ސައީދު "މިހާރު" އަށް ދެއްވި ހާއްސަ އިންޓަވިއުއެއްގައި ވާހަކަދައްކަވަނީ. އޭނާ ވިދާޅުވީ، އައިއެމްއެފްގެ ޕްރޮގްރާމަކަށް ނުދާނެ ކަމަށް -- ފޮޓޯ: ފަޔާޒް މޫސާ / މިހާރު
16 ފެބުރުއަރީ 2024 - 00:00
63 comments
އިންޓަނޭޝަނަލް މަނިޓަރީ ފަންޑު (އައިއެމްއެފް) ގެ ޕްރޮގްރާމެއްގައި ދިވެހި ސަރުކާރުން ބައިވެރި ނުވާނެ ކަމަށާއި ރާއްޖޭގެ މާލީ މައްސަލަތައް ހައްލު ކުރާނީ ރާއްޖެ އިން ކަމަށް އިކޮނޮމިކް މިނިސްޓަރު މުހައްމަދު ސައީދު މިރޭ ވިދާޅުވެއްޖެ އެވެ.
އޭނާ އެހެން ވިދާޅުވީ، ރާއްޖެ އަށް މާލީ ބޮޑެތި މައްސަލަތަކެއް ކުރިމަތިވެފައިވާ ކަމަށާއި އެހެންވެ އައިއެމްއެފުގެ ޕްރޮގްރާމެއްގައި ބައިވެރިވާން ދިވެހި ސަރުކާރުން ނިންމާފައިވާ ކަމަށް ބުނެ ސޯޝަލް މީޑިއާގައި މިރޭ ފަތުރަން ފެށި ވާހަކަތަކާ ގުޅޭ ގޮތުން "މިހާރު" އިން ސުވާލު ކުރުމުންނެވެ.
ސައީދު ވިދާޅުވީ، ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ހަރަދުތައް ކުރީ ވަރަށް ދޯހަޅި ގޮތަކަށް ކަމަށެވެ. އެކަމަކު، އެ ކަންކަން ހަމަޔަކަށް އަޅުވަން ރިފޯމުގެ މަސައްކަތްތައް ކުރާނީ މި ސަރުކާރުން ކަމަށް އޭނާ ވިދާޅުވި އެވެ. އަދި އެކަމުގައި އިތުރު ބައެއްގެ ބައިވެރިވުމެއް ނޯންނާނެ ކަމަށް ވެސް ސައީދު ވިދާޅުވި އެވެ.
"ރާއްޖެ ވަކި ބައެއްގެ ޕްރޮގްރާމެއްގައި ބައިވެރިއެއް ނުވާނެ. އަދި އައިއެމްއެފް ޕްރޮގްރާމެއްގައި ވެސް ބައިވެރި ނުވާނެ. ކުރާ ހުރިހާ ކަމެއް ކުރާނީ ރާއްޖެއިން،" އޭނާ ވިދާޅުވި އެވެ.
ރާއްޖޭގެމާލީނިޒާމްގެ އިތުބާރުގެއްލުވާލަން ފިލާތިބެ ބަޔަކު މަސައްކަތްކުރަނީ އިންތިޒާރުކުރިގޯސްހާލަތަށް ރާއްޖެވައްޓާނުލެވުމުން ސިޔާސީގޮތުން މާޔޫސްވެގެން.
— Mohamed Saeed (@em_saeed) February 15, 2024
ރާއްޖެވަކިޕްރޮގްރާމެއްގައި ބައިވެރިވާކަށްނުޖެހޭ. އިޤްތިޞާދީޙާލަތު އައްނަނީ ކުރީންލަފާކުރިވަރަށްވުރެންވެސް ބާރަށް ރަނގަޅުވަމުން
އިކޮނޮމިކް މިނިސްޓަރު ސައީދު
ސައީދު ވިދާޅުވި ގޮތުގައި، މާލީ އުނދަގޫ ހާލަތުން އަރައިގަނެ ކުރިއަށް ދާން ފިޔަވަޅުތައް އަޅާތީ، އިގްތިސާދު ދާނީ ކުރިއަށެވެ. އޭނާ ވިދާޅުވީ، ރާއްޖޭގެ އިގްތިސާދު 5.5 ޕަސެންޓުގައި ކުރިއަށް ދާއިރު، ރާއްޖެ އަންނަ ޓޫރިސްޓުން ވެސް އިތުރުވަމުން އަންނަ ކަމަށެވެ. އެހެންވެ، އިގްތިސާދު ހަމަޔަކަށް އެޅުވޭނެ ކަމުގެ ޔަގީންކަން މި ސަރުކާރަށް އެބައޮތް ކަމަށް މިނިސްޓަރު ވިދާޅުވި އެވެ.
ރާއްޖޭގެ ދަރަނި މި ވަގުތު ހުރީ 124 ބިލިއަން ރުފިޔާގަ އެވެ. މިއީ ރާއްޖޭގެ އުފެއްދުންތެރިކަމުގެ ނިސްބަތުން 100 ޕަސެންޓަށް ވުރެ މަތީ އަދަދެކެވެ. ދަރަނީގެ އިތުރުން، މާލީ ހާލަތު ހަމަޔަކަށް އެޅުވޭނީ، ހަރަދުތައް ކުޑަކުރުމަށް ފިޔަވަޅުތައް އަޅައިގެން ކަމަށް އިގްތިސާދީ މާހިރުން ފާހަގަކުރައްވަ އެވެ. އެހެންވެ، މި އަހަރުގެ ބަޖެޓުގައި ވެސް ވަނީ ސަބްސިޑީ ރިޕޯމު ކުރުމަށް މުހިއްމު ފިޔަވަޅުތައް އެޅުމަށް ޕްލޭން ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަގޭ
15 March 2024
ސައީދު ތިހެންބުނެގެން ގަބޫލުކުރާނެ ބަޔަކުވެސް ތިބޭނެ، ސައީދުއަށްވުރެ މާމޮޅު މީހުންތިބި ތަނެއް އައިއެމްއެފް ވޯލްޑްބޭންކް އަދި ރާއްޖޭގައި ފައިނޭސް ދާއިރާއިން ކިޔަވައިގެން ތިބި މީހުން، 5 އަހަރުގެ ދައުރެއް ނިމުނުއިރު ނުބުނޭ ދޯހަޅިއޭ
ފިނިފެންމާ
16 February 2024
އައިއެމްއެފް ތީ ކޮންބައެއް ސައީދަށް ކިޔާދޭން. ސައީދު މާމޮޅުވާނެ.
ޅިންވަޅި
16 February 2024
ހުސްފޮނި، ހާލުގާ ޖެހުނު ދުވަހު ލަންކާއިންވެސް ބެއިލް އައުޓް ކުރީ އައިއެމްއެފް.
އިކޮނޮމިސްޓް
16 February 2024
ޔޫ ވިލް އީޓް ޔޯ ވާޑްސް
ރަދީފްއޮފިޝަލް
16 February 2024
އައިއެމްއެފް ޕްރޮގްރާމަށް ނުދާންވެގެން ނޫންތޯ. އެހައްދުވަހު 30 ހާސް މުސާރައިގެ 10 ވަޒީފާ އުފެއްދީ. އައިއެމްއެފް ޕްރޮގްރާމަށް ހިގައްޖެއްޔާ ބޭނުންހާ ވަރަކަށް ވަޒީފާ އިތުރެއް ނުކުރެވޭނެ.
ވާނެއޭދޯ
16 February 2024
ރާއްޖޭގެ އިގްތިސާދު ފުޅާކުރަން ބޭނުންނަމަ އެބަޖެހޭ ސައުދީ އެރަމްކޯ ނުވަތަ ޗައިނާގެ ސިނޯފާރމް އާއި ގުޅިގެން މާލެ ސަރަހައްދުގެ ގާފަރު ފަޅު ހިއްކާލާ އެތަނުގައި އޮއިލް ރިފައިނަރީ އެއް ހަދަން އަދި ކާށިދޫ ފަޅު ހިއްކައިގެން އެތަނުގައި އިންޓަރނޭޝަނަލް އެއާރޕޯރޓެއް އަޅާ ކާށިދޫ އާއި ގާފަރާއި އަދި މާލެ ބްރިޖް އަކުން ގުޅުވާލަން އެބަޖެހޭ އެއިރުން ދެން ކާށިދޫގައި އިންޑަސްޓްރިއަލް ޕާރކް ހަދާ ކާށިދޫ މީހުން ގެނެސް ރަސްމާލެ އަށް އަޅާލާނީ އެއިރުން ތަރައްގީ
ބޯބުރާންތި
16 February 2024
ޖާބިރު 2004 ން ފެށިގެން މަޖިލީހުގަ ހުރެގެން އެކުރަނީ ތިކަމެންނު. އެލޮން މަސްކް ގެނެސްގެން ކާށިދޫއާ މާލެއާ ދެމެދު ކަނޑުއަޑން ކޭބަލް ކާރު ޓަނަލް އަޅައި ކަނޑުއަޑީގެ ގޭމިން އެންޑް ވޯޓަރ އެންޓަޓެއިންމެންޓް ޖައްސަނީއެންނު.
ދޮހޮއްތު
16 February 2024
މިއީ މިބުނާ ވާޙަކައަކީ … ރަޖިންޓްރީ ނުކުރާ ނޫސްތަކުން ފަތުރާ ބުހުތާނު ދޮގު
އަވަސްކުރާށޭ
16 February 2024
އިންޑިއާ އިން ވަރަށް ޖެލަސް ވާނެ ރާއްޖޭގެ އިގްތިސާދު އިންޑިއާގެ އިގްތިސާދު ފަހަނައަޅާ ހިނގައިދާނެތީވެ އެހެންވެ އެމެން އަޑީގައި ތިބެގެން ފަތުރާ ޕްރޮޕެގެންޑާ އެކޭ އެއީ އައިއެމްއެފް ޕްރޮގްރާމް ގައި ރާއްޖެ ބައިވެރިވާން ޖެހެއޭ ކިޔާ ޕްރޮޕެގެންޑާ ފަތުރަމުންދަނީ ޗައިނާ އާއި އެކު މުއިއްޒުގެ ސަރުކާރުން އެބަޖެހޭ ވަރަށް އެގްރެސިވް ކޮށް ދެގައުމުގެ ކަރަންސީ ބޭނުންކޮށްގެން ޗައިނާ އާއި ރާއްޖެ އާއި ދެމެދު ވިޔާފާރި ކުރަން ފަށަން ފްރީ ޓްރޭޑް އެއްބަސްވުން އަވަސްކުރޭ
ފެންނަގޮތް
16 February 2024
ތިމާމެން ހަދާފައިވާ ހަޑި ފިލުވާ ތިމާމެންނަށް ވުރެ ރަނގަޅަށް ކުރާނެކަން ޔަޤީންވާތީ ބަޔަކު ފަތުރާ ހަބަރުތައް.. 50 ބިލިޔަން ލާރިނަގާ ، ފަސް އަހަރުގެ ބަޖެޓުން ވީ މާބޮޑުކަމެއްނެއް. ކޮށްފައިވާ ކަންކަމަށް ވެސް ހުރީ ލާރި ނުދައްކާ ދަރުވާފަ.
ވިސްނާށޭ
16 February 2024
ރާއްޖޭގެ އިގްތިސާދު ފުޅާކޮށް ދަރަނިން ސަލާމަތް ވާން ބޭނުންނަމަ ރާއްޖޭގެ އާބާދީ ގެންނަންވީ މާލެ ސަރަހައްދަށް އެގޮތުން ބަލާއިރު އާބާދީގައި 10 ހާސް ނޫޅޭ ހުރިހާ ރަށްރަށު މީހުންނަށް މާލެ ސަރަހައްދުން ގޯއްޗާއި ފްލެޓްސް ދޭންވީއޭ ސަރުކާރުން ރާއްޖެތެރެއަށް އެއްގޮތަކަށް ވެސް ކެޕެކްސް ޚަރަދު ނުކުރަންވީއޭ އެއިރުން ރާއްޖޭގެ ބަޖެޓް އަރަނިވެ ޑޮލަރެއް 10 ރުފިޔާ އަށް ގަންނަން ލިބޭނެއޭ ދެން އަނެއްކޮޅުން ރާއްޖޭގައި ގަވާއިދާއި ޚިލާފަށްއުޅޭ ހުރިހާ ބިދޭސީން ފޮނުވާލާށޭ
އެއްފަސް
18 February 2024
މި އުޅޭ ބޯބުރާންތި ދިވެހިން ތިކަން ޤަބޫލެއް ނުކުރޭ އަދި ވެސް. ކުދި ރަށްރަށުގައި އާބާދީ ބައިބައިވެގެން ތިބެގެން ކިހިނެތް ތަރައްޤީ ކުރެވޭނީ. ކިހާ ޚަރަދެއްތަ ދުވާލެއްގެ މައްޗަށް ކޮންމެ ރަށަކަށް ކުރަންޖެހެނީ.
ދައްކާލާށޭ
16 February 2024
ރާއްޖޭގެ އިގްތިސާދު ފުޅާކޮށް ވަރުގަދަ ކުރުމަށްޓަކައި އިންޑިއާ އަށްާ ބަރޯސާ އެއްކޮށް ނައްތާލާ އިންޑިއާ އިން ނަގާފައިވާ ބޮޑު ލޯން ތައް ދެއްކުމަށް ޓަކައި މާލެ ސަރަހައްދުން ގިނަ އަދަދެއްގެ ފަޅު ތައް އެމްޓީސީސީ އަށް ދީގެން ހިއްކާ އެތަނުން ހިއްކާ ބިންތަކުން މަހަކު 1 ބިލިއަން ޑޮލަރު ލިބޭނެ އުސޫލުން ބިންތައް ވިއްކާ އެފައިސާ އިން އެއް ފަހަރާ އިންޑިއާ އަށް ދައްކަން ޖެހޭ ދަރަނި ދައްކާ ޚަލާސް ކޮށް ހަދާ އަދި ޗައިނާ އަށް ދައްކަން ޖެހޭ ދަރަނި ވެސް މިގޮތަށް