ނިލަންދޫގައި އެއާޕޯޓް އަޅަން އީއައިއޭ ހަދަން އެމްޓީސީސީއާ ހަވާލުކޮށްފި

ނިލަންދޫ ބީޗް: އެ ތަން ހިއްކައި އެއާޕޯޓު އަޅެމަށް ބޭނުންވާ އީއައިއޭ ހަދަން އެމްޓީސީސީއާ ހަވާލުކުރީ 120 ދުވަސްތެރޭ ނިންމުމަށް.-- ފޮޓޯ: މިހާރު

ފާތިމަތު އަޖްފާން، މިހާރު

04 ޖެނުއަރީ 2024 - 14:03

16 comments

ފ. ނިލަންދޫގައި އަޅަން ނިންމާފައިވާ އެއާޕޯޓް އެޅުމުގެ ކުރިން ބޭނުންވާ އެންވަޔަރްމެންޓަލް އިމްޕެކްޓް އެސެސްމަންޓް (އީއައިއޭ) ހެދުމަށް އެމްޓީސީސީއާ މިއަދު ހަވާލުކޮށްފި އެވެ.

ކޮންސްޓްރަކްޝަން އަދި އިންފްރަސްޓްރަކްޗާ މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި، މިނިސްޓަރު ޑރ. އަބްދުﷲ މުއްތަލިބު ވިދާޅުވީ ނިލަންދޫގައި އެއާޕޯޓް އަޅަން ބޭނުންވާ ބިން ހިއްކުމަށް މި އަހަރުގެ ބަޖެޓްގައި ހިމަނާފައިވާ ކަމަށެވެ.

ނިލަންދޫ އަދި މަގޫދޫ ހުންނަ ދުރުމިން.

އެ މަސައްކަތް އެމްޓީސީސީއަށް ހަވާލު ކޮށްފައި ވަނީ 120 ދުވަސް ތެރޭގައި ނިންމާ ގޮތަށެވެ. އެއީ 378،000،000ރ. އަށެވެ.

"މިއަދު މި ސޮއި ކުރެވިގެން ދަނީ އެ ކަންކަމަށް ބޭނުންވާ ސާވޭތަކާއި އީއައިއޭ ހެދުން. އަމަލީ މަސައްކަތް ފެށޭނީ އީއައިއޭ ފާސްވެގެން. ފާސްވާން ވާއިރަށް، ތަނަށް ބޭނުން ވާނީ ކިހާ ވަރެއްގެ ވެއްޔެއްތޯ، ކިހާ ވަރެއްގެ ޝޯ ޕްރޮޓަކްޝަނެއްތޯ އެނގޭނީ ދިރާސާތައް ނިމިގެން،" މިނިސްޓަރު ވިދާޅުވި އެވެ.

ކުރީގެ ރައީސް އަބްދުﷲ ޔާމީންގެ ވެރިކަން ނިމުނުއިރު، އެ ރަށުގައި އޮތީ އެއާޕޯޓް އަޅަން ނިންމައި ބަޖެޓް ވެސް ކަނޑައަޅައިފަ އެވެ. އޭރު އީއައިއޭގެ މަސައްކަތް ނިންމުމަށްފަހު، އެ ސަރަހައްދުގައި ހުރި ރުއް ގަސްތަކަށް ބަދަލު ދޭނެ އަގު ވެސް ކަނޑައެޅި އެވެ.

Nilandhoo falhu hikkaigen 2 resort hadhan nimmaifi

The most trusted news source in the Maldives

Mihaaru

މިދިޔަ ސަރުކާރުގެ ކުރީކޮޅު ވެސް ނިލަންދޫ އެއާޕޯޓަށް ބަޖެޓް ކަނޑައެޅި އެވެ. އެ އެއާޕޯޓް އެޅުމަށް ބޭނުންވާ ބިން ހިއްކުމަށާއި އެއާޕޯޓުގެ އަމަލީ މަސައްކަތް ފެށުމަށް ޕްލޭނިން މިނިސްޓްރީން 2022 ވަނަ އަހަރު އެމްޓީސީސީއާއެކު އޭރު ވެސް ސޮއިކުރި އެވެ. އެ ދެ މަޝްރޫއަށް ގާތްގަނޑަކަށް 450 މިލިއަން ރުފިޔާ ހަމަޖެއްސި އެވެ.

ނަމަވެސް، އޭރުގެ ސަރުކާރުގެ ވިސްނުން ބަދަލުވެ، އެ މަޝްރޫއު ބަދަލުކުރީ އެ ރަށުން، ލަކުޑި ފެރީއެއްގައި 15 މިނެޓުން ދެވޭހާ ކައިރީގައި އޮންނަ މަގޫދުއަށެވެ. ނިލަންދޫގައި އަނެއްކާ އެއާޕޯޓު އަޅަން ހަވާލުކުރިއިރު ވެސް، މަގޫދޫ އެއާޕޯޓުގެ މަސައްކަތުގެ ބޮޑުބައި ވަނީ ނިމިފަ އެވެ. ރީޖަނަލް އެއާޕޯޓް ކުންފުނިން އަންނަނީ ކުރިއަށް އޮތް ހަތަރު މަހެއްހާ ދުވަހުގެ ތެރޭގައި އެ އެއާޕޯޓު އޮޕަރޭޝަނަށް ގެނައުމުގެ މަސައްކަތް ފަށައިފަ އެވެ.

