ކޮމާޝަލް ޕޯޓް އަޅަން ގުޅީފަޅުގައި ހިއްކަމުންދާ ބިން: އެ ޕޯޓް ތިލަފުށްޓަށް ބަދަލުކުރަން ވަނީ ނިންމާފައި
04 ޖެނުއަރީ 2024 - 22:29
9 comments
ކ. ގުޅިފަޅުގައި ކުރީގެ ސަރުކާރުން ހަދަން ނިންމާފައިވާ މާލޭ ކޮމާޝަލް ޕޯޓު ތިލަފުށްޓަށް ބަދަލުކުރަން ނިންމާފައިވާ ކަމަށް ރައީސް ޑރ. މުހައްމަދު މުއިއްޒު ހާމަކުރައްވައިފި އެވެ.
ވެލާނާ އިންޓަނޭޝަނަލް އެއާޕޯޓު ތަރައްގީ ކުރުމުގެ މަޝްރޫއު ތިން ގުނަ އަށް ފުޅާ ކުރުމުގެމަޝްރޫއު އިފްތިތާހު ކުރުމަށް މިރޭ ބޭއްވި ހަފްލާގައި ވާހަކަ ދައްކަވަމުން ރައީސް ވިދާޅުވީ ގުޅީފަޅުގައި ޕޯޓް ތަރައްގީ ކުރުމަކީ އެންމެ އެކަށީގެންވާ ކަމެއް ނޫން ކަމަށެވެ.
"ގުޅިފަޅުގައި ޕޯޓު ތަރައްގީ ކުރުމަކީ އެންމެ އެކަށީގެންވާ ކަމަކަށް ނުވާތީ، ތިލަފުއްޓަށް [ޕޯޓު] ބަދަލު ކުރުމަކީ އަޅުގަނޑުމެން ނިންމާފައިވާ ކަންތައް،" އެ މަނިކުފާނު ވިދާޅުވި އެވެ.
އެ ނިންމުމާ އެއްގޮތަށް، ރައީސް ވިދާޅުވި ގޮތުގައި ބައިނަލްއަގުވާމީ ފެންވަރުގެ ޕޯޓެއް ތިލަފުށީގައި ތަރައްގީ ކުރެވިގެން ދާނެ އެވެ. އަދި އެއާޕޯޓު ތަރައްގީ ކުރުމާއެކު ކޮމާޝަލް ޕޯޓް ގާއިމްވެގެން ދިއުމަކީ އިގްތިސޯދީ ގޮތުން ރާއްޖެއަށް ހުޅުވިގެންދާނެ ވަރަށް ފުޅާ ދޮރޯއްޓެއް ކަމަށް އެ މަނިކުފާނު ވިދާޅުވި އެވެ.
ވެލާނާ އެއާޕޯޓު މަޝްރޫއު ތިން ގުނަ ބޮޑުކޮށް، އެ މަޝްރޫއު އިފްތިތާހު ކޮށްދެއްވުމަށްފަހު ރައީސް ޑރ. މުހައްމަދު މުއިއްޒު ވާހަކަ ދައްކަވަނީ. --ފޮޓޯ: ފަޔާޒް މޫސާ | މިހާރު
އިންޑިއާގެ ލައިން އޮފް ކްރެޑިޓް ފެސިލިޓީގެ ދަށުން 75 ޕަސެންޓް ހަރަދުކުރާ ގޮތަށް ގުޅީފަޅުގައި ޕޯޓް ހެދުމަށް ބޭނުންވާ ބިން ހިއްކުމުގެ މަސައްކަތް މިހާރު ދަނީ ކުރަމުންނެވެ.
މި ޕްރޮޖެކްޓަށް 400 މިލިއަން ޑޮލަރު (6.1 ބިލިއަން ރުފިޔާ) ހޭދަކުރަން ހަމަޖެހިފައިވެ އެވެ. އާ ޕޯޓުގައި 20 ފޫޓުގެ 400,000 ކޮންޓެއިނަރު ބަހައްޓާނެ ޖާގަ ހުންނާނެ އެވެ.
ޕޯޓުގެ މަސައްކަތް ނިންމަން 2026 ވަނަ އަހަރު ކަނޑައަޅާފައިވާ އިރު، ގުޅިފަޅު ޕޯޓު ހެދުމަށް ބޭނުންވާ ކުންފުންޏެއް ހޯދަން ބީލަމަށް ހުޅުވާލަން ތައްޔާރުވަމުން އަންނަ ކަމަށް މިދިޔަ އޯގަސްޓު މަހުގެ ތެރޭގައި އިންޑިއާގެ އެގްޒިމް ބޭންކުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު ވަހީދު
05 January 2024
ތިބުނާ އަދަދު ގެނެވޭނީ ޖިންނިޔައް ކިޔަވާގެން
ފެންނަގޮތް
05 January 2024
ކަންކުރަން އެނގޭ މީހުން ކަންކުރާނެ... ކާންކުރަން ލިބި ކަން ނުކުރެވުނު މީހުން މޭކަރާނެ.. ކަންކުރުމުގައި އަމިއްލަ އެދުން ނެތިކޮށް، ގައުމު އިސްކޮށް، މަސައްކަށް އަވަސްކޮށް، ނަތީޖާ ނެރެ ފިއްޔާ ސިޔާސީ މީހުންގެ މަޅިން ނެއްޓި އަމިއްލަ ބުއްދިން ފިކުރުކުރާ ކޮންމެ މީހަކު ބަލައި ގަންނާނެ..
ބީރުބޮލު ވަޒީރަށް ވެރިކަން
05 January 2024
މިއޮތީ ބީރުބޮލު ވަޒީރަށް ވެރިކަން ލިބިފައެވެ.
ދަރިފަސް
05 January 2024
އާދެ ރަނގަޅަށް ތި ހެއްދެވީ. ކުރީސަރުކާރުން ހުޅުމާލެ ފަޅު ހިއްކާލީ އެއްރޭ ނިދީގަ ހުވަފެނެއް ފެނިގެން ހަމަ. މާސްޓަރޕްލޭން އޮތީ އޮތްތާ. އެކަށީގެންވަ ފަޅަކާ ބަނދަރަކީ ވެސް އޮންނަންޖެހޭ ތަނެއް
ފަޅު
05 January 2024
މި ސަރުކާރުން އެއްރޭ ނިދީގަ ހުވަފެނުން ފެނިގެން އެ ހިއްކާލަނީ ތިބުނާ ހުޅުލެ/ހުޅުމާލެ ފަޅުގެ ބާކީބައި. އެކަށީގެންވާ ފަޅަކާ ބަނދަރު ނުބޭއްވީ ކީއްވެބާ؟
ބޯހިޔާ
05 January 2024
ބޯހިޔާވަހިކަމުގެ އަގު ޑޮލަރުންކިޔައ، 2 ކޮޓަރި 18،000. 2 މަސް ޑިޕޮޒިޓް. ހައްލެއްނެތީބާ؟
އޮނަރަބްލް އަފީފު ދީދީ
05 January 2024
ނަމުގެކުރިއަށް "ޤައުމީ" ލާފައިވާ އެއްވެސްތަނެއް ކުންފުންޏެއް ކ.އަތޮަޅު ގެއްލޭ ހިސާބުގައި ހަދައިގެން ނުވާނެ. އެގޮތުން ޤައުމީ ފެންފްލާންޓާއި، ޤައުމީ ތެޔޮތާނގީ އާއި ޤައުމީ ކާޑު ގުދަނާއި ޤައުމީ ބޭސް ފިހާރަ އަދި ޤައުމީ ގޭސް ޕްލާންޓާއި ޤައުމީ ސިމެންތި ފިހާރަވެސް ހުންނާންވާނީ ހަމަ ބަރަކާތް ތެެެރިކަން އެރަށަކަށް މަތިކޮށްފައިވާ މުޤައްދަސް ރަށް ގޮޅުގައި. # އަދި މިކަންކަމުގެ އިތުރަށް ތިރަށު މީހުންނަށްޓަކާ "ޤައުމީ އަޅުންވެސް" ތިރަށަށް ޖަމާކުރަން ވާނެ.
ހެދުން
06 January 2024
ދުރުގައި ހަދާނެ ކަމެއްވެސް ނެތް. އެންމެން އެއް ހިސާބަކަށް ގެންނަންވީ. ދެން ހުރި ބައިތަކުގައި އިންޑަސްޓްރީތައް ތަރައްގީ ކުރަންވީ. އޭރުން 25 މިލިއަން ފަސެންޖަރުން ގެނައުމަކީ އެއްވެސް ކަމެއް ނޫން. މަލާމާތް ކުރާނެކަމެއްނެތް
ތުން ތުނާ
04 January 2024
އެމީހެއްގެ ވެރިކަމުގައި އެމީހަކަށް ފެންނަ ތަނުގައި! މި މީހުންގެ 5 އަހަރު ކުއްލިއަކަށް ނިމިގެން ދެން އަންނަ ސަރުކާރަކުން ތިތަނުން ދޫކުރާނީ އޭސީސީން ޤަވާއިދާއި ޚިލާފަތް ގޯތި ނިގުޅާއިގެންފައިވާ ފަރާތްތަކަށް ގޯތި!