ރައީސް ޑރ. މުހައްމަދު މުއިއްޒު މިއަދު ރައީސް އޮފީހުގައި ނޫސްވެރިންނާ ބައްދަލުކުރައްވަނީ. -- ފޮޓޯ: ރައީސް އޮފީސް
05 ޑިސެމްބަރ 2023 - 17:48
187 comments
ހިޔާ ފްލެޓްގެ ކުލި ހަތް އަހަރުގެ މުއްދަތަށް ކުޑަކުރަން ސަރުކާރުން މިއަދު ނިންމައިފި އެވެ.
ރައީސް އޮފީހުގައި މިހާރު ކުރިއަށް ދާ ނޫސްވެރިންގެ ބައްދަލުވުމުގައ ރައީސް ޑރ. މުހައްމަދު މުއިއްޒު ވިދާޅުވީ ހިޔާ ފްލެޓްތަކުގެ ފިނިޝިން އަށް، ފްލެޓް ލިބުނު ފަރާތްތަކުން ކުރި ހަރަދުން 200،000ރ. އުނިކުރުމަށް ހިޔާ ފްލެޓްގެ ކުލި ހަތް އަހަރަށް ކުޑަކުރަން ވަޒީރުންގެ މަޖިލީހުން މިއަދު ނިންމާފައިވާ ކަމަށެވެ.
މިގޮތަށް ހަމަޖެއްސުމުން ކުރިއަށް އޮތް ހަތް އަހަރު ހިޔާ ފްލެޓްގެ މަހު ކުއްޔަށް ދައްކަން ޖެހޭނީ 3،900ރ. ކަމަށް ރައީސް ވިދާޅުވި އެވެ.
މީގެ އިތުރުން ވިނަރެސްގެ ފްލެޓްތަކުގެ ޑައުންޕޭމަންޓާއި މަހު ކުލި ވެސް ކުޑަކުރަން ނިންމާފައިވާ ކަމަށް އެމަނިކުފާނު ވިދާޅުވި އެވެ. މިއަދު ސަރުކާރުން ނިންމާފައިވަނީ ޑައުންޕޭމަންޓަށް ދައްކާ އަދަދު 50 ޕަސެންޓް ކުޑަ ކުރުމަށާއި މިހާރު މަހު ކުލީގެ ގޮތުގައި ދައްކާ އަދަދު އެވްރެޖްކޮށް 4،200 ރުފިޔާ އުނިވާ ގޮތަށް ކުޑަކުރާށެވެ.
މީގެ އިތުރުން ރަށްރަށުގައި އަޅާފައި ހުރި ހައުސިން ޔުނިޓްތަކުގެ ކުލި 3،300ރ. އަށް ކުޑަކުރަން ވެސް ވަނީ ނިންމައިފަ އެވެ.
ހިޔާ ފްލެޓްތައް ހަދަން ހޭދަކުރި ފައިސާ އަނބުރާ ދިނުމާއި އެހެން ފްލެޓްތަކުގެ އަގު ކުޑަކޮށް ދިނުމަކީ ރައީސް މުއިއްޒުގެ ރިޔާސީ ވައުދެކެވެ.
ރައީސް މިއަދު ވިދާޅުވި ގޮތުގައި ހުޅުމާލެ 1 ގަ އާއި ރާއްޖޭގެ އެކި ރަށްރަށުގައި ސަރުކާރުން އަޅާފައިވާ ސޯޝަލް ހައުސިން ޔުނިޓްތަކުން ކުލި ނުދެއްކުމުގެ ސަބަބުން އަރާފައިވާ ޖޫރިމަނާތައް މާފުކޮށްދެއްވާނެ ކަމަށެވެ. އަދި ނުދެއްކި ހުރި ކުލި ބަހާލައިގެން ދެއްކޭނެ ގޮތް ވެސް ހަމަޖައްސާނެ ކަމަށް ވިދާޅުވި އެވެ. އޭގެ އިތުރުން، ކުރިން ވެސް ވިދާޅުވެފައިވާ ގޮތަށް، ފްލެޓާއި ގޯތި ލިބޭނެ ކަމަށް ގެޒެޓްކޮށްފައިވާ ލިސްޓެއްގައި ނަން އޮވެއްޖެ ނަމަ އެ މީހަކަށް އެ ލިބޭނެ ކަމަށް މިއަދު ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމްވަން ކޮންސަރންޑް
07 December 2023
ހިޔާ އަދި ވިނަރެސް ނޫނަސް މިތަނުގައި ކުއްޔަށް އުޅޭ މީހުން އެބަ އުޅޭ. ކޮބާ އެމީހުންގެ ހައްގު؟ ރާއްޖޭގައި ރެންޓް ކޮންޓްރޯލް ކުރާނީ ކޮންއިރަކު؟
ހޯމްލެސް މޯލްޑިވިއަންސް
06 December 2023
ރާއްޖޭގައި ގެދޮރެއްނެތި ކުލިދައްކައިގެން އުޅޭމީހުންގެ އަދަދު ހާމަކުރަން ސަރުކާރަށް ކެރޭނެތަ؟
ކޮބާހައްގު
06 December 2023
ހިޔާ ފްލެޓް ހައްގު ގޮތުގައި ލިބިގެން އަސްލު ދިރިއުޅުމަށްޓަކައި އުޅެނީ ކޮންބައެއްތޯ ބަލާނުލާ ކުލި ކުޑަކުރުމަކީ އެއްބަޔަކަށް ލިއްބައިދޭ ބޮޑު ފައިދާގަނޑެއް. އެތައް އެތައް ބަޔަކު ވަނީ އެތަންތަން ބޮޑު އަގުގަ ކުއްޔަށްދީފަ. މިހާރު އެ ބޮޑު ކުލީގަ އުޅޭ މީހުން އެދެންވާނެ އެތަންތަން ކުއްޔަށް ނެގި މީހުން އަތުން އެމީހުންނަށްވެސް ކުލި ކުޑަކޮށްދޭން. ބޮޑުއަގުގަ ކުއްޔަށް އުޅޭނެކަމެއް ނެތް.
ހާޝިމް
06 December 2023
އަހަރެން ހިޔާފުލެޓްގައި ނޫޅުނަސް ތިފަދަ އޯގާތެރި ނިންމުމެއް އެތައް ރައްޔިޔަކާ ގުޅޭ ކަމެއްގައި ނިންމެވީތީ ވަރަސް އުފާކުރަން
އިބުރާ
06 December 2023
ތިގޮތަށް އަގު ކުޑަކުރުމަކީ އެއްވެސް މައްސަލައެއް ނޫން. އެކަމަކު ވޭތުވެ ދިޔަ ދުވަސްތަކުގައި ބަރާބަރަށް ކުލި ނުދައްކާ ފަރާތްތަކަށް ތިފަދަ ލުއިތަކެއް ދިނުމަކީ ބަރާބަރަށް ކުލި ދައްކާ ފަރާތްތަކާއި މެދު ވެވޭ ވަރަށް ބޮޑު އިހުމާލެއް. ހަމަ އެކަނި އެފުރުސަތު ލިބެންވާންވާނީ ރަގަޅު ގޮތުގައި ކުލި ދައްކާ ފަރާތްތަކަށް އެކަނި.
އައްބާސް ފަޒުރީ
06 December 2023
ސާބަހޭ މި ރައީސަކީ ނިކަމެތިންގެ އިހުސާސް ތައް ދަންނަ ރައީސްސެއް.
ހަލުފާ
06 December 2023
ޝުކުރިއްޔާ ރައީސް. ޑައުންޕޭމަންޓައް 400،000 ދައްކާނީ ކިހިނެތް. 400،000 އެއްފަހަރާ ދުވަހަކު ނުވެސް ދެކެން. ނިކަމެތިންނަށް ވެސް ސޯޝަލް ހައުސިންގ ލިބެން ޖެހެނޭ. މުއްސަދިން ގަނެބަލަ ރެއިންބޯ ކަހަލަ ލަގްޒަރީ އެޕާޓްމަންޓް.
ފިޔާޒް ހަލީމް
06 December 2023
3900 ހަމަޖެއްސުމުން 7000 ފްލެޓުން ކުލި ބަރާބަރށް ދެއްކީމާ ލިބޭނީ މަހަކު 27.3 މިލިޔަން . މިހާރު ބަރާބަރަށް ކުލިދައްކަނީ 3000 ފުލެޓުން އެހެންވީމާ މަހަކު ލިބެނީ 17.7 މިލިޔަން. އެހެންވީމާ މުއިއްޒު ނިއްމުން ރަގަޅު. ދައލަތަށް ލިބޭ ފައިސާ ގިނަވީ.
ފައްސާން ވިލީދު
06 December 2023
މިއީ މިދައްކާ ވާހަކަ އަކީ. ފްލެޓް ކުލިވެސް ކުޑަ ކޮށްފި. ފްލެޓް ވެސް އަޅާނެ.
ނަޖީބު މޫސާ
06 December 2023
ދިވެހިން ޝުކުރުކުރަންވެސް ދަސްކުރަން އެބަޖެހޭ. ޙިޔާ ފްލެޓް ބޭނުންވެ ނުލިބިފަވެސް އެތައްބަޔަކު ހަމަ ޔަގީނުންވެސް ތިބޭނެ.