ހައުސިން މިނިސްޓަރު އެމްޓީސީސީ ފ. ނިލަންދޫ ޑރ. އަބްދުﷲ މުއްތޮލިބް (މިނިސްޓަރު) ކޮންސްޓްރަކްޝަން މިނިސްޓްރީ

16 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޯރަފުށީ އެއާޕޯޓު

06 January 2024

އެންމެފަހުން ރާއްޖޭގަި ތިގޮތަށްއެޅީ ހޯރަފުށީ އެއާޕޯޓު. އެތަން ރާޅުއަރާ ފެންބޮޑުވޭ ކޮންމް ފަހަރުކު. މިއަށްވުރެ ރަނގަޅަށް ިރާސާކުރެވިގެން މިކަން ކުރެވެންވާނެ. މުއްތަލިބް މިކަން ކޮށްބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިލެއްދޫ ބޮޑުން

06 January 2024

އަތޮޅު ރައްޔިތުންނަށް ފައިދާވާނީ އަތޮޅުވެރިކަން ކުރާ 2500 މީހުން ދިރިއުޅޭ ނިލަންދޫގައި އެއަރޕޯޓް އޮވެގެން. 600 މީހުން ދިރިއުޅޭ މަގޫދޫގައި އެއަރޕޯޓް އަޅަން އެމްޑީޕީ ސަރުކާރުން ނިންމީ، އެޕާޓީއަށް ނިލަންދޫގައި ތާއީދު ނެތުމުން. މަގޫދޫގައި ބޮޑު ތާއިދެއް އޮތުމުން. އަތޮޅު ރައްޔިތުންނަށް ފައިދާ ކުރުމަށް ވުރެ ބޮޑަށް ރައީސް އިބޫ ވިސްނީ ޕާޓީ ކުދިން ބުނާގޮތް ހަދަން. އެހެންވީމާ، މަގޫދޫގަ ހަދަންފެށީ ސިޔާސީޕޯޓެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސިލަރު

06 January 2024

ޔާމީން ސަރުކާރުހައި ޖެހިޖެހިގެން 3 އަހަރު ނިލަންދޫގައި އެއަރޕޯޓް އަޅަން ބަޖެޓްކުރިޔަސް އަމަލީ އެއްވެސް މަސައްކަތެއް ނުކުރޭ. އީއައިއޭ އެއްވެސް ނަހަދާ ރުއްގަހުގެ ހިސާބެއްވެސް ނުހަދާ. މިހާރު ނޫހުން ކޮންތާކުން ހޯދި މައުލޫމާތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިލެއްދޫ ޒުވާނާ

05 January 2024

މަގޫދޫގައި އެއާޕޯޓެއް އަޅަން ފެށީ ސިޔާސީ ބޭނުމަށް، ރައީސް އިބޫގެ ބަފައިބެގެ އޯޑަރަށް. އެއީ ނިލަންދޫގައި އެއަރޕޯޓް އަޅަން 3 އަހަރު ބަޖެޓް ކޮށްފައި އޮއްވާ... އަތޮޅު ރައްޔިތުންނަށް ފައިދާވާނީ ތަރައްގީ އެއްފަސްވެގެން. މިސާލަކަށް ފ.އަތޮޅު ހޮސްޕިޓަލްގައި އޮންނަ ބަލިމީހާ އެމަރޖެންސީގައި އުފުލަންޖެހޭ ހާލަތުގައި އަނެއްކާ ކަނޑު ހުރަސްކޮށް މަގޫދޫއަށް ގެންދިއުމަކީ ދެވޭ އަނިޔާ. އަތޮޅު ރައްޔިތުން އެދެނީ ތަރައްގީ އެއްފަސްވާން. އެއީ ރައްޔިތުންގެ ފައިދާއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިކީލް

04 January 2024

ޑރ މުއިއްޒަށް ކުރި އުންމީދާއި އިތުބާރު ގެއްލުވާލި ނިންމުމެއް.. ޤައުމަށް މަންފާއެއް ނެތް ސިޔާސީ ޗަރުކޭހެއް.. މިއިން ސާފުވީ ޤައުމީ ސިޔާސީ ލީޑަރެއް އަދިވެެސް ނެތް ކަންް އަމިިއްލަ އެދުމާއި ސިޔާސީ ގޭސް ޤައަށްވުރެއް އިސްކުރާ މީހުން މުޅިންވެސް.. 5 ހާސް ކިރިޔާ ހަމަވާ އަތޮޅެއްގަ ކޮން 2 އެއަރ ޕޯޓެއް