ވިލިމާލެ ދާއިރާގެ މެމްބަރު އަހުމަދު ނިހާނު. ސިނގިރޭޓުގެ އަގު ބޮޑުކުރަން ތާއީދުކުރައްވާ
14 ފެބުރުއަރީ 2017 - 11:02
136 comments
ދިވެހިން އާންމުކޮށް ބޭނުންކުރަމުން އަންނަ ސިނގިރޭޓުގެ އަގު ބޮޑުކޮށް، ފޮއްޓެއް 100ރ. އަށް ވުރެ މަތީ އަގެއްގައި ވިއްކަން ޖެހޭ ކަމަށް ވިލިމާލެ ދާއިރާގެ މެމްބަރު އަހުމަދު ނިހާނު މިއަދު ވިދާޅުވެއްޖެ އެވެ.
ސަރުކާރުން އިމްޕޯޓް އެކްސްޕޯޓް ގާނޫނަށް ހުށަހެޅި އިސްލާހަށް ބަހުސް ކުރައްވަމުން ނިހާނު ވިދާޅުވީ ސިނގިރޭޓުން ސިއްހަތަށް ގެއްލުން ލިބޭ ކަމަށް އެންމެން ވެސް ގަބޫލުކުރާ ކަމަށެވެ.
އޭނާ ވިދާޅުވި ގޮތުގައި ބައެއް ކަހަލަ އުފެއްދުންތަކުގެ ސަބަބުން ނުކުމެދާނެ ސިއްހީ މައްސަލަތަކަށް ވިސްނަން ޖެހެ އެވެ. އެ ގޮތުން ދިވެހިންގެ ސިއްހަތަށް މީގެ ކުރީ ސަރުކާރުތަކުން ސަމާލުކަން ނުދޭ ވަރަށް ރައީސް އަބްދުﷲ ޔާމީން ސަރުކާރުން ސަމާލުކަން ދެމުން އަންނަ ކަމަށް ވެސް ނިހާނު ވިދާޅުވި އެވެ.
"ރައްޔިތުން ހޭލުންތެރިކޮށް، އެފަދަ ކަންކަމުން ދުރުކުރުމަކީ ސަރުކާރުން ކުރަން ޖެހޭ ކަމެއް. މި ދެ މަސައްކަތް ވެސް މި ކުރަނީ ރައްޔިތުންގެ ދުޅަހެޔޮ ސިއްހަތަށް ވިސްނާފައި،" މީގެ ކުރިން ދުންފަތުގެ އިސްތިއުމާލް ކުރެއްވި އެކަމަކު ސިއްހީ ނުރައްކާތެރި ހާލަތެއް ކުރިމަތިވެވަޑައިގަތުމުން އެކަން ހުއްޓަވާލެއްވި ނިހާނު ވިދާޅުވި އެވެ.
އޭނާ ވިދާޅުވި ގޮތުގައި އޭޝިއާ އާއި ޔޫރަޕްގެ ގައުމުތަކުގައި ސިނގިރޭޓް ފޮއްޓެއްގެ އަގު އުޅެނީ 10 ޑޮލަރު (154ރ.) އަށް ވުރ މަތީގަ އެވެ. އަދި މިހާރުގެ ގާނޫނަށް އިސްލާހު ގެނެސްގެން، ފާސްކޮށްފި ނަމަ، ސިނގިރޭޓު ފޮއްޓެއްގެ އަގު 92ރ އަށް އަރާނެ ކަމަށް ވެސް އޭނާ ވިދާޅުވި އެވެ.
"އަދިވެސް ހަތަރު ޑޮލަރު (61ރ.) ކުޑަކޮށް [މި އުޅެނީ]. އަޅުގަނޑު ގަބޫލުކުރާ ގޮތުގައި ސިނގިރޭޓަކަށް 4ރ. ހަދަން ޖެހޭ،" ނިހާނު ވިދާޅުވި އެވެ.
"މިވަރުން ގޮސްގެން ނޫނީ ގައުމުގައި މިކަން ހުއްޓޭނެ ގޮތެއް ނެތް. ގާތްގަނޑު 100ރ. ނުވަތަ 200ރ. އަށް ސިނގިރޭޓް ފޮއްޓެއް ގެންދަން ވޯޓު ދޭން މިހުރީ ތައްޔާރަށް."
އެހެންވެ، އިމްޕޯޓް އެކްސްޕޯޓް ގާނޫނަށް އިސްލާހު ގެނައުމުގެ ބިލު ބަލައިގަނެ، އިގްތިސާދީ ކޮމެޓީއަށް ހުށަހަޅައިގެން ބިލަށް ބަދަލުތަކެއް ގެންނަ ނަމަ، އެކަން ކުރަން ޖެހޭ ކަމަށް ވެސް ނިހާނު ވިދާޅުވި އެވެ.
ސަރުކާރުން މިއުޅެނީ ރައްޔިތުން އަތުން ޓެކްސް ނަގައިގެން ކަންކަން ކުރަން ނޫން ކަމަށާއި ދުޅަހެޔޮ ސިއްހަތެއްގައި ތިބުމަކީ ރައްޔިތުންނަށް އެންމެ ހައްގު މިންވަރު ކަމަށް ވެސް ވިދާޅުވި އެވެ.
ކުޑަހުވަދޫ ދާއިރާގެ އެމްޑީއޭ މެމްބަރު އަހުމަދު އާމިރު ހުށަހެޅުއްވި އިސްލާހުގައިވާ ގޮތުން ސޮފްޓް ޑްރިންކާއި އެނާޖީ ޑްރިންކުން ލީޓަރަކަށް 4.60ރ. ނަގަން ވަނީ ކަނޑައަޅައިފަ އެވެ. މިހާރު ސިނގިރޭޓަކުން ޑިއުޓީގެ ގޮތުގައި ނަގާ 1.25ރ. ގެ ބަދަލުގައި 2ރ. ނަގަން ވެސް އެ އިސްލާހުގައިވެ އެވެ.
މަޖިލީހުން ފާސްކުރި 2017 ގެ ބަޖެޓުގައި އާމްދަނީ އިތުރު ކުރުމަށް ހުށަހެޅި ކަންތައްތަކުގެ ތެރޭގައި ސިނގިރޭޓާއި ސޮފްޓް ޑްރިންކާއި އެނާޖީ ޑްރިންކުން ޑިއުޓީ ބޮޑުކުރުން ހިމެނެ އެވެ. ނަމަވެސް މަޖިލީހަށް މިފަހަރު ފޮނުވި އިސްލާހު އޮތީ ބަޖެޓުގައި ހިމެނި ގޮތާ ހިލާފަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން
12 June 2017
ނިހާންގެ އިސްތަށިފުޅު ބައެއް ފަހަރު ފެންނަނީ ކަޅުކޮށް، އަނެއްބައި ފަހަރު ފެންނަނީ ހުދުކޮށް. ދެވަނަ ނިހާނެއް އުޅުއްވަނީތޯ؟
ފެރަޜި
16 February 2017
ތިޔަ އެތެރެ ކުރުން ހުއްޓާލަންވީނު. އޭރުން ތިޔަ ބޯމީހުން އެއްފަހަރުން ހުއްޓުމަކަށް އައީ،، މާނައީ ވަރަށް ބޮޑށް މަދުވާނޭ
އައްޒަމާން
16 February 2017
100 ރުފިޔާ އެއް ނޫން 500 ރުފިޔާއަށްވެސް ސިގިރިރޭޓި ފޮއްޓެއް ތިޔަ ބޭފުޅާއަށް ގަނެވިދާނެ. އާންމު ރައްޔިތުން ބިކަ ހާލުގައި ޖައްސަން އަމާޒު ހިފާފައި.
ރިޒާ
15 February 2017
ޞިއްހަތަށްގެއްލުންހުރި ފައިސާބޭކާރުވާ ތިޒާތުގެތަކެތި އަގުބޮޑުކޮށް އެތެރެނުކުރަންވީ ނިހާނު ވިދާޅުވިބަސްފުޅަށް ތާއީދުކޮށް އަދިވެސް ބޮޑުކުރެއްވުމަކީ އެދޭކަމެއްކަމުގައި ދަންނަވަން
ޑަކުޓަރު
15 February 2017
މީ ހަމަބޭކާރު ކަމެއް. ހޭލުންތެރިކުރަންވީ. ތިޔަށްވުރެ މުހިންމުކަމެއް ނެތީތޯ. ބްރިޖް ފިޔަވާ އެއްވެސް ކަމެއް ނުވޭ... ތަންތަން ތަޅާފަ ގާތްމީހުނަށް ދެނީ .. ހުސްއްނގަ ތަޅަނީ...2018 ވާއިވެސް ބާރަށް ހޮޅިވާހަކަ ދައްކާފަ ގަދަބަސް ބުނެލަބުނެލަ ތިބޭނީ... މިކަންވާނީ ހަމައެކަނި ރައީސް މުޙައްމަދު ނަޝީދަށް.
ބޮކިބޯ
15 February 2017
މީ ކޮންމެހެން ޒުވާނުންނަށް ނުވަތަ އެހެންބަޔަކަށް ހެވެއް އެދިގެން ކުރާކަމެއް ނޫން! ހަމަ ޒުވާންނުން ނުވަތަ އެބޯމީހުން ސަލާން ޖައްސުވަން ވެގެން ކުރާކަމެއް، ސިގިރެޓް ފޮއްްޓަކަށް ވޯޓް ވިއްކާމީހުން ތިބޭނެ މިހެން ހެދީމާ!!!
އަހުމަދު
15 February 2017
ކިއްކުރަން ވިއްކަންވީ؟ އެތެރެ ކުރުން ހުއްޓުވަންވީ. ކިހާ ފައިސާއެއް ބޭރުވަނީ ގައުމުން. ބޭކާރު ކަމެއްގަ.
ސަޒުނާ
15 February 2017
ނިހާން ތިހުށައެޅި ބިލަކީ ވަރަށް މުހިއްމު ބިލެއް. ތިބިލަށް ވަރަށް ތާއީދު. އަދި އަހަރެންގެ މަގުސަދެއްވެސް އެބައޮތް. އެއި ދިވެހި ގައުމުން ސިގިރޭޓު ނައްތާލުން. އަހަރެންގެ ފުރަތަމަ ޖަވާޒީ ހަޔާތް ނިމިގެންދިޔައި ދިޔަ ވިޔާނުދާ ސިގިރޭޓުގެ ސަބަބުން. އަހަރެން ތިކަމަށް ވަރަށް ދާއީދު. ސަލާމް
ހަޖަމް
15 February 2017
ސިނގިރޭޓެއް 100ރ އަށް ހެދިޔަސް ބޯނީ ސިގެރޭޓް މި ޑިއުޓީ އަދި އެހެންކމެއް!!!!! ހެހެހެހެހެ
އިންވެސްޓް
15 February 2017
އަވަހަށް ސިގިރޭޓު ގަނޭ ތި ޑިޔުޓީ ބޮޑުކުރުމުގެ ކުރިން......އިންވެސްޓް