14 ޖެނުއަރީ 2024 - 08:28
70 comments
ރާއްޖޭގައި ފުރަތަމަ ފަހަރަށް އެއާ އެމްބިއުލާންސްގެ ހިދުމަތް އަންނަ މާޗު 1 ގައި ފެށުމުން، ބޭސްފަރުވާ އަށް ބަލި މީހަކު ކުއްލި ހާލަތުގައި ތައިލެންޑަށް ގެންދަން ވިޔަސް ޑޭޝް 8 މަތިންދާބޯޓުގައި ގެންދާނެ ކަމަށް ރައީސް ޑރ. މުހައްމަދު މުއިއްޒު އިއްޔެ ވިދާޅުވެއްޖެ އެވެ.
"އެހެންވީމ،ާ އެ ފެންވަރަށް އިރާދަކުރެއްވިއްޔާ އަޅުގަނޑުމެންގެ އެއާ އެމްބިއުލެންސްގެ ހިދުމަތް ވެސް ތަރައްގީ ވަމުން އެ އަންނަނީ،" ޗައިނާގެ ރައީސް ޝީ ޖިންޕިންގެ ދައުވަތަކަށް އެ ގައުމަށް ކުރެއްވި ފުރަމާނަ ދަތުރުރުފުޅަށް ފަހު އިއްޔެ ރާއްޖެ ވަޑައިގެން ދެއްވި މީޑިއާ ސްޓޭޓްމަންޓުގައި ވިދާޅުވި އެވެ.
ރައީސް ވިދާޅުވި ގޮތުގައި އެއާ އެމްބިއުލާންސްގެ ހިދުމަތް ދޭން ފަށަނީ އައިލެންޑް އޭވިއޭޝަންގައި މިހާރު ބޭނުންކުރާ ޑޭޝް 8 އެމްބިއުލާންސަކަށް ބދަލުކޮށްގެންނެވެ. އެ މަސައްކަތް މިހާރު ފަށާފައިވާ ކަމަށް އެ މަނިކުފާނު ވިދާޅުވި އެވެ.
"އެ އިން އެތައް ފައިދާއެއް އެބަވޭ. އެންމެ އުތުރުން ނޫނީ އެންމެ ދެކުނުން މާލެ އަށް ކުޑައިރުކޮޅަކުން އާދެވުމުގެ އިތުރަށް، ކުއްލިއަކަށް ރާއްޖެ އިން ބޭރަށް ތައިލެންޑާ ހަމަޔަށް ގެންދަންވިޔަސ،ް އެ ޑޭޝް 8 ގައި ދާނެ. އެއާ އެމްބިއުލެންސްގައި ދާނީ އެހެންވީމ،ާ" ރައީސް ޑރ. މުއިއްޒު ވިދާޅުވި އެވެ.
ސަރުކާރުން ކުރިން ބުނެފައި ވަނީ އެއާ އެމްބިއުލާންސްގެ ހިދުމަތް ފުރަތަމަ ދެ ފްލައިޓުން ފެށިޔަސް ފަހުން އިތުރު ކުރާނެ ކަމަށެވެ.
ރާއްޖޭގައި އެއާ އެމްބިއުލާންސް ތައާރަފު ކުރުމަކީ ރައީސް ޑރ. މުއިއްޒުގެ ވެރިކަމުގެ ފުރަތަމަ 100 ދުވަހުގެ ވައުދެކެވެ.
އޭރުން އަޅުގަނޑުމެންގެ ދިވެހި ރައްޔިތުނ،ް މި ގައުމުގެ ހެލްތު ފެސިލިޓީ ތަރައްގީ ވަންދެކަށް ދާނ،ީ މިހާރު އެދާ ތަންތަނަށް ވުރެ މާ ފެންވަރު ރަނގަޅ،ު ދުބާއީ ކަހަލަ އަދި ބެންކޮކްގައި ހުންނަ ކަހަލަ ފެންވަރު ރަނގަޅު ހޮސްޕިޓަލްތަކަށ،ް އެކޮމޮޑޭޝަން އެކްސްޕެންސަސް ލިބިގެން، އާސަންދަ އިން ކަވަރު ވެގެން.--- ރައީސް
ރައީސް އިއްޔެ ވިދާޅުވީ، ސަރުކާރުގެ ހަރަދުގައި ބޭސްފަރުވާ ކުރާ ނިޒާމު އާސަންދަގެ ހިދުމަތް ވެސް ޔޫއޭއީ އާއި ތައިލެންޑަށް ފުޅާކުރަން ސަރުކާރުން ނިންމާފައިވާ ކަމަށެވެ. އާސަންދައިގެ ހިދުމަތް ފުޅާކުރަނީ އެ މަނިކުފާނު ވިދާޅުވި ގޮތުގައި އެ ގައުމެއްގައި ހުރުމުގެ ހަރަދު ވެސް ހިމަނައިގެންނެވެ.
"އޭރުން އަޅުގަނޑުމެންގެ ދިވެހި ރައްޔިތުނ،ް މި ގައުމުގެ ހެލްތު ފެސިލިޓީ ތަރައްގީ ވަންދެކަށް ދާނ،ީ މިހާރު އެދާ ތަންތަނަށް ވުރެ މާ ފެންވަރު ރަނގަޅ،ު ދުބާއީ ކަހަލަ އަދި ބެންކޮކްގައި ހުންނަ ކަހަލަ ފެންވަރު ރަނގަޅު ހޮސްޕިޓަލްތަކަށ،ް އެކޮމޮޑޭޝަން އެކްސްޕެންސަސް ލިބިގެނ،ް އާސަންދަ އިން ކަވަރު ވެގެން. އިރާދަކުރެއްވިއްޔާ އަޅުގަނޑުމެންގެ ދިވެހި ރައްޔިތުންނަށް މި ކަންކަން އަޅުގަނޑުމެން ހަމަޖައްސައިދޭނަން،" ރައީސް ޑރ. މުއިއްޒު ވިދާޅުވި އެވެ.
އެ މަނިކުފާނު އިއްޔެ ވިދާޅުވީ، ރާއްޖޭގެ 9 ލައްކަ އަކަ ކިލޯ މީޓަރުގެ އެކްސްކްލޫސިވް އިކޮނޮމިކް ޒޯން ދިވެހިންނަށް އަމިއްލަ އަށް ސަވައިލަންސްގެ ނިޒާމުން ބެލެހެއްޓޭނެ ނިޒާމު ގާއިމު ކުރުމުގެ މަސައްކަތް ވަނީ ފަށާފައިވާ ކަމަށެވެ.
"އިރާދަކުރެއްވިއްޔާ، މާލަސްތަކެއް ނުވެ އަޅުގަނޑުމެންގެ އަމިއްލަ ކެޕޭސިޓީ ގާއިމުކުރާނަން، މި ބޮޑު ސަރަހައްދު ބެލެހެއްޓޭ ގޮތަށް،" ރައީސް ޑރ. މުއިއްޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާދަންް
15 January 2024
ސާބަހޭ ރައީސް މުޢިއްޒު. ތީ ރައްޔިތުންގެ ރައީސެއް
މިވަރުވެސްނޭނގޭ
15 January 2024
މިދުކްތޫރުންނަކަށް ނޭނގޭ ޑޭޝް 8 ގައި ތައިލެންޑަށާއި ސީދާ ދަތުރު ނުކުރެވޭނެކަން. އެހެން ނޫނަސް މިއޮތްޒަމާނުގައި އަހަރެމެން މިވީ ބޮއްކުރައެއްގައި މުޅިދުނިޔެވަށައި ގަނަތެޅެންތަ
ރައީސ
15 January 2024
ކުރިއަށް އޮތް 5 އަހަރުގައި ރާއްޖެއަށް 2000 ޑޮކްޓަރުން އިތުރު ކޮށްދެއްވާ. މިގައުމަށް ބޭނުމީ ޕައިލެޓުންނެއް ނޫން. ސިއްޙީ ދާއިރާގެ ގިނަބަޔަކު ފްލަޑް ކުރަން އެބަޖެހޭ. އޭރުން މިގައުމުގައި ކަންހިނގާ މޮޅު ޑޮކްޓަރުން އުފެދޭނީ
ޖަގޭ
15 January 2024
މުޢިއްޒު ކުރާކަމަކީ ހުސް ވަޢުދުވުން މިހެން ގޮސް ސަރުކާރު ވެއްޓޭނީ އެއްވެސް ޙާލެއްގައި އެދޭ ކަމެއްނޫން...
ސަންޓާނާ
14 January 2024
ތައިލޭންޑާ ހަމަޔަށް ދާނީ ކަނޑުމަގުންތަ އެ ބޯޓު؟ ޑޭޝް 8 ގެ ބޯޓަކަށް 1000 ކިލޯމީޓަރަށްވުރެ ދުރަށް އުދުހެވޭނެތަ؟ ތަންތަނަށް ޖައްސަމުން، ތެޔޮ އަޅަމުން، ކޮޅިގަނޑުތަކުގައި ތެޅި ފޮޅެމުން، މަންޒިލަށް ދެވޭއިރު އެކަމު ނޭނގެ އޭގަ ކުރިޓިކަލް ހާލަތުގައި އޮންނަ ބަލިމީހާގެ ފުރާނަ ހުންނާނެ ކަމެއް، ހަމަ އަހާލީ އިނގޭ ނޭނގޭތީ.
ސްޓޭޓް މިނިސްޓަރ ފޯރ ކޮމެންޓުސް އެފެޔާޒް
14 January 2024
ތިޔައީ ސީދާ މަނިކުފާނު ފަހަރިޔަށް ފަހައިދިން ހެދުމެއް، ތިފަދަ ނިންމުން އާއިލާޔަށް ނުވަތަ ރައްޔިތުންނަށް ކޮށްދޭން ޤަޢުމުގެ ދަރަނި ނެތީބާ. ލިބޭ ފައިދާއިން ކުރެވޭ ކަމެއްނަމަ އަތްޖަހަންވީ ؟؟؟؟.
މާހިރު
14 January 2024
ލަފާކުރެވޭގޮތުން ދުނިޔޭގެ ގިނަ ޤައުމު ތަކުގައި އެއަރ އެމްބިއުލަންސަށް ގެންގުޅެނީ ހެލިކޮޕްޓަރެވެ. ހީވާގޮތުން އެހެން އެވަނީ ބަލިމީހުން އުފުލުމުގެ އޮޕަރޭޝަންގައި ފްލައިޓަށްވުރެ ހެލިކޮޕްޓަރ އެކަމަށް އެކަށީގެންވާތީއެވެ. ހީވާގޮތުން ހެލިކޮޕްޓަރުގައި ގެންދާ ބަލިމީހާ ހޮސްޕިޓަލް ކައިރިއަށް ޖެއްސުމުގެ ފުރުސަތު ބޮޑުވުމާއި އެއަރޕޯރޓް ނެތް ރަށަކަސް ނުވަތަ ކަނޑުމަތީގެ ދުރު ހިސާބަކަށްވެސް ހެލިކޮޕްޓަރުގައި ޚިދުމަތް ދެވިދާނެއެވެ.
ދިސް
14 January 2024
ނަހުލާ މިތާގަވެސް މިހިރީ މިނިސްޓަރގެ ލައިންގައި މިވަނީ ކިހެނެއް.
ކަމަނ
15 January 2024
އެރީތި ވީމާ. ހަވް އިޒްދެޓް
ވަސަރ
14 January 2024
އައި.ޖީ.އެމް.އެޗުންވެސް އެމްބިއުލާންސްގެ ޚިދުމަތްދޭ. ބަލިމީހާ ގެންދަން އަންނަ ވެހިކަލް ޕިކަޕެކޭ އެއްވަރު. ތަކެއްޗެއް ނުހުރޭ. ބޭރުމީހަކު އެކަނި ގިނަ ފަހަރު އަންނަނީ. ނަރުހެއްވެސް ނުހުރޭ. އެތެރެ ބަލާލިޔަސް މީހަރު ދެރަވާނެ. އެމްބިއުލާންވެސް އޮތީ ނުކުޅެދޭ ހާލުގައި
ދުމައްޓޭ
14 January 2024
ބަލަ ނިކަމެތި މީހާ ގަނަތަޅުވަންތޯ ތިވިސްނަނީ؟ އިންޑިޔާއާ ޖައްސާލައިގެން ނިކަމެތިންނަށް ހުރިހާ ދެރައެއް ލިބޭނީ، އަވައްޓެރިންނާ ތިހާ ބޮޑަށް ޖައްސާލާ ގަދަ ބަސް ބުނުމަކީ އެހާ ހަމަޖެހޭ ކަމެއްނޫން. މަސްރަހު ފިނި ކުރުމުގެ ބަދަލުގައި ގަދަ ބަސްބުނީމަ ދެރަވާނީ ނިކަމެތި ރައްޔިތުން. އިންޑީއާއި ދިވެހިންނަކީ އެތެއް ޒަމާނުއްސުރެ ގާތް އަހުވަންތަ ގުޅުމެތް އޮތްބައެއް. ރީތި ގޮތުގަ ވާހަކަ ދައްކައިގެން ކަންކަން ކުރަންވާނީ. ކުދިންކޮޅެއް ނުކުމެ ހަޑިވުން ވަރަށް ހިތާމަ