެ މަރުހަލާގެ ތެރެއިން އިންތިހާބީ ރައީސްގެ އޮފީހުގެ ފަރާތުން ދަނީ އެކި އިދާރާތަކަށް ޒިޔާރަތް ކުރަމުންނެވެ. އެ ޒިޔާރަތްތަކާ ގުޅޭ ގޮތުން މައުލޫމާތު ދިނުމަށް ބާއްވަމުން އަންނަ ނޫސްވެރިންގެ ބައްދަލުވުމުގައި އިންތިގާލީ މަރުހަލާގެ ތަރުޖަމާނު މުހައްމަދު ފިރުޒުލް މިއަދު ވަނީ ސިއްހީ ނިޒާމުގެ ތެރެއިން ފާހަގަ ކުރެވުނު ބައެއް ކަންބޮޑުވުންތައް މިއަދު ހިއްސާ ކުރައްވައިފަ އެވެ.
ފިރުޒުލް ވިދާޅުވީ، ލެބޯރެޓަރީގައި ބޭނުންކުރާ ކެމިކަލާއި ސިރިންޖު ފަދަ އެއްފަހަރު ބޭނުންކޮށްފައި އުކާލަންޖެހޭ ސާމަނަކީ ވަކި އުސޫލަކުން އޯޑަރުކޮށް، ސްޓޮކް ބަލަހައްޓަމުން ގެންދަންޖެހޭ ތަކެއްޗައް ވާއިރު އެގޮތަށް އަމަލު ކުރަމުން ނުދާ ކަމަށެވެ.
"ކޮންމެ އަހަރަކު ދެ ފަހަރު ޕީއޯ ރެއިޒް ކުރަމުން މިދަނީ މިފަދަ ސާމަނަށް. އެހެން ނަމަވެސް މި އަހަރުގެ މިހާތަނަށް އައި އިރު ވެސް މި އަހަރުގެ ދެވަނަ ހަ މަސް ދުހަވަށް ބޭނުންވާ ސާމާނަށް ޕީއޯ ނުވަތަ އޯޑާ ރެއިސް ކޮށްފައެއް ނުވޭ. އޭގެ ސަބަބުން ފާހަގަ ކުރެވޭ ހޮސްޕިޓަލްތަކާއި ހެލްތު ސެންޓަރުތަކުގައި ހިދުމަތްތައް ހުއްޓެމުންދާ ތަން،" ފިރުޒުލް ވިދާޅުވި އެވެ.
"ވަރަށް ބޮޑަށް ފާހަގަކުރެވޭ ކަމަކީ މި ހާލަތު މިގޮތަށް ދެމިގެން ގޮސްފި ނަމަ ނޮވެމްބަރު މަހާ ހަމައަށް އަންނައިރު ހޮސްޕިޓަލްތަކާއި ހެލްތު ސެންޓަރުތަކުގެ ވަރަށް ގިނަ ހިދުމަތްތައް އެކީ އެކައްޗަކަށް ހުއްޓުމަށް އައުމަކީ އެކަށީގެންވާ ކަމެއް. އެ ކަންބޮޑުވުން އަޅުގަނޑުމެންނަށް ވަރަށް ބޮޑަށް ފާހަގަކުރެވޭ."
ފިރުޒުލް ވިދާޅުވި ގޮތުގައި، މިހާރު ހޮސްޕިޓަލްތަކާއި ހެލްތު ސެންޓަރުތަކުން ހިދުމަތްތައް ދެމުން ގެންދަނީ އިމެޖެންސީ ސްޓޮކްގައި ހުރި ސާމާނު ބޭނުންކޮށްގެންނެވެ. މިހާތަނަށް ސާމާނަށް އޯޑަރު ނުކުރީ އޭނާ ވިދާޅުވި ގޮތުގައި އެކަމަށް ބޭނުންވާ ފައިސާ ހަމަނުޖެހި އޮތުމުން ކަމަށް މައުލޫމާތު ލިބިފައިވެ އެވެ.
ކޮންމެ އަހަރަކު ދެ ފަހަރު ޕީއޯ ރެއިޒް ކުރަމުން މިދަނީ މިފަދަ ސާމަނަށް. އެހެން ނަމަވެސް މި އަހަރުގެ މިހާތަނަށް އައި އިރު ވެސް މި އަހަރުގެ ދެވަނަ ހަ މަސް ދުހަވަށް ބޭނުންވާ ސާމާނަށް ޕީއޯ ނުވަތަ އޯޑާ ރެއިސް ކޮށްފައެއް ނުވޭ. އޭގެ ސަބަބުން ފާހަގަ ކުރެވޭ ހޮސްޕިޓަލްތަކާއި ހެލްތު ސެންޓަރުތަކުގައި ހިދުމަތްތައް ހުއްޓެމުންދާ ތަން،"--- ފިރުޒުލް
އައިޖީއެމްއެޗްގައި ގާއިމްކޮށްފައިވާ ހިތުގެ ބަލިތަކަށް ހާއްސަ ސެންޓަރާއި ނޭޝަނަލް ޔޫރޮލޮޖީ ރީނަލް އެންޑް ފާޓިލިޓީ ސެންޓަރަށް ހިދުމަތް ފޯރުކޮށްދެމުންދާ ބޭރުގެ ކުންފުންޏަށް ފައިސާ ނުދޭތީ ބޮޑު ބިލެއް އެބަ އޮތް ކަމަށާއި އެއީ ޖުމްލަ 5.3 މިލިއަން ޑޮލަރު ކަން ފިރުޒުލް ހާމަކުރެއްވި އެވެ.
ފައިސާ ނުދައްކައި ހުރި ގިނަ ބިލްތަކަކީ އެ ސެންޓަރުތަކަށް ބޭނުންވާ ސާމަނު ފޯރުކޮށްދީފައިވާ އަގުގެ ބިލްތަކަކެވެ.
"މި ބިލްތައް ނުދައްކައި ހުރުމުގެ ސަބަބުން މި ސެންޓަރުތަކުގެ ހިދުމަތް ވެސް ހުއްޓިދާނެ ކަމީ އެއީ އަޅުގަނޑުމެން ކަންބޮޑުވާ ކަމެއް،" ފިރުޒުލް ވިދާޅުވި އެވެ.
އޭނާ ވިދާޅުވީ، ސަރުކާރުގެ އެންމެ ބޮޑު ހޮސްޕިޓަލް، އައިޖީއެމްއެޗްގައި ބަޖެޓްގެ ދަތިކަން ވަރަށް ބޮޑު ކަމަށާއި މި އަހަރުގެ ބާކީ ދުވަސްތަކަށް ފައިސާ ހަމަޖެހިފައިވަ ނީ ހަމައެކަނި މުވައްޒަފުންގެ މުސާރަ އަށް ކަމަށެވެ. ތަނުގެ މަރާމާތާއި މެޝިންތަކުގެ މާރާމާތުގެ މަސައްކަތްތައް ވެސް ފައިސާ ނެތުމުގެ ސަބަބުން ހުއްޓުމަކަށް އައިސްފައިވާ ކަމަށް ފިރުޒުލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕަޕެޓް
17 October 2023
މުޅި ދުނިޔެ ހުއްޓި ބޯޑަރުތައް ބަންދުކޮށްފާ އޮތް އިރުވެސް ހޮސްޕިޓަލްތައް ނުހުއްޓޭ. ބަޔަކު ދިވެހިން ބަނޑަށް ޖެހޭތޯ ހިތާހިތުން ކިޔާލަކިޔާލަ ތިއްބާ އިގްތިސާދު ކޮޅަށް ޖެހީ
ވާން ޗޯސް
17 October 2023
ނުވާނަމަ ބަހަނާ ނުދައްކާ ތަރައްގީގެ ބާނީއާ ހަވާލު ކުރޭ، އަދި ހަވާލުނުވޭ ކޮން އުޒުރެއް ތިދައްކަނީ؟
ހުރިހާކުރޮހާ
17 October 2023
މެޑްޓެކަށް އެއްޗެއް ދޭން ޖެހޭނެ
ގުޑްލަކް މުއީޒް
17 October 2023
ދައުލަތް ހިންގުމަކީ ޗެލެންޖިންގ ކަމެއް. އެއްޗެއް އޯޑަރުނުކޮށްގެން މައްސަލަ ޖައްސާ ބޮޑާހާކާވަރަށްވުރެ ޕްރޮފެޝަނަލް ވާންވާނެ، ދައުލަތާ ހަވާލުވަނީ އެއިރެއްގައި އޮތް ގޮތަކަށް، ކޮމިޓްމަންޓްތަކާއިވެސް އެކު. މުއީޒުމެން ދޫކޮށްލި ސަރުކާރާއިވެސް ހަވާލުވީ އެތަކެއް އުނދަގުލަކާއިއެކު، އަނބުރާ ރަނގަޅުކުރަންޖެހުނު އެތަކެއް ކަމެއް އޮތް. މިއީ މޯލްޑިވިއަން ސުޓޫޑަންޓް އެސޯސިއޭޝަން ހިންގި ގޮތަށް ހިންގޭނެ ތަނެއްނޫން
އެޑްމުންޑޯ
17 October 2023
ކަލޯ ދައުލަތަކުން އެދައުލަތެއް ހިންގުމަށް އޮންނަ އުސޫލްތަކާއި ޚިލާފަށް ކަންތައްތައް ކޮއްފައިވާނަމަ އެކަމަުގެ ދަތކަން ފޯރާނެ ، އެވާހަކަ ދައްކަން ޖެހޭނެ ، ރައްޔިތުންނަށް ވާނުވާ އޮޅުންފިލުވާ ދޭންޖެހޭނެވެސްމެ ، އެއީ ޗެލިންޖެއް ކަމަކޭކިޔާފައި ތުންފިއްތާލާގެން ތިބެގެން ނުވާނެ ،
އަފްރާސިޔާބު
17 October 2023
ނުއެއް ހުއްޓޭނެ. ތިވެގެން އުޅޭ ކަމަކީ ބުނެވޭ ގޮތުގައި އިންތިޚާބަށް ފައިސާ ހޭދަކުރި ކުންފުންޏަށް އެފައިސާ އަނބުރާ ދޭނެ ގޮތެއް ތިހޯދަނީ. އަހަރުގެ މިހާ ހިސާބަށް ދާއިރު ބައެއްބޭސް ހުންނައިރުވެސް ނުހުންނަ ކަމަށް ބުނޭ. ދެން ކޮންމެވެސް ވަރަކަށް ބައެއްބޭސް ނުހުރެވެސް ދާނެ. ފެށޭ އަހަރުގެ ފުރަތަމަ ތިންމަހަށް ބޭނުންވާ ބޭސް ވެސް ހުންނާނެ.
ވާވާ
17 October 2023
މީނާއަށް ހީވެގެން މިއުޅުނީ އަދިވެސް މިއީ ކެންޕޭންތެރެ ކަމަށް! އަދިވެސް މީނާ މިއުޅެނީ ފިތުނަ ނުފެތުރިގެން!
މުނާފި ޤު
16 October 2023
ޙުވާ ނުކުރެވެނީސް ވެއްޓޭ ތަން ފެންނަނީ!
އިންތިހާބުނިމިއްޖެ
16 October 2023
ކޮއިފުޅާ މިހާރު އިންތިހާބު ނިމިއްޖެ. ފިތުނަ ދޮލަނގު ބޮލަށްލައިގެން ދުވެނަގައިގެން ނަމަވެސް ތިއޮތީ ވެރިކަން ލިބިފައި. އަދި ރައްޔިތުން ވެރިކަން ހަވާލުކުރީކީ ގަދަކަމުންނެތް ނޫން. އެކަމަށް އެދި ރޮއިއާދޭސްކޮށްގެން. މިހާރު ކެމްޕެއިން ނިމި ތިއޮތީ ވެރިކަން ލިބިފައި. ދެން އެސަރުކާރޭ މިސަރުކާރޭ އެފައިސާއޭ މިފައިސާއޭ ކިޔާނެ ކަމެއްނެތް. ވެރިކަންކުރަންޏާ ކުރަންވީ. ނުކުރެވެންޏާ އެއްކާރިވާންވީ. އިތުރު ބަހަނާތަކެއް ދައްކާނެކަމެއްނެތް.
ނާޒިމް ކުދޫ
16 October 2023
ކެތް ކޮށްބަލަ ވެރި ކަމާ ހަވާލު ވަންދެން. ކުރަންޖެހޭ ކަންތައް ނުކޮށް އަދިވެސް ސަރުކާރު ސަރުކާރު ކިޔާލަ ކިޔާލާ. ދެން ކިޔާނީ ކުރީ ސަރުކާރު ކުރީ ސަރުކާރު ކުރީ ސަރުކާރު ކުރީ ސަރުކާރު ކުރީ ސަރުކާރު ކުރީ ސަރުކާރު ކުރީ ސަރުކާރު މިހެން ކިޔާލަ ކިޔާލާ 5 އަހަރު ދުއްވާލާނީ. ބަލަ ވެރިކަން މި ދިނީ ކަންތައްތައް ގޯހުން ގޯހަށްދާތީ ރަންގަޅު ކުރަންށޭ. މިވަރު ނޭގޭ މީހުން މި އަންނަނީ.
މަހާނަ ގާ
16 October 2023
ފާއިތުވަމުންމިދާ ސަރުކާރުގެ އެންމެބޮޑު އިހުމާލެއްވެފައިވާ ދާއިރާއަކީ ސިއްހީ ދާއިރާ.. ސިއްހީ ދާއިރާ އަށް ގެނައި ތަރައްގީ އަކީ ރާއްޖެތެރޭގެ 5 ތަނެއްގައި ޓާރޝަރީ ލެވެލްގެ ހޮސްޕިޓަލް ހެދުންކަމަށް އަޑުއަރުވާފަ އެކަން ދިޔައީ އެއްވެސް ތާކުންތާކު ނުޖެހި. 5 އަހަރު ވެގެންދިޔައިރު ރާއްޖޭގެ އެންމެ ބޮޑު ހޮސްޕިޓަލަށް އިތުރު ކުރެވުނު އަދި ޑިވެލޮޕް ކުރެވުނު އެއްވެސް އެއްޗެއް ނެތް. ދަރުމަވަންތަ ހޮސްޕިޓަލުދެކެ އަންނަ ރުޅި ބޭލީ މުޅި ހެލްތް ސެކްޓަރ އަށް. ހަސަދަ.
ބުހުތާންބެ
17 October 2023
އެހެން ވީމަތާ ރާއްޖޭގެ ރަށްތަކައް 150 އެއްހާ އެމްބިއުލަންސް ގެނައީ. އެއީ ޕީނަޓުވިއްޔާ. ޢެއްޗެއް 2-3 ރުފިޔާއަށް ގަނެލެވޭނެތާ! ތިބުނާ ދަރުމަވަންތަ ހޮސްޕިޓަލެއްވެސް އެއީ 25 ބުރީގެ ޓަވަރަކާއި 10 ބުރީގެ ދެޓަވަރު ހަދަން 140 މިލިޔަނަށް ހަވާލުކުރި ތަނެއް. ނިމުނުއިރު ހުރީ 40 މިލިޔަން ޑޮލަރަށް ހެދޭނެތަނެއް. މިސަރުކާރުން އެތަނަށް ތަކެތިހޯދައި ޚިދުމަތްދެވޭވަރު ކުރީ. އަދިވެސް ހޯއްގޮވާ.