ހުޅުމާލޭގައި ހަރުކޮށްފައި ހުންނަ ސޯލާ ޕެނަލްތަކުގެ ސްޓްރަކްޗާއަށް ޓެކްސީއެއް އަރައިފައި.-- ފޮޓޯ: އެކްސިޑެންޓް އެމްވީ
20 ފެބުރުއަރީ 2024 - 11:12
50 comments
މާލެ-ހުޅުމާލެ ހައިވޭ ނިމޭ ހިސާބުގައި، ހުޅުމާލޭގައި ހަރުކޮށްފައި ހުންނަ ސޯލާ ޕެނަލްތަކުގެ ސްޓްރަކްޗާއަށް ޓެކްސީއެއް އަރައި އެ ވެހިކަލްގައި އިން ޑްރައިވަރަށް މިއަދު އަނިޔާވެއްޖެ އެވެ.
ފުލުހުން ބުނީ، ހުޅުމާލެ މިދިލިމަގުން ދުއްވާފައި ދިޔަ ކާރެއް ސޯލާ ޕެނަލް ހަރުކުރުމަށް ޖަހާފައި ހުންނަ ހޮޅިތަކުގައި ޖެހި އެކްސިޑެންޓެއް ހިނގާފައިވާ ކަމުގެ މައުލޫމާތު މިއަދު ހެނދުނު ނުވައެއް ޖަހާކަށް ހާއިރު ލިބިފައިވާ ކަމަށެވެ.
މި އެކްސިޑެންޓުގައި ކާރު ދުއްވަން އިން ޑްރައިވަރަށް އަނިޔާވުމުން ހުޅުމާލެ ހޮސްޕިޓަލުގައި މިހާރު އޭނާ އަށް ފަރުވާދެމުން އަންނަ ކަމަށް ވެސް ފުލުހުން ބުންޏެވެ.
އެކަމަކު، އޭނާ އަށް ލިބުނު އަނިޔާގެ ތަފުސީލު އަދި ނުލިބެ އެވެ.
ސޯޝަލް މީޑިއާގައި އާންމުކޮށްފައިވާ ފޮޓޯ އަދި ވީޑިއޯތަކުން ފެންނަ ގޮތުގައި، މި އެކްސިޑެންޓުގައި ޓެކްސީގެ ކުރީކޮޅު އޮތީ ވަރަށް ބޮޑަށް ހަލާކުވެފަ އެވެ. ސޯލާ ޕެނަލް ހަރުކުރަން ޖަހާފައި ހުރި ހޮޅިދަނޑި ވެސް އޮތީ ބަޅުވެފަ އެވެ.
ހުޅުމާލޭގައި ހަރުކޮށްފައި ހުންނަ ސޯލާ ޕެނަލްތަކުގެ ސްޓްރަކްޗާއަށް ޓެކްސީއެއް އަރައިފައި.
ފުލުހުން ބުނީ މި މައްސަލަ ތަހުގީގު ކުރަމުން އަންނަ ކަމަށެވެ.
މާލެ-ހުޅުމާލެ ހައިވޭގައި ހުންނަ ސޯލާ ޕެނަލްތަކަށް ކާރާއި އެހެން ބާވަތުގެ ވެހިކަލްތައް އަރައި މީގެ ކުރިން ވެސް އެކި ފަހަރު މަތިން އެކްސިޑެންޓުތައް ހިނގާފައިވެ އެވެ. އަދި އެ އެކްސިޑެންޓުތަކުގައި ވެހިކަލްތަކަށާއި ސޯލާ ޕެނަލްތަކަށް ބޮޑެތި ގެއްލުންތައް ލިބިފައިވެ އެވެ.
އާންމުންގެ ރައްކާތެރިކަމަށްޓަކާ ހައިވޭގައި ހުރި ސޯލާ ޕެނަލްތައް ނަގައި، އެ އެއްޗެހި އެހެން ތަނަކަށް ބަދަލުކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. އެ މަނިކުފާނުގެ ވެރިކަމުގެ ފުރަތަމަ 100 ދުވަހުގެ ތެރޭގައި ކުރަން ކަނޑައެޅި ކަންކަމުގެ ތެރޭގައި ވެސް އެކަން ހިމެނެ އެވެ.
ވޯލްޑް ބޭންކްގެ އެހީގައި ހިންގަމުން އަންނަ އެ މަޝްރޫއުގެ އަގަކީ 11 މިލިއަން ޑޮލަރު (169 މިލިއަން ރުފިޔާ) އެވެ. އެ މަޝްރޫއުގެ އަމަލީ މަސައްކަތް ގާތްގަނޑަކަށް ނިމިފައިވާއިރު، ސޯލާ ޕެނަލްތައް އެތަނުން ނެގުމާ ގުޅޭ ގޮތުން ވޯލްޑް ބޭންކާ އެކު މަޝްވަރާ ކުރަމުން އަންނަ ކަމަށް ތިމާވެއްޓާ ބެހޭ މިނިސްޓްރީން މިދިޔަ މަހު ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިވޭ ބޮޑު މީހާ
21 February 2024
ތިޔަ ޕެނަލް ތަކެއް އެތަނުގައި ނެތް ނަމަ އެ ސޮރު ގޮސް ކާރާއެކު ވެއްޓޭނީ މޫދަށް. މިފަހަރު އޭނަގެވެސް ކާރުގެވެސް ނަސީބުވެރިޔަކީ ޕެނަލްތައް. އެހެންވެ ބުނަނީ ބަލައިގެން ދުއްވާށޭ
އަހަރަކު
21 February 2024
އަހަރަކު މަދުވެގެން އެއްފަހަރު ވާންޖެހޭ ކަމެއްތަމިއީ؟
އެކްސިް
21 February 2024
ސޯލޭ ޕެނަލް ތަންކޮޅެއް ބަލައިގެން ދުއްވާނަމަ ދޯ
ސައިނީސް
20 February 2024
ކޮބާހޭ ތިތަން ހިމާޔައް ކުރަން ޖަހަންޖެހޭ ބެރިޔާސް ތައް ، މިކަމަށްވެސް ޓިކްޓޮކެއް ކުޅެފަ ވެރިމީހާއަށް ޓެގް ކޮށްގެން ދޯ މިކަން ވާނީ
އައްބެ
20 February 2024
މަގުގެ އަރިމަތީގައި އެއްވެސް އެއްޗެއް ނުބަހައްޓާ. އޭރުން ދާގޮތަށް މޫދަށޭނުން ދާނީ. ދައުލަތުގެ މުދާ ސަލާމަތްވާނެތާ.
އަލިމަނިކުފާނު
20 February 2024
ތިޔަކަހަލަ އެކްސިޑެންޓު ތަކުގައި ސަރުކާރަށް ލިބޭ ގެއްލުމާއި ޢަންމު މީހާއަށް ލިބޭ ގެއްލުމުގެ ބަދަލު އެފަރާތުން ހޯދަން ފަށަންވެއްޖެ. އޭރުން އެކްސިޑެންޓު ވަރަށް ބޮޑަށް މަދުވާނެ
ޕޮއްޕޮ
20 February 2024
ތިޔޮއް ބޮޑު މުޅި ސަރަހައްދުގަ ސޯލަރ ޖަހައިގެން ލިބެނީ 5 މެގަވޮޓް އެވެސް ދުވާލަކު އެންމެ 8 ގަޑިއިރު. ފޭސް-1 ގަ ކުުރީ ސަރުކަރުން ހެދި ޕަވަރހައުސްގަ ހުރި 5 ޖެނަރޭޓަރުން ޖުމުލަ 50 މެގަވޮޓް އުފައްދާ ވީމަ އޭގެ އެންމެ ޖެނެރޭޓަރަކުުންވެސް ތިޔޯއްހާ ޕެނަލްތަކުން އުފައްދާ ކަރަންޓައްވުރެ މާގިނައިން އުފައްދާ. ޢެތަނަށް އެކަތިލާފަ ތިޔަ ހައިވޭގަ ހުރިި ޕެނަލްތައްނަގާ އަވަހަށް. ފ
ހިލޭ ކަރަންޓް
21 February 2024
ކޮންމެ ޖަނެރޭޓަރަކުން ކަރަންޓް އުފައްދަނީ އެތައް މިލިއަން ރުފިޔާއެއްގެ ތެޔޮ އަންދައިގެން... އެކަމު ސޯލާ ޕެނަލްއިން ކަރަންޓް އުފައްދަނީ ހިލޭ... އެޔަށް ބޮޑު އަގުގަ ތެޔޮ ގަނެފަ ތެޔޮ އަޅާކަށް ނުޖެހޭ... ނަތީޖާ އަކީ ކަރަންޓުގެ އަގު ހެޔޮވުން.. ސާފު ވެއްޖެތަ މިހާރު..؟؟ ނުވިދޯ އަދިވެސް ސާފެއް..؟
ފަސޭހަވަނީ
20 February 2024
ޕެނަލްތައް ނެގުމުގެ ވައުދު ފަސޭހައިން ފުއްދޭނެ ގޮތް ހަމަ ތިވަނީ.. ޕެނަލްތައް ނަގަން މާ ބުރަ މަސައްކަތެއް ކުރާކަށްނުޖެހޭނެ ކާރުތައް ގޮސް ޖެހި ހޮޅިތައް އަމިއްލައަށް ނެއްޓެން ފެށީމަ.
ގައްޑާ މޯޑިސް
20 February 2024
ޢާއްމުންގެ ރައްކަލަކަށް މަގާއި އިންވެގެން 100 މީޓަރުގެ ހުސް ބިމެއް ބާއްވަންވީނު. އާނ އެހެންޏާ ތި ދަގަނޑުތަކަކީ ގައިމު ދުއްވަން ހަދާފަ އޮތް މަގުމަތީ ހުރި އެއްޗެއްނޫން. އެކަމަކު އެއޮތީ އަރާފަޔާ އެއަށް. ގަހެއް އެއްޗެއްވެސް މަގާއި އިންވެގެން ނުބަހައްޓާތި.
ޑްރައިވަރު
20 February 2024
ރަނގަޅު ވާހަކައެއް. ބައެއް މީހުންނަށް ހީވާކަހަލަ ކާރަށް އެރުނީމާ ތިމަންނާ ބޭނުން ގޮތަކަށް ދުއްވޭނެއޭ. އެއީ މީހަކާބެހޭ ކަމެއްނޫނޭ. 2 އަހަރަށް ލައިސަންސް ހިފަހައްޓަންވީ
ޙަމަޅި
20 February 2024
ޜުފިޔާ ހޯދަން ބޫތު ކައިގެން ރެއާއި ދުވާލު ނުނިދާ ނުކައި ނުބޮއި އަބަދު ވެހިކަލް ދުއްވުމަކީ މިކަހަލަ ނުރައްކާތެރި ކަންނަން ހިގަން މެދުވެރިވާ ސަބަބެއްކަން ޔަޤީން.