އެމްޑީޕީގެ އާ ޗެއާޕާސަން ކަމަށް އިންތިހާބުވި ހަސަން ލަތީފް ނޫސްވެރިންނާ ވާހަކަދައްކަވަނީ. -- މިހާރު ފޮޓޯ
11 ފެބުރުއަރީ 2017 - 22:06
36 comments
އެމްޑީޕީން ކުރިއަށް އޮތްތަނުގައި އެންމެ ބޮޑު އިސްކަމެއް ދޭނީ، 2018 ވަނަ އަހަރު އޮންނަ ރިޔާސީ އިންތިހާބުގައި އެ ޕާޓީގެ ފަރާތުން ކުރީގެ ރައީސް މުހައްމަދު ނަޝީދަށް ވާދަކުރެއްވޭނެ ގޮތް ހޯދައިދިނުމަށް ކަމަށް އެމްޑީޕީގެ ޗެއާޕާސަންގެ މަގާމާ އަލަށް ހަވާލުވެ ވަޑައިގެން ހަސަން ލަތީފް މިއަދު ވިދާޅުވެއްޖެ އެވެ.
އެމްޑީޕީގެ ޗެއާޕާސަންގެ މަގާމަށް ބޭފުޅަކު ހޮވުމަށް މާލެ އާއި ރަށްރަށުގެ އިތުރުން ކޮލަމްބޯގައި އިއްޔެ ބޭއްވި އިންތިހާބު ކާމިޔާބު ކުރެއްވި ހަސަން "މިހާރު" އަށް ވިދާޅުވީ އެ ޕާޓީގެ އެތެރޭގެ ހިންގުން ވަރުގަދަ ކުރުމަށް ގިނަ މަސައްކަތްތަކެއް ކުރައްވާނެ ކަމަށެވެ. އަދި ރިޔާސީ އިންތިހާބުގައި، ނަޝީދަށް ވާދަކުރެވޭނެ ގޮތަކަށް ކަންކަން ހަމަޖެއްސުމަށް ވެސް ޕާޓީން ކުރެވެން އޮތް ހުރިހާ މަސައްކަތެއް ކުރައްވާނެ ކަމަށް ވިދާޅުވި އެވެ.
"މިއީ އަޅުގަނޑު އެންމެ އިސްކަމެއް ދޭނެ ކަންކަމަކީ. އޭގެ އިތުރުން ރަށްރަށުގައި ހިންގާ އިންތިހާބީ ހަރަކާތްތައް ވަރުގަދަ ކުރުމަށް ވެސް މަސައްކަތް ކުރާނަން،" އިންތިހާބުގެ ފުރަތަމަ ނަތީޖާއިން 14،457 ވޯޓު ލިބިވަޑައިގެންނެވި ހަސަން ވިދާޅުވި އެވެ.
އޭނާ ވިދާޅުވި ގޮތުގައި ޕާޓީގެ ކަންކަން ބަލަހައްޓަން ހަވާލުވި އެންމެ އިސް މީހާގެ ދައުރަކީ އެ ޕާޓީގެ އެތެރޭގެ ހިންގުމުގައި ހުރި މައްސަލަތައް ދެނެގަނެ، ޕާޓީގެ ސިޔާސީ އެޖެންޑާ ހާސިލްވާ ގޮތަށް އެކަންކަން ހައްލު ކުރުމެވެ. އަދި މިހާތަނަށް އައިއިރު އެމްޑީޕީގެ އެތެރޭގައި މާބޮޑު މައްސަލައެއް ޖެހިފައި ނުވާކަން ވެސް ފާހަގަ ކުރެއްވި އެވެ.
އެމްޑީޕީ ޗެއާޕާސަންގެ މަގާމަށް ހަސަން ހޮވުމަށް ފެނޭތޯ ބެލުމަށް ބޭއްވި އިންތިހާބުގައި ވޯޓުލުމަށް ބަޔަކު މަޑުކޮށްލައިގެން ---ފޮޓޯ: ހުސެއިން ވަހީދު/މިހާރު
"އެކަމަކު އެމްޑީޕީގެ ކުރީގެ ޗެއާޕާސަން އަލީ ވަހީދު ރާއްޖޭން ބޭރުގައި ހުންނަވަން ޖެހިވަޑައިގަތުމުން އޭނާގެ ބެލުމުގެ ދަށަކުން ނޫން ގިނަ ކަންތައްތައް ގޮސްފައިވަނީ. ނަމަވެސް ޕާޓީގައި ނައިބުންނާއި އެހެން އިސްވެރިން ވަރަށް ރަނގަޅަށް ކަންތައްތައް ކުރިއަށް ގެންދިޔަ،" އޭނާ ވިދާޅުވި އެވެ.
ހަސަން ވިދާޅުވީ ރަށްރަށުގައި އެމްޑީޕީއަށް އޮތް ތާއީދު ބޮޑުކޮށް، އިންތިހާބުތައް ކާމިޔާބު ކުރެވޭނީ އެ ރަށްރަށުގައި ޕާޓީގެ ހަރަކާތްތައް ވަރުގަދަކޮށްގެން ކަމަށެވެ. އެހެންވެ، ކުރިއަށް އޮތްތަނުގައި އެ ހަރަކާތްތައް ވަރުގަދަ ކުރައްވާނެ ކަމަށް ވެސް ވިދާޅުވި އެވެ.
އެމްޑީޕީގެ ޗެއާޕާސަންގެ މަގާމަށް ހަސަން ލަތީފް ނޫން އެހެން ބޭފުޅަކު ވާދަ ނުކުރާތީ އިންތިހާބު ބޭއްވީ އެ މަގާމަށް އޭނާ އައްޔަން ކުރަން ފެނޭތޯ ބެލުމަށެވެ. ހަސަން ޗެއާޕާސަން ކަމަށް އައްޔަންކުރަން ފެންނަ ކަމަށް 14،457 މީހުން ވޯޓު ދިން އިރު ނުފެންނަ ކަމަށް 127 މީހުން ވޯޓުދީފައިވެ އެވެ. އަދި 45 ވޯޓު ބާތިލްވި އެވެ.
އެމްޑީޕީގެ ޗެއާޕާސަންގެ މަގާމުގައި ހުންނެވި އަލީ ވަހީދު މިދިޔަ ނޮވެމްބަރު މަހު އިސްތިއުފާ ދެއްވުމުން ބޭއްވި މި އިންތިހާބުގައި ކުރީގެ ރައީސް ނަޝީދު ވެސް ވަނީ ކޮލަމްބޯގައި ވޯޓު ލައްވާފަ އެވެ.
އިންތިހާބު ކާމިޔާބު ކުރެއްވުމުން ހަސަން އަށް މަރުހަބާ ވިދާޅުވެ ނަޝީދު ކުރެއްވި ޓްވީޓެއްގައި ވިދާޅުވީ އާ ޗެއާޕާސަންގެ ހިންގުންތެރިކަމާއެކު އެމްޑީޕީ ވަރުގަދަވެ، ދިވެހިންނަށް ހައްގު މިންވަރު ހޯދައި ދެވޭނެ ކަމަށެވެ. އެމްޑީޕީގެ މިސްރާބު ކަސިޔާރު ވިޔަނުދީ އެ މަނިކުފާނުގެ އަމާޒަށް ގެންގޮސްދޭނެ ކަމަށް ވިދާޅުވެ ހަސަން ވަނީ ނަޝީދަށް ޖަވާބު ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމް.ޑީ ޕީ މެންބަރެއް
30 June 2017
ހަސަނާ، މަނިކުފާނު މިހާރުވެސް ތިޔަހުންނެވީ އެއްކޮޅަށް ޖެހިފައި، ކޮބާތޯ ތިޔަފާޓީގެ ޕްރައިމެރީ؟ ތިޔައީ މިހާރު ޕްރިއިމެރީ އަށް ކުރިމަތިލާންތިއްބެވި ބޭފުޅުންގެ ކުރިމަރާލުން އަދި ވަކިމީހަކު ޑިމޮކަރަސީގެ ހަމަތަކާ ހިލާފަށް ގެންސްފައިވާ ކަން ކަށަވަރުވުން
އަބްދުއްލާ އަލީ
16 February 2017
ހަސަނުގެ އަމާޒަކީ ނަސީދު ބާކީ ކޮށްލުން. ސަރީ އަތް ވެސް ގަސްތުގާ ހަސަނުމެން ދިފާއީ ގާނޫނީ ޕޮއިންޓް ނަގާފައެއް ނެތް . ބެލީ ހަމަ އެކަނި ހެކި ދައްކަން . ގާނޫނީ ގޮތުން ބަލާ އިރު ޑިފެންސް މިނިސްޓަރު ޒިންމާ އެބަނަގާ ،ނަސީދުގެ މައްޗަށް ހުށަހަޅާފަ ހުރި ހެކި އެހެން ފަރާތަކަށް އަބުރާލެވޭ ފެންވަރުގެ ގާނޫނީ ހެކި މ،ައްސަލާގެ ވަކީލުން ގެގޮތުގާ ތިބި ހަސަނުމެނަށް ހުށަހެޅިފައެއްނެތް . ނަސީދު ތީށިވީ މިހެން ވުމުން.
އިބޫ
14 February 2017
އެމްޑީޕީން ކެނެރީގެ މުހައްމަދު ނަޝީދު ނޫން މީހަކު ނެރެވެން ނެތީބާ
ކަކުނި
12 February 2017
އެމް ޑީ ޕީ އިން ތިޔަ ހަދަނީ ރަނގަޅަށެވެ. ޕާޓީނަމުގައި ބައިވެރިވަންޔާ ބައިވެރިވާނީ ހަމަ ރައީސް ނަޝީދެވެ. ދެން އެހެންނުވެއްޖެނަމަ އެމްޑީޕީ ގެ ކެޑިޑޭޓެއް މިނިވަންކޮށް ހުންނާނެ ކުރިމަތިލާފައި ވަގުތުއައިސް ޖެހޭއިރު އެމްޑީޕީ އިން ބައިއަތުހިފާނޭ....މި ޕާޓީ ފުޑާލޫމަށާއި ޕާޓީއިން ނެރޭ ލީޑަރުން ރައްކާތެރިކުރުމަށް މިވަގިތަށް ތިޔައީ އެންމެ ރަގަޅުގޮތެވެ. އެހެންނޫނީ ވަރަށްގިނަ ދުއްތުރާތަކާއި ބައިއިލެކްޝަން އަށް ވެސް ނުބައި އަސަރު މިދަނޑިވަޅުކުރާނެއެވެ، އެމްޑީޕީގެ މެންބަރުންގެ ބޯ ޕީޕީ އަށް ކެވިދާނެހެންނެއްހިޔެއްނުވެއެވެ. މިހާރު އެކަންތަށްކުރަނީ ވަރަށް ހުށިޔާރުކޮށްނެނވެ.
މެެންޓަލިސްޓް
12 February 2017
ތިޔަކަން ކުރެވޭނީ ސްޕްރީމްކޯޓުން ރައީސްނަޝީދުގެ މައްސަލަޔަކީ ބާތިލް މައްސަލައަކަށް ހަދައިގެން ،،، އެކަން ދެން ކުރެވޭނީ އެބޭފުޅުން އެކަަމަށް ރުހި އެކަންކޮއްދީގެން ،، ނަމަވެސް މިހާރަކު އެމީހުން ތިބީކީ އެހެނެއްނޫން ،،، ދެން އޮތީ ބޭރުގެ ޖަމިއްޔާތަކުން ތިޔަކަމަށް ޕްރެޝަރކުރުން ،،، އެކަމު ޕްރެޝަރ ކުރީމައި އެތަންތަނުން ރައީސްޔާމިން ވަކިވާތަން ފެންނަނީ ،، ވީމާ ތިޔަކަމުގެ ކޮޅެށްމެދެން ފެންނާކަށް ނެތޭ ދެންނެވޭނީ ،،، ވަރަށްވެދުން
ހުވަދޫ މޮހޮނު
12 February 2017
ފުރުޞަތު ހޯދައިދޭންއުޅެނީ ރައީސް ނަޝީދަށްބާ!!!!! ؟؟؟؟؟؟؟؟ ނުވަތަ އިބްރާއަށްބާާ؟؟؟؟؟؟؟؟!!!!!!
ޔޮހި
12 February 2017
އަހަރެން ދެކޭ ގޮތުގައި ދިވެހިރާއްޖޭގެ ކޮންމެ ރަށެއްގެ ކޮންމެ އާއިލާއެއްގެ ކޮންމެ މީހަކީ ރާއްޖޭގެ ވެރިކަންކުރަން އެންމެ ހެޔޮމީހެއް
އައްސޭރި
12 February 2017
އާނ! ތިޔަ ކަން ތިޔަ ގޮތަށް ކޮށްގެން ނޫނީ އެމްޑީޕީއެއް ނޯންނާނެ. ނަޝީދު ނޫން މީހަކު ނިކުމެއްޖެނަމަ ޕާޓީ ބައިބައިވާނެ. ޑިމޮކްރަސީ ތިޔަ އޮތީ އާސްމާންގައި. ދެން ލަލަ
މުޅިން ފެއިލް
12 February 2017
ތިވީގޮތުން ހަސަން ލަތީފް އަށް މަސައްކަތެއް ނުފެއްޓެނީސް ތިވީ ފެއިލް! ނުވާނެ ކަމެއް އަމާޒަކަށް ހެދީމާ ތިމާމީހާ ޗޮކުން ދާނީ. މިކޮމެންޓު މިއަންނަ ރިޔާސީ އިންތިޚާބުތެރޭ ކިޔާލަން ސޭވްކުރޭ. ވަރަށް ސާފުކޮށް މިބުނަނީ... 2018 ގެ ރިޔާސީ އިންތިޚާބުގެ ކެންޑިޑޭޓަކަށް ކެނެރީގޭ މުހައްމަދު ނަޝީދުގެ ނަމެއް ނޯންނާނެ. ދިވެހި ރާއްޖޭގެ ރައީސްކަމަށް ނަޝީދު އަކަށް 2018ގަ ކުރިމަތި ނުލެވޭނެ. އެއީވާނެ ކަމެއްނޫން. ހަޖަމް ކޮށްލާ!
އަލިފުތު
12 February 2017
ނުބައި ނުލަފާކަން ނުދައްކާތި